Muhammad Amin Naziraliyev

O'zim haqimda

26 yoshman, bir nafar o'g'lim bor.

Marg'ilon shahridagi tug'ilib o'sganman va yashayman.

Yoshligimda stol-tennis, yugurish bilan shug'ullanganman. Hozir yugurish bilan shug'ullanaman.

Ta'limga qiziqish 6-sinfdan boshlangan. Maktabda va litseyda ozgina matematikadan dars berganman.

Soham Ayti va boshqaruv, Toshkentdagi Inha universitetini tugatganman. Ingliz tilini bilaman.

Hozirda Codial akademiyasida asoschisi va maslahatchi, SayyidSafo akademiyasi va Safo bog'chalarida boshqaruvchiman.

O'zimga to'qman, uyim va mashinam bor.

Challange qilishni yaxshi ko'raman. Hozirgacha maktablarga borib seminar qilish, yugurish, ot minish va ertalab turib dars qilishdan marafonlar qilib kelyapman.

Ustozlarim bor. Shogirdlarimiz ham.

Suv bo'yida yurish va yozish, kitob o'qishni yaxshi ko'raman.

Muhammad Amin Naziraliyev

@mnshuz

Faqat ular...

Shoshib uydan chiqib ketyapsan, birinchi yupun kiyinganingizga onangiz ahamiyat beradilar.

"Yuzingni issiq ko'rsatsin" deb doim bobong duo qiladilar.

"Hali yaxshi bo'lib ketadi, juda bo'lsa mashinamni sotaman" deydigan otang bo'ladi.

"Och qolmadingizmi, nima ovqat tayyorlab turay" deb ayoling aytadi.

"O'zingni oldirib qo'yibsanku jiyan" deydigan qarindoshlaring bo'ladi.

Vaqtingni kim bilan sarflayotganing va munosabatlarni kimni atrofiga qurayotganingni o'ylab ko'rish vaqti keldi, nazarimda.

Muhammad Amin Naziraliyev

@mnshuz

Teskari dunyo

Do'stim Abdulloh o'zlarini talabalik vaqtidagi qiyinchiliklari, puldgi muammo va sabr bardoshlarini yozibdilar. Guvohmiz.

Kaminada shuni teskarisi bo'lgan. Qiyini ham aslida shu. Yo'qchilik bo'lsa chidashga majbursan, bu holatdan olib chiqishga ham.

Lekin to'qchilikdachi? O'qishga borgansan, cho'ntagingda puling bor. Hali aniq maqsading yo'q. Ish ana shunda qiyin.

Unda o'zingni maqsadlaringni anglab yetishing, tashqi dunyo go'zalliklariga ko'z yumish, komfort zonadan chiqish juda qiyin bo'ladi.

Ayniqsa, cheklovlar qo'yish mashaqqatli ish. Bu holatda ichki motiv ni izlab, o'z ustingda ishlash yanada qiyin bo'ladi.

Intizom masalasi ham shunday, xoh u tarafda yo'l ochiq xoh bu tarafga.

Xulosa shuki, ikki tarafga ham oson emas.

*"O'qib nima qilasan, yashab bersang ham hamma narsa yetarliku" deganlar ham bo'lgan.

Muhammad Amin Naziraliyev

@mnshuz

Yodlash

O'rganib chiqqanimizda 3-7 yoshgacha bo'lgan bolalar(hozirda bog'cha bolalari) asosan ikkita faoliyat qobiliyati bo'lar ekan:

1. Taqlid orqali o'rganadi
2. Ko'r-ko'rona yodlashlaydi.

Shuni hisobga olib Safo bog'chamizda birinchi faoliyatni odatlarni shakllantirishga qaratgan edik. Endi bolani zehniyatini ochish, yodlash qobiliyatini kuchaytirish uchun she'rlar yodlatishni boshladik:

1. Bir haftada bitta she'r yodlashadi. Bunda 2 kubletdan oshirilmaydi.

2. She'rlarni ma'nosi ulkan lekin hozirgi bolalar foydalanayotgan so'zlardan iboratlarini tanlab olyapmiz. Kelajakka zahira qilib qo'yilsa keyin ma'nosini tushunib olaveradi.

3. Ota-onalarga yodlatishni vazifa qilib qo'yyapmiz. Shu bilan bolalar orqali ota-onalarni ham yodlashga, ma'nolarini anglab yetishlarini maqsad qilganmiz.

