Nodavlat oliy ta'lim muassasalari

⚡️Endi talabalar ishdan ajralmagan holda o'qishlari mumkin bo'ladi: Oliy ta’lim tizimida dual ta’lim joriy etiladi

“Oliy ta’lim tizimida dual ta’limni tashkil etish chora-tadbirlari to‘g‘risida”gi (VMQ-14-son, 16.01.2025-y.) Vazirlar Mahkamasi qarori tasdiqlangan.

🔰Qarorga ko‘ra, 2025/2026-o‘quv yilidan boshlab:

➖ oliy ta’lim tizimida

bosqichma-bosqich dual ta’lim asosida

o‘qitish yo‘lga qo‘yilib,

“Kasb egasi” dual ta’lim

tizimini tashkil etiladi;

➖ “Kasb egasi” dual ta’lim tizimi

birinchi bosqichda Toshkent to‘qimachilik va yengil sanoat institutining 3 va 4-kurs

talabalari uchun joriy qilinadi;

➖

talabalarning amaliy mashg‘ulotlari

korxonalar bilan hamkorlikda o‘tkazilib, ushbu jarayon oliy ta’lim tashkiloti hamda amaliyot rahbari tomonidan muvofiqlashtiriladi;

➖ dual ta’lim asosida

talabalarning korxonalarda faoliyat yuritgan davri uchun ish haqining 2 million so‘mgacha

bo‘lgan qismi Bandlikka ko‘maklashish davlat jamg‘armasi mablag‘lari hisobidan qoplab beriladi.

✔️

Har yili 1-iyunga qada

r dual ta’lim shaklida talabalarni qabul qiladigan korxonalar imkoniyatlari o‘rganiladi va

dual ta’lim tashkil qilinadigan korxonalar ro‘yxati

e’lon qilinadi.

✔️

Har yili 1-sentabrga qadar

dual ta’lim shaklida o‘qishga qabul qilingan talabalarning korxonalarga biriktirilishi bo‘yicha

korxona, talaba va oliy ta’lim tashkiloti o‘rtasida shartnoma tuziladi.

✔️ dual ta’lim tashkil qilingan korxonalarda talabalarga yaratilgan shart-sharoitlar

doimiy monitoring qilinadi.

✅ Shuningdek, ushbu qaror bilan Oliy ta’lim tizimida dual ta’limni tashkil etish tartibi to‘g‘risidagi nizom tasdiqlandi.

❗️Mazkur nizom dual ta’lim jarayonini tashkil etish, nazariy va amaliy mashg‘ulotlarni muvofiqlashtirish, oliy ta’lim muassasalari hamda ishlab chiqarish korxonalari o‘rtasidagi hamkorlik mexanizmlarini belgilaydi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Talabalar 3-kursdan boshlab qonuniy tarzda ishlashi mumkin

Hukumatning "Taʼlim darajasi yuqori bo‘lmagan maktablarga malakali o‘qituvchi-pedagoglarni jalb qilish chora-tadbirlari to‘g‘risida"gi (15.10.2021 646-son) qaroriga binoan, pedagogika yo‘nalishlarida kunduzgi kechki, sirtqi bo‘limlarining 3-kursida tahsil olayotgan talabalarga maktablarda dars berish huquqi berilgan.

Ushbu tartib davlat va nodavlat OTM talabalari uchun birdek amal qiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Yuridik texnikum o'qituvchilari 1,5 mln. so'm atrofida oylik ish haqqi olishlariga to'g'ri kelmoqda

Yurist Saidali Muxtoraliyevning yozishicha, oʻqituvchilarga 0,5 stavkalik hajm boʻyicha ish haqi toʻlashga toʻgʻri kelmoqda. Bu taxminan 1,5 mln. soʻm atrofidagi oylik ish haqi degani.

Yuridik texnikumlarning oliy yuridik maʼlumotli va malakali pedagoglarini toʻliq yoʻqotish arafasida turibmiz. - deydi huquq faoli.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Farg'onada bir qator OTMlar tashkil etiladi

“Farg'ona viloyatidagi oliy ta'lim tashkilotlari faoliyatini yanada takomillashtirish chora-tadbirlari to'g'risida”gi Prezident qarori (PQ-26-son, 24.01.2025 y.) qabul qilindi.

