Nodavlat oliy ta’lim tashkilotlari

Oʻzbekistonda oliy taʼlim rivojlanmoqda, ammo eksport hajmi hali past – Prezident

Ayni paytda Prezident Shavkat Mirziyoyev raisligida xizmatlar sohasini rivojlantirish bo‘yicha 2024-yilda amalga oshirilgan ishlar va 2025-yil uchun ustuvor vazifalar muhokama qilingan videoselektor yig‘ilishi bo‘lib o‘tmoqda.

Unda boshqa sohalar qatorida ta’lim sohasini rivojlantirish, xalqaro hamkorlikni kengaytirish va oliy ta’lim eksportini oshirish zarurati ham muhokama qilindi.

8 yilda 125 ta yangi oliygoh – ammo eksport past darajada

Prezident matbuot xizmatining ma’lumot qilishicha, so‘nggi 8 yilda O‘zbekistonda 125 ta yangi oliy ta’lim muassasasi tashkil etilgan, shundan 23 tasi xorijiy universitet filiallari hisoblanadi. Bu yirik islohotlarning natijasi bo‘lishiga qaramay, o‘tgan yili oliy ta’lim eksporti atigi 26 million dollarni tashkil etgani mavjud imkoniyatlarga mutlaqo mos emasligi ta’kidlandi.

Shu bois, Oliy ta’lim, fan va innovatsiyalar vazirligiga “Top–1000” talikka kiruvchi universitetlar sonini 2 tadan 10 tagacha oshirish choralarini ko‘rish topshirildi.

Xususiy sektor ishtirokida ta’lim infratuzilmasi rivojlantiriladi

Yig‘ilishda shuningdek, madaniyat va san’at markazlarining bo‘sh turgan hududlarini xususiy sektor yordamida rivojlantirish masalasi ham ko‘rib chiqildi. O‘tgan yili 15 ta madaniyat markazi tadbirkorlarga berilib, 86 milliard so‘m investitsiya kiritilgan va 1,5 mingdan ortiq madaniy tadbir tashkil etilgan.

Biroq, hali ham vazirlik tizimidagi 120 ta madaniyat va san’at markazi bo‘sh turibdi, shu bois ularni ilg‘or xorijiy tajriba asosida xususiy sektorga berish bo‘yicha topshiriq berildi.

Yig‘ilishda hudud rahbarlari va vazirlarning hisoboti tinglanib, tadbirkorlarning namunali tajribalari tahlil qilindi. Xalqaro reytinglarda oliygohlarning o‘rnini mustahkamlash, talabalarga ilg‘or ta’lim metodlarini taqdim etish va oliy ta’lim eksportini oshirish bo‘yicha aniq vazifalar belgilandi.

Nodavlat OTMlar haqida ishonchli ma’lumotlar kanalimizda!
@nodavlat_otm

⚡️Nodavlat oliygohning filial manzili litsenziyada koʻrsatilishi shart!

Vazirlar Mahkamasining 2022-yil 21-fevraldagi 80-sonli qarori bilan nodavlat oliy taʼlim xizmatlarini koʻrsatish boʻyicha litsenziya talablari va shartlari tasdiqlangan.

Har bir nodavlat oliy taʼlim tashkiloti litsenziyasida faoliyat manzili aniq koʻrsatilgan boʻladi va oliygoh faqatgina mazkur manzilda taʼlim xizmatlarini koʻrsatish huquqiga ega ekanligini bildiradi.

Litsenziyada faoliyat manzili aniq koʻrsatib oʻtilishining sababi litsenziya berishdan avval aynan ushbu manzildagi bino va hududning qarorda belgilangan talab va shartlarga muvofiqligi oʻrganib chiqiladi. Qonuniy filiali mavjud universitetlarning litsenziyasida filial manzili ham koʻrsatib oʻtilgan boʻladi.

Ayrim nodavlat oliygohlar fuqarolarga qulaylik yaratish maqsadida boshqa viloyatda ham qabul ofislari faoliyatini yoʻlga qoʻyishi mumkin. Biroq bu holat universitet oʻsha viloyatda ham oʻqitadi, degan maʼnoni anglatmaydi.

Agar qaysidir nodavlat universitetning vakillari Sizga boshqa manzilda filiali borligini maʼlum qilsa, litsenziyadagi faoliyat manzili qismida oʻsha manzil ham koʻrsatib oʻtilganligini tekshirib koʻring.