She'rlardan namuna:

Umr o‘tib borar misoli ertak,
Ertaning ketidan kelib qolar shom.
Faqat g‘aflat ichra yotmagin, yurak,
Qaytib kelmas sira bu yoshlik ayyom.

Payt kelar, va’daning qimmati qolmas,
Muhlat  bermas u dam to‘lgan paymona.
O‘tgan bir oningni qaytara olmas,
Na ko‘zyosh, na afsus va na bahona...

Abdulla ORIPOV

Muhammad Amin Naziraliyev

@mnshuz

Qum bilan

U videoda idishni birinchi katta toshlar bilan keyin kichikroq oxirida esa qayta tosh sig'magan holatda qum bilan to'ldiradi va ma'nosi shuki, "Hayotingdagi amallardan unumli foydalaning, ishlarni katta kichiklarini ajratib, katta ishlarni oldinga qo'yib, kichik ishlar orqali ham samarali vaqt o'tkazing." degan ma'noni beradi.

Hammamiz ko'chada piyoda, metro, mashinada yuramiz o'rtacha holatda 30 daqiqa vaqtimiz yo'lga sarf bo'ladi. Shuni ham bo'sh qoldirmaslik kerak. Bu audio kitob eshitish bilan bo'ladi.

O'zim deyarli o'qigan kitoblarimni bor audiolarini yo'lda eshitib tugatganman. Undan tashqari qancha podkastlar, intervyular va o'qishingiz kerak lekin vaqt bo'lmayotgan kitoblar bor.

Keling, bugundan boshlab har bir vaqtimizga e'tiborli bo'lamiz. Quloqchinni olamizda bir kitobni tanlab ozgina vaqtimizni ham zoe ketmasligiga harakat qilamiz.

Bu kitob audiosidan boshlashingizni tavsiya qilaman -> Havola

Muhammad Amin Naziraliyev

@mnshuz

Tajribali bilan aytilgan jumlalar

Kitob mutolaasini tugatganimdan keyin biroz oz xulosasi haqida o'ylab yuramanda keyin yozishga kirishaman. Kitobga xulosa yozishdan ko'ra iqtibos keltirib o'tsam deb o'yladim.

Sababi kitobxonlar iqtibosni o'zidan ham kitob qanday yozilgani haqida bilib olaverishadi. Kitobdan parchalar:

1. Kelajakdan qo‘rqmaslik, o‘tmishga sajda qilmaslik.

Istiqboldan qo‘rqqan odam muvaffaqiyatsizlikdan qo‘rqadi, muvaffaqiyatsizlikdan qo‘rqqan o‘ziga cheklov qo‘yadi. Muvaffaqiyatsizlik – ishni yanada aqlliroq asosda qayta yo‘lga qo‘yish imkoniyati, xolos. Halol muvaffaqiyatsizlik sharmandalik emas, undan qo‘rqish sharmandalikdir. O‘tmish bizga rivojlanish yo‘llari va vositalarini ko‘rsatgani uchungina foydalidir.

2. Raqobatga e’tibor bermaslik.

Sendan ko‘ra yaxshiroq bajara oladiganlarni o‘ylab qimirlamay qolish – jinoyat. Kimningdir biznesini barbod qilishga urinish – jinoyat, chunki bu shaxsiy foyda ketidan quvib, o‘zgani sharoitini buzishga urinish – aql o‘rniga kuchdan foydalanib hukm o‘rnatishdir.

3. Xizmat ko‘rsatish foyda olishdan muhimroq.

Albatta, tadbirkorlik foydasiz yashay olmaydi. Mohiyatan, daromadga intilishning yomon yeri yo‘q. Yaxshi yo‘lga qo‘yilgan biznes foyda keltirmay qolmaydi. Biroq foyda yaxshi ish uchun mukofot bo‘lishi lozim. U ishning poydevori emas, balki ishning samarasi bo‘lsa maqsadga muvofiq.

4. Ishlash chiqarish – arzon olib, qimmat sotish emas.

U xomashyoni maqbul narxda sotib olish va ana shu mahsulotni kamroq sarflar bilan xaridorga maqbul keladigan sifatli iste’mol mahsulotiga aylantirishdir.

Henri Ford "Mening hayotim" kitobidan.

Muhammad Amin Naziraliyev

@mnshuz

Yo’qotilgan ko’za

Yoshligimda bir kino haligacha yodimda, ko’p holatlarga solib ibrat olsa bo’ladi.

Ko’za yasaydigan ko’zachi o’z ko’zalarini sotib o’tirgan bo’ladi va ozgina shira-kayf xaridor kelib, hamma ko’zalarni sotib oladi.