Qarorga ko'ra, quyidagi universitetlar qayta tashkil etiladi:

➖ Farg'ona politexnika instituti va Toshkent axborot texnologiyalari universiteti Farg'ona filiali negizida Farg'ona davlat texnika universiteti;

➖ Qo'qon davlat pedagogika instituti, Toshkent davlat texnika universiteti Qo'qon filiali hamda O'zbekiston davlat san'at va madaniyat instituti Farg'ona mintaqaviy filiali negizida Qo'qon davlat universiteti;

➖ O'zbekiston davlat jismoniy tarbiya va sport universiteti Farg'ona filialini qo'shib yuborish yo'li bilan Farg'ona davlat universiteti.

🗓 2025/2026-o'quv yilidan:

➖ mazkur universitetlarning malaka talablari va o'quv dasturlari yuqori 300 talik ro'yxatga kirgan xorijiy oliy ta'lim tashkilotlarining dasturlari asosida ishlab chiqiladi;

➖ iqtidorli talabalar uchun darslar xorijiy tillarda o'qitiladigan alohida guruhlarda tashkil etiladi;

📋 Farg'ona davlat texnika universitetida Ilg'or muhandislik maktabi va “spin-off” korxonalari faoliyati tashkil etiladi hamda yirik ishlab chiqarish korxonalari va tashkilotlari sanoat hamkori sifatida biriktiriladi.

🎓 Tugatilayotgan oliy ta'lim tashkilotlarida tahsil olayotgan barcha talabalar o'qishini yangidan tashkil etilgan tegishli universitetlarda davom ettiradi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Darsga kelmagan “akademik qarzdor talaba”ning kursdan qoldirilish tartibi

(kredit-modul tizimi boʻyicha)

✅ 1 ta fan uchun 6 kredit ajratilgan;
✅ 1 kredit 30 soatga teng;
✅ 1 ta fanning 6 krediti 180 soat;
✅ 180 soatning 40 foizi (72 soat) auditoriya soatiga, qolgan 60 foizi (108 soat) esa mustaqil taʼlimga ajratilgan.

Talaba auditoriya uchun ajratilgan 72 soatning ¼ qismini (yaʼni, 18 soatni) qoldirsa, yakuniy nazoratga kiritilmaydi.

Yakuniy nazoratga kiritilmagan talaba akademik qarzdor hisoblanadi. Akademik qarzdor talaba kursdan qoldiriladi. Mana shu tariqa bakalavriat yoʻnalishidagi talaba 8 yil oliy taʼlim muassasasida qolishi mumkin.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

❓Men sessiyada 1 ta fandan yakuniy nazoratdan o‘ta olmay fandan 5 kredit qarzdor bo‘lib qoldim. Endi fanni qayta o‘zlashtirishim uchun 5 kreditga qancha pul to‘layman?

✅ Talaba akademik qarzdor boʻlgan bitta fanni qayta oʻzlashtirishi uchun uning tomonidan amalga oshirilishi lozim boʻladigan toʻlovning miqdori (QTM) bazaviy toʻlov-kontrakt miqdorining (BTKM) bir oʻquv yili uchun belgilangan jami kreditlar miqdoriga (JKM) boʻlinganda hosil boʻladigan boʻlinmani tegishli fanga ajratilgan kredit miqdoriga (FKM) koʻpaytirish yoʻli bilan aniqlanadi.

Masalan: Aytaylik 1 yil uchun 60 kredit ajratilgan shundan bu semestr (1,3,5,7) uchun ajratilgan umumiy fanlar kredit miqdori 30 kredit. Endi kunduzgi ta'lim shakli talabalari uchun belgilangan bazaviy kontrakt 6.412.000 so‘m bo‘lsa, ushbu summani yarmi 3.206.000 soʻmi ya'ni yarim yillik kontrakt summasini ushbu semestr jami fanlar uchun ajratilgan 30 kreditga bo‘linadi.

6 412 000 : 2 = 3 206 000 soʻm

3 206 000 : 30 (kredit)= 106 866.6 so‘m
106.866 × 5 (kredit)= 534 333 so‘m

📌 Siz 5 kreditga 534 333 so‘m qo‘shimcha pul to‘laysiz.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Nukus davlat texnika universiteti tashkil etiladi

“Nukus davlat texnika universitetini tashkil etish to'g'risida”gi Prezident qarori (PQ-25-son, 24.01.2025 y.) qabul qilindi.

🔰 Qarorga ko'ra, Navoiy davlat konchilik va texnologiyalar universiteti huzuridagi Nukus konchilik instituti hamda Toshkent axborot texnologiyalari universiteti
Nukus filiali negizida Nukus davlat texnika universiteti tashkil etiladi.

📚 Sanoat, texnika-texnologiya, muhandislik sohalari uchun oliy ma'lumotli mutaxassislar va ilmiy-pedagogik kadrlar tayyorlash, qayta tayyorlash hamda ularning malakasini oshirish Universitetning asosiy vazifalaridan biri etib belgilandi.

