Bandlik vazirligi

Hurmatli fuqarolar!

Xabar berganimizdek, Kambag'allikni qisqartirish va bandlik vazirligi tizimida korrupsiyaviy huquqbuzarliklar to‘g‘risidagi xabarlarni tezkor qabul qilish uchun maxsus bot ishga tushirilgan.

Agar siz sohada qonunbuzarliklar yoki korrupsiyaviy xatti-harakatlarga guvoh bo‘lsangiz, quyidagi havola orqali bizga xabar bering:

👉https://t.me/anticorruption_mepr_bot

❗️Murojaatingiz o‘z vaqtida ko‘rib chiqilishi va shaxsingiz sir tutilishi kafolatlanadi.

☎️ Bundan tashqari 71-203-01-21 telefon raqamiga ham (ish kunlarida 9-00 dan 18-00 gachа) qo’ng’iroq qilishingizni so’raymiz.

Sayt | Telegram | Facebook | Instagram | Youtube

Tomorqa — daromad manbai

📍Toshkent viloyatining Yangiyoʻl tumanida “Oʻzbekiston Respublikasi Prezidenti tomonidan belgilab berilgan yangi tizim asosida aholining tomorqa va ijara yerlaridan samarali foydalanish orqali daromadlarini oshirish chora-tadbirlari” mavzusida respublika seminari boʻlib oʻtdi.

💎Unda Kambagʻallikni qisqartirish va bandlik vaziri Botir Zaxidov ham ishtirok etib, Toshkent viloyatida amalga oshirilayotgan ilgʻor tajribalar bilan tanishdi.

💎Yangiyoʻl tumani Gʻalaba mahallasidagi sanoat yoʻnalishiga ixtisoslashgan “ANORA GʻILOF BARAKA” OK, tadbirkor Rustam Abduraxmonov xonadonidagi avtomashinalarga chexol tikish kooperatsiyasi, “Said ota” mahallasidagi tomorqachilikni rivojlantirish oʻquv markazi hamda uning tajriba maydoni, Niyozbosh mahallasida aholi xonadonlarida koʻkat yetishtirish va eksportga yoʻnaltirish faoliyati shular sirasidan.

💎Vazir mazkur loyihalarni yanada rivojlantirish, xususan, sharoiti ogʻir ahvoldagi 100 ta mahallada tomorqa va ijara yerlaridan samarali foydalanish orqali aholi daromadlarini oshirish, “Bir mahalla – bir mahsulot” tamoyili asosida har bir mahallani aniq bir yoʻnalishga ixtisoslashtirish, shuningdek, xonadonlarni kooperatsiya usulida biriktirish va yetishtirilgan mahsulotni markazlashgan holda realizatsiya qilinishini yoʻlga qoʻyish bo'yicha mutasaddilarga ko'rsatmalar berdi.

Sayt | Telegram | Facebook | Instagram | Youtube

Prezident Shavkat Mirziyoyevning mamlakatimiz yoshlari bilan bugungi muloqotida kambagʻallikni qisqartirishning eng samarali yechimi taʼlim ekanligi taʼkidlandi.

Shuning uchun kam taʼminlangan oilada hech boʻlmaganda bitta farzand oliy maʼlumotli boʻlishi uchun zarur sharoitlar yaratiladi.

Endilikda kambagʻal oilaning farzandiga taʼlim krediti foizsiz beriladi, qoʻshimcha grant ajratiladi, kontrakt toʻlovining bir qismi qoplab beriladi.

Yana bir yangilik – iqtidorli, bilimga chanqoq, lekin ogʻir oilaviy sharoiti sababli oʻqish imkoniyatiga ega boʻlmagan yoshlarni xorijda oʻqitish boʻyicha yangi tizim – “Yorqin isteʼdod” loyihasi joriy etiladi.

Bunda har bir mahalladan ijtimoiy himoyaga muhtoj, bilimga chanqoq yoshlar saralab olinib, iqtidori aniqlanadi. Ularning salohiyatiga mos xorijiy oliygoh tanlanib, tayyorgarlik kurslarida oʻqitiladi.

Xorijda taʼlim olib qaytgan yoshlar Milliy kadrlar zaxirasiga toʻgʻridan-toʻgʻri kiritiladi, ular davlat organlariga tanlovsiz ishga olinadi.

Har yili saralashdan oʻtgan 1 ming nafar yoshlar dunyoning “top-100” oliygohlariga yuborilib, oʻqish va yashash xarajatlari qoplab beriladi.