Ko’zachi xursand holatda uyiga qaytayotganda, ko’zani olgan xaridor hamma ko’zalarni birma-bir sindirib chiqayotgan bo’ladi. Shunda ko’zachi orqaga qaytib, pullarini yuziga otib, quyidagicha gapiradi:

“Bu ko’zalarni tez sinib ketishi uchun yasamadim, balki ulardan foydalansalar, suv saqlasalar, hojatlarini chiqarsa deb yasadim. Pulimni olgan bo’lsam ham, bu ko’zalarni foydalanmasdan sinib ketishi meni xursand qilmaydi,” deydi.

Bundan xulosa shuki, har birimiz ham mehr berib qilgan mehnatimizning, ishlarimiz va farzandlarimizning shu ko’za singari tez sinib ketishini xohlamaymiz.

Haqiqatan ham, inson mehr bilan qilgan ishining beparvolik bilan yo’q qilinishini ko’rish og’riqli.

Ayniqsa, yillar davomida jamiyatga foydasi tegishi uchun tarbiyalagan shogirdlarimiz bizdan chiqiboq, niyati o’zgarib, to’g’ri yo’ldan adashib, noto’g’ri yo’lga yurishiga qalb-qalbimizdan achinamiz.

Ko’zaku bir loy bo’lsa, biz uchun qalb masalasi har doim oldimizda turadi.

Muhammad Amin Naziraliyev

@mnshuz

Zaldagi voqealar

Yashasak kuzataverar ekanmizda:

1. Shomdan keyin odam ko’p, yurishga joy yo’q. Ashula bo’lsa, yarmiga yetmasdan almashadi. Chunki bo’ydoq kachokchalarni didlari har xil.

2. Yugurish yo’lagiga chiqishdan oldin niyat qilib chiqasan. Bo’lmasa, u kino ko’rayotgan yaxshi inson bilan sen ham ko’rishga majbursan. Nima emish, quloqchin taqish zarar ekan. Ancha kinoni quloqda “ko’rib” yubordim.

3. Chekkada turgan akalar esa zalga ishlashgami yoki maqtanishgami kelishgan deb o’ylab qolaman. Ketayotganda xayrlashib, “Matiz” mashinasiga o’tirib ketishadi.

4. Kiyinish xonasida ikki akalar vaznlarini o’lchashga qo’rqib, shunday deyishyapti: “Vaznimiz ham katta bo’lib ketdi, ozmasak bo’lmaydi!”. Hah, o’zbegim taomlari. Mashinaga chiqib ketayotganda qaysi kabobxonaga borishni maslahat qilishayotgan ekan.

5. O’g’lini kiyimini kiyib keladiganlarni tushunmay o’tib ketsam kerak.

6. Zalda har doim “ekspertlar” topiladi.

7. Selfi ustalari ham bor. Oldin toshni ikki qo’lida ko’tarib mashq qilgan bo’lsalar, hozir selfi ustalari bir qo’lida tosh, bir qo’lida telefon bilan shug’ullanadi.

Muhammad Amin Naziraliyev

@mnshuz

To'y hangomalari

Sinfdoshimni to'yida kuyovjo'ra bo'ldim. Kuzatganlarim:

1. Kuyovjo'ra albatta kostyum kiyishi shart ekan. O'zimga tushadigan kostyum topguncha ona sutim og'zimga keldi. Nima emish kuyov bola bilan bir xil bo'lish kerak ekan.

2. Kuyovjo'rani cho'ntagida har ehtimolga qarshi ozgina pul turishi kerak, fors-major holat uchun. Bir so'm ishlamadi.

3. Kuyovjo'ra kuyovni kiyimini qarashi, o'zini tutishiga e'tibor kerak. Yosh bolami u? Xatto mashinani eshigini ochib berishi kerak. Iyaa o'zi ocha olmaydimi? Shu kungacha birovga qilmagan ehtiromimni shu so'taqo'ziga qildim.

4. Yuqoridagilarniku eplasa bo'lar lekin ertalab hali quyosh chiqmasidan, sovuqda kuyovbolani oldida turish kerak. Yo sog'liqni yo'qotasiz yoki do'stni deyishgan edi. Sog'liqni tanladim.

5. Kelinni uyida kuyovnavkarlikka borilganda kuyovjo'ra uncha narsa yemasligi kerak. Shuncha nozu-ne'mamatlarchi? Qovun, pista, bodom, osh, ox ox.

