O‘zKUFning Navoiy viloyat Kengashi

G‘oliblar saralandi
Bugun Navoiy shahar 10-sonli maktabning sport zalida O‘zbekiston ta’lim va fan xodimlari kasaba uyushmasi Navoiy shahar bo‘linmasi kengashi, Navoiy shahar maktabgacha va maktab ta’limi bo‘limi bilan hamkorlikda “O‘zbekiston Respublikasi Qurolli Kuchlari tashkil etilganligining 33 yilligi hamda Vatan himoyachilari kuni” bayrami munosabati bilan “Sport- salomatlik garovi” shiori ostida Navoiy shahar maktabgacha va maktab ta’limi bo‘limi tasarrufidagi umumiy o’rta ta’lim maktablaridagi erkak ishchi-xodimlari o’rtasida sportning Stretbol turi bo’yicha sport musobaqasi o’tkazildi. Musobaqaga 100 nafardan ortiq pedagog ishchi-xodimlar ishtirok etdi. O‘zbekiston ta’lim va fan xodimlari kasaba uyushmasi Navoiy shahar bo‘linmasi kengashi raisi F.Mardiyeva hamda Navoiy shahar maktabgacha va maktab ta’limi bo‘limidan N.Ikramovalar musobaqa ishtirokchilarini bayram bilan tabriklab ularga omad tiladilar. Shundan so‘ng musobaqa ko‘tarinki kayfiyatda boshlandi. Qizg‘in va murosasiz kechgan musobaqa yakuniga ko‘ra faxrli 1-o‘rin 4-maktab jamoasi, 2-o‘rin 16-maktab jamoasi, hamda 3-o‘rin esa 10 maktab jamoalari egalladilar. “Eng faxriy jamoa”, “Eng faol jamoa” va “Eng yosh talabchan jamoa” nominatsiyalari boyicha ham 12 ta maktablarga nasib etdi. Shuningdek, musobaqaga ishtirok etgan pedagog ishchi-xodimlarтш bayram tadbiri bir piyola choyga taklif etilib, ta’lim va fan xodimlari kasaba uyushmasi Navoiy shahar bo‘linmasi kengashi tomonidan qimmatbaho sovg‘alar va diplomlar topshirildi.
F.Mardiyeva
Ta’lim va fan xodimlari kasaba uyushma
Navoiy shahar bo‘linmasi kengashi raisi