Milliy rassomlik va dizayn instituti | RASMIY |

🇰🇿🇺🇿Qozog‘istonlik magistrantlarga stajirovka sertifikatlari topshirildi

🇰🇿Qozog‘iston Respublikasining Qozoq milliy san’at universiteti hamda Kamoliddin Behzod nomidagi Milliy rassomlik va dizayn instituti o‘rtasida yo‘lga qo‘yilgan hamkorlik aloqalari doirasida ushbu universitetning 2-bosqich magistrantlari 2025-yil 11-fevraldan 25-fevralgacha institutimizning “San’at tarixi va nazariyasi” hamda “Mahobatli rangtasvir” kafedralarida malaka oshirish dasturida ishtirok etdilar.

🎓Stajirovka davomida magistrantlar institutda yaratilgan ilmiy-tadqiqot muhiti, professor-o‘qituvchilarning tajribasi, san’at sohasi bo‘yicha zamonaviy yondashuvlar, shuningdek, o‘quv jarayonida innovatsion texnologiyalar qo‘llanilishi bilan yaqindan tanishish imkoniyatiga ega bo‘ldilar. Ular institut kutubxonasi, o‘quv ustaxonalari, muzeylar hamda san’at asarlari jamlanmasi bilan tanishib, o‘z bilim va malakalarini oshirdilar.

🎓Stajirovkani muvaffaqiyatli yakunlaganligi uchun Qozoq milliy san’at universiteti magistrantlari – Jorayev Bakit Maxmudovich, Kamunov Serjan Ruslanovich, Mareeva Yelena Sergeevna, Taskinbayeva Janelya Beybitovna va Shinarbek Nazerke maxsus sertifikatlar bilan taqdirlandilar. Sertifikatlarni Yoshlar masalalari va ma’naviy-ma’rifiy ishlar bo‘yicha birinchi prorektor Botir Sangirov hamda Ta’lim sifatini nazorat qilish bo‘limi boshlig‘i Kamola Nishanova tantanali ravishda topshirdilar.

🦅Tadbir yakunida magistrantlar o‘z taassurotlari bilan o‘rtoqlashib, institutda yaratilgan ijodiy va ilmiy muhitdan mamnun ekanliklarini bildirdilar. Ular ushbu stajirovka kasbiy mahoratlarini oshirish va kelgusida ilmiy hamkorlikni yo‘lga qo‘yish uchun muhim tajriba bo‘lganini ta’kidladilar.

🦅Mazkur hamkorlik dasturi kelgusida ikki oliy ta’lim muassasasi o‘rtasidagi ilmiy-ijodiy aloqalarni yanada rivojlantirish, professor-o‘qituvchilar va talabalar o‘rtasida tajriba almashinuvini kuchaytirish hamda san’at sohasi bo‘yicha xalqaro hamkorlikni kengaytirishga xizmat qiladi.

🇰🇿🇺🇿Qozoqistondan delegatsiya tashrifi: hunarmandchilik va kasb-hunar bo‘yicha tajriba almashinuvi

🦅2025-yil 22-fevral kuni Toshkent viloyati, Chirchiq shahridagi 14-umumta’lim maktabida kasb-hunar va hunarmandchilik sohasida bilim va malaka oshirish maqsadida Qozoqiston Respublikasidan delegatsiya tashrif buyurdi.

🖌Tadbir doirasida hunarmandchilikning turli yo‘nalishlari, milliy amaliy san’at, kasb-hunar ta’limining dolzarb masalalari muhokama qilindi. Mehmonlar o‘z tajribalari bilan o‘rtoqlashib, yosh hunarmandlar tomonidan yaratilgan ijodiy ishlarni ko‘zdan kechirdilar.

🎓Mazkur uchrashuvda Kamoliddin Behzod nomidagi Milliy rassomlik va dizayn instituti Amaliy san’at fakultetining 2-bosqich “Amaliy san’at asarlarini ta’mirlash” ta’lim yo‘nalishi talabasi Xotamqulov Otajon Xaydar o‘g‘li ham o‘zining betakror yog‘och o‘ymakorlik asarlari bilan ishtirok etdi. U o‘z ijodiy ishlari orqali an’anaviy o‘ymakorlik san’atining nozik jihatlari va zamonaviy dizayn bilan uyg‘unlashgan yondashuvlarini namoyish etdi.

🔴Tadbir yakunida Xotamqulov Otajon Xaydar o‘g‘li hunarmandchilik sohasidagi mahorati, ijodiy izlanishlari va milliy san’at an’analarini targ‘ib etishdagi faol ishtiroki uchun tashakkurnoma bilan taqdirlandi.

🖌Zulfiyaxonim Isroilova tavalludining 110-yilligi munosabati bilan “Adiblar xiyoboni”ga tashrif

🦅O‘zbekiston xalq shoiri, adabiyotimizning yorqin siymolaridan biri Zulfiyaxonim Isroilova tavalludining 110-yilligi munosabati bilan Kamoliddin Behzod nomidagi Milliy rassomlik va dizayn instituti tomonidan yoshlarning ma’naviy saviyasini oshirish va adabiy merosni keng targ‘ib qilish maqsadida “Adiblar xiyoboni”ga tashrif uyushtirildi.

🔴Ushbu tadbir institutning Yoshlar ittifoqi boshlang‘ich tashkiloti yetakchisi S. Xolto‘rayev hamda San’atshunoslik va muzeyshunoslik fakulteti yoshlar yetakchisi P. Mirzayev tashabbusi bilan tashkil etilib, unda ko‘plab talabalar ishtirok etdilar.

🔴Tadbirning bosh maqsadi – Zulfiyaxonim Isroilovaning hayoti va ijodiy faoliyatini chuqur o‘rganish, uning adabiyotimizga qo‘shgan beqiyos hissasini yodga olish hamda yoshlarni milliy madaniyat va adabiyotga yanada yaqinlashtirishdan iborat bo‘ldi.

Talabalar tashrif davomida shoiraning hayoti, ijodiy yo‘li va uning muhabbat, vatanparvarlik, insoniy qadriyatlar haqidagi asarlari bilan yaqindan tanishdilar. Shuningdek, uning o‘zbek ayoli qiyofasini ulug‘lovchi she’rlari, adabiy izlanishlari va ma’naviy merosining bugungi kunga ta’siri haqida ma’lumot oldilar.

🔴 Shundan so‘ng, mehmonlar o‘quv xonalarini, talabalarining ijodiy ishlarini ko‘zdan kechirdilar.

🌀 Suhbat jarayonida kelgusida Turkiya va O‘zbekiston institut professor-o‘qituvchilari, tadqiqotchilari va iqtidorli talabalarini almashinuv dasturlarini tashkil etish, ilmiy-ijodiy hamkorlik, miniatyura, xattotlik, qo‘lyozmalarni ta’mirlash sohalarini yanada rivojlantirishga doir masalalar qizg‘in muhokama qilindi.