Ma'rufjon Blogi

Xo'p, men boshlab beraman, so'nggi paytlarda mazza qilib o'qigan va boshqalarga ham tavsiya qila oladigan 3 ta kitobim:

1. Entoni Byorjess. "Murvatli apelsin"
2. Jyul Vern. "Suv ostida 80 ming km"
3. Skip Dayn Yang. "Psixologiya kino"

Sizda-chi? Qaysi kitoblar so'nggi paytlarda mazza qilib o'qigan kitoblaringiz qaysi? Kanalingizda (post linkini shu yerda qoldirasiz), izohda yozib qoldiring. Bir yirik chellenj qilaylik-chi. Shu post ostida anchagina kitoblar yig'ilib qolar )

@marufjonblogi

Har birimizda o‘qish uchun to‘plab qo‘yilgan, ro‘yxat qilingan kitoblar, ko‘rish uchun saqlab qo‘yilgan kinolar to‘plami mavjud. Vaqtim bo‘lganda o‘qiyman, mana shuni o‘qishim lozim, bu zo‘r kino ekan, keyinroq ko‘raman deb anchaginasini yig‘ib qo‘yamiz. Qarabsizki, kitoblar ham, kinolar ham yig‘ilib qoladi. Endi ularni o‘qish, ko‘rish kerak.

Kitoblar ro‘yxati keng bo‘lgandan keyin, hech biri o‘qilmaydi. Unisini olib, o‘qishni boshlaganda, miyani bir chetida ro‘yxatdagi boshqa kitoblar turaveradi. Aslida shu xato. Tanlov qanchalik kattarib ketsa, undan samarali foydalanish shunchalik qisqarib ketadi.

Nima qilish kerak? Avvalo, ro‘yxatni olib, bir boshidan o‘qib kelaverish lozim. Uzun ro‘yxat shart emas, eng muhim 10-15 ta kitob yoki kinoni olsangiz yetarli. Omborga qancha ko‘p g‘amlasangiz, shuncha ko‘p o‘qimaysiz. Shunday ekan, bir boshidan, qoldirmasdan o‘qib kelavering.

Ha, yana bir gap, kitob yoqmasa, o‘qish shart emas. Kinoning ham 20 daqiqasi sizni o‘ziga tortmadimi, keyingisiga o‘tib ketaverish joiz. Chunki umr qisqa — hamma kitobni ham o‘qib tugatolmaymiz, hamma kinoni ham ko‘rib tugata olmaymiz. Bizga muhimlari, bizga foyda bera oladiganlaridan foydalansak, maqsadga muvofiq.

Hozir qiladigan ishingiz, ro‘yxatni qisqartiring. 10-15 ta yetarli. Agar o‘qishga “tishingiz o‘tmasa” Nitshshe, Dostoyevskiy, Kamyularni ham ro‘yxatdan o‘chiravering. Balki, ularni hozir o‘qib, hech narsa tushunmassiz. Ammo tajribangiz ortavergani, yoshingiz o‘tavergani sari ularga suvga ehtiyoj sezgandek ehtiyoj sezasiz. Ungacha esa hozir ularni ro‘yxatdan olishga qo‘rqmang.

@marufjonblogi

Bu yerda esa 2020-yilda “Karib dengizi qaroqchilari” filmiga qoralaganlarim turibdi. O‘qib chiqishni tavsiya etaman.