Mashhur Muhammad | Shaxsiy Blog

- Qizimiz rus, ingliz, turk va arab tillarini biladi, kuyov bola qanday til biladi?

- Kuyov bola qizingizni tilini biladi…

Birinchi qilingan notog'ri ish xato emas, dars deb atalarkan!

Din qachon orqaga ketishni boshladi?

Ilmni ikkiga, diniy va dunyoviy deb ajratishimizdan boshlandi.

©️ Shayx Muhammad Sodiq

Kuchli immunitet siri nimada?

Maktab paytlari bir ustozim vaksina nimaligini tushuntirganida hayron qolgandim.

Vaksina oddiy dori emas, organizmga kiritilgan kichik virus bo'ladi. Ya'ni siz vaksina olgan paytingiz organizm o'sha kichik virusga qarshi kurashadi va shu orqali o'zida immunitet shakllantiradi.

Endi sizga qanaqadir kasallik kelsa (masalan koronavirus) organizm kuchli bo'lganini hisobiga unchalik ham qattiq ta'sir qilmaydi. Yengilroq o'tib ketadi.

O'ylab qarasam hayotda ham shunday ekan. Sizga yoqmaydigan, sizni qiynaydigan, stressga tushiradigan vaziyatlar xuddi vaksinaga o'xshaydi. Shaxsiyatingizni kuchaytiradi.

Kattaroq risklar, qiyinroq vaziyatlar bo'lgan paytda hammaga o'xshab vahimaga tushib, nima qilishni bilmay qolmaysiz. Xotirjam bo'lib, aql bilan ish yuritasiz. Chunki sizda bunday vaziyat uchun tayyorlangan immunitet bor.

O'sha paytda ko'pchilik vaksina olishdan qo'rqib qochishardi. Hayot bergan vaksinalardan qochish yaxshi variant emas ekan. 'Immunitetsiz' bo'lib qolarkansiz!

@mashhur_muhammadd

Tirikchilikda yurish maqsad emas. Tirikchilik maqsad uchun qilinadi.

©️ Aziz Rahimov

Demak, qanaqadir ish boshlamoqchimisiz, soatlab, kunlab o’rgangandan ko’ra, shunchaki qilib ko’rish kerak.

Ishlarni boshlashda bo’ladigan qo’rquv ko’proq bilmaganlikdan emas, ilgari qilib ko’rmaganlikdan bo’lar ekan.

Agar chatgpt dan aktiv foydalanmayotgan bo'lsangiz soatlab vaqtingizni va pullaringizni isrof qilib yuripsiz.

Foydali narsalar bilan shug'ullanayotgan bo'lsangiz ham!

Maktabda singdirilgan eng yomon fikrlardan biri

"Ko'chirish yomon" degan fikr.

Aslida ko'chirish, tog'ri tushunib olgan insonga eng zo'r instrument.

Nimadan boshlashni, qanday boshlashni, qachon boshlashni bilmay turgan paytingiz shunchaki siz qilmoqchi bo'lgan ishni qilganlardan ko'chirish eng zo'r variant bo'lishi mumkin.

Bu orqali vaqtingizni, energiyangizni, xattoki pulingizni ham tejab qolasiz.

Faqat tog'ri ko'chirishni ham o'rganish kerak. Doim ko'chirib yurish yaxshi emas, o'rganib qolasiz. O'zingiz yangilik qilmay qo'yasiz.

Tog'ri varianti, boshlab olish uchun ko'chirish kerak, ko'chirganda ham iloji boricha o'zingizdan kamida 3% bo'lsa ham yangilik qo'shib ketasiz.

Shu jarayonda qanday qilib o'zingizni ajratib turadigan yo'nalishingizni topib olganingizni bilmay ham qolasiz. Bu usul ko'p sohalarga ishlaydi.

Pablo Picasso aytganidek:

"Yaxshi rassom ko'chiradi, buyuk rassom og'rilaydi"

Ko'chirishdan qo'rqmang. Haqiqiy hayotda sizga hech kim 2 qo'ymaydi!

@mashhur_muhammadd

Yaxshi hamroh va yomon hamroh misoli atir sotuvchi va temirga dam uruvchi kabidir. Atir sotuvchi yo senga xushbo‘ylik surtib qo‘yadi, yo undan xushbo‘ylik sotib olasan, yo undan kelayotgan xushbo‘y hiddan bahra olasan.

Temirga dam uruvchi esa yo kiyimingning bir chetini kuydirib qo‘yishi mumkin yo undan kelayotgan qo‘lansa hid dimog‘ingni achitadi.

