Hashar - muborakliklarga yarashar!

Bugun Muborak tumanidagi barcha mahallalarda hashar tashkil etilib, unda mahalla ahli birgalikda koʻchalarni tozalash, obodonlashtirish va yashil hududlarni koʻpaytirish ishlarida faol ishtirok etmoqda.

Mehnatsevar muborakliklar qoʻlga ketmon, belkurak olib, yoʻl yoqalarini tozalashmoqda. Daraxtlar orasidagi xas-choʻplarni yigʻishmoqda, chiqindilarni chiqarib tashlashmoqda.

Shuningdek, ayrim hududlardagi yoʻl yoqalariga gullar va koʻchatlar ekilib, atrof-muhit yanada obod qilinmoqda.

Ayniqsa, tumanning "Istiqlol" mahallasidagi "Nurafshon", "Neftchilar", "Ibratlilar" ko‘chalarida hamda "Sariq" mahallasining "Sariq" qishlog‘ida hashar ishlari uyushqoqlik bilan tashkil etilmoqda.

Telegram | You Tube | Facebook | Instagram