Мигрантлар ҳаёти

1 доллар 115 рубл? 2025 йилда курс билан нима бўлади

Иқтисодчилар огоҳлантиради: Дональд Трампнинг инаугурациясидан сўнг, доллар курси 115 рублгача кўтарилиши мумкин. Бунинг сабаби – АҚШнинг янги маъмуриятининг савдо, солиқ ва иммиграция сиёсатидаги кутилаётган ўзгаришлар.

Нима қилиш керак? Мутахассисларнинг таъкидлашича, доллар сотиб олиш фақат яқин келажакда валютада харажатлари бўлганлар учун фойдалидир. Қолганлар учун – безовталанмаслик ва вазиятни кузатиб бориш яхшироқдир.

@migrantlarhayoti

Россия ҳукумати судланган хорижликларнинг мамлакатга кириш қоидаларини кучайтиришни рад этди

Бошқирдистон парламенти ва Давлат Думаси депутати Динар Гильмутдинов оғир ёки ўта оғир жиноятда айбланган шахсларнинг РФга киришини чеклашни таклиф қилганди. Бироқ, ҳукумат уларнинг далилларини етарли эмас деб топди.


@migrantlarhayoti

Хушхабар: Ўзбекистонлик муҳожирларга дипломатик ваколатхоналарда биометрик паспорт расмийлаштирилиб берилади

Ўзбекистон Ҳукумати томонидан Россияда вақтинчалик ишлаётган ўзбекистонликларга (ноқонуний юрган бўлса ҳам) дипломатик ваколатхоналарда 2025 йилнинг 30 апрелига қадар хорижга чиқиш биометрик паспортлари расмийлаштириб берилиши йўлга қўйилди.

Бу ҳақда Ўзбекистоннинг Екатеринбургдаги Бош консулхонаси хабар берди.

«Россия ҳудудидаги фуқаролар ўзига тегишли фуқаролик паспортини йўқотган, яроқсиз ҳолга келган, амал қилиш муддати тугаган ва бошқа ҳолатларда ҳам дипломатик ваколатхоналарда хорижга чиқиш биометрик паспорти расмийлаштирилиб берилади», – дейилади хабарда.

Мурожаат учун: +73432723166, +73432723133, +79362517621, WhatsApp +79326162707.

@migrantlarhayoti

ХМАО-Юграда мигрантлар ишлаши тақиқланган соҳалаар кенгайтирилди

Энди у ерда патентли мигрантлар техника, пойабзал, соатларни таъмирлаш, сартарошлик қилиш билан ҳам шуғуллана олмайди. Мигрантларга жами 22 та соҳада ишлаш тақиқланди. Губернатор тегишли фармонни имзолади.

@migrantlarhayoti

Амал қилаётган патентим бор, лекин паспортни алмаштирдим – нима қилиш керак

Масалан, ўзбекистонлик “яшил” паспортни загранпаспортга алмаштирган бўлса. Бундай вазиятда миграция марказига мурожаат қилиш керак. Ўзгартиришни киритиш учун ушбу ҳужжатлар керак бўлади:

• паспорт ва унинг нотариал тасдиқланган таржимаси
• патент
• патент тўлови амалга оширилганини тасдиқловчи чек/квитанциялар

Бир ҳафта ичида мурожаат қилишни тавсия қиламиз, кейинчалик жаримага тортилмаслик учун. 10 иш куни ичида ўзгартириш киритиб берилади.

@migrantlarhayoti

Хорижлик талабалар рус тилидан ягона тест топширади — Россия Таълим ва фан вазирлиги Путин кўрсатмаси билан имтиҳон тайёрламоқда

Бунга хорижликларнинг ёзиш, ўқиш ва мулоқот қобилияти текшириладигани амалдаги олтин даражали имтиҳон (ТРКИ) асос бўлади.

Ҳозирда Россия университетларида ўқиш учун имтиҳондан ўтиш талаб қилинмайди. Чет элликлар ўз хоҳишига кўра ёки иш берувчининг илтимосига биноан тестдан ўтиши мумкин.

@migrantlarhayoti

Россияда бўлиш муддатини узайтириш учун нима қилиш керак?