Imom Muslim rivoyati

Bu juda oddiy

- ertaga boshla
- kitob o’qi
- hech narsa qilma
- boy bo’lish haqida kambag’allardan maslahat ol
- diskomfortdan qoch
- barcha muammolarda sharoitingni aybla
- ishlashga bo’lgan intilishingni aybdorlik hissi bilan bostiradigan turmush o’rtog’ini tanla
- doim shikoyat qil
- va’dalar ber, keyin ularni buz. Ayniqsa o’zingga berganlaringni
- oddiy ish qil, lekin g’ayrioddiy natijalarni kut
- va eng muhimi — har doim o’zingni haq deb bil.

Bu — kambag’al bo’lib qolib ketish uchun qadamma-qadam qo’llanmam.

©️ Alex Hormozi

@mashhur_muhammadd

Bir tanishingiz bilan gaplashib, pul topish va biznes qilishga qiziqib ketasiz

Yana biri bilan suhbat oxiratni eslashingizga sabab bo‘ladi.

G‘iybatchi do‘st bilan gaplashsangiz, o‘zingiz bilmagan holda g‘iybatga qo‘shilib ketasiz.

Yana biri noluvchilar toifasidan bo’ladi. Ozgina gaplashgandan keyin qarasangiz gaplaringizda boshqalarni ayblab, imkoniyatlardan noliyotgan bo’lasiz.

Xullas, kim bilan gaplashsangiz ham o’ziga xos pilus va minis taraflari bo’ladi va bu tabiiy ravishda sizga ham ta’sir qiladi.

Hozirgi zamonaviy tilda buni aura deb qo’yishadi.

O’zim yaxshi bo’lsam boshqalarni aurasi unchalik ta’sir qilmaydi deb o’ylayotgan bo’lsangiz adashasiz.

Suhbatga kirishayotgan paytingiz ongsiz ravishda o’sha insonni aurasiga tushib qolasiz.

Yaxshiroq usuli aurasi kuchli, foydali bo’lgan insonlar bilan tanishish, suhbatlashish.

Buning uchun esa albatta o’zingizni aurangiz ustida ishlashingiz kerak!

Qo’shimchasiga menikiga o’xshagan aurasi kuchli kanallarni kuzatsangiz bo’ladi)

@mashhur_muhammadd

Ko’proq gapirgan yutadimi, ko’p eshitganmi?

Aksar odamlar suhbatlashayotgan paytda ko’proq gapirishga intiladi.

Ko’p gapirsam yaxshi ko’rinaman, ustunlik men tarafda bo’ladi deb o’ylaydi.

Aslida esa gapirsangiz:
- xato qilish ehtimoli yuqori bo’ladi
- faqat o’zingizdagi ma’lumotlarni bo’lishasiz, lekin yangisini olmaysiz
- suhbatdoshingizni fikrlash jarayonini tushunmay qolasiz

Eshitsangiz:
- deyarli xato qilmaysiz
- yangi bilib va g’oyalarni o’rganasiz
- suhbatdoshingizni gaplarini tahlil qila olasiz
- suhbatdoshni hurmat qilganingiz uchun yaxshi taassurot qoldirasiz

Faqat eshitishni ham eshitishi bor. Chunki hozirgi e’tibor kam zamonda siz eshitaman deb tursangiz tayini yo’q gaplarni, dardlarini ham aytib o’tiradiganlar ko’p.

Sifatli eshitish kerak, bu sifatli savol berish orqali bo’ladi.

Sizga kerak bo’lgan, sizni qiziqtirgan mavzularni ochiq savollar (ha, yo’q deb qisqa javob berilmaydigan savollar) berish orqali subbatdoshdan bilib olsangiz bo’ladi.

Stanford universitetining tadqiqotiga ko‘ra, muvaffaqiyatli rahbarlar vaqtining 60% dan ko‘prog‘ini tinglashga sarflaydi. Sababi, yaxshi tinglovchilar muammolarni tezroq hal qilishadi va odamlar bilan yanada mustahkam aloqalar o‘rnatishadi.

Kam gapirib ko’p eshitish yoshga va farosatga ham bog’liq. Chunki yoshi kattaroq ziyoli odamlarni kuzatsangiz savolga javob berishidan oldin ozgina to’xtab oladi. Ko’p gapirib o’tirmaydi, gapini qisqa qiladi.

Xullas meni fikrim bo’yicha yaxshi gapirishdan ko’ra yaxshi eshitishni o’rganish foydaliroq.

@mashhur_muhammadd

Chiroyli bo’lishni o’zi yetarli bo’lmaganidek, ko’p kitob o’qish, ilmli bo’lishni o’zi ham kamlik qiladi. Amali ham bo’lishi kerak.

Shovqinli dunyoda o’zligingizni yo’qotib qo’ymaslik uchun kuniga kamida 10 daqiqa bo’lsada tafakkur va tahlil uchun vaqt ajrating!