OnlineEdu.uz

❗Adabiyot nafaqat kitob o‘qish, balki o‘quvchilarni hayotga tayyorlaydigan ko‘nikmalarni shakllantiradi. Quyida uning asosiy afzalliklari so‘z yuritamiz:

1️⃣Tanqidiy fikrlashni rivojlantiradi
O‘quvchilar voqealarni tahlil qilish, sabablari va natijalarini tushunish orqali tanqidiy fikrlashni o‘rganadilar. Bu ko‘nikma ularga boshqa fanlarda va hayotda foydali bo‘ladi.

2⃣Tasavvurni kengaytiradi
Adabiyot orqali o‘quvchilar turli davr va madaniyatlar haqida bilib, o‘z tasavvurlarini boyitadilar. Bu ijodkorlik va yangicha fikrlash qobiliyatini rivojlantiradi.

3⃣Empatiyani shakllantiradi
Asar qahramonlarining his-tuyg‘ularini tushunish orqali o‘quvchilar boshqalarga mehr-muhabbat va bag‘rikenglik bilan qarashni o‘rganadilar. Bu esa ularning ijtimoiy ko‘nikmalarini kuchaytiradi.

4⃣Nutqni rivojlantiradi
Chiroyli yozilgan asarlar o‘quvchilarning so‘z boyligini kengaytirib, fikrlarini aniq va chiroyli ifoda qilishga yordam beradi. Bu, ayniqsa, og‘zaki va yozma nutqda muhimdir.

5⃣ Ilhomlantiradi
Adabiyot insonlarni yangi g‘oyalar yaratishga, o‘z maqsadlariga erishishga ilhomlantiradi. Tarixiy va zamonaviy asarlar muvaffaqiyatga erishgan insonlarning tajribasidan saboq olish imkoniyatini beradi.

6️⃣Hayotiy qadriyatlarni o‘rgatadi
Adabiyot axloqiy masalalar va hayotiy saboqlar orqali o‘quvchilarni to‘g‘ri qaror qabul qilishga va jamiyatda faol ishtirok etishga undaydi.

7️⃣Stressni kamaytiradi
Kitob o‘qish orqali o‘quvchilar o‘zlarini xotirjam his qilishadi va halovat topadilar. Adabiyot bu jihatdan terapiya vositasi sifatida ham ishlaydi.

❤️ Adabiyot o‘quvchilarning intellektual, hissiy va ijtimoiy rivojlanishiga xizmat qiladigan qudratli vositadir. Bu nafaqat bilim manbai, balki hayot yo‘lini yorituvchi mayoqdir.

@onlineedu_uz

🇨🇳 Xitoy hukumatining 2025-yildan boshlab barcha davlat muassasalarida sun'iy intellektdan foydalanishni majburiy qilish to‘g‘risidagi qarori e'lon qilindi.

Xitoy prezidenti Si Szinpinning aytishicha, qaror texnologik rivojlanishni tezlashtirish va davlat boshqaruvida innovatsiyalarni kengaytirish uchun qabul qilingan. Endi sun’iy intellekt ta’lim, sog‘liqni saqlash va hatto huquqni muhofaza qilish tizimlarida majburiy vosita sifatida ishlatiladi.

Manba: Bayroqdor

@onlineedu_uz

❗️O‘qituvchilar va siyosiy jarayonlar: Adolat va haqiqatga xizmat qilish

O‘qituvchilar jamiyatning ma’naviy va intellektual poydevorini yaratishda hal qiluvchi rol o‘ynaydi. Ular nafaqat bilim beruvchi, balki tarbiyachi va jamiyatning ijtimoiy-siyosiy jarayonlariga ta’sir ko‘rsatuvchi shaxs sifatida ham faol bo‘lishlari kerak. Bugungi kunda o‘qituvchilarning siyosiy jarayonlarga befarqligi yosh avlodning bu sohada xabardorlik darajasiga salbiy ta’sir ko‘rsatishi mumkin.

