Minim | Brand Design

Мижоз миясида бўлган бир ғояни амалга ошириш гўёки бир болакайни етаклаб, вояга етгунча меҳр ва тарбия бериш демакдир.

Бу сафарги кейсимиз — ичимлик суви бренди. Ном топишдан бошлаб қадоқ дизайнигача лойиҳани тўлиқ ўзимиз амалга оширдик.

Натижада катта ҳаётга қадам қўйишга тайёр, яъни бозорга ўз оёқлари билан кириб бора оладиган, вояга етган бренд ҳосил бўлди.

Баҳо бериш эса сиздан!

“Мен бу ердаман!” дейдиган дизайн

Дўконларда одатда чойнинг ўнлаб хиллари тахланиб туради. Аммо биз шулар ичидан яққол ажралиб турадиган, гўёки “Мен бу ердаман!” деб ўзига эътиборни қаратадиган қадоқ дизайни ишлаб чиқишга эришдик.

Бунинг учун турли дизайн усулларидан ва ранглар комбинациларидан фойдаландик. Батафсил сайтимиздаги мақолада.

Керакли маҳсулот учун керакли брендинг

Биз ҳар доим бозорда инсонларга керакли маҳсулотлар пайдо бўлишидан хурсанд бўламиз. Бу сафарги кейсимиз — тагликлар ва шахсий гигиена воситалари ишлаб чиқарувчи бренд учун ишланган брендинг.

Олдимизда қуйидаги вазифалар турганди:
— ном топиш,
— логотип яратиш,
— ягона дизайн концепциясини ишлаб чиқиш,
— ранглар комбинациясини танлаш.

Барчаси ҳақида батафсил сайтдаги мақоламизда

Ҳурматли ҳамкорлар!

Бугун, 2025 йилнинг 10 апрелида Тошкент шаҳрида 24-халқаро «UzFood 2025» озиқ-овқат маҳсулотлари, ингредиентлар ва ишлаб чиқариш технологиялари кўргазмаси ўз ишини якунлайди. Ушбу тадбир «Ўзэкспомарказ» МКМда бўлиб ўтмоқда ва ўзининг минтақавий аҳамиятини яна бир бор тасдиқлади.

Кўргазмада 26 мамлакатдан келган 370 дан ортиқ компаниялар қатнашмоқда. Жорий йилда айниқса Хитойнинг иштироки фаол бўлганини алоҳида таъкидлаш лозим. Тадбирда Ўзбекистон бозорига киришни хоҳлаган ишлаб чиқарувчи, етказиб берувчи ва дистрибьюторлар жуда кўп. Қўшни давлатлардан — Қирғизистон, Тожикистон ва бошқа мамлакатлардан меҳмонларнинг ташрифи кўргазманинг минтақавий аҳамиятини янада оширмоқда.

Тадбир юқори даражада ташкиллаштирилган, олдинги йилларга қараганда меҳмонлар сони анча кўпайган.

Бугун кўргазманинг сўнгги куни, кичик ва ўрта бизнес вакиллари ҳамда дистрибьюторларни ташриф буюришга таклиф қиламан. Нетворкинг, инновация ва бизнесингизни кенгайтириш учун ажойиб имконият.