Аввал хабар берилганидек, 1-январдан бошлаб визасиз режимда мамлакатга кирувчи хорижликлар Россия ҳудудида умумий ҳисобда уч ойдан ортиқ қололмайди. Бу муддат тугагандан кейин мамлакатга фақат келгуси календар йилида қайтиб кириш мумкин бўлади.

Бугун қонунчиликдаги ўзгаришлар кимларга тааллуқли эмас?

Янги қоидалар яшаш учун рухсатнома (ВНЖ), патент, қочқинлик гувоҳномаси, меҳнат ёки вақтинчалик яшаш учун рухсатномага (РВП) эга бўлган, шу жумладан таълим олиш мақсадида Россияда бўлиб турган хорижликларга тааллуқли эмас. Шунингдек, Беларусь ва Жанубий Осетия фуқаролари ҳам мамлакат ҳудудида 90 кундан ортиқ қолишлари мумкин.

РФ қонунчилиги хорижий фуқароларнинг қуйидаги тоифалари учун вақтинчалик бўлиш муддатини узайтириш асосларини назарда тутади:

– чет элда яшовчи ватандошларни РФга ихтиёрий кўчиб ўтишга кўмак бериш бўйича Давлат дастурида иштирокчи бўлганлар ва уларнинг оила аъзолари;
– ЕОИИ давлатлари фуқаролари (ва уларнинг оила аъзолари), Россия иш берувчиси билан муддатсиз меҳнат ёки фуқаролик-ҳуқуқий шартнома тузганлар; – РФ фуқароси ёки Россияда доимий яшовчи хорижий фуқаронинг оила аъзолари;
– талабалар ва уларнинг оила аъзолари;
– патент асосида меҳнат фаолиятини амалга ошираётган ота-онанинг вояга етмаган фарзандлари.

Россияда бўлиш муддатини узайтириш учун РФ Ички ишлар органларига ёзма ариза билан мурожаат қилиш лозим. Буни, шунингдек, Россия ИИВнинг ФГУП "ПВС" ёки ММЦ “Сахарово” орқали амалга ошириш мумкин.

Ўртакашларнинг мамлакатдан чиқиб, қайта кириш бўйича маслаҳатларига амал қилиш тавсия этилмайди, чунки бу Россия ҳудудида бўлиш рухсатини узайтиришга ҳеч қандай таъсир кўрсатмайди!

Агар сиз Россияда бўлиш муддатини бузган бўлсангиз, ҳуқуқий мақомингизни тартибга солиш учун зудлик билан РФ Ички ишлар органларига мурожаат қилишингиз лозим. Шундай ҳолатда, 30 апрелга қадар чиқариб юбориш ёки киришни ёпиш чораларини қўлланилмайди.

@migrantlarhayoti

Ўзбекистон ҳам хорижликларни мажбурий дактилоскопик рўйхатга олишни бошлайди

Дактилоскопия, жумладан, қуйидаги ҳолатларда амалга оширилади:

– хорижлик чегарани кесиб ўтаётган вақтда, агар дактилоскопик рўйхатга олинмаган бўлса;

– Ўзбекистон ҳудудида вақтинча бўлиб турган хорижликка жисмоний шахснинг шахсий идентификация рақамини беришда;

– хорижликни Ўзбекистондан маъмурий тарзда чиқариб юборишдан олдин.

Қонун 2025 йил 1 августдан кучга кириши кутилмоқда.

@migrantlarhayoti

Санкт-Петербургда сўнгги йиллар ичида патент нархи қандай ўзгарди?

• 2018 йил – 3 500 рубль
• 2019 йил – 3 800 рубль
• 2020 йил – 3 993 рубль
• 2021 йил – 4 000 рубль
• 2022 йил – 4 200 рубль
• 2023 йил – 4 400 рубль
• 2024 йил – 4 600 рубль
• 2025 йил – 6 000 рубль

2018 йилдан буён патент тўлови жами 2 500 рублга ошди.