❓Nega o‘qituvchilar siyosiy jarayonlardan xabardor bo‘lishlari kerak?
⏺Adolatni o‘rgatish: Siyosiy jarayonlar haqida bilimga ega o‘qituvchi o‘quvchilarni adolat va haqiqiy ma’nodagi fuqarolik pozitsiyasini shakllantirishga yo‘naltiradi.
⏺Xabardorlik va tanqidiy fikrlash: Siyosiy jarayonlarni tushunadigan o‘qituvchi o‘quvchilarga turli fikrlarni tahlil qilish va mustaqil qarorlar qabul qilish ko‘nikmasini beradi.
⏺Faol fuqarolik pozitsiyasi: O‘qituvchilar siyosiy jarayonlarga befarq bo‘lmagan taqdirda, ular o‘quvchilarni ham jamiyat hayotida faol bo‘lishga ilhomlantiradi.

⚡️O‘qituvchi siyosiy jarayonlarda qanday ishtirok etishi kerak?
🟢Adolatga xizmat qilish: O‘qituvchi har doim haqiqatni izlashga intilib, yolg‘on va noto‘g‘ri axborot tarqatmasligi kerak. Ularning faoliyati faqat adolat va haqiqatga xizmat qilishi lozim.
🟢Xolis bo‘lish: Siyosiy jarayonlarga qiziqish bildirgan holda, o‘qituvchi o‘zining shaxsiy qarashlarini o‘quvchilarga majburlamasligi, balki ularga neytral va obyektiv ma’lumotlarni yetkazishi kerak.
🟢Demokratik qadriyatlarni targ‘ib qilish: Fuqarolik huquqlari, erkinlik, adolat va qonun ustuvorligini o‘quvchilarga yetkazish o‘qituvchilarning asosiy vazifalaridan biridir.

📌O‘qituvchi yolg‘on axborot yoki siyosiy manipulyatsiyalarga vosita bo‘lishga yo‘l qo‘ymasligi lozim. Bu:
🔘O‘quvchilarning ishonchini saqlash,
🔘 Jamiyatda ishonchli fuqarolarni tarbiyalash,
🔘Siyosiy jarayonlarning sog‘lom rivojlanishiga hissa qo‘shish uchun muhimdir.

📌O‘quvchilarni siyosiy xabardorlikka yo‘naltirish
⏩Siyosiy fanlarni rivojlantirish: Siyosiy bilimlarni yoshlar orasida targ‘ib qilish uchun ta’lim dasturlariga fuqarolik bilimlari va siyosiy jarayonlarni o‘rgatuvchi mavzularni kiritish lozim.
⏩Munozaralar va forumlar tashkil qilish: O‘quvchilarni turli siyosiy mavzularda ochiq munozaralarda ishtirok etishga undash.
⏩Axborot manbalarini tanlashni o‘rgatish: To‘g‘ri va ishonchli axborot manbalarini ajrata olish ko‘nikmasini shakllantirish zarur.

❗O‘qituvchi — jamiyatning tarbiyachisi. U o‘quvchilarni siyosiy jarayonlarda faol ishtirok etadigan, adolatni qadrlaydigan va haqiqiy fuqarolik tamoyillariga rioya qiladigan shaxslar sifatida tarbiyalashi kerak. Faqat shundagina biz kuchli, ongli va adolatparvar jamiyatni shakllantirishimiz mumkin.

Siz qanday fikrdasiz? O‘qituvchilar siyosiy jarayonlarda qanday ishtirok etishi lozim deb o‘ylaysiz?
@onlineedu_uz

Imlo qoidalariga rioya qiling!

🔰O‘qituvchi – bilim va madaniyat targ‘ibotchisi. Shuning uchun u har doim imlo qoidalariga rioya qilishi shart. Xato yozish o‘qituvchining obro‘sini tushiradi va uning bilim darajasi haqida noto‘g‘ri tasavvur uyg‘otadi.