Sayt | Telegram | Facebook | Instagram | Youtube

Yoshlar bilan uchrashuv

🔵Kambag‘allikni qisqartirish va bandlik vaziri maslahatchisi Nukus shahar Kasbiy ko‘nikmalar markazida sohada faoliyat olib borayotgan bir guruh yoshlar bilan uchrashdi.

Unda Qoraqalpog‘iston Respublikasi Kambag‘allikni qisqartirish va bandlik vazirligi, Nukus shahar Kasbiy ko‘nikmalar markazining 30 dan ortiq xodimlari ishtirok etdi.

✅Ochiq muloqotda yoshlar uchun yaratilgan bugungi imkoniyatlar xususida so‘z borib, ularning o‘z ustida ishlashi, izlanishi, chet tillarini o‘zlashtirishi muhim ekanligi qayd etildi.

Sayt | Telegram | Facebook | Instagram | Youtube

Bugun Zahiriddin Muhammad Bobur tavallud topgan kun

🔸Ulug‘ o‘zbek shoiri, mutafakkir, tarixchi va davlat arbobi, markazlashgan davlat — boburiylar saltanati asoschisi Zahiriddin Muhammad Bobur 1483-yilning 14-fevralida Andijonda tug‘ilgan. Amir Temurning beshinchi avlodi, Farg‘ona hukmdori Umarshayxning farzandi.

🔹Bobur 12 yoshida (1494) taxtga chiqdi.
🔹1503-1504-yillarda Afg‘onistonni egalladi.
🔹1519-1525-yillarda Hindistonga 5 marta yurish qiladi.
🔹Uch asrdan ortiq davom etgan (1526-1858) boburiylar saltanatiga asos soldi.

🔸Boburning ulug‘ asari “Boburnoma” bo‘lib, ushbu memorial asarda 1494-1529-yillari Markaziy va Kichik Osiyoda, Yaqin va O‘rta sharq mamlakatlarida kechgan voqealar bayon etilgan.

Sayt | Telegram | Facebook | Instagram | Youtube

Qanday hollarda xodimning ruxsatisiz ish haqidan ushlab qolinadi?

👉soliqlar va yig‘imlarni undirish uchun;

👉sud qarorlarini va boshqa ijro hujjatlarini ijro etish, shuningdek vakolatli organlarning qonuniy talablarini bajarish uchun;

👉ish haqi hisobiga berilgan bo‘nakni ushlab qolish, boshqa joydagi ishga ko‘chib o‘tganligi munosabati bilan xo‘jalik ehtiyojlariga, xizmat safarlariga berilgan, sarflanmagan va o‘z vaqtida qaytarilmagan bo‘nakni ushlab qolish uchun;

👉xodim tomonidan ish beruvchiga yetkazilgan zararning o‘rnini qoplash uchun, agar yetkazilgan zararning miqdori xodimning o‘rtacha oylik ish haqidan oshmasa;

👉ish beruvchi tomonidan xodimga qo‘llangan jarimani undirish uchun;

👉xodim qaysi ish yili hisobiga ta’til olib bo‘lgan bo‘lsa, o‘sha yil tugaguniga qadar mehnat shartnomasi bekor qilinganda ta’tilning ishlab berilmagan kunlari uchun.

❗️Har bir to‘lov chog‘ida ish haqidan ushlab qolingan mablag‘larning umumiy summasi xodimga haqiqatda hisoblangan ish haqining 50 foizidan oshishi mumkin emas.

Sayt | Telegram | Facebook | Instagram | Youtube

🏗 “Yangi Toshkent” massividagi qurilish tashkilotlari keng koʻlamli ishga qabul qilish jarayonini boshladi

Kambagʻallikni qisqartirish va bandlik vazirligi masʼul xodimlari “Yangi Toshkent” massividagi qurilish tashkilotlari mutasaddilari bilan uchrashdi.

👷Mazkur uchrashuvdan maqsad, “Yangi Toshkent” massividagi keng koʻlamli qurilish jarayonlariga xorijda mehnat qilayotgan yurtdoshlarimizni jalb qilish koʻzda tutilgan.

☎️ Vazirlik tomonidan tashkil etilayotgan call-markaz orqali xorijda qurilish sohasida mehnat qilayotgan mamlakatimiz fuqarolari ish beruvchilar bilan bogʻlanish hamda zarur maʼlumotlarni olish imkoniga ega boʻladi.

🔍“Yangi Toshkent” massividagi qurilish tashkilotlari bugungi kunda qariyb 4 mingta boʻsh ish oʻrnini taklif etmoqda. Bundan tashqari, yangi loyihalarning ishga tushirilishi hisobiga qurilish sohasi ishchilariga talab tobora ortib boradi.

Sayt | Telegram | Facebook | Instagram | Youtube