#Siz_buni_bilasizmi

Bugun ko'pchilikni chalg'itib qo'yadigan -ar qo'shimchasi haqida biroz gaplashamiz

a) -ar qo'shimchasi fe'l so'z turkumiga oid bo'lgan so'zga qo'shilib, hali amalga oshmagan harakatni ifodalasa, u holda kelasi zamon shakli:

Balki, u bugun biznikiga kelar.

b) -ar qo'shimchasi boshqa so'z turkumlaridan fe'l hosil qilsa, u holda so'z yasovchi qo'shimcha:

Qishda bog'imizdagi daraxtlar oqardi.

c) -ar qo'shimchasi fe'l so'z turkumidagi so'zga qo'shilib, bajaruvchi ta'siri bilan boshqa bir shaxs yoki narsa tomonidan bajarilgan harakat va holatni ifodalasa, orttirma nisbat shakli hisoblanadi:

Anvar, ukangni qaytar.

d) -ar qo'shimchasi fe'l so'z turkumiga oid bo'lgan so'zni sifatga xoslab kelsa, unda sifatdosh shakli hisoblanadi:

Ko'rar ko'zim o'zingsan, bolam.

©Onatili_Izamov