Imlo qoidalariga rioya qilmaslik nafaqat beparvolik, balki o‘z ishiga jiddiy qaramaslikni ko‘rsatadi. Agar o‘qituvchi so‘zlar va jumlalarni to‘g‘ri yozmasa, qanday qilib o‘quvchilarni to‘g‘ri yozishga o‘rgatadi va ta'lim beradi?

❗️Unutmang, yozishmalardagi xatolar insonning bilimiga bo‘lgan ishonchga ham putur yetkazadi!

@onlineedu_uz

❗O‘quvchining ota-onasi bilan birga masjidga borishi – bu har bir insonning shaxsiy huquqi va diniy e’tiqod erkinligining bir qismidir. Maktab yoki o‘qituvchini bu holat uchun aybdor qilish mutlaqo asossiz va absurd. Chunki:

1⃣Bola darsdan tashqari vaqtlarda qanday faoliyat bilan shug‘ullanishini asosan ota-onasi hal qiladi. Masjidga borish kabi diniy amallar oila qaroriga bog‘liq va maktab bu jarayonga aralasha olmaydi.

2⃣Konstitutsiyaviy huquqlarga ko‘ra, har kim o‘z e’tiqodi bo‘yicha diniy marosimlarda qatnashish huquqiga ega. Bu huquq bolalar va ularning ota-onalariga ham tegishli.

3⃣Maktabning asosiy vazifasi sifatli ta’lim berishdir. O‘quvchining darsdan tashqari oilaviy faoliyatlari maktab ma’muriyati yoki o‘qituvchining nazorati doirasiga kirmaydi.

4⃣Jamiyatda turli diniy e’tiqodlar mavjud bo‘lib, ular o‘zaro hurmat asosida qabul qilinishi kerak. Masjidga borish ham shunday qadriyatlar qatoriga kiradi.

➡️ Shuning uchun o‘quvchining masjidga borishini maktab yoki o‘qituvchiga bog‘lab, aybdor qilish adolatsiz va mantiqsizdir.

Izoh: Rasm "Shokir Tursun qarashlari" kanalidan olindi.

@onlineedu_uz

Maktabgacha va maktab taʼlimi vaziri Hilola Umarova oʻzining yangi yil tabrigida yana islohotlar vaʼda qilmoqda. Taʼlim sohasiga begona boʻlmaganlar esa "islohot" desa yuragi bezillaydigan boʻlib qolgan.

Kelayotgan yangi yilda vazirlikning mantiqsiz va maqsadsiz islohotlari va nihoyat barham topib, taʼlim normal izga qaytishini, taʼlim sohasi vakillari "koʻksiga shamol tegishini" tilab qolaman.

Kirib kelayotgan yangi, 2025-yil muborak boʻlsin!

Komiljon Jalilov sahifasidan olindi.

@onlineedu_uz

“Darslarni paltoda o‘tkazmaslikni orzu qilamiz”

❗️O‘zbekistonda maktab o‘quvchilarining 60 foizdan ortig‘i qishda dars mashg‘ulotlarini kurtka va bosh kiyimlarda o‘tkazadi, chunki sinfxonalar sifatsiz ko‘mir yordamida isitiladi.Sinfxonalari ko‘mirda isitiladigan har bir maktabda amaldagidan 10−15 barobar ko‘proq ko‘mir yoqila boshlasagina, bolalar yengil kiyimda o‘tirishlari mumkin, biroq u holda tutundan nafas olishlariga to‘g‘ri keladi.

Manba: bu yerda

✔️ Ta’lim tizimidagi islohotlar barcha hududlarda teng va adolatli amalga oshirilishi lozim. Prezident maktablariga qaratilgan e’tibor bilan bir qatorda, qishloq maktablarining sharoitlarini yaxshilash, ularning moddiy-texnik bazasini mustahkamlash va o‘qituvchilarning malakasini oshirish orqali ta’lim sifatini oshirish zarur. Faqat shundagina ta’lim tizimida haqiqiy adolat va tenglikka erishish mumkin.