6. To'ydan oldin ko'ch ya'ni kelin tarafdan hamma narsalarni kuyov tarafga olib kelish tushuniladi.

Buni yomon tarafi 1 hafta oldin kuyov taraf kelin tarafga yarim narsani berib yuborgan bo'ladi, biz esa ahmoqqa o'xshab katta mashinaga yuklab yana olib kelamiz.

O'zbegim to'ylariga bormanda, o'ynab qo'yay, o'ynab qo'yay.

Muhammad Amin Naziraliyev

@mnshuz

Samimiylikni ko'paytiring

Mening maslahatım, an’anaviy biznesga asoslanib, aloqa o’rnatishni to’xtating, o’rniga do’stona munosabatlarni ko’paytiring, ularni chuqurlashtiring va mana shu do’stona munosabatlar muvaffaqiyat keltiradi.

Do’stona munosabatlaringiz qanchalik rang-barang bo’lsa, keyingi hayotda siz ulardan ham shaxsan, ham biznes tarafdan shunchalik ko’p foyda olasiz.

Siz ulardan qanday turdagi foyda olishingizni aniq bilmassiz, ammo agar do’stligingiz chin bo’lsa, bu foyda oradan 2-3 yil vaqt o’tib, mo’jizaviy tarzda yuz ko’rsatadi.(Toni Shey)

Biznes, trening, seminar, uchrashuv, networking lar degan gaplarning hammasida munosabatni bir tomonlama qurishni o'rgatishadi. Ya'ni manfaat ustiga.

Munosabatlar manfaatga emas, balki haqiqiy insoniy aloqalarga asoslanganda, ular yanada samarali va barqaror bo’ladi.

Chin do’stlik har qanday sharoitda eng qimmatli aktivdir.

Muhammad Amin Naziraliyev

@mnshuz

Davomiy bo'lish

Bir ishni davomiy qilishga bel bog'ladingiz. U yugurish, velik minish, shakarlik mahsulotlarni yemaslik, kitob o'qish, ingliz tili va hokazo.

Lekin hech ham intizomga tusha olmay, hammada bo'lgani kabi nimadir ish bilan, safar, charchashlar bilan uzoq davom ettira olmayapsiz. Sizga maslahat challenge boshlang. Tartib va foydalari:

1. Challange ni boshlashda kunini aniq qilinadi va ommatan hammaga vada beriladi.

2. Kun yoki haftalik vazifani story ga qo'yib boriladi va qolib ketgan yoki bajarilmagan holatda kuzatuvchilar o'zi yana qo'llab-quvvatlab yuborishadi.

3. Vada berib qo'yilgani uchun ham qilasiz. Chunki bunday yondashuvda nafaqat o’zingiz uchun, balki boshqalar uchun ham mas’uliyatni sezib, o’zingizni yanada javobgar his qilasiz.

4. Eng katta ish sizdan ilhomlanib boshqalar ham boshlashadi. Sizdan ugina, bizdan bugina.

4. Boshida ozroq kunga qilib keyin o'stirib borish kerak.

Irodaga emas majburiyatga qo'ygan yutadi.

Muhammad Amin Naziraliyev

@mnshuz

Mazza a?

1. Telefonga tikilib o'tirasanda to'yganingdan keyin endi kamroq telefonda bo'laman deysan.

Yana qaytasan! Mazza a?

2. Ertalab 09:00 da turib endi erta yotib erta turaman deysan.

Yana qaytasan! Mazza a?

3. Do'stlaring bilan hamtovoq bo'lganingdan keyin endi bunday bekorchilik qilmayman deysan.

Yana qaytasan. Mazza a?

4. Endi bundan buyog'i post yozaman, kitob o'qiyman, jismoniy qilaman deysan! Ertasi kuni o'zingizni yana unutasan!

Yana qaytasan. Mazza a?

5. O'sadigan ishga o'taman, bir xillikdan charchadim deysan. Davoing baland. Lekin davoing harakatingga to'g'ri kelmaydi. Ertasi kuni yana o'zingizni o'sha ishda ko'rasan.

Yana qaytasan. Mazza a?

Shunchaki umring o'tmoqda, bunday hayot sen uchun emas.

Muhammad Amin Naziraliyev

@mnshuz

Orzu

O'ylab qolaman hayotni yanada yaxshilikka to'ldirish uchun sizga yaxshilik qilinganda, qaydlarga yozib olib, siz ham kimdirga huddi shunday yaxshilik ulashsangiz qanday holat bo'lar ekana.

