MUDOFAA va XAVFSIZLIK 🇺🇿

#Расмий_баёнот

⚡️“Ўзбекистон” конягини истеъмол қилиш оқибатида 5 нафар фуқаро вафот этди

2024 йил 22-26 декабрь кунлари Андижон вилоятида 22 нафар фуқаро Ўзбекистон Республикаси акциз маркаси ёпиштирилган “Ўзбекистон” номли коньяк спиртлик ичимлик истеъмол қилганликлари оқибатида шифохонага ўткир заҳарланиш ташхиси билан ётқизилган.

Шифокорлар томонидан кўрсатилган зарур тиббий ёрдамга қарамасдан, уларнинг 5 нафари вафот этган.

Мазкур ҳолат юзасидан вилоят прокуратураси томонидан Жиноят кодексининг тегишли моддалари билан жиноят иши қўзғатилган.

Мазкур жиноят иши бўйича дастлабки тергов ҳаракатлари вилоят прокуратураси терговчилари раҳбарлигида тузилган вилоят ИИБ тергов департаменти, ИЖҚК департаменти терговчиларидан иборат тезкор тергов гуруҳи томонидан олиб борилмоқда.

Андижон вилояти прокуратураси

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿

Тергов қилиш давомида аниқланган крипто-активларни олиб қўйиш тартиби белгиланди

“Терговга қадар текширувни амалга оширишда ва жиноятларни тергов қилиш давомида аниқланган крипто-активларни олиб қўйиш, хатлаш, сақлаш ҳамда топшириш тартиби тўғрисидаги” йўриқнома Адлия вазирлигида давлат рўйхатидан ўтказилди (рўйхат рақами 3591, 25.12.2024 й.)

🔰 Унга кўра, крипто-активлар терговга қадар текширувни амалга ошириш ва жиноятларни тергов қилиш давомида хатлаш, мусодара қилиш, етказилган зарарни қоплаш учун олиб қўйилиши ҳамда далил сифатида эътироф этилиши мумкин.

⚠️ Крипто-активлар билан боғлиқ терговга қадар текширув ва тергов ҳаракатларини ўтказиш крипто-активлар билан ишлаш кўникмаларига эга бўлган мутахассислар иштирокида амалга оширилиши шарт.

📁 Қуйидаги маълумотлар крипто-активлар билан боғлиқ ҳуқуқбузарликларга оид ахборот манбалари бўлиши мумкин, жумладан:

▪️шубҳали операциялар тўғрисидаги хабарлар;
▪️хизматлар провайдерлари ва майнерлар томонидан тақдим этилган маълумотлар;
▪️назорат қилувчи (лицензияловчи) органларнинг маълумотлари;
▪️очиқ ахборот манбаларидан олинган маълумотлар.

🖥 Терговга қадар текширувни амалга ошириш ва жиноятларни тергов қилиш давомида крипто-активлар билан боғлиқ ҳуқуқбузарликларга оид маълумотлар ва далиллар қуйидагиларда аниқланиши мумкин:

🔹ахборот ташувчи қурилмалар;
🔹крипто-ҳамёнлар;
🔹қоғоз, блокнот ёки бошқа нарса ва буюмларда қайд этилган қўлёзма ва ёзувлар.

📋 Олиб қўйилган, хатланган ва далил сифатида эътироф этилган крипто-активларнинг ҳисоби суриштирув ва дастлабки тергов органлари томонидан юритилади.

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿

“Давлат сирлари тўғрисида”ги Қонун (ЎРҚ-1016-сон, 27.12.2024 й.) қабул қилинди

🔰 Қонун Ўзбекистон манфаатларини кўзлаб маълумотларни давлат сирлари жумласига киритишнинг ҳуқуқий ва ташкилий асосларини белгилайди.

✔️Шунингдек, давлат сирларидан фойдаланиш ва уларни ҳимоя қилиш, давлат сирлари билан боғлик бошқа фаолиятни амалга ошириш чоғида юзага келадиган муносабатларни тартибга солади.

📝 Давлат сирлари соҳасидаги ягона давлат сиёсати Президент томонидан белгиланади.

🏢 Давлат хавфсизлик хизмати давлат сирлари соҳасидаги махсус ваколатли давлат органидир.

📋 Маълумотларни давлат сирлари жумласига киритиш ва уларни махфийлаштириш Ўзбекистонда махфийлаштирилиши лозим бўлган маълумотлар рўйхатига асосан амалга оширилади.

📚 Давлат сирларидан фойдаланувчи ташкилотлар раҳбарлари маълумотларни давлат сирлари жумласига киритиш тўғрисидаги ўз қарорлари учун шахсан жавобгар бўлади.