Nodavlat OTMlar haqida ishonchli ma’lumotlar kanalimizda!
@nodavlat_otm

❗️Rossiya bir universitetning litsenziyasi bekor qilindi

Ta’lim sohasida nazorat bo‘yicha federal xizmati bir oliy o‘quv yurtining litsenziyasini bekor qilib, yana beshta universitetga ogohlantirish berdi. Bu haqda idora matbuot xizmati xabar berdi.

“Ta’lim sohasida nazorat bo‘yicha federal xizmat tashkiloti “Alohida faoliyat turlari litsenziyalash to‘g‘risida”gi federal qonunga muvofiq, AOOO VU “Yakutsk gumanitar instituti”ning ta’lim faoliyatini amalga oshirish bo‘yicha litsenziyasini bekor qildi,” — deyiladi bayonotda.

Bundan tashqari, idora beshta universitetga ta’lim sohasidagi federal davlat nazorati doirasida majburiy talablarni buzmaslik bo‘yicha ogohlantirish bergan:

– Sankt-Peterburg milliy tadqiqot akademik universiteti (Alferov nomidagi, Rossiya Fanlar Akademiyasi);

– Ilmiy-tadqiqot tibbiyot instituti “Astra-Sfera”;

– MGIMO-MED tibbiyot universiteti;

– “Reaviz” tibbiyot universiteti;

– Shimoliy Kavkaz xalqlar do‘stligi instituti.

Ta’lim sohasida nazorat bo‘yicha federal xizmati xabariga ko‘ra, ogohlantirishlar majburiy talablarni bajarilishi ustidan olib borilgan monitoring (xavfsizlik tekshiruvi) natijalari asosida e’lon qilingan.

Eslatib o'tamiz, o‘zi faoliya ko‘rsatayotgan davlatda litsenziya bekor bo‘lgan universitetlarning diplomlari O‘zbekistonda ham tan olinmaydi.

📩 Qoʻshimcha savollarni Telegram botimiz (@uztdibot)ga yuborishingiz mumkin.

Nodavlat OTMlar haqida ishonchli ma’lumotlar kanalimizda!
@nodavlat_otm

❗️Talaba pedagoglar malaka oshirishga jalb qilinmaydi

Vazirlar Mahkamasining 2024-yil 20-dekabrdagi 867-son qaroriga muvofiq 2025-yil 1-yanvardan maktabgacha va maktab ta'limi xodimlarning har 5 yilda belgilangan davomiylikdagi malaka oshirish dasturlarini o‘zlashtirishi majburiy hamda pedagog va mutaxassis xodimlar uchun malaka oshirish kursining davomiyligi kamida 100 soat, rahbar xodimlar uchun kamida 144 soat etib belgilangan.

❗️Maktabgacha va maktab ta’limi vazirligining 2024-yil 22-noyabrdagi 03-33-3453-son xati 2-ilovasi 11-bandida ish faoliyatini oliy ta’lim muassasasida o‘qish bilan birga olib borayotgan pedagoglar malaka oshirishga jalb qilinmasligi belgilab berilgan.

📩 Qoʻshimcha savollarni Telegram botimiz (@uztdibot)ga yuborishingiz mumkin.

Nodavlat OTMlar haqida ishonchli ma’lumotlar kanalimizda!
@nodavlat_otm

"Qo'rqmanglar hammasi nazoratim ostida)))" — deyishayotganday tuyuldi

So'nggi kunlarda Respublika oliy taʼlim Kengashining nodavlat oliy taʼlim tashkilotlari tomonidan Oliy taʼlim muassasalarini rivojlantirish jamgʻarmasiga toʻlov-kontrakt shaklida oʻqitishdan tushadigan mablagʻlarning 4 foizini oʻtkazish boʻyicha chiqarilgan bayonnomasi ijtimoiy tarmoqlarda keng muhokamalari yana jonlanib qolgan edi.

Vazirlik yana munosabat bildirdi:

"Nodavlat oliy ta’lim tashkilotlarining to‘lov-kontrakt shaklidagi o‘qitishdan tushadigan mablag‘laridan hech qanday majburiy foiz undirilmaydi.

Nodavlat oliy ta’lim tashkilotlarining to‘lov-kontrakt shaklidagi o‘qitishdan tushadigan mablag‘lar bo‘yicha moliya yili oxiridagi qoldiq qismining 4 foizini Respublika oliy ta’lim kengashiga yo‘naltirish masalasi yana muhokamalarga sabab bo‘lmoqda.

Oliy ta’lim, fan va innovatsiyalar vazirligi mazkur masalada nodavlat oliy ta’lim muassasalariga shartnoma tuzish tavsiyaviy xarakterga ega ekanini hamda shartnomani imzolash majburiy emasligini yana bir bor ma’lum qiladi.

