NAVOIY INNOVATSIYALAR UNIVERSITETI

🔴NIU professor-o‘qituvchilarining ilmiy yutuqlari e’tirof etildi

🟢Navoiy Innovatsiyalar Universitetida ilmiy salohiyatni oshirish, ta’lim sifatini yanada rivojlantirish yo‘lida yana bir muhim natijaga erishildi. Universitet Kengashining 8-son yig‘ilishida kengash raisi, s.f.d. (DSc), professor Mavlonov Jo‘rabek Yorqulovich ilmiy unvon va darajaga ega bo‘lgan professor-o‘qituvchilarni samimiy qutlab, ularning yutuqlarini alohida e’tirof etdi.

🟢Mazkur yig‘ilishda p.f.f.d. (PhD) Kubayeva Mavluda Baxtiyor qizi Universitet Kengashi tavsiyasiga asosan dotsent ilmiy unvonini oldi. Shuningdek, Filologiya va tillarni o‘qitish kafedrasi o‘qituvchisi Payzulayeva Ra’no Mahmudovna f.f.f.d. (PhD) ilmiy darajasiga ega bo‘ldi.

🟢Bu yutuqlar universitet ilmiy salohiyatining yuksalishiga, ta’lim jarayonining sifat jihatdan o‘sishiga hamda yosh tadqiqotchilarni ilmiy izlanishlarga ruhlantirishga xizmat qilishi bilan ahamiyatlidir.

Navoiy innovatsiyalar universiteti jamoasi ilm-fan rivojiga o‘z hissasini qo‘shish yo‘lida izchil harakat qilishda davom etmoqda.

🏛 Navoiy innovatsiyalar universiteti
Matbuot xizmati

Bizni ijtimoiy tarmoqlarda kuzatib boring:

📱 Telegram | 📱 Instagram | 📱 Web-sayt

🔴BAXTIM SHUL, O‘ZBEKNING ZULFIYASIMAN!

🟢Joriy yilning 28-fevral kuni Navoiy innovatsiyalar universitetida Filologiya va tillarni o‘qitish kafedrasi tomonidan Oʼzbekiston xalq shoirasi, taniqli jamoat arbobi, xalqaro tinchlik uchun kurash jarchisi, vafo va sadoqat timsoli Zulfiya Isroilova tavalludining 110 yilligi tantanali nishonlandi.
      
🟢Tadbirda kafedra professor-o‘qituvchilari, ijodkor talaba-yoshlar hamda adabiyot ixlosmandlari ishtirok etishdi.

🟢Badiiy kechada Zulfiyaxonim qalamiga mansub begʼubor yuraklardan otilib chiqqan goʼzal sheʼrlar jarangi dillarga xushnudlik bagʼishladi.

🟢Sahnada Hamid Olimjon va Zulfiyaxonim siymolari gavdalantirilib, ular qalamidan toʻkilgan sheʼrlar asosida kuylangan taronalar jonli ijroda kuylandi. Tadbir kuy-qoʻshiqlar va nafis raqslar bilan davom etdi.

🟢Shuningdek, tadbirda Oʼzbekiston Yozuvchilar uyushmasi aʼzosi, f.f.f.d. Raʼno Fayzullayeva Zulfiya Isroilova hayoti va ijodi haqida toʼxtalib, shoira xotirasiga bagʼishlab yozgan sheʼrini oʼqib berdi.

Badiiy kecha soʻngida esa Filologiya va tillarni oʻqitish kafedrasi mudiri, professor Kadirov Kamol Namozovich Zulfiyaxonim ijodiga oʻz munosabatini bildirdi va tadbir ishtirokchilariga tashakkur izhor etib, ularga esdalik sovgʻalar ulashdi.

🏛 Navoiy innovatsiyalar universiteti
Matbuot xizmati

Bizni ijtimoiy tarmoqlarda kuzatib boring:

📱 Telegram | 📱 Instagram | 📱 Web-sayt

🟦🟦🟦 🟦🟦🟦

🔴Insoniyat yaralibdiki hayot haqida, hayot beshigi – ona haqida eng aziz, eng jozibali soʻz aytgisi keladi. Vaholanki, soʻzning ham, hayotning ham, turmush zavqi, sururi ham onadan boshlanadi.

🟢8-MART  – "XALQARO XOTIN-QIZLAR" kuni munosabati bilan Navoiy innovatsiyalar universiteti Filologiya va tillarni o‘qitish kafedrasi "ONAMGA_ATAB" loyihasini eʼlon qiladi.

Loyihada ishtirok etish uchun quyidagi mavzularda videoroliklar tayyorlanishi lozim:

✍️ Onamga atab yozgan she'rim!
✍️ Onamga atab yod oldim!
✍️ Onamga atab kuylayman!
✍️ Onamga atab hikoya yozdim!
✍️ Onamga atab...

Har bir loyihada kreativ yondashuv talab etiladi

🔴Loyihada ishtirok etish yoshi chegaralanmagan!

"ONAMGA_ATAB" loyihasi quyidagicha baholanadi:
–Videorolikning  mazmundorligi
–Ijodiy ishning sifatiga qarab.

😎Loyihada ishtirok etish uchun videoroliklar 4-martdan  7-martgacha qabul qilinadi va g‘oliblar munosib taqdirlanadi.

Videoroliklar @R_Fayzullayeva yoki @Suhrob_O_A telegram manzillariga yuboriladi.

🏛 Navoiy innovatsiyalar universiteti
Matbuot xizmati

Bizni ijtimoiy tarmoqlarda kuzatib boring:

📱 Telegram | 📱 Instagram | 📱 Web-sayt

🔴Xalqimizning suyukli shoirasi Zulfiyaxonim ijodi, ibratli fazilatlari, hayotiy qarashlari bilan hali-hamon ko‘pchilik qizlar uchun namuna olishga arzirli ijodkor sifatida yodga olinadi.

🟢Navoiy innovatsiyalar universiteti Surxondaryo filialida ham betakror shoira tavalludining 110 yillik ayyomi munosabati bilan “Zulfiya – bahor, muhabbat va sadoqat kuychisi” mavzusida tadbir o‘tkazildi.

🟢Tadbirda Sho‘rchi tumani ma’naviyat va ma’rifat markazi bosh mutaxassisi Iqbol Sattorova, 27-maktabning oliy toifali o‘qituvchi Muhabbat Xo‘janazarova, universitet professor-o‘qituvchilari hamda Sho‘rchi tumani 7-sonli bolalar musiqa va san’at maktabi iste’dodli o‘quvchilari ishtirok etishdi.

🟡Tadbir davomida talabalar tomonidan shoiraning she’rlari o‘qildi hamda kuyga solingan qo‘shiqlari ijro etildi. Shuningdek, Universitet miqyosida o‘tkazilgan “Zulfiyaxonim izdoshimiz” nomli insholar tanlovi g‘oliblari ham taqdirlandi.

Ko‘tarinki kayfiyatda o‘tgan tadbir dasturi yig‘ilganlarda katta taassurot qoldirdi.

🏛 Navoiy innovatsiyalar universiteti
Matbuot xizmati

Bizni ijtimoiy tarmoqlarda kuzatib boring:

📱 Telegram | 📱 Instagram | 📱 Web-sayt