Nomalarim*

Eʼtiborni jalb qilish oson, ammo aqlni jalb qilish unday emas.

Mubashshir Ahmad

Oʻz ustingizda ishlang, rivojlaning. Aqllari sizda qolsin.

@nomalarimm

Boshlangʻich sinfligimda maktabga borishimga uydagilar har kuni yoʻlkiram (taksiga beriladigan pul) uchun pul berardilar.

Agar biror kun dadam bilan birga ketsam yoki birorta qarindoshimiz meni koʻrib qolib yoʻlkiramni toʻlab qoʻysalar mendan baxtli odam boʻlmasdi. Chunki oʻsha 500 soʻm yoki 1000 soʻm oʻzimga qolardida) Toʻgʻri tushligim uchun ham pul berishardi, lekin rejadan tashqari oʻzimga tegishli boʻlgan pul boshqacha edi)))

Akam, opam uchun bu pul arzimas edi, men uchun esa juda qiymatli.

Chunki mana shu pulga nimalar kelishini bilardim. Bufetimizda 2 ta bulochka yoki bir boʻlak pirojniy yokida 2 ta pirojka berardi bu pulga.

Vaqt masalasida ham shunday. Agar siz behuda sarflayotgan har bir daqiqangizni qanday qiymatli ishga alishtira olishingizni bilsangiz, u sizga qimmatli boʻladi.

Bitta reelsʼning oʻrniga 2 marta istigʻfor aytishim mumkin edi, telegramdagi maqsadsiz yozishmalardan koʻra 1 bet kitob oʻqisam boʻlardi, ortiqcha uxlaguncha onamga yordam bersam boʻlardi va hokazo...

Mana shularni bilmagan odam ,,arzimagan vaqtku, faqatgina 10 sekund, atigi yarim soatʼʼ deb umrini sarflab yuborishadi. Ular uchun mana shu daqiqalar xuddi meni yoʻlkiramdan qolgan 500 soʻm pulimdek arzimas.

Oʻzingizga tegishli boʻlgan vaqtingiz evaziga nimalar olishingiz mumkinligini oʻylab oling. U qimmatli boʻla boshlaydi.

@nomalarimm

Nasib emas ekan.

Shu paytgacha nimagadir qattiq harakat qilib, mehnat sarflasam kutgan natijamni berdi, Alhamdulillah. Qayerdadir yutqazish boʻlsa, oʻzimning mehnatimning kamligidan. Jiddiy yondashmaganman.

Baʼzida biz oʻzimiz harakat qilmaymizda, soʻngida ,,mayli, nasibmas ekanʼʼ deb qoʻyamiz.

Siz chin ixlos bilan, kuchli harakat qilsangiz-u, lekin oʻxshamasa, mayli aytsangiz boʻladi shunaqa deb. Lekin hech qanday mehnatsiz ,,mayli bir xayr bordir, nasib boʻlmadiʼʼ desangiz, sababini qilmagan hisoblanasiz-ku!

Tasavvur qiling, siz IELTS ga tayyorlanyapsiz, lekin darslarni qilmayapsiz, soʻz yodlamayapsiz, ingliz tili uchun keragidan juda kam vaqt sarflayapsiz. Imtihon natijasi chiqqanidan keyin past ballni koʻrib, ,,nasibmas ekandaʼʼ deyishga haqqingiz bormi?

Harakat qilmasdan, kurashmasdan ,,nasibmas ekanʼʼ deydiganlarga tushunmayman.

@nomalarimm

Imkonim boʻlganida edi hammaga yordam bersam deyman.

Mana shunday holatlarni eshitib, yuragim ezilib, koʻzimga yosh keladi.

Shunchaki, faqatgina oʻzining foydasini oʻylab yashab oʻtib ketish zerikarli emasmi?

Faqat modani, goʻzallikni oʻylaydi, yaxshi joyga turmushga chiqishga harakat qiladi, faqat oʻzini manfaati uchun harakat qiladi, jamiyat, zamon qiziq emas, dardi pul, obroʻ. Oʻzi uchun yeb - ichib, kiyib, davlat toʻplab oʻlib ketish. Maʼno qani bunda?

Qoʻlimdan hech bir ish kelmasa-da, shunday vaziyatlarga yonib-kuyaman.

Balki, yordam berish ham nasib qilib qolar. Zero, amallar niyatlarga bogʻliqdir...

@nomalarimm