Bunda har bir yaxshilik o'zini jinsidan bo'lishi kerak. Sizga kimdir kitob olib berdi demak siz ham unga kitob olib berasiz.

Sizga yo'l ko'rsatildimi siz ham yo'l ko'rsatasiz.

Yoshlingizda universitet shartnoma pulingizni to'lashda imkoniyat bo'lmaganda to'lab yuborishdi, albatta kelajakda siz ham shunday qilasiz va hokazo.

Agar har bir inson o’zi olgan yaxshilikni boshqalarga shunga o’xshash tarzda ulashsa, jamiyatda yuksak ijobiy o’zgarishlar bo’ladi.

Yaxshilikning jinsidan bo’lishi hayotni adolatli qiladi. Bu bilan biz yaxshiliklar zanjirini yaratamiz.

Ajoyib orzu!

Muhammad Amin Naziraliyev

@mnshuz

Keskin burilish

Henri Ford katta dehqon oilasida tug'ilgan. O'zi ham ozgina dehqonchilik qilgan. Uning oldida ko'plab bug'da yuradigan traktorlar bo'lgan. Mashina ustaxonasi qurishga puli bo'lgan. Otasi boy bo'lgan...

Stiv Jobs ni otasi unga eng oxirgi rusumli kompyuterni olib bergan. Katta universitetda o'qitishga puli ham bo'lgan...

Toni Shey vaqtida pochta xizmati juda rivojlangan bo'lib, juda ko'p tajribalarini pochta orqali qilgan. Harvard universitetida o'qigan, bakalavrni ham shu universitetda o'qigan va otasi o'qita olgan.

Haqiqatan ham, ko’plab muvaffaqiyatli insonlarning orqasida ma’lum sharoitlar, imkoniyatlar va atrof-muhit ta’siri yotadi. Henri Ford, Stiv Jobs va Toni Shey kabi shaxslar o’zlarining davriga va sharoitlariga mos ravishda o’z yo’llarini topganlar.

Bir insonga yangi yo’nalish tanlashda holati, qobiliyat va mavjud imkoniyatlarni hisobga olish kerak. Agar insonning ishi unga baraka keltirayotgan bo’lsa, keskin burilish qilish hayotida katta xavf tug’dirishi mumkin.

Chunki bir yo’nalishga to’liq o'tishdan oldin barcha omillarni hisobga olish katta rol o’ynaydi.

Xulosa, maslahat berishga shoshilmang va atrofdagi omillarni to'liq hisobga oling.

Muhammad Amin Naziraliyev

@mnshuz

Qarz berishda qoidalarim

1. Zarar ko'rish ham yo'q, zarar berish ham yo'q qoidasiga amal qilaman.

2. Tanimagan insonimga qarz bermayman.

3. Qarz so'rab kelgan odamga tezda berib yubormayman, shaxsini bilsamda holatini surishtiraman. "Let me discuss my pillow" qoidasiga amal qilishga harakat qilaman.

3. Qarz berayotganda aniq muddat qo'yaman.

3. Tanigan odam qarz so'rasa birinchi marta bo'lsa juda kam summada berib, muddat qo'yaman. Muddatga, fors-major holatdan tashqari, amal qilmasa qaytib qarz bermayman.

4. Lekin, aynan qarz masalasida juda ko'pchilikdan ko'nglim sovugan, ishonchim yo'qolgan, va imkon qadar qarz bermaslikka harakat qilaman. "Lend your money and lose your friend" ya'ni "Qarz ber va do'stingdan mahrum bo'l" degan maqol jumlani endi his qilyapman.

Qarz masalasi chindan ham dolzarblashib bormoqda. Shu kungacha qarz beradigan emas oladigan holatda bo‘lganman.

Shukr qilamiz, ziyoda qilinadi. Oluvchi emas beruvchi qilganiga.

Shaxsiy firklarim, har doim o'rganib xatolar tuzatish holatidaman.

