Маркс ЖУМАНИЁЗОВ

"Икки аёл"

Ҳар кишининг икки бўлса аёли
Кеча-кундуз иши можаро бўлар
Ҳар бирининг бордир юз минг ҳаёли
Оши заҳар, нони ҳам увол бўлар.

Бирин севиб, бирин айласа ночор,
Элга расво бўлур, ўз айбин очар.
Ақли ҳайрон бўлиб, бориннан гечар,
Тенг тутмаса ёрин бекамол бўлар.

Гоҳи булбул каби сайрар тиллари,
Томошага ҳозир этар эллари
Гоҳи тизин урар, гоҳи ерлари,
Эрини кўрганда тилсиз лол бўлар.

Зарда қилиб келмас бўлса ёнина
Сўз айтмаса ҳар бирининг шаънина,
Бундай эр кўшилмас одам сонина
Икки хотин, бир эр уч аёл бўлар!

Махтимқули кимса билмас ботини,
Уйлансангиз қараб олинг зотини
Эгам кўрсатмасин ёмон хотинни
Одам ўзин билмас хомҳаёл бўлар!

Махтумқули

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

Йиқилди деб ўйламанг,
Ўйламанг синдим, чўкдим...                 
Келгуси баҳоргача,
Фақат баргимни тўкдим...

Жалолиддин Румий

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

"Ҳонқада Мадамин Маткаримовнинг 50 ёшга тўлишига бағишлаб ўтказилган зиёфатда Шароф Рашидов ҳам қатнашиб, юбилярни шахсан табриклади.

Урганчдаги ижроқўмнинг боғида масковлик меҳмон ҳузурида Шароф ака Хоразм ҳақида, унинг узоқ тарихи, бугунги меҳнаткаш кишилари тўғрисида гапириб, менга шундай юртга бош бўлишдек масьулиятли вазифа ишониб топширилганлигини айтди. Мендан олдин ишлаган кишилар ҳақида ҳам озми-кўп сўзлар айтиб, айримларига яхши баҳо берди, айримларини эса халқ мақоли билан бир оғиздагина таърифлади: «Тирик бўлиб қаторда йўқ, ўлик бўлиб мозорда». «Сиз шу ерда ўсдингиз, улғайдингиз, энг қуйидан тортиб барча раҳбарлик босқичларини ўз ҳалол меҳнатингиз, ишчанлигингиз, ташаббускорлигингиз билан босиб ўтдингиз. Энди ишончни оқлаб, илғорликни қўлда сақлаб қолмоғингиз керак. Бошқача бўлиши мумкин эмас»,— деди у киши.

Ҳақиқатан, вилоятга бош бўлган маҳаллий раҳбарлардан иккинчиси мен эдим. Кўпчилиги четдан келган, русийзабонлар ҳам бўлган. Шу сабаб аввалгиларнинг хатоларидан сабоқ олмоғим, уларни такрорламаслигим керак эди. Ҳамманинг нигоҳи менга қараган.

Рашидовнинг бу сўзларидан кейин хато қилишга ҳеч бир ҳаққим йўқлигини англаб етдим. Бу энди янада оғир масъулият эди, бунинг олдида ишлаб чиқариш кўрсаткичлари, давлат режалари ўйинчоқ бўлиб қоларди.

Шароф Рашидов маслаҳатлари кейинги бутун иш фаолиятимда мактаб бўлди, десам хато эмас. Иш фаолиятимда, шахсий ҳаётимда улуғлар ёзиб қолдирмиш панду-насиҳатларга, ҳаёт тажрибаларига суяндим. Вақт келиб уларнинг сўзлари наҳадар ҳақлигига неча карра имон келтирдим. «Бир кунги адолат билан қилинган иш, минг кунлик тоат-ибодатдан афзалдир», деган экан Амир Темур. Бобур мирзо эса яна бошқачароҳ тарзда ҳаёт ҳақиқатини мисраларга тизади: «Ҳар кимки вафо қилса, вафо топғусидир, Ҳар кимки жафо қилса, жафо топғусидир».

Буларни ёзишим боиси шундаки, элга бош бўлиш билан истай-истамай хато қилишим, билиб-билмай адолатсиз ҳукм чиқазишим мумкин эди. Истамасамда давр мажбур қиларди, тепадагилар шуни исташарди. Подшоҳ Ануширвон бўлсада ҳар жиҳатдан мукаммал, адолатли бўла олмайди. Инсон идеал бўла олмагани каби элбошилик чекига тушган киши ҳам хатолардан кафолатланганмас. Фақат нисбатан адолатли, нисбатан шафқатли, нисбатан меҳрибон бўлиш мумкин...