@migrantlarhayoti

Россияда хорижликлар учун сим-карта олиш тартиби жиддий ўзгарди

2025 йил 1 январдан бошлаб, Россияда сим карта олиш учун:

1️⃣ СНИЛС рақамига эга бўлиш

2️⃣ “Госуслуги” порталида тасдиқланган аккаунтга эга бўлиш – МФЦга паспорт билан мурожаат қилиб, аккаунтни тасдиқлаш мумкин

3️⃣ Биометрия маълумотларини (овоз ва юз сурати) топшириш керак бўлади – буни ҳар қандай банкда амалга ошириш мумкин

Ушбу талабларни, бир марта қилиш кифоя, шундан сўнг исталган вақтда янги SIM-карталарни олиш мумкин. Фақат! Бир хорижлик ўз номига жами 10 дан ортиқ фаол рақамларни расмийлаштира олмайди (жами барча операторлар бўйича).

Алоқа шартномасида телефон ёки бошқа қурилманинг 15 хонали IMEI рақами кўрсатилади, SIM-картадан фақат шу телефонда фойдаланиш мумкин бўлади.

@migrantlarhayoti

Шахсни тасдиқловчи ва бошқа ҳужжатларнинг электрон нусхаси ҳам расман тан олинади

Ҳукумат қарори билан ҳужжатларнинг унификацияланган рақамли сервислари жорий этилади. Унга кўра, 2025 йил 1 июлдан Ўзбекистон ҳудудида шахсни тасдиқловчи (ID карта, никоҳ ва ҳайдовчилик гувоҳномаси, ишончнома ва бошқ.) ҳужжатларнинг электрон нусхаси ҳам давлат органлари ва бошқа ташкилотлар томонидан мажбурий тартибда қабул қилинади

@migrantlarhayoti

Ноқонуний мигрантларга сўнгги имконият берилди

Россияда ноқонуний юрган мигрантлар 2025 йилнинг 30 апрелига қадар регистрация ва патент расмийлаштириш учун ИИВ ҳудудий органи ёки “Паспорт-виза хизмати”га мурожаат қилиши керак.

Ана шундай ариза билан мурожаат қилган хорижликларга нисбатан мажбурий чиқариб юбориш (депортация) ёки махсус ҳибсхоналарга жойлаштириш ва Россияга киришга тақиқ қўйиш чораси қўлланилмайди.

Мурожаат қилган фуқаролар белгиланган процедурадан ўтгандан сўнг патент олиши ва Россияда яна қолиб ишлаши мумкин.

2025 йилнинг 30 апрелига қадар ўз мақомини қонунийлаштирмаган хорижликлар мажбурий чиқариб юбориш чораси қўлланилади.

Бу ҳақида Россия президентининг 30 декабрда имзоланган 1126-сонли фармонида айтиб ўтилган.

@migrantlarhayoti

Чет элликлар учун ДМС полиси

ДМС (ихтиёрий тиббий суғурта) полиси Россиядаги чет эл фуқаролари учун мажбурий ҳужжатдир. Ушбу хужжат мамлакатда тиббий ёрдам ва ишга жойлашиш учун керак бўладиган ҳужжат.

ДМС полис нархи қуйидагиларга боғлиқ:

– амал қилиш муддати;
– ДМС дастурига киритилган тиббий хизматлар тўпламига боғлиқ.

ДМС полис бўйича суғурта қопламаси 100 минг рублдан кам бўлмаслиги керак.

4 декабрь 2021 йилга кадар ДМС полиси фақат қоғозда чиқарилар эди. Хозирда ДМС полисини электрон шаклда чиқариш мумкин.

ДМС полисини расмийлаштириш учун қуйидаги ҳужжатлар тўплами керак:

✅паспорт, нотариал тасдиқланган таржимаси;
✅миграцион карта;
регистрация
✅суғурта учун ариза.

💰ДМС полиси нархларини солиштириш

Агар ДМС полисини расмийлаштирмаса, нима бўлади?

Агар ДМС полиси белгиланган муддатда расмийлаштирилмаса, чет эл фукароси РФ Маъмурий кодексининг 1-қисми 18.8-моддаси билан жаримага тортилиши мумкин.


@migrantlarhayoti