🎓 Universitetda Ilg'or muhandislik maktabi faoliyati tashkil etiladi.

🗓 2025/2026-o'quv yiligacha Universitetda tajriba-ishlab chiqarish (“spin-off”) korxonasi tashkil etiladi.

✅ 2025/2026-o'quv yilidan:

➖ Universitet talabalarining fanlarni o'zlashtirish ko'rsatkichini va professor-o'qituvchilarning faoliyat samaradorligini xalqaro tajribalar asosida baholash tizimi joriy etiladi.

➖ Amudaryo muhandislik-texnologiyalar texnikumida muhandislik sohalaridagi kasblar bo'yicha kasbiy ta'lim dasturlarida to'liq davlat granti asosida o'rta bo'g'in kadrlari tayyorlash yo'lga qo'yiladi.

📌 Hozirda tahsil olayotgan barcha talabalar o'qishini Universitetda davom ettiradi va bitiruvchi kurs talabalariga belgilangan tartibda Universitet diplomi beriladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Turkiy davlatlar xalqaro nodavlat universiteti tashkil etiladi

“Turkiy davlatlar xalqaro universitetini tashkil etish to'g'risida”gi Prezident qarori (PQ-24-son, 25.01.2025 y.) qabul qilindi.

🔰 Qarorga ko'ra, Toshkent shahrida Turkiy davlatlar xalqaro universiteti tashkil etiladi.

Quyidagilar Universitet faoliyatining asosiy yo'nalishlari etib belgilandi, jumladan:

➖ muhandislik, qurilish, logistika, axborot texnologiyalari va dasturlash, sog'liqni saqlash, qishloq xo'jaligi, oziq-ovqat sanoati hamda iqtisodiy va ijtimoiy soha uchun xalqaro standartlarga muvofiq oliy ma'lumotli kadrlar tayyorlash;

➖ o'quv dasturlarini xorijiy, shu jumladan, Turkiyaning yetakchi oliy ta'lim tashkilotlari bilan hamkorlikda, shuningdek, qo'shma ta'lim dasturlari asosida joriy etish hamda ilmiy-tadqiqotlar olib borish.

📝 Universitet nodavlat oliy ta'lim tashkiloti hisoblanadi hamda o'z faoliyatini O'zbekistonning ta'lim sohasidagi qonunchilik hujjatlari asosida amalga oshiradi.

🗓 2025/2026-o'quv yilidan Universitetda ta'lim jarayoni ta'lim sohasida xalqaro e'tirof etilgan tashkilotlar reytingida birinchi 1000 talik ro'yxatga kirgan, shuningdek, o'z yo'nalishida yetakchi hisoblangan Turkiya Respublikasi oliy ta'lim tashkilotlarining o'quv dasturlari asosida tashkil etiladi.

✅ Universitetda talabalarni o'qitish to'lov-kontrakt asosida amalga oshiriladi hamda qabul parametrlari va to'lov-kontrakt miqdori Universitet tomonidan belgilanadi.

📁 Universitet faoliyatini yo'lga qo'yish va muvofiqlashtirish bo'yicha boshqaruv kengashi tashkil etiladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Namangan davlat texnika universiteti tashkil etiladi

“Namangan davlat texnika universitetini tashkil etish to'g'risida”gi Prezident qarori (PQ-23-son, 24.01.2025 y.) qabul qilindi

🔰 Qarorga ko'ra, Namangan muhandislik-texnologiya instituti, Namangan muhandislik-qurilish instituti va Namangan to'qimachilik sanoati instituti negizida Namangan davlat texnika universiteti tashkil etiladi.

📌 Muhandislik, qurilish, to'qimachilik, axborot texnologiyalari va dasturlash, ishlab chiqarish, qayta ishlash hamda xizmat ko'rsatish sohalari bo'yicha, shuningdek, hududning yuqori malakali kadrlarga bo'lgan ehtiyojiga muvofiq oliy ma'lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda yuridik shaxs maqomisiz Ilg'or muhandislik maktabi faoliyati tashkil etiladi.

✅ 2025/2026-o'quv yilidan ish beruvchi korxona va tashkilotlarning real muammolari asosida bitiruv malakaviy ishlari hamda magistrlik dissertatsiyalari mavzulari bankini shakllantirish va talabalarning bitiruv malakaviy ishi hamda magistrlik dissertatsiya himoyalarini ish beruvchi korxona va tashkilotlarda tashkil etish choralari ko'riladi.