Раҳбарлик фаолиятимда қўл остимдагиларда иш билан боғлиқ хато-камчилик, баъзан адолатсизлик бўлсада кечирдим. Аммо, бирор кимса ота-онасини норози қилган бўлса, одам ўлдирган, ўлдиртирган, зино, фисқи-фасод ишларга муккасидан кетган бўлса, айбини кечмадим. Булар оғир гуноҳлигини, ундай кимсаларга нафрат билан қараш шартлигини бир кунда ўрганмаганман. Мен етим ўсганман, очликни кўрганман, ҳалол меҳнат орқасида тарбия топганман. Шу учун буларни мутлақо ҳазм қилолмаганман. Ёшлигимдан миямга қуйилган бундай ахлоқ қоидалари қалбимга маҳкам ўрнашиб қолганди".

📖1968 — 1986 йилларда Хоразм вилояти обкоми бўлган Мадиёр Худайбергановнинг "Синовларда кечган умр" китобидан парча.

📸 Фоторасмда Мадиёр Худайберганов.

📱 Яқин дўстларингизга улашиб қўйинг.

✅ Каналга обуна бўлинг:
https://t.me/marksjumaniyozov

ТАЪЗИЯ.

Хоразм вилоятини ривожлантиришга ўзининг салмоқли ҳиссасини қўшган, меҳнат фахрийси Гурлан туманининг биринчи ҳокими бўлган Амин Вафоев оламдан ўтди.

Шу муносабат билан, Амин Вафоев оиласига чуқур ҳамдардлигимизни изхор этамиз.


📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

Ферузни хон қилиб сайлаганларидан кейин Огаҳийнинг унга ёзган мактуби:

Бу ишнинг камолига толиб эсанг,
Онинг боиси на экандур десанг.
Дегай, бир-бир они бу ошуфтаҳол,
Топар салтанат неча ишдан камол.
Ки, ҳиммат биридур, шижоат бири,
Адолат биридур, сиёсат бири.
Жалодат бири, бири ғайратдурур,
Саховат бири, бири иффатдурур.
Бири хилм келди, бириси ҳаё,
Бири ваъдага айламаклик вафо.
Футувват бири, соф ният бири,
Мурувват бири-ю, ҳамият бири.
Бири шаръ ҳукмига бермак ривож,
Бири кафр дардига қилмоқ илож.
Биридир вуқуф ўғрилар ҳолидин,
Олар илкини кесмак эл молидин.
Ки, шаҳсларга бу иш хатарликдурур:
Бири иззат аҳлини хор айламак,
Улус ичра беэътибор айламак.
Бири қилмоқ авбошга тарбият,
Бериб мансаб этмоқ анча тақвият.
Бири қурби хуссоди ғаммоз эрур,
Ки, курби аларнинг зарарлар берур.
Бу сўзларниким, мен баён айладим,
Неча байт бирла аён айладим.
Буларга қайси шаҳки қилса амал,
Онинг мулкига етмас асло халал.

✅ Ушбу каналга обуна бўлинг:
https://t.me/marksjumaniyozov

📸 Фотоархив

Маркс Жуманиёзов устози, Меҳнат қахрамони, Ал-Хоразмий хўжалиги директори, Ким Николай Васильевич билан.

Ҳонқа тумани.

Маркс Жуманиёзов ўзининг "Эсимда қолган онлар" номли китобида Н.В.Кимни қуйидагича эслайди:

"Ал-Хоразмий номли шоличилик совхозига Николай Васильевич Ким раҳбарлик қиларди.

Бир вақтлари у бизни ишга қабул қилган, Сизлар катта одам бўласизлар, деб бизга, яъни 1959 йилда институтни битказиб келган механикларга оқ фотиҳа берган эди.

Николай Васильевич 1937 йилдан рахбар бўлиб ишлаган, вилоятда катта обрў қозонган киши эди. Вилоят қишлоқ хўжалик бошқармаси бошлиғи бўлиб турганида 1961 йилда нафакага чикқан.
1963 йилда Ал-Хоразмий номли совхоз ташкил бўлганида уни шу совхозга директор қилиб юборганлар. Совхоз тўқайзорлар ва Амударё ташлаб кетган ерда ташкил этилган, на бир гектар ўзлаштирилган ер, на бир метр ариқ бор, на бир номига бўлса ҳам уй бор. Фақат тўқай.