⚠️ Давлат сирларини ташкил этувчи маълумотлар махфийлигининг куйидаги учта даражаси ва ушбу даражаларга мувофиқ бўлган мазкур маълумотларни ташувчилар учун махфийлик грифлари белгиланади:

🔹махфийликнинг биринчи даражаси – “Алоҳида аҳамиятли”;

🔹махфийликнинг иккинчи даражаси – “Мутлақо махфий”;

🔹махфийликнинг учинчи даражаси – “Махфий”.

🗓 Давлат сирларини ташкил этувчи маълумотларни махфийлаштириш муддати давлат аҳамиятига эга бўлган сир учун - 30 йилдан ва хизмат сири учун - 10 йилдан ошмаслиги керак.

📌Қонун расмий эълон қилинган кундан эътиборан 3 ой ўтгач кучга киради.

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿

⚡️Қарийб 14 минг дона психотроп ва кучли таъсир қилувчи дори воситалари савдосига чек қўйилди

Сўнгги йилларда гиёҳвандлик воситаларининг янги турларининг пайдо бўлиши ҳамда уларни контрабанда йўли билан мамлакатимизга олиб келиб, ижтимоий тармоқлар орқали ёшлар орасида тарқатилаётганлиги жамият учун жиддий хавфга айланди.
Ўз навбатида, бундай салбий ҳолатларга қарши курашиш эса мутасадди давлат органлари ва ташкилотларининг масъулиятини янада оширди.

Хусусан, ҳуқуқ-тартибот идоралари томонидан кўрилган зарур чора-тадбирлар натижасида Қирғиз Республикасидан олиб келинган психотроп ва кучли таъсир қилувчи дори воситаларининг ноқонуний айланмасига чек қўйилди.

Жумладан, Андижон вилоятининг Олтинкўл туманида ўтказилган тезкор тадбирда, “Нексия” русумли автомашинада йўловчи сифатида ҳаракатланаётган, Андижон шаҳрида яшовчи, 1970 й.т., муқаддам судланган фуқаро Д.Ж. аниқланиб, унга тегишли 1 дона полиэтилен қопда бўлган 1037 дона “Тропикамид” ва
224 дона “Регапен” кучли таъсир қилувчи дори воситалари просессуал тартибда расмийлаштириб олинди.
Шунингдек, унинг яшаш хонадонидан ҳам 1778 дона “Регапен” ҳамда таркибида психотроп модда бўлган 500 дона “Соннат” дори воситалари ашёвий далил сифатида олинди.
Таъкидлаш лозимки, ушбу дори воситалари Қирғиз Республикасидан олиб келинган.

Фарғона вилоятида кузатилган ҳолатда, Қирғиз Республикасидан “Риштон” чегара-божхона пости орқали кириб келган, Ўзбекистон туманида яшовчи, 1975 й.т., муқаддам бир неча маротаба судланган Н.Г. бошқарувидаги “Нексия” русумли автомашина тўхтатилиб, холислар иштирокида кўздан кечирилганда, унда
3527 дона “Зардекс” кучли таъсир қилувчи дори воситалари борлиги аниқланиб, просессуал тартибда расмийлаштириб олинди.

Қўқон шаҳрида қайд этилган ҳолатда эса, 1988 й.т. У.Х. бошқарувидаги “БЕСТУНЕ” русумли автомашина тўхтатилиб, холислар иштирокида кўздан кечирилганда, унинг салонида 3360 дона “Регапен” ва 1359 дона “Тропикамид” кучли таъсир қилувчи дори воситалари борлиги маълум бўлди.
Терговга қадар текширув давомида аниқланишича, мазкур дори воситалари ҳам Қирғиз Республикасидан олиб келинган.

Бундай ноқонуний ҳаракат Тошкент шаҳрида ҳам аниқланиб, 1997 й.т. фуқаро В.Ж. “Ўрикзор савдо комплекси” МЧЖ ҳудудида жойлашган савдо дўконларидан бирида, Қирғиз Республикасидан келтирилган, лекин, божхона ва сифатини тасдиқловчи ҳужжатлари бўлмаган, таркибида “Сибутрамин” кучли таъсир қилувчи модда бўлган жами 2153 дона турли хил маҳсулотларни келгусида сотиш мақсадида сақлаб келаётганлиги аниқланиб, маҳсулотлар ашёвий далил сифатида расмийлаштириб олинди.

Ҳозирда барча ҳолатлар юзасидан мазкур шахсларга нисбатан жиноят ишлари қўзғатилиб, тергов ҳаракатлари олиб борилмоқда.

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿

⚡O‘zbekistonga 100 nafar falastinlik bolalar va ayollar olib kelindi

Davlatimiz rahbari joriy yil 11-noyabr kuni Falastin muammosiga bag‘ishlangan navbatdan tashqari arab-islom sammitida ishtirok etib, tinchlikka eltuvchi bir nechta xayrli tashabbuslarni ilgari surgan edi. Jumladan, Prezidentimiz Falastin-Isroil muammosini tinchlik va diplomatiya yo‘li bilan hal etishga qaratilgan barcha amaliy harakatlarni to‘liq qo‘llab-quvvatlab, urushda jabrlangan bir guruh falastinlik bolalar va ayollarni O‘zbekiston shifoxonalarida beg‘araz davolashga tayyor ekanini ta’kidlagandi.

