MANIFEST

Нега бизга ёт бўлган, қонунлар тақиқлаган бошқа қилмишлар тарғиботи учун жавобгарлик йўқ?

Охирги икки йил давомида амалга оширилган илғор сиёсий-ҳуқуқий ислоҳотлар натижасида қонунларимизга:

икки ёки ундан ортиқ хотин билан эр-хотин бўлиб яшашни тарғиб қилиш, ушбу мазмундаги қарашларни, ғояларни ёки чақириқларни тарқатиш, шунингдек бундай хатти-ҳаракатларни рағбатлантириш;

жинс бўйича камситишни тарғиб қилиш, шу жумладан хотин-қизлар ва эркаклар тенг ҳуқуқлилигини очиқдан-очиқ инкор этиш, ушбу мазмундаги қарашларни, ғояларни ёки чақириқларни тарқатиш, худди шунингдек бундай хатти-ҳаракатларни омма олдида оқлаш ва (ёки) рағбатлантириш учун жавобгарлик киритилди.
Лекин бесоқолбозликни ёки ЛГБТ ғояларини тарғиб этганлик, бундай ғояларни ёки чақириқларни тарқатиш, худди шунингдек бундай хатти-ҳаракатларни омма олдида оқлаш ва (ёки) рағбатлантириш учун жавобгарлик йўқ. Аксинча, аҳён-аҳёнда уларга “тенг имкониятларни яратиш” бўйича ҳаракатлар бўлаётганлиги ҳақидаги ҳужжатлар лойиҳаларига кўзимиз тушиб турибди.
Нега бундай бўлиши керак? Буни кимдир тушунтириб бера олади?

@manifestcanal

БОБУР

Мен-ку, оддий одам,
Шундоқ бўлса ҳам
Шукр, бас, деганча ғанимларим бор.
Шарт эмас уларга таъриф чинакам,
Бири жунунсифат, бирови ҳушёр.

Бировига ёқмас жиндек журъатим,
Бировига ёқмас мен юрган йўлак.
Ногоҳ бирор жойда чиқса сувратим
Бири ухлай олмай қийналса керак.

Биз шундай ўтамиз,
Яъни кун кўриб...
Майдагина кучсиз, майдагина зўр.
Ҳаётнинг мана шу буржидан туриб,
Мен Сизни ўйладим, ҳазрати Бобур.

Сиз — зобит, дастини чўзган дунёга,
Сиз — шоир, мангу бир аланга ёққан.
Наинки бандалар, Сизнинг сиймога
Не-не салтанатлар кек билан боққан.

Баҳодирлик ичра ёр Сизга Ҳумой,
Сиз улуғ зотларнинг изин босган эр.
Назмий саждагоҳда Сизга, ҳойнаҳой,
Имомликка ўтгай фақат Алишер.

Ҳа, ёлғиз шеър қолди, бошқаси, абас,
Етти иқлим аро достон нақлингиз.
Не бахт, парчин бўлиб тож деган қафас,
Бизга етиб келди олмос ақлингиз.

Айтинг, не топдингиз Сиз кезиб дунё,
Ҳануз боқишарлар шўришга тўлиб.
Шоирсиз, яхшиси, қолингиз, Мирзо,
Мушфиқ юртингизда бир шоир бўлиб.

✍️Абдулла Орипов

Тошкент шаҳрининг Бош режаси қабул қилинди. Лекин Тадбиркорлар Нима Қилади?

🔹 2024 йил 24 декабрь куни Вазирлар Маҳкамаси қарори билан Тошкент шаҳарини 2045 йилгача ривожлантириш бўйича Бош режа тасдиқланди. Бу шаҳар инфратузилмасини такомиллаштириш ва замонавий лойиҳаларни амалга ошириш учун муҳим қадам бўлди.

❗️ Бироқ, тадбиркорлар учун кутилмаган муаммолар юзага келди.

Охирги йилларда кўплаб тадбиркорлар шаҳардаги ер участкаларини аукцион орқали сотиб олиб, бизнес лойиҳаларини амалга оширишни режалаштирган эди. Бош режа тасдиқланганидан сўнг, уларнинг кўплаб жойлари консервацияга тушиб, қурилиш ишлари чекланиб қолди.

Муаммолар нимадан иборат?

🔸 Қурилиш тақиқланган ҳудудлар – Аукционда сотиб олинган жойлар шаҳар бош режасига мувофиқ бошқа мақсадларга мўлжалланган ёки консервация қилинган.

🔸 Юридик ноаниқликлар – Тадбиркорлар расмий тартибда сотиб олган жойларида лойиҳаларини амалга ошира олмаяпти, бу эса улкан моддий йўқотишларга олиб келмоқда.

🔸 Бизнес режалар бекор бўлмоқда – Тадбиркорлар қурилиш ва фаолият бошлаш учун катта маблағ сарфлаган бўлиб, ҳозирги ҳолатда улар ўз лойиҳаларини давом эттира олмай қолди.

Ечим борми?