Николай Васильевич раҳбарлигида 13 йил давомида қанча ерлар ўзлаштирилди, посёлкалар ташкил қилинди, мактаб, болалар боғчалари ишга туширилди. Вилоятда шоли етиштириш кескин кўпайди.

Пировардида у киши Меҳнат кахрамони унвонига сазовор бўлди, Ўзбекистон Олий Советининг депутати этиб сайланди. Бу икки машҳур киши хўжаликнинг бири 10 минг тоннадан кўпроқ пахта, иккинчиси 20 минг тоннадан зиёдрок шоли етиштирарди".

Ҳозирда Н.В.Ким номига "гуруч фестивал"лари ўтказилиб келинмоқда.

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

Габриел Гарсиа Маркес. Хайрлашув мактуби

Агар Тангрим мени латтали қўғирчоқ тарзида кўриб бир лаҳзагина мен ҳақимда унутганда ва менга озгина ҳаёт тириклик онларини туҳфа этганда эди, айни пайтда тилга олаётганларим ҳақида кўпроқ хаёл сурган бўлардим. Нарсаларнинг қанча туришига қараб эмас, маъно-мазмунига қараб баҳолардим. Камроқ ухлаган, кўпроқ орзу қилиб, юмуқ кўзларимда дунёни кашф этардим. Юмуқ кўзлар билан кечаётган ҳар бир дақиқа – оламнинг бой берилаётган олтмиш сониясидир. Кимлардир оёқларини юришдан тийганда мен тўхтовсиз қадам урган, бошқалар ухлаганда уйғонган, ўзгалар гапирганда жим туриб қулоқ солган бўлардим. Ва шоколадли музқаймоқдан ҳузурланиб тамадди қилардим.!

Агар Парвардигор менга бир озгина ҳаёт туҳфа этганида эди, одми кийинган, жисмимнигина эмас, кўнглимни ҳам тўқ қилиб, илк қуёш нурлари билан бирга ўрнимдан турардим.

Ё Парвардигорим, агар менинг яна жиндаккина вақтим бўлганида эди, нафратимни музга кишанлаб, қуёшнинг жамоли юз кўрсатишини интиқиб кутардим. Ван Гог каби юлдузлар соясида расм чизган, Бенедетти шеърларини ўқиб орзу қилган, Серра куйлари менинг ойли Серенадамга айланарди. Атиргулларнинг гулбаргларидаги алвон ўпичлар ва тиканаклардан тортаётган оғриқларини териб олиш учун кўз ёшларим билан уларни чўмилтириб қўярдим.

Биру борим менинг, мен яна озгина, бир озгина яшашим мумкин бўлганда эди... Мен севган инсонларимга уларни севишимни айтишни канда қилмаган бўлардим. Ҳар бир эркак ва ҳар бир аёлни уларни севишимга ишонтирар, муҳаббатнинг ичида муҳаббат билан нафас олардим. Одам қариган сари севишдан тўхтайди, деган фикрлар нақадар нотўғри эканлигини исбот қилардим: аксинча улар севишдан тўхтаганлари боис қарийдилар! Гўдакка қанот совға қилиб, уни ўзим парвоз қилишга ўргатардим. Қарияларга эса ўлим қарилик оқибатида эмас, бепарволик сабаб қадам ранжида қилишини айтардим. Ахир жуда кўп нарсаларни мен сизлардан ўргандим, ОДАМЛАР. Англадимки, ҳақиқий бахт бизни пастда кутаётганлигини пайқасак ҳам ҳар биримиз тоғнинг қоқ чўққисида яшашга интиламиз.

Шуни тушундимки, қачонки, янги туғилган чақалоқ отасининг бармоқларини ўзининг ушоққина қўлчалари билан ушлаб олар экан, бу бутун бир умрга етади. Яна шуни тушундимки, ҳар бир инсон кимнингдир оёққа туриши учун бошқа бир чўққидан пастга қарашга ҳақли. Ахир мен сизлардан жуда кўп нарсаларни ўргандим. Тўғрисини айтадиган бўлсам, булардан наф жиндаккина, негаки уларни сандиққа лиқ тўлатиб, мен кетиб боряпман...