"Ming-minglab begunoh bolalar, ayollar va keksalar o‘limiga sabab bo‘layotgan bu vayronkor va mudhish hujumlar insoniyat yangi tarixining eng qora sahifasiga aylanmoqda. Ijtimoiy infratuzilma obyektlari, maktab va shifoxonalar, masjidlar, butun boshli shaharlar yo‘q qilib tashlanayotgani, millionlab tinch aholi boshpanasiz qolib, ocharchilik va kasalliklarga mahkum bo‘layotganini iztirobsiz kuzatish mumkin emas. Urushdan jabr ko‘rgan falastinlik bolalar va ayollarni O‘zbekistondagi klinikalarda bepul davolashga tayyor ekanimizni bildiramiz", degan edi O‘zbekiston Prezidenti.

Ushbu xayrli tashabbus ortidan kecha O‘zbekiston tomonidan Toshkent-Misr-Toshkent yo‘nalishida maxsus yo‘lovchi charter reys amalga oshirildi. Mamlakatga 100 nafar urush hududlarida aziyat chekkan falastinlik bolalar va ayollar olib kelindi. O‘zbekistonga kelgan bemor bolalar va ayollar, ularga hamrohlik qiluvchilar endilikda davlat tomonidan to‘liq tibbiy ko‘rikdan o‘tkaziladi va sog‘lomlashtirish sihatgohlariga joylashtiriladi. Ularning hayotga to‘laqonli moslashuvini ta’minlashga ko‘mak beriladi.

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿

⚡Andijon va Asaka tumanlarida maktab direktorlari ishdan bo‘shatildi

Huquq-tartibot idoralari tomonidan Asaka tumanida istiqomat qiluvchi G.E. (ayol) hech qanday maxsus bilimga ega bo‘lmasa-da, o‘zining yashash xonadonida 2014—2016 yillar oralig‘ida tug‘ilgan 5 nafar voyaga yetmagan o‘g‘il bolalarga noqonuniy ravishda diniy saboq berib kelgan.

Bolalarning 4 nafari andijonlik, 1 nafari esa Qashqadaryo viloyatidan kelgan.

Ta’kidlash lozimki, 2016-yilda Qashqadaryo viloyatida tug‘ilgan bolaning ota-onasi farzandining o‘qishini G.E. orqali 2023-yilning noyabr oyida Asaka tumanidagi umumiy o‘rta ta’lim maktablaridan birining 2-sinfiga ko‘chirishgan.

Maktab direktori esa bolani ota-onasining arizasisiz, tegishli buyruq chiqarmasdan o‘qishga qabul qilgan. Shuningdek, uni “hujra” sharoitida diniy ta’lim olayotganidan xabardor bo‘lsa-da, zarur choralarni ko‘rmagan.

Qashqadaryolik bola fuqaro G.E.ning uyida yashagan va diniy saboq olgan. Ammo, mazkur ayol tomonidan muttasil kaltaklanishi oqibatida olgan jarohatlari tufayli, u shifoxonaga yotqizilgan.
Holat yuzasidan G.Ega nisbatan O‘zbekiston Respublikasi Jinoyat Kodeksining 110-moddasi (qiynash) 2-qismi “a,v” bandlari bilan jinoyat ishi qo‘zg‘atildi.

Shuningdek, maktab direktoriga nisbatan xizmat tekshiruvi o‘tkazilib, egallab turgan lavozimidan bo‘shatildi.

                                            ***
Andijon tumanida ham shu kabi holat aniqlandi. Fuqaro A.U. (erkak) o‘z uyida “hujra” tashkil qilib, 2010 va 2013-yillarda tug‘ilgan 4 nafar o‘g‘il bolalarga diniy saboq berib kelgan.

Bolalardan biri Toshkent shahrida yashasa-da, ota-onasining xohishi bilan diniy saboq olishi uchun uning o‘qishi Andijon tumanidagi umumiy o‘rta ta’lim maktablaridan biriga ko‘chirilgan.

Afsuski, bola maktab darslariga qatnashmagan bo‘lsa-da, mazkur maktab direktori uni majburiy ta’limga jalb qilish bo‘yicha zarur choralarni ko‘rmagan.

Maktab direktoriga nisbatan xizmat tekshiruvi o‘tkazilib, egallab turgan lavozimidan bo‘shatildi.

Fuqaro A.Uga nisbatan esa O‘zbekiston Respublikasi Ma’muriy javobgarlik to‘g‘risidagi kodeksining 241-moddasiga asosan ma’muriy bayonnoma rasmiylashtirildi.

Каналга аъзо бўлинг 👇👇👇

  🇺🇿 Мудофаа ва Хавфсизлик 🇺🇿