Muhammad Amin Naziraliyev

@mnshuz

Yugurish foydalari

Mana vaqtlar o'tib yugurish marafonini 75-kuniga keldim. Yugurishni o'zimda ko'rgan ba'zi foydalarini keltiraman:

1. Vaznimni shunday holatda ushlab turibman. Marg'ilonda semirmaslik juda qiyin.

2. Qonim suyuqlashdi natijada harakatim ko'paydi.

3. Uxlashim sifatli bo'ldi. Sifatsiz 8 soat uyqudan sifatli 6 soat uyqu yaxshi.

4. Kunduzi tetik yuradigan bo'ldim. Ayniqsa kayfiyatim yaxshilana boshladi.

5. Immunitetim oshdi. Oxirgi 6 oyda bir marta gripp bo'ldim. Undan oldingilariga qaraganda ancha yaxshi, o'sish bor.

Yugurishni sog’liqni saqlashning bir qismi sifatida ko’rish mumkin, bu nafaqat tanani, balki fikr va ruhni ham o’stirishga yordam beradi.

Marafonning 75-kuniga yetib kelganim men uchun katta yutuq!

Muhammad Amin Naziraliyev

@mnshuz

Qarzni kechish

Kelajak hayotimga asqotadigan ta'limot o'rgandim, bo'lishmoqchiman:

Haqiqatda hozircha o'sha pulga ehtiyoji bor, aytilgan vaqtida beradigan do'stingiz qarz so'rab keldi, berdingiz.

Muddati keldi, beraman deyapti sizga esa u pulga endi ehtiyojingiz yo'q kechib yubormoqchisiz. Undan qilmang, kechib yubormang.

Chunki sizni pulingiz unga o'sha paytda zarur edi xolos, hozir unday emas. Qaytarmochi.

Kechib yuborsangiz, huddi muhtojga qilingan muomilani ko'radida kelasi safar sizdan so'ramay qo'yadi.

Chunki u pulga muhtoj emas balki ehtoji bor edi xolos. Do'stingiz o’zini yomon his qilishi yoki kelajakda muloqotdan o’zini tortishi mumkin.

Haqiqatan ham, qarzni qaytarish har ikki tomon uchun ham mas’uliyatni saqlab qoladi va munosabatlarning yanada kuchayishiga xizmat qiladi.

Muhammad Amin Naziraliyev

@mnshuz

Haqiqat

Dunyo bo'ylab nashr etilgan kitoblarning 60% ingliz tilida. Xohlagan mutaxasislik bo'yicha kitob, trening, podkast va jurnallar bor.

O'zim ham bundan keyin ingliz tilida kitob o'qishga bel bog'ladim. Oy oxiriga kelib deyarli hamma o'qiyotgan kitoblarim ingliz tilida bo'ladi.

Hozir o'zbek tilida pichoqqa sop bo'ladigan deyarli hamma kitobni o'qib bo'ldim. Siz ham 1 yilga bormasdan yetib kelasiz.

Biz ham imkon qadar o'zimizni o'quvchilar Ayti dan ham oldin o'rganish kerak bo'lgan narsa ingliz tili deb o'rgatamiz. Ayniqda Ingliz tili bilan Ayti ni qo'shish o'quvchilarni dunyo maydonidagi raqobatga olib chiqadi.

Yuqoridagilarni sababidan Codial akademiyamizda ingliz tilini o'rganayotganlar uchun seminar tashkilladik. Qiziquvchilar bo'lsa taklif qilamiz.

Muhammad Amin Naziraliyev

@mnshuz

Kattalardagi odat

Yoshligimda opoqimlar odatlarimizni shakllantirib berishgan, 100% desangiz ham adashmaysiz.

Yotoqxona eshigini taqqilatib kirish, narsa berayotganda o'ng qo'lda berib qabul qilayotganda ham o'ng qo'lda qabul qilish, chaqirgan odamga "Labbay" deyish, suvga tuflamaslik, ko'chaga chiqindi tashlamaslik, "Xo'p bo'ladi" deyish va hokazo odatlar.

Qo'limizdan ushlab yurib sekinlik bilan, hikmatlardan gapirib o'rgatib borishgan.

Yuqoridagi odatlarni asosan bobolar o'rgatgan, chunki hozirgi kabi ota-onalar ishda bo'lishgan. Endi esa aholi ko'payib hovli qilib chiqqani uchun bunday bobolarni jamiyat yetkazib bera olmayapti.

Tabiiyki, buni ma'suliyati endi bog'chalarga o'tgan. Bog'chadan uyga qaytayotgan farzandingiz shunday odatlarni bilib qaytsa qanchalik xursand bo'lasiz.

Xullas, yosh bolalarda odatlarni shakllantirmoqchi bo'lsangiz yoki bobolar toping yoki bog'cha. Ammo, bobolarning o’rgatgan oddiy, ammo hayotiy odatlari har doim o’z o’rniga ega.

Muhammad Amin Naziraliyev

@mnshuz