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

СТИВ ЖОБСНИНГ ЎЛИМИДАН ОЛДИН АЙТГАН ОХИРГИ СЎЗЛАРИ

Apple компаниясини асосчиси Стив Жобс замонамизнинг энг машҳур одамларидан саналади. Apple компанияси кўплаб позициялар бўйича жаҳоннинг энг етакчи ўринларига кўтарилганига қарамасдан.
Яқинда унинг шифохона палатасида ўлимидан аввал қолдирган оҳирги мактуби чоп этилди. Унинг бу сўзлари энг нозик қалб торларини ҳам жунбушга келтиради.

"Мен бизнес дунёсидаги чўққиларни забт эта олдим. Кўпчилик менинг ҳаётимни муваффақият тимсоли деб айтади. Бироқ мен тан оламан, ишимдан ташқари ҳаётимда унча ҳам қувончларим кўп эмас. Ва умуман, бойлик бу мен турмушимда кўникиб қолган бир воқеликдир.

Айни пайтда мен шифохона тўшагида ётибман ва бутун ҳаётимни кўз ўнгимдан ўтказмоқдаман. Мен фаҳрланган бойлик ва эътироф бостириб келаётган ўлим олдида ўзининг аввалги қийматини йўқотганини эндигина англамоқдаман.
Энди, менда етарлича пул бўлганда, ҳаётнинг бойлик билан боғлиқ бўлмаган бошқа масалалари ҳақида ўйлаш вақти келди...
Ҳаётда бойликдан ҳам бўлак бошқа муҳимроқ нарсалар ҳам бор...Эҳтимол бу кимдир учун муносабатлар, кимдир учун болаликдаги орзулардир...

Мен ҳаётимда йиққан бойликни ўзим билан нариги дунёга олиб кета олмайман. Мен ўзим билан олиб кета оладиган нарса бу фақатгина муҳаббат билан боғлиқ хотиралардир. Мана сизга ҳамроҳлик қилувчи, олға юришга куч берувчи асл бойлик нима.
Муҳаббат катта масофаларни босиб ўта олишга қодир. Сиз эришмоқчи бўлаётган чўққига эришинг. Қалбингиз чорлаётган жойга боринг. Буларнинг барчаси сизнинг қўлингизда.
Биз қўлдан бой берган нарсаларга яна эришамиз, излаб топишимиз мумкин. Бироқ бир нарса борки, биз уни йўқотсак, бошқа бу дунёда қайта топа олмаймиз.
Бу хаётдир.
Ҳозир Сиз неча ёшда эканлигингиз ва нимага эришганлигингиз аҳамиятсиз. Барчамизда бир кун парда тушириладиган кун келади...

Сизнинг хазинангиз - бу оилангиз, севган ёрингиз, яқинларингиз, дўстларингизга бўлган муҳаббатингиз. Шундай экан, бир - бирингизни асранг. Бошқалар ҳақида ғамҳўрлик қилинг, деб ўз мактубини якунлайди.

© Стив Жобс

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

🔤🔤🔤🔤🔤🔤

Бугун 30 январь Ўзбекистон Республикаси биринчи президенти И.А.Каримовнинг таваллуд топган кунлари.


📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov

🔤🔤🔤🔤🔤🔤🔤🔤🔤

Ўлим баробардир шох-у гадога.

Муҳаммад уммати молсиз бўлмасин,
Молсиз бўлса, туққан қардош ёт бўлар.
Қочар оғанг, ининг, бўлмас хотиринг,
Қувонар душманинг, дўстинг мот бўлар.

Ғариб, оёқяланг – хордир, хашакдир,
Бир маърака бўлса, ўрни пойгакдир.
Ғариблар от минса, оти – эшакдир,
Давлатлилар эшак минса, от бўлар.

Бир тилак тиласанг, ҳожатинг битмас,
Дўстинг ихлос билан марҳамат этмас,
Маъракада айтган сўзинг жой тутмас,
Тингламаслар, қуруқ сўзинг бод бўлар.

Кураш бир обрўйдир, уруш бир дастдир,
Кишини камситган – ўзи нокасдир,
Бир мўминни ғийбат этмоқ абасдир,
Ғийбатчининг қозонгани ўт бўлар.

Махтумқули, шукр айлагил Худога,
Ўлим баробардир шоҳу гадога.
Бесабр қул тез йўлиқар балога,
Сабрли қул бора-бора шод бўлар.

Махтумқули

📱 Яқинларга улашиб қўйинг.

✅ Каналга обуна бўлинг:
https://t.me/marksjumaniyozov