МУСОФИРЛАР

💉 Россияда шифокор қабулига қандай ёзилиш мумкин?

📄 ДМС суғурта полиси билан:

1. Суғурта компаниясига қўнғироқ қилинг

2. Сизга қайси шифокор кераклигини айтинг

3. Сизга клиника ва кўрик вақти тайинланади

4. Ўзингиз билан паспорт ва суғурта полисини олиб боринг.

📄 ОМС суғурта полиси билан (ЕАЭС фуқаролари ва РВП/ВНЖ эгалари учун):

1. Тегишли поликлиникага бириктирилинг
2. Рўйхатдан ўтинг (регистратурада ёки госуслуги порталида)
3. Паспорт, суғурта полиси ва рўйхатдан ўтиш ҳужжатларини олиб боринг

💵 Пуллик қабул:

1. Клиникани танланг
2. Қўнғироқ қилинг ёки сайтда рўйхатдан ўтинг
3. Паспорт ва пулни олиб бораверинг.

⚠️ Муҳим: Агар шифокор шошилинч керак бўлса, албатта 103 рақамига қўнғироқ қилинг! (тез ёрдам).

👉 t.me/musofirlar

❌ Хатолик бўлиб "реестр"га тушиб қолган бўлсангиз, сиқилишга, ваҳима қилишга шошилманг

Ҳужжатингиз бор бўлса, яқин орада бу реестрдан чиқиб кетасиз. Шошилинч бўлмаса, ҳаттоки реестрдан чиқиш учун бирор жойга боришингиз ҳам шарт эмас. Бугун 10 дан ортиқ реестрдан ўз-ўзидан чиқиб кетган одамлар билан суҳбатлашдим. Яна шунча одам билан ОВМ ОМВДга бориб, реестрдан чиқиш учун мурожаат қилинишида иштирок этдим ва ҳаммаси яқин орада изига тушиб кетишига ишончим комил.

Адашиб тушиб қолганингиз учун чекловлар қийнаётган бўлса, масалан, банк картасидан фойдалан олмаётган бўлсангиз, банкка бориб, 30 минг рублгача пулингизни нақд ечиб олишингиз мумкинлигини эслатиб кетаман.

Т-банкдан бошқа ҳамма банкларнинг офислари бор. Офисларига бориб, пулингизни ечиб олинг ва нақд пул ишлатиб туринг.

❗️ Фақат Т-банк ишлатиб юрадиганларга эса тезроқ регистрациянгиз қўйилган ҳудуддаги ОВМ ОМВДга бориб, ҳужжатларингиз борлигини ва реестрга хатолик билан тушиб қолганингизни тушунтиринг.

✅ Кеча ва бугун ўзини реестрдан чиқариш учун борганлар ҳеч қандай аризасиз ҳужжатини кўрсатиб келиб, реестрдан чиқиб кетишди. Яъни ёзув-чизувларсиз қутилишди.

Шунинг учун ваҳима қилмаймиз, ҳаммаси яхши бўлади❤️

© Зарнигор Омониллаева

👉 t.me/musofirlar

⚠️ Диққат, кечадан бошлаб Россия ҳудудида "назорат остидаги шахслар рўйхати" (реестр контролируемых лиц) ишга туширилди.

🔎 Агар Россия ҳудудида ҳужжатсиз юрган бўлсангиз, ўзингизни ушбу реестрда текшириб олинг.

Мигрантлар назорат остидаги шахслар реестрига қуйидаги ҳолларда киритилади:

🔺патент/ регистрация , РВП/ ВНЖ амал килиш муддати тугаб Россиядан чиқиб кетмаган бўлса;
🔺патент/ РВП/ ВНЖ бекор қилиниб (аннулирование) Россиядан чиқиб кетмаган бўлса;
🔺суд орқали выдворения бўлган ва кетмаган бўлса;
🔺Россияга киришга тақиқ (запрет) олган мигрант;
🔺Россия ҳудудига ноқонуний кириб келган бўлса (айланма йўллар билан)
🔺жиноят содир этган бўлса.