@onlineedu_uz

🎒 Ta’til davrida bajariladigan tavsiyalar
_
Hurmatli o‘quvchilar! Ta’til vaqtida vaqtni mazmunli o‘tkazish va sog‘lom hayot tarzini saqlash uchun quyidagi tavsiyalarga amal qiling:

📚 Kitob o‘qing:
Har kuni kamida 30 daqiqa o‘zingiz yoqtirgan kitoblarni o‘qing. Bu nafaqat bilim orttirishga yordam beradi, balki fikrlash doirangizni kengaytiradi.

📝 Reja tuzing:
Ta’til davomida bajaradigan ishlaringizni yozib chiqing. Rejaga rioya qilish vaqtni samarali o‘tkazishga yordam beradi.

🤸‍♂️ Faol bo‘ling:
Har kuni ertalab badantarbiya qiling yoki ochiq havoda sayr qiling. Bu sog‘ligingizni mustahkamlaydi va energiyangizni oshiradi.

👨‍🍳 Yangi narsalarni o‘rganing:
Yangi qobiliyatlarni rivojlantirishga harakat qiling. Masalan, taom tayyorlashni, rasm chizishni yoki qo‘shiq aytishni o‘rganing.

🌐 Foydali kontentni ko‘ring:
Internetda vaqtni bekor o‘tkazmang. Ta’limiy videolar va foydali dasturlarni tomosha qiling.

💡 Tajriba o‘tkazing:
Fan va texnologiyaga qiziqsangiz, uy sharoitida oddiy ilmiy tajribalar o‘tkazing.

🤝 Oila va do‘stlar bilan vaqt o‘tkazing:
Oilangiz va yaqinlaringiz bilan ko‘proq muloqotda bo‘ling. Ularga yordam berish orqali chin dildan minnatdorlik his qilasiz.

📱 Texnik vositalardan cheklangan holda foydalaning:
Telefon va kompyuterda vaqtni chegaralang, ko‘zingizni va ruhiyatingizni himoya qiling.

🛠 Xonani tartibga keltiring:
O‘z xonangizni tozalab, tartibni saqlang. Bu odat sizni mas’uliyatli qiladi.

🔑 Xavfsizlik qoidalariga rioya qiling:
Yo‘l harakati, elektr asboblari va boshqa xavfli holatlar haqida o‘zingizni ehtiyot qiling.

🎉 Ta’tilni samarali va quvnoq o‘tkazing! Sizning muvaffaqiyatingiz biz uchun muhim.
— O‘qituvchingiz ❤️

@onlineedu_uz

👨‍👩‍👧‍👦 Hurmatli ota-onalar!
Farzandlaringizning ta’til vaqtini mazmunli va foydali o‘tkazishida sizning ishtirokingiz juda muhim. Birgalikda o‘tkazilgan vaqt ularning intellektual va shaxsiy rivojlanishiga katta hissa qo‘shadi.

Farzandingiz bilan ta’tilni samarali o‘tkazish uchun tavsiyalar:

📚 Birgalikda kitob o‘qing:
Farzandingizning sevimli kitobini tanlab, uni birga o‘qib chiqing va muhokama qiling. Bu, nafaqat bilimni oshiradi, balki o‘qishga bo‘lgan qiziqishni kuchaytiradi.

🕹 Rivojlantiruvchi o‘yinlar o‘ynang:
Mantiqiy o‘yinlar, konstruktiv loyihalar va boshqotirmalar bola fikrlash qobiliyatini rivojlantiradi.

🏞 Tabiatga sayohat qiling:
Farzandingiz bilan park yoki manzarali joylarga sayr qilish sog‘lig‘i va ruhiyatiga ijobiy ta’sir qiladi.

👨‍🍳 Birgalikda yangi narsalarni o‘rganing:
Oshxonada taom tayyorlash yoki oddiy hunarmandchilik ishlarini birgalikda bajaring. Bu qiziqarli va o‘rgatuvchi jarayon bo‘ladi.

📝 Farzandingizni rejalar tuzishga o‘rgating:
Ta’til davomida bajariladigan ishlarni rejalashtirishni o‘rgating va unga rioya qilishda yordam bering.