Shu o‘rinda, vazirlik davlat va nodavlat oliy ta’lim muassasalarini qo‘llab-quvvatlashni o‘zining ustuvor vazifalardan biri deb bilishini, eslatib o‘tamiz." — deyiladi vazirlik bayonotida.

Oxirgi paytlarda ommalashgan "Qo'rqmanglar hammasi nazoratim ostida" — degan gap esimizga tushib ketdi😁.

Nodavlat OTMlar haqida ishonchli ma’lumotlar kanalimizda!
@nodavlat_otm

Magistraturaga kirishda sertifikat talab qilinmaydi

Nogironligi boʻlgan shaxslarga magistraturaga kirishda imtiyoz mavjud bo'lib, davlat oliy taʼlim muassasalarining magistratura mutaxassisliklariga hamda oliy taʼlimdan keyingi taʼlim ixtisosliklariga oʻqishga qabul qilishda koʻrish, eshitish va nutqida nuqsoni boʻlgan shaxslar tomonidan xorijiy tilni bilish boʻyicha milliy yoki unga tenglashtirilgan xalqaro sertifikatni taqdim etish talab etilmaydi.

Eslatma: Bu barcha toifadagi nogironligi boʻlgan shaxslar uchun emas. Aynan shu qoidaga koʻra imtiyoz koʻrish, eshitish va nutqida nuqsoni boʻlgan shaxslarga taqdim etiladi.

Asos: 20.10.2022-yildagi PQ-407-son qarori

Nodavlat OTMlar haqida ishonchli ma’lumotlar kanalimizda!
@nodavlat_otm

⚡️Endi magistraturaga qoʻshimcha qabul asosida oʻqishga kirgan talabalarga taʼlim krediti berilmaydi

Hukumatning 2021- yil 18 - avgustdagi 527-son qarori 1-ilovasi 3-bandi 4-xatboshisiga tegishli oʻzgartirishlar kiritildi.

Unga koʻra, «taʼlim tashkilotida tahsil olish maqsadida tabaqalashtirilgan toʻlov-kontraktni va tabaqalashtirilgan toʻlov-kontraktning minimal miqdoriga teng boʻlgan bir martalik boshqa toʻlovlarni hamda davlat oliy taʼlim muassasalari magistraturasiga qoʻshimcha qabul parametrlari asosida oʻqishga qabul qilingan abituriyent va talabalarning toʻlov-kontrakt toʻlovlarini amalga oshirish uchun taʼlim krediti ajratilishiga yoʻl qoʻyilmaydi».

Nodavlat OTMlar haqida ishonchli ma’lumotlar kanalimizda!
@nodavlat_otm

❗️Toshkent Islom universiteti va O‘zbekiston xalqaro islom akademiyasi bitiruvchilariga 20 foizgacha oylik qo‘shimcha haq endi to’lanmaydi

Vazirlar Mahkamasining 2018-yil 22-iyundagi 466-son qaroriga ko‘ra, O‘zbekiston xalqaro islom akademiyasining bakalavriat va magistratura bosqichlarini bitirgan talabalar o‘z ixtisosligi bo‘yicha davlat hamda nodavlat notijorat tashkilotlariga ishga qabul qilinishida davlat ta’lim muassasalari bitiruvchilari bilan teng huquqqa ega bo‘ladilar, ularga nisbatan Vazirlar Mahkamasining "O‘zbekiston Respublikasi Vazirlar Mahkamasi huzuridagi Toshkent islom universiteti bitiruvchilarini moliyaviy jihatdan qo‘llab-quvvatlash to‘g‘risida" 2003-yil 11-avgustdagi 347-son qarori talablari qo‘llanilar edi.

Prezidentining 25.12.2024 yildagi PQ-455-son “O‘zbekiston Respublikasining "2025 yil uchun O‘zbekiston Respublikasining Davlat budjeti to’g’risida"gi Qonuni ijrosini ta’minlash chora-tadbirlari to’g’risida” qarori 9-ilova 11-bandiga muvofiq:

Vazirlar Mahkamasining 11.08.2003 yildagi 347-son qarori 2025-yil 1-yanvardan o‘z kuchini yo‘qotdi.

2025-yil 1-yanvardan boshlab Toshkent Islom universiteti va O‘zbekiston xalqaro islom akademiyasi bitiruvchilariga 20 foizgacha oylik qo‘shimcha haq endi to’lanmaydi.

Nodavlat OTMlar haqida ishonchli ma’lumotlar kanalimizda!
@nodavlat_otm