✅ Ravish turkumiga oid so‘zlar baʼzan predmet-hodisalarning belgisini bildirishi mumkin. Masalan: ko‘p odam, bolalarcha sodda.

✅ Ravish ismlarga kirmaydi, chunki egalik, kelishik qo‘shimchalarini olib turlanish xususiyatiga ega emas.

✅ Ravish tarkibida egalik, kelishik qo‘shimchalari, yaʼni turlovchi qo‘shimchalar bo‘lmaydi, bu qo‘shimchalar qotib qolgan hisoblanadi. Masalan: tubdan, qo‘qqisdan, kechalari, kunduzi, to‘satdan, rostdan, birdan.

✅ Ravish biror so‘zga bog‘lanib so‘z birikmasi hosil qilganda hech qanday so‘z o‘zgartiruvchi qo‘shimchalarni qabul qilmaydi, yaʼni ravish feʼl bilan birikib, bitishuvli birikmani hosil qiladi. Masalan: tezda qaytmoq, chindan gapirmoq, yolg‘ondan yig‘lamoq, birga yurmoq.

✅ Ravishlar ham otlashadi. Bunda ular egalik, kelishik qo‘shimchalarini oladi. Masalan: Ko‘pdan quyon qochib qutulmas.