🖌 Qobiliyatlarni rivojlantiring:
Farzandingizning qiziqishlariga mos bo‘lgan sport, san’at yoki boshqa to‘garaklarga qatnashishini ta’minlang.

🎨 Bajargan ishlarini baholang:
Farzandingiz chizgan rasm, yozgan hikoya yoki boshqa ijodiy ishlarini qo‘llab-quvvatlang. Bu ularda ishonchni oshiradi.

📢 Unutmang, farzandingiz uchun eng yaxshi sovg‘a – bu sizning vaqtingiz va e’tiboringiz!
Birgalikdagi vaqt nafaqat bolangizning muvaffaqiyatiga yordam beradi, balki oila muhitini ham mustahkamlaydi.

@onlineedu_uz

📣 Maktabgacha va maktab taʼlimi tashkilotlari xodimlarini uzluksiz kasbiy rivojlantirish tartibi tasdiqlandi

✅Oʻzbekiston Respublikasi Vazirlar Mahkamasining 2024-yil 20-dekabrdagi 867-son qarori bilan “Maktabgacha va maktab taʼlimi tashkilotlari xodimlarini uzluksiz kasbiy rivojlantirishni tashkil etish tartibi toʻgʻrisida”gi Nizom tasdiqlandi.

➡️Nizomga asosan, uzluksiz kasbiy rivojlantirishning vertikal tizimiga quyidagilar kiradi:

➖Maktabgacha va maktab taʼlimi vazirligi;
➖Ixtisoslashtirilgan taʼlim muassasalari agentligi;
➖Qoraqalpogʻiston Respublikasi Maktabgacha va maktab taʼlimi vazirligi, Toshkent shahar va viloyatlar maktabgacha va maktab taʼlimi boshqarmalari;
➖tuman (shahar) maktabgacha va maktab taʼlimi boʻlimlari;
➖A.Avloniy nomidagi Pedagogik mahorat milliy instituti;
➖Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish instituti;
➖Qoraqalpogʻiston Respublikasi va viloyatlar Pedagogik mahorat markazlari;
➖pedagogika yoʻnalishidagi oliy taʼlim muassasalari;
➖malaka oshirish faoliyati bilan shugʻullanadigan nodavlat taʼlim tashkilotlari;
➖maktabgacha taʼlim tashkiloti, Prezident, ijod, ixtisoslashtirilgan, umumiy oʻrta taʼlim va maktabdan tashqari taʼlim muassasalari.

⚡️ Shuningdek, mazkur Nizom bilan:

➖ uzluksiz kasbiy rivojlantirishning vertikal tizimiga kiruvchi barcha boʻgʻin tashkilot va oʻquv muassasalarining asosiy vazifalari

➖uzluksiz kasbiy rivojlantirish taʼlim olishning ishlab chiqarishdan ajralgan/ajralmagan holda, masofaviy, dual, mustaqil, muqobil shakllari orqali amalga oshirilishi;:

➖ uzluksiz kasbiy rivojlantirish jarayonlari menejerlik oʻquv kurslari, malaka oshirish kurslari, malaka oshirish kurslari oraligʻida tashkil qilinadigan uzluksiz kasbiy rivojlantirish tadbirlari, qayta tayyorlash kurslari orqali amalga oshirilishi belgilab berildi.

📤 NIzomning to‘liq matni

@onlineedu_uz

📣Qanday qilib o‘quvchilarni tanqidiy fikrlashga o‘rgatish mumkin?

