Baʼzan uzoqlashmoq kerak yaqinlashmoq uchun Bu misralardagi tavsiyani faqat munosabatlarda emas, balki boshqa jabhalarda ham qoʻllash mumkin. Masalan, rejalar va maqsadlar yoʻlida.
Deylik, IELTS dan 6 ball olishni maqsad qildingiz va bunga erishish uchun yarim yil vaqt belgiladingiz.
2 oygacha sizda hammasi yaxshi ketdi. Ammo undan keyin...Moddiy qiyinchilik sabab kursni toʻxtatdingiz. Yoki sogʻligingiz yomonlashayotganini his qildingiz. Bular ham boʻlmasa hayotingizda muammolar sabab ruhiy inqirozga tushdingiz.
Siz ularni hal qilish uchun vaqt ajratsangiz 6 oy emas, 7-8 oyda maqsadga yetishingiz mumkin.
Bunga koʻnmasdan zoʻr berib chiranish maqsadga yetkazadi deb oʻylaysizmi?
Menimcha, yoʻq. Har kuni oʻzini eslatib, asabingizni egovlab turadigan muammo yoki bemor boʻlsangiz tanangizdagi ogʻriqlar sizga bilim olishda albatta xalaqit beradi.
Ammo holatingizni toʻgʻri qabul qilib vaziyatni oʻnglashga harakat qilsangiz boshqa gap. Muammoli holatda harakat qilib 6 oyni deyarli samarasiz oʻtkazgandan koʻra oʻzingizni oʻnglab olishga vaqt ajratish toʻgʻri boʻladi.
Chunki jismoniy muammolar ham, ruhiy muammolar ham oʻz oʻrnida muhim. Ikkalasiga ham eʼtiborsizlik qilish mumkin emas.
Har tomonlama oʻylagan holda men shunaqa xulosaga keldim. Sizda tanqidiy yoki qoʻshimcha fikrlar boʻlsa marhamat.🙂
@muxbirkopirayter