➖ 2026/2027-o'quv yiligacha Universitetning kamida ikkita bakalavriat ta'lim yo'nalishi va uchta magistratura mutaxassisligining xalqaro tan olingan tashkilotlar akkreditatsiyasidan o'tkazilishi ta'minlanadi.

➖ 2025-yildan yirik ishlab chiqarish korxonalarini Universitetga sanoat hamkori sifatida biriktiriladi.

➖ Namangan muhandislik-texnologiya instituti, Namangan muhandislik-qurilish instituti hamda Namangan to'qimachilik sanoati institutida tahsil olayotgan barcha talabalar o'qishini Universitetda davom ettiradi va 2024/2025-o'quv yilidan boshlab bitiruvchilarga belgilangan tartibda Universitet diplomi beriladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Buxoro davlat texnika universiteti tashkil etiladi

“Buxoro davlat texnika universitetini tashkil etish to‘g‘risida”gi Prezident qarori (PQ-22-son, 24.01.2025-y.) qabul qilindi.

🔰Qarorga ko‘ra, Buxoro muhandislik-texnologiya instituti hamda Buxoro tabiiy resurslarni boshqarish instituti negizida Buxoro davlat texnika universiteti tashkil etiladi.

📌 Muhandislik, ishlab chiqarish, oziq-ovqat texnologiyasi, yengil sanoat, neft va gaz, yashil energetika, arxitektura va qurilish, transport va logistika, agrotexnologiya, axborot texnologiyalari va dasturlash sohalari bo‘yicha, shuningdek, hududning yuqori malakali kadrlarga bo‘lgan ehtiyojiga muvofiq oliy ma’lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda neft va gaz muhandisligi sohasida Ilg‘or muhandislik maktabi faoliyati yo‘lga qo‘yiladi.

✅ 2025/2026-o‘quv yilidan:

➖ Universitet talabalarining fanlarni o‘zlashtirish ko‘rsatkichini va professor-o‘qituvchilarning faoliyat samaradorligini xalqaro tajribalar asosida baholash tizimi joriy etiladi;

➖ Universitet professor-o‘qituvchilari va doktorantlari yetakchi xorijiy oliy ta’lim va ilmiy-tadqiqot tashkilotlariga ilmiy stajirovka va malaka oshirishga yuboriladi;

➖ Yirik ishlab chiqarish korxonalari va tashkilotlarni Universitetga sanoat hamkori sifatida biriktiriladi;

➖ 2026-yil 1-yanvardan Universitetga akademik, tashkiliy va moliyaviy mustaqillik beriladi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️4 foizlik soliq yuzasidan

Xabaringiz bor, "xususiy universitetlarga ixtiyoriy 4 foizlik o'lpon" mavzusi ijtimoiy tarmoqlarda aylandi. Jumladan, kanalimizda ham mavzuga oid bir nechta postlar e'lon qildik.

Bektosh aka Xotamovning mana bu postidan so'ng bir nechta o'zimiz tanigan xususiy universitet vakillari bilan bog'landik, ularning birortasi na shartnoma, na tahdiddan xabari yo'qligini ma'lum qilishdi.

Agar "4 foizlik o'lpon" real muammo bo'lsa va kimdir bunga duch kelgan bo'lsa bizga (@nodavlattalimbot) yozishingizni so'raymiz, shaxsingiz va OTM nomi sir saqlanadi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Erkaklarga ham dekretga chiqish huquqi berilmoqda

Mehnat kodeksiga mehnat jarayonlarida tazyiq va zo‘ravonliklarni taqiqlash, ularning oldini olish, tazyiq va zo‘ravonlikdan jabrlanganlarga hamda farzandi tug‘ilishi munosabati bilan erkaklarga o‘rtacha ish haqi saqlangan holda, qo‘shimcha ta’til berishni nazarda tutuvchi o‘zgartirish va qo‘shimchalar kiritilmoqda.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Rossiyada oliy o‘quv yurtining litsenziyasi bekor qilindi

Ta’lim sohasida nazorat bo‘yicha federal xizmati “Yakutsk gumanitar instituti”ning litsenziyasini bekor qildi.

Yana beshta universitetga ogohlantirish berildi:

1. Sankt-Peterburg milliy tadqiqot akademik universiteti
2. Ilmiy-tadqiqot tibbiyot instituti “Astra-Sfera”
3. MGIMO-MED tibbiyot universiteti
4. “Reaviz” tibbiyot universiteti
5. Shimoliy Kavkaz xalqlar do‘stligi instituti

Ogohlantirishlar, ta’lim sohasidagi majburiy talablarni buzmaslik bo‘yicha nazorat tekshiruvlari natijasida berilgan.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️Nukus, Buxoro, Farg‘ona va Namangan texnika universitetlari tashkil etiladi

Prezident Shavkat Mirziyoyev 22-yanvar kuni oliy ta’lim va ilm-fan sohasidagi ustuvor vazifalarga oid taqdimot bilan tanishdi.