Bugungi kunda tanqidiy fikrlash ta’limning ajralmas qismi bo‘lib, o‘quvchilarning hayotiy muammolarni hal qilishda va qarorlar qabul qilishda mustaqil bo‘lishini ta’minlaydi. Bu ko‘nikma nafaqat darsda, balki kundalik hayotda ham muhim ahamiyatga ega. Quyida o‘quvchilarda tanqidiy fikrlashni shakllantirish uchun samarali usullar keltirilgan:

❓Savollar berishni rag‘batlantiring
O‘quvchilarni qiziqtiradigan va fikrlashga undaydigan savollar bering. Masalan:
- “Bu ma’lumot haqiqat ekanligini qanday bilamiz?”
- “Agar bu vaziyat o‘zgarsa, nima bo‘ladi?”
Savollarga aniq javob izlash o‘quvchilarni fikrlash jarayonini chuqurlashtirishga o‘rgatadi.

🧠 Bahs va munozaralar tashkil qiling
Munozaralar tanqidiy fikrlashni rivojlantirishning ajoyib usulidir. Mavzuni ikkita qarama-qarshi nuqtai nazardan ko‘rib chiqing va o‘quvchilardan o‘z fikrlarini himoya qilishlarini so‘rang.
- Masalan, “Texnologiya ta’limga yordam beradimi yoki zarar yetkazadimi?”

⚙️ Masalalarni yechishga undang
O‘quvchilarga real hayotiy muammolarni taqdim eting va ularni hal qilish yo‘llarini o‘zlari taklif qilishlarini so‘rang.
- Masalan: “Maktabdagi chiqindilarni kamaytirish uchun qanday chora ko‘rish mumkin?”
Bu usul ularda ijodiy va tanqidiy fikrlashni rivojlantiradi.

🌀Fikrlarni tahlil qilishni o‘rgating
O‘quvchilardan ma’lumotlarni baholash va ulardagi muhim jihatlarni ajratib olishni so‘rang:
- Manba qanchalik ishonchli?
- Bu fikrni tasdiqlovchi dalillar bormi?
Tahlil qilish ularga har qanday ma’lumotni sog‘lom fikr bilan qabul qilishni o‘rgatadi.

🤔 Alternativ fikrlarni ko‘rib chiqing
Bir muammo uchun bir nechta echimlarni o‘ylab topishlariga yordam bering. Masalan:
- “Agar bu muammo boshqacha sharoitda yuz berganda, nima qilgan bo‘lardingiz?”
Bu usul o‘quvchilarning dunyoqarashini kengaytiradi.

🌐 O‘yinlar va ijodiy faoliyatdan foydalaning
O‘yinlar va qiziqarli topshiriqlar tanqidiy fikrlashni rag‘batlantiradi. Masalan:
- “Qanday qilib oddiy narsadan yangi bir narsa ixtiro qilish mumkin?”
Loyiha asosida o‘qitish ham o‘quvchilarning fikrlash ko‘nikmalarini kuchaytiradi.

🌀 Tanqidiy fikrlash qoidalarini tushuntiring
Tanqidiy fikrlash qanday ishlashini o‘quvchilarga o‘rgating. Masalan:
- Faktlarni fikrlardan farqlash.
- Stereotiplar va noto‘g‘ri qarashlardan saqlanish.
- Dastlabki qarashlarni qayta ko‘rib chiqish.

⭐️Tanqidiy fikrlashni o‘rgatish vaqt talab qiladigan jarayon bo‘lsa-da, u o‘quvchilarni mantiqiy va ijodiy fikrlovchi shaxslar sifatida shakllantiradi. O‘quvchilarni fikr yuritishga, dalillarni baholashga va mustaqil xulosa chiqarishga undash – ularning kelajakda muvaffaqiyatli bo‘lishiga xizmat qiladi.

@onlineedu_uz

📣Yangi yil bayramida dam olish kunlari belgilandi

⚡️“Yangi yil bayramini nishonlash davrida qoʻshimcha ishlanmaydigan kunni belgilash va dam olish kunini koʻchirish toʻgʻrisida”gi Prezident qarori (452-son, 24.12.2024-y.) qabul qilindi

✍️Qarorga koʻra, 2025-yilda 5 kunlik ish haftasida ishlaydigan xodimlar uchun dam olish kuni 4-yanvar – shanba kunidan 2-yanvar – payshanba kuniga koʻchirildi hamda 6 kunlik ish haftasida ishlaydigan xodimlar uchun 2-yanvar – payshanba qoʻshimcha dam olish kuni etib belgilandi.

