Har bir ishda, har bir qarorda sabab bo’ladi!
Siz shunchaki chekadan kuzatish uchun bu kanalga kirib qolganingiz yo’q.
Avtobiografik film orqali sizni harakatni kuchaytirishingizga sabab beroladigan bo’lsam, mendan shod inson yo’q bu dunyoda.
Men uchun o’tmishdagi qiyinchiliklarim va yutuqlarim haqida omma oldida gapirib berish doim qiyin bo’lgan. Sababi bu meni yig’latadi. O’sha davrdagi og’riqlarimni qayta his qildiradi.
Ammo har qanday inson bunday kunlarni boshidan kechirishi mumkinligini va inson o’zini o’zgalarning B nuqtasiga solishtirib, o’ziga bo’lgan ishonchini yo’qotmasligini istab, bari bir shu filmni oldim.
Oylab bu g’oyani o’ylab, ming bor uzr 100 dan birinigina aytib beroldim. Qilingan xatolar va to’kilgan yoshlarni men va Alloh biladi. Qolgan haqiqatlar Alloh va oramizda qolgani ma’qulligini siz ham sezib turibsiz.
Muhimi, har qanday inson, har qanday — siz “eng yomon”- deb bilgan insonning ham qalbida umid, yaxshilik va mehr cho’g’i bo’ladi.
Meni ham qandaydir ijtimoiy tarmoqdagi kibrli inson emas, aslida bir oilaning gulday farzandi, sevimli rafiqa, jonkuyar ustoz, borini bervoroladigan do’st va kreativ blogger kabi ko’rishingizni istadim..
Iltimos, o’zingizni anglang. Tashqaridagilarning fikrlari siz kim bo’lib yetishingizni shakllantirib qo’ymasin. Kuchli shaxs bo’ling.
Men sizlarni Alloh uchun yaxshi ko’raman.. Umid qilamanki, bu filmdan MUHIMI o’zingizga xulosa ololasiz.
Soat 20:00 da
premyera.