Yig‘ilishda Nukus, Buxoro, Farg‘ona va Namangan texnika universitetlarini tashkil etish loyihalari taqdimot qilindi. Unga ko‘ra, yangi yo‘nalishlar ochilib, xorijiy dasturlar tatbiq qilinadi, talabalarning ilmiy-innovatsion jarayonlarda ishtiroki kengaytiriladi, oliygohlarga sanoat hamkorlari biriktiriladi.

Umuman, bu yo‘nalishdagi 35 ta muassasani yiriklashtirish hisobiga, 22 ta texnika universiteti tashkil qilinadi. Shu yil oxirigacha yana 17 ta muhandislik maktabi ochiladi.

So‘nggi yillarda oliy o‘quv yurtlarida ilmiy salohiyat 41 foizdan 45 foizga oshgan. Lekin, aksariyat ilmiy tadqiqotlar sanoat va ishlab chiqarishdagi zamonaviy tendensiyalarni qamrab olmayapti.

Shu bois doktorantura kvotasini taqsimlashda iqtisodiyotning drayver sohalariga ahamiyat qaratish, ilmiy daraja va unvonlar olish tartibini takomillashtirish bo‘yicha ko‘rsatmalar berildi.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

⚡️“Cyber university” davlat universiteti tashkil etiladi

“Cyber university” davlat universitetini tashkil etish to‘g‘risida” O‘zbekiston Respublikasi Prezidentining 2025-yil 20-yanvardagi PQ-14-son qarori qabul qilindi.

Qarorga ko‘ra, Universitetning asosiy vazifalari etib quyidagilar belgilanmoqda;

– axborotni himoyalash, axborot va kiberxavfsizlik, raqamli texnologiyalar va raqamli iqtisodiyot, sun’iy intellektga asoslangan avtomatlashtirilgan axborot-taxdiliy tizimlarni yaratish, robototexnika va boshqa turdosh sohalar bo‘yicha kadrlar tayyorlash;

– raqamli texnologiyalar sohasida mutaxassislarni qayta tayyorlash va malakasini oshirish;

– o‘quv jarayonini ilg‘or xorijiy tajriba va zamonaviy ta’lim texnologiyalari asosida tashkil etish hamda ochiq axborot-ta’lim muhitining rivojlanishiga ko‘maklashish;

– yoshlarning bilim olishi va kasb egallashiga qo‘shimcha shart- sharoitlar yaratish, davlat organlari, korxonalari hamda boshqa tashkilotlarni kadrlar bilan ta’minlashda saralash va qamrovni kengaytirish;

– o‘quv va ilmiy loyihalarni amalga oshirishda yetakchi respublika va xorijiy oliy ta’lim hamda ilmiy-tadqiqot tashkilotlari, raqamli texnologiyalar ishlab chiquvchilari va iste’molchilari, boshqa sohaviy korxonalar bilan hamkorlik qilish;

– tegishli ta’lim yo‘nalishlari va mutaxassisliklari bo‘yicha o‘quv- metodik adabiyotlarni yaratish, talabalar va mutaxassislarni jalb qilgan holda fundamental, ilmiy va amaliy tadqiqotlar olib borish.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!

❗️Rasmiy munosabat!

Nodavlat oliy ta’lim tashkilotlarining to‘lov-kontrakt shaklidagi o‘qitishdan tushadigan mablag‘lar bo‘yicha moliya yili oxiridagi qoldiq qismining 4 foizini Respublika oliy ta’lim kengashiga yo‘naltirish masalasi yana muhokamalarga sabab bo‘lmoqda.

Oliy ta’lim, fan va innovatsiyalar vazirligi mazkur masalada nodavlat oliy ta’lim muassasalariga shartnoma tuzish tavsiyaviy xarakterga ega ekanini hamda shartnomani imzolash majburiy emasligini yana bir bor ma’lum qiladi.

Shu o‘rinda, vazirlik davlat va nodavlat oliy ta’lim muassasalarini qo‘llab-quvvatlashni o‘zining ustuvor vazifalardan biri deb bilishini, eslatib o‘tamiz.

🇺🇿 @nodavlattalim — nodavlat oliy ta’lim muassasalari haqida rasmiy xabarlar!