Ушбу рўйхатга тушган мигрантларга қуйидаги ишларда чеклов ўрнатилади:

▪️Ички ишлар органининг рухсатисиз яшаш жойини (турар жойини) ўзгартириш;
▪️кўчмас мулкни, транспорт воситаларини сотиб олиш ва рўйхатдан ўтказиш;
▪️ЗАГСда рўйхатдан утиш;
▪️юридик шахсни ташкил этиш, якка тартибдаги тадбиркор сифатида рўйхатдан ўтиш;
▪️банк ҳисоб рақамини очиш ва банк операцияларини амалга ошириш (мажбурий тўловларни тўлаш мақсадида пул ўтказмалари, шунингдек назорат қилинадиган шахснинг ҳисоб рақамига пул ўтказмалари ва назорат қилинадиган шахсга ойига 30 минг рублдан кўп бўлмаган миқдорда нақд пул маблағларидан ташкари).

Банк карталар блокланиши аллақачон бошланган.

▪️Ушбу рўйхатга тушган мигрант белгиланган вақтда МВД нинг ҳудудий бўлимларига мурожаат қилиши шарт.

❗️Назорат остидаги шахс томонидан чекловлар ва тақиқлар такроран (икки ёки ундан ортиқ маротаба) бажарилмаган тақдирда, уни депортация қилиш ва Россия МВД ҳудудий органининг махсус муассасасига (спецприемник) жойлаштириш тўғрисида қарор қабул қилинади.

👉 t.me/musofirlar

❗️5 февралдан бошлаб Россияда "режим высылки" тартиби кучга киради.

Тартибга кўра, Россияда бўлишини қонуний равишда рўйхатдан ўтказмаган барча хорижликлар назорат қилинадиган шахслар реестрига киритилиши шарт. Улар Россиядан чиқариб юборилмагунча (депортация қилинмагунча ёки мустақил равишда тарк этгунига қадар) ёки мамлакат ҳудудидаги ҳуқуқий мақоми ҳал этилгунга қадар ушбу рўйхатда қолади.

Реестрга киритилган назорат остидаги шахсларга нисбатан қуйидаги чекловлар қўйилади:

— яшаш жойини ёки турган жойини ички ишлар органининг рухсатисиз ўзгартириш;

— Россия ичида бошқа регионга кўчиб ўтиш;

— кўчмас мулк ва транспорт воситаларини олиш, ушбу мулкни давлат органларида рўйхатдан ўтказиш.

Бундан ташқари, бундай шахсларга транспорт воситаларини бошқариш, никоҳ тузиш, юридик шахс ташкил этиш, якка тартибдаги тадбиркор сифатида рўйхатдан ўтиш, банк ҳисобварағини очиш ва бошқа банк операцияларини амалга ошириш ҳуқуқидан фойдаланишда чекловлар қўйилади.

Ноқонуний муҳожирларга фақат мажбурий тўловларни тўлаш учун пул ўтказмалари бўйича молиявий операцияларни амалга оширишга, шунингдек, жўнаб кетгунга қадар яшаш харажатлари учун тўлов қилишга ҳамда 30 минг рублдан кўп бўлмаган пул ўтказишга рухсат берилади.

5-февралдан бошлаб мигрантларни суд қарорисиз полиция ўзи мустақил депортация қилиши мумкин. Депортация қилинадиган фуқаролар назорат қилинадиган шахслар реестрига киритилади. Рўйхатдаги хорижликларга ноқонуний хизмат кўрсатган фуқаролар – 5 минг, мансабдор шахслар – 50 минг, юридик шахслар – 500 минг рублгача жаримага тортилади.

Ҳурматли мусофир юртдошлар! 5 февралдан бошлаб ўз ҳуқуқий мақомингизни тўғрилатиб олинг! Бунга имкон бериб турганда фойдаланиб қолиш керак!

👉 t.me/musofirlar

❓ Иш жойида жароҳат олганда нима қилиш керак?

