Sening maftuning
Yaxshiki yigitda er yuragi bor,
U sevsa, hech qachon yonmas yashirin.
Sevging toʻgʻrisida oʻzing ochding soʻz,
Ey koʻzi qop-qora, soʻzlari shirin!
Mening sevganimni hali bilmasding,
Tanho oʻrtanishdan men oldim lazzat
Dilimni kemirgan muhabbat sirin
Oʻzim ardoqladim, ham qildim izzat.
Qalbimga yozilgan muhabbat soʻzi
Oʻyimni chulgʻadi mening har minut;
Lekin ishondimki, sen soʻz ochmasang,
Shu dardda oʻlsam ham etaman sukut.
Hatto bilmas edim, sevarmiding sen,
Balki sevganingdir bir baxtiyor qiz.
Balki xayolingdan men behad yiroq,
Ammo sen dilimda kecha-yu kunduz.
Faqat oʻyladimki, uyatdir qizga
Yigitga sevgisin aylasa izhor.
Bu – dogʻ solar dedim qizning husniga,
Endi iloji yoʻq boʻlmayin iqror.
Uzoq men axtardim, ammo oʻzimda
Bir kuch topolmadim sevgidan ustun!
Men seni sevaman, sehrgar yigit,
Butun borligʻim-la men senga maftun.
© Zulfiya (1942)
@otanazarzoda
Yaxshiki yigitda er yuragi bor,
U sevsa, hech qachon yonmas yashirin.
Sevging toʻgʻrisida oʻzing ochding soʻz,
Ey koʻzi qop-qora, soʻzlari shirin!
Mening sevganimni hali bilmasding,
Tanho oʻrtanishdan men oldim lazzat
Dilimni kemirgan muhabbat sirin
Oʻzim ardoqladim, ham qildim izzat.
Qalbimga yozilgan muhabbat soʻzi
Oʻyimni chulgʻadi mening har minut;
Lekin ishondimki, sen soʻz ochmasang,
Shu dardda oʻlsam ham etaman sukut.
Hatto bilmas edim, sevarmiding sen,
Balki sevganingdir bir baxtiyor qiz.
Balki xayolingdan men behad yiroq,
Ammo sen dilimda kecha-yu kunduz.
Faqat oʻyladimki, uyatdir qizga
Yigitga sevgisin aylasa izhor.
Bu – dogʻ solar dedim qizning husniga,
Endi iloji yoʻq boʻlmayin iqror.
Uzoq men axtardim, ammo oʻzimda
Bir kuch topolmadim sevgidan ustun!
Men seni sevaman, sehrgar yigit,
Butun borligʻim-la men senga maftun.
© Zulfiya (1942)
@otanazarzoda