📌Yangi yil bayrami arafasida quyidagi kunlar dam olinadi:

🟢28-dekabr (shanba) — 5 kunlik ish haftasida ishlaydigan xodimlar uchun dam olish kuni (6 kunlik ish haftasida ishlaydigan xodimlar uchun ish kuni);

🟢29-dekabr (yakshanba) — umumiy dam olish kuni;

🟢30-dekabr (dushanba) — qoʻshimcha dam olish kuni;

🟢31-dekabr (seshanba) — qoʻshimcha dam olish kuni;

🟢1-yanvar (chorshanba) — Yangi yil bayrami;

🟢2-yanvar (payshanba) — 5 kunlik ish haftasida ishlaydigan xodimlar uchun dam olish kuni, 6 kunlik ish haftasida ishlaydigan xodimlar uchun qoʻshimcha dam olish

✅@onlineedu_uz

📕 Ta’lim jarayonida ayrim xatoliklar qimmatga tushishi mumkin. Yaqinda bir o‘qituvchining o‘quvchilari ona tili va adabiyot fanidan uy vazifasini muntazam ravishda bajarmay kelayotganligi uchun ularni rasmga olib, ota-onalar guruhiga joylashtirgani haqida o‘qib qoldim. Ushbu harakatning oqibatlari nafaqat o‘quvchilarning ruhiy holatiga, balki ota-onalar bilan munosabatlarga ham salbiy ta’sir ko‘rsatishi mumkin.
Bu kabi harakatlarning salbiy oqibatlari haqida o‘ylab ko‘raylik.

❓ Nega bu noto‘g‘ri?
🔜 Shaxsiy daxlsizlik buziladi. O‘quvchilar muvaffaqiyatsizliklari oshkor qilinmasligini kutishadi. Bu huquq buzilishi hisoblanadi.
🔜Ruhiy ta’sir. Bunday amallar o‘quvchilarda uyat va qo‘rquvni kuchaytiradi.
🔜 Ishonchni yo‘qotadi. O‘qituvchi va o‘quvchi o‘rtasidagi ishonchni buzadi.
🔜 Ota-onalar bilan muammo yuzaga kelishi. Bunday holatlar ota-onalarda norozilik uyg‘otishi va o‘qituvchiga nisbatan salbiy munosabat shakllanishiga olib kelishi mumkin.

📌 Ota-onalar bilan ishlashda nima qilish kerak?
⏩Individual suhbatlar – O‘quvchining o‘zlashtirishdagi qiyinchiliklari va xulq-atvorini ota-onalar bilan alohida muhokama qilish lozim.
⏩Qo‘llab-quvvatlash – O‘quvchining yutuqlari va ijobiy jihatlarini ta’kidlash lozim.
⏩Ijobiy yondashuv – Muammolarni hal qilishda mehribonlik bilan ishlash kerak.

📌 O‘qituvchi nimalarga e‘tibor berishi kerak?
🙂Hissiyotlarni nazorat qilish
🔄Muvozanatni saqlash
⚡️ Hamkorlikni rivojlantirish
*️⃣Jon kuydirishni me‘yorida saqlash– O‘quvchilarni har qanday holatda ham tushunish va ularga yordam berish kerak, lekin o‘qituvchi o‘z hissiyotlari va sog‘lig‘ini unutmasligi lozim. Bu ta’lim jarayonining samaradorligini oshiradi.

❗️O‘qituvchi o‘z darsini belgilangan talablar asosida o‘tishi va boshqa masalalarga haddan tashqari aralashmasligi kerak. O‘z sog‘lig‘ini, hissiy holatini asrab-avaylash muhim. Haddan tashqari jon kuydirish o‘qituvchining o‘zida charchoq, stress va boshqa salbiy oqibatlarni keltirib chiqarishi mumkin.

📎 Fikringizni izohda qoldiring.

@onlineedu_uz