Тадбиркорлар бу масала бўйича аниқ ечимларни кутмоқда:

✅ Қонунчиликка тегишли ўзгартиришлар – Бош режа тасдиқланганидан кейинги ўзгаришларга аниқлик киритиш ва тадбиркорлар ҳуқуқларини ҳимоя қилиш.

✅ Ер участкаларини алмаштириш ёки компенсация – Тадбиркорларга бошқа ҳудудларда фаолият юритиш учун тенг қийматли ер участкалари таклиф қилиниши ёки зарар қопланиши.

✅ Шаффофлик ва тушунтириш ишлари – Қурилиш чекловлари ва консервация жараёни бўйича расмий тушунтириш берилиши, аукционда сотилган ерлар тақдири аниқлаштирилиши.

Бу муаммо ҳалигача ёпиқ ҳолатда қолмоқда, тадбиркорлар эса ўз сармояларини йўқотиш хавфи остида қолишмоқда.

@manifestcanal

Шавкат Мирзиёев:

Тадбиркорлар ёш ходимларни ишга олиб, камида 3 миллион сўм ойлик тўласа, ижтимоий солиқ 1 фоиз бўлади.

Бу имтиёз 3 йил амал қилади.

@manifestcanal

Учинчи ҳужжатга кўра, Алоқабанк ёшларнинг бизнес лойиҳаларини қўллаб-қувватловчи таянч “ёшлар банки”га айлантирилиб, бунга 200 миллион доллар ажратилди.

Банк ўзини ўзи банд қилган ёшлар лойиҳалари учун 100 миллион сўмгача 7 йил муддатга имтиёзли микроқарз ажратади.

Шунингдек, якка тартибдаги тадбиркор бўлган, камида 20 нафар ёшни ишга олиб, кичик корхона очган ва ўқув маркази ташкил қилган ёш тадбиркорларга 7 йил муддатга 5 миллиард сўмгача имтиёзли кредит берилади.

Банк кредитларининг камида 30 фоизи хотин-қизлар тадбиркорлиги учун йўналтирилади.

Ҳудудларда “ёшлар бизнес инкубатори” ташкил қилиниб, ёшлар ғоялари стартапга айлантирилади, 6 ойдан 3 йилгача қўллаб-қувватланади, тайёр бизнес, корхона даражасига олиб чиқилади.

“Алоқа венчур” жамғармаси орқали стартапларга 50 мингдан 1 миллион долларгача сармоя киритилиб, маҳсулот ва хизматларни ички ва халқаро бозорларда сотиш, бизнес ҳамкор топиш, қўшимча инвестициялар жалб қилишга кўмаклашилади.

@manifestcanal

Бугун, Президент ёшлар тадбиркорлигида 3 та катта ҳужжатга имзо чекканини эълон қилди.

Биринчи ҳужжатга мувофиқ, Ёшлар агентлиги ҳузурида Ёшлар тадбиркорлигини ривожлантириш жамғармаси ташкил этилиб, унга 100 миллион доллар маблағ ажратилди.

Энди тадбиркор ёшларга 2,5 миллиард сўмгача имтиёзли кредитлар берилади, ташаббускор ёшларнинг стартап лойиҳаларига 2 миллиард сўмгача инвестиция киритилади.

Иккинчи қарор билан олийгоҳ битирувчилари бандлигини таъминлаш бўйича янги тизим яратилмоқда. Бунинг учун Миллий банкка 100 миллион доллар ресурс берилади.

Банк Олий таълим вазирлиги ва Савдо-саноат палатаси билан биргаликда олийгоҳ битирувчиларининг ташаббус ва ғояларини лойиҳага айлантириш бўйича янги банк хизматлари пакетларини жорий этади.

Шунингдек, битирувчиларни иш билан таъминлаш бўйича ҳокимлар, банк ва корхона раҳбарларидан иборат комиссия тузилади. Комиссия иш ўринларини яратиш, кадрларга эҳтиёж, бўш ўринларга ёшларни жойлаштириш масалаларини ҳал этади.

@manifestcanal

Бугун Президент Шавкат Мирзиёев мамлакатимиз ёшлари билан мулоқот қилади.

@manifestcanal

Ҳомиладорлиги ёки фарзанди борлиги сабабли ходимни ишдан бўшатишга тақиқ жорий этилди

Қонун билан Меҳнат кодексига “Ягона миллий меҳнат тизими” идоралараро дастурий-аппарат мажмуида электрон шаклдаги меҳнат шартномасини расмийлаштириш тартибини жорий этишни, иш ҳақи сақланмайдиган таътил давомийлигини белгилаш тартибини ва ходимнинг ўртача иш ҳақини ҳисоблаш тартибини ўзгартиришни назарда тутувчи қўшимча ва ўзгартиришлар киритилмоқда.

Шунингдек, “Таълим тўғрисида”ги Қонунига мувофиқ ходимлар кечки ёки сиртқи таълим шаклида ўқиши мумкин бўлган таълим ташкилