Qoraqalpoq yoshlar bilan uchrashdik
Qoraqalpog‘istonga tashrifimiz davom etmoqda. Bugun hududning eng faol, tashabbuskor, madaniyat va san’at sohasida ta’lim olayotgan, yuqori natijalarga erishib, tengdoshlariga o‘rnak bo‘layotgan bir guruh yoshlari bilan uchrashdim.
Yoshlar mamlakatning eng katta boyligi, kuch-qudrati, tayanchi va suyanchidir. Ko‘zda tutilgan ulkan maqsadlar ijobatini, Vatanimiz kelajagini biz aynan navqiron avlod kamoloti bilan bog‘liq holda ko‘ramiz. Shuning uchun ham Prezidentimiz boshchiliklarida yurt farzandlariga keng imkoniyatlar yaratib berilmoqda.
Ularni kasb-hunarga o‘qitish, bandligini ta’minlash, bo‘sh vaqtini mazmunli o‘tkazish, ijtimoiy qo‘llab-quvvatlash, iste’dod va salohiyatini ro‘yobga chiqarish borasida noyob tizim yaratildi.
Yoshlar taraqqiyoti indeksiga ko‘ra, O‘zbekiston yoshlar siyosati sohasida eng tez rivojlanayotgan mamlakatlardan biri sifatida xalqaro miqyosda e’tirof etilgani ham bejiz emas.
Mana shunday e’tibor va g‘amxo‘rlikdan unumli foydalanib, bugun qoraqalpoq yoshlari ham xalqaro fan olimpiadalari, turli ko‘rik-tanlovlar, festivallar, madaniyat tadbirlarida o‘z iqtidorlarini yorqin namoyish etib, Vatanimiz nomini ulug‘lashga munosib hissa qo‘shib kelishmoqda. Ularning yutug‘i barchamizga katta xursandchilik bag‘ishlamoqda.
Muloqot chog‘ida ana shunday shijoatli yigit-qizlarning fikr-mulohazalari, takliflari, tashabbuslarini, o‘ylantirayotgan masalalarini tinglab, mas’ullarga tegishli topshiriqlar berdim.
Uchrashuv shaxsan menda yorqin taassurot qoldirdi. O‘zim uchun katta kuch oldim. Qoraqalpog‘istonning iste’dodli farzandlariga o‘qishda, ijodiy faoliyatlarida ulkan muvaffaqiyatlar tiladim. Bunday muloqotlarni an’ana shaklida muntazam davom ettirish niyatidamiz.
🚀 Telegram / 📷 Instagram
Qoraqalpog‘istonga tashrifimiz davom etmoqda. Bugun hududning eng faol, tashabbuskor, madaniyat va san’at sohasida ta’lim olayotgan, yuqori natijalarga erishib, tengdoshlariga o‘rnak bo‘layotgan bir guruh yoshlari bilan uchrashdim.
Yoshlar mamlakatning eng katta boyligi, kuch-qudrati, tayanchi va suyanchidir. Ko‘zda tutilgan ulkan maqsadlar ijobatini, Vatanimiz kelajagini biz aynan navqiron avlod kamoloti bilan bog‘liq holda ko‘ramiz. Shuning uchun ham Prezidentimiz boshchiliklarida yurt farzandlariga keng imkoniyatlar yaratib berilmoqda.
Ularni kasb-hunarga o‘qitish, bandligini ta’minlash, bo‘sh vaqtini mazmunli o‘tkazish, ijtimoiy qo‘llab-quvvatlash, iste’dod va salohiyatini ro‘yobga chiqarish borasida noyob tizim yaratildi.
Yoshlar taraqqiyoti indeksiga ko‘ra, O‘zbekiston yoshlar siyosati sohasida eng tez rivojlanayotgan mamlakatlardan biri sifatida xalqaro miqyosda e’tirof etilgani ham bejiz emas.
Mana shunday e’tibor va g‘amxo‘rlikdan unumli foydalanib, bugun qoraqalpoq yoshlari ham xalqaro fan olimpiadalari, turli ko‘rik-tanlovlar, festivallar, madaniyat tadbirlarida o‘z iqtidorlarini yorqin namoyish etib, Vatanimiz nomini ulug‘lashga munosib hissa qo‘shib kelishmoqda. Ularning yutug‘i barchamizga katta xursandchilik bag‘ishlamoqda.
Muloqot chog‘ida ana shunday shijoatli yigit-qizlarning fikr-mulohazalari, takliflari, tashabbuslarini, o‘ylantirayotgan masalalarini tinglab, mas’ullarga tegishli topshiriqlar berdim.
Uchrashuv shaxsan menda yorqin taassurot qoldirdi. O‘zim uchun katta kuch oldim. Qoraqalpog‘istonning iste’dodli farzandlariga o‘qishda, ijodiy faoliyatlarida ulkan muvaffaqiyatlar tiladim. Bunday muloqotlarni an’ana shaklida muntazam davom ettirish niyatidamiz.
🚀 Telegram / 📷 Instagram