Иш жараёнида ҳар хил кутилмаган ҳодисалар бўлиб туриши табиий ҳол. Агар сиз иш жойида жароҳат олган бўлсангиз, зудлик билан қуйидаги чораларни кўришингиз керак:

🚑 Дастлабки чоралар:
◦ Зудлик билан шифокорга мурожаат қилинг ёки тез ёрдам чақиринг;
◦ Шифокорга жароҳат ишлаб чиқаришда/иш жараёнида/қурилишда олинганини айтинг;
◦ Ҳодиса ҳақида иш берувчига хабар беринг

📇 Сизнинг ҳуқуқларингиз:
◦ Тезкор тиббий ёрдам бепул;
◦ 100% ҳақ тўланадиган касаллик варақаси (агар расман шартнома билан ишласангиз);
◦ Даволаниш харажатларини қоплаш иш берувчи ҳисобидан бўлади;
◦ Ногиронлик бўйича суғурта тўловлари.

⚠️ Унутманг:
◦ Барча тиббий ҳужжатларни сақланг;
◦ Бахтсиз ҳодиса тўғрисидаги далолатнома нусхасини олинг;
◦ Ёрдам кўрсатилмаса, меҳнат инспекциясига қўнғироқ қилинг;
◦ Даволаниш харажатларини қайд қилиб боринг.

Аллоҳ ҳаммамизни кўнгилсиз ҳодисалардан асрасин!

t.me/musofirlar

✅ Янги 90/365 режими ҳақида

90/365 қоидасини ҳалигача тушунмаётган одамлар бор экан, бу тўғрисида кўп саволлар тушяпти.

Бу дегани ҳужжат расмийлаштирмаган мигрант бир йил (365 кун) ичида Россия ҳудудида жами бўлиб 90 кун юриши мумкин, ундан ортиқ қолиб кетса ёки «кирди-чиқди» қилса, автоматик равишда запретга тушади. Тўғри, запрет ўша заҳоти эмас, бироз муддат ўтиб қўйилади.

Бу режим ҳам шу кунгача қўлланиб келинган 90/180 режимининг айнан ўзи бўлиб, фақат Россиядан ташқарида бўлиш муддати 9 ойлиги билан фарқ қилади холос.

Бу режим расман ҳужжат қилиб ишлаш/ўқиш/даволаниш мақсадида келганлар, виза орқали келувчи муҳожирлар ҳамда РВП/ВНЖ каби яшаш рухсатномаларига эга мигрантлар учун тааллуқли эмас. Улар исталган вақтда «кирди чиқди» қилиши, ўз ҳужжатларида белгиланган муддат бўйича РФ ҳудудида исталганча қолишлари мумкин.

Яна бир муҳим жиҳати шундаки, ушбу қоида 2025 йил биринчи январгача Россиядан чиқиб кетганлар учун ҳам амал қилмайди. 31 декабрда чиқиб кетган бўлса ҳам, у одамга эски, 90/180 режими амал қилади. Яъни, аввал бу қоидани бузмаган бўлса, патент қилмасдан 3 ой юриб янги йилгача чиқиб кетган бўлса, уйда 3 ой юриб қайтиб келаверади. 9 ой юриши шартмас.

Агар патент ёки бошқа ҳужжат қилмасдан 3 ой юриб қўйиб 1 январдан кейин чиқиб кетган бўлса, у ҳолда уйда 9 ой ўтказиб келиши шарт бўлади!

Мигрантларга тарқатинг!

👉 t.me/musofirlar

❗️Дипломатик ваколатхоналарда биометрик паспорт расмийлаштирилиб берилади

Ўзбекистон Республикаси Ҳукумати томонидан Россия Федерациясида вақтинчалик ишлаётган ўзбекистонликларга (ноқонуний юрган бўлса ҳам) дипломатик ваколатхоналарда 2025-йилнинг 30-апрелига қадар хорижга чиқиш биометрик паспортлари расмийлаштириб берилиши йўлга қўйилди.

Бу ҳақда Ўзбекистоннинг Екатеринбургдаги Бош консулхонаси хабар берди.

"Россия ҳудудидаги фуқаролар ўзига тегишли фуқаролик паспортини йўқотган, яроқсиз ҳолга келган, амал қилиш муддати тугаган ва бошқа ҳолатларда ҳам дипломатик ваколатхоналарда хорижга чиқиш биометрик паспорти расмийлаштирилиб берилади.

Мурожаат учун: +73432723166, +73432723133, +79362517621, WhatsApp +79326162707", дейилади хабарда.

Бу нарса депорти/запрети бўла туриб чиқиб кетмай юрганларга тегишли эмас!

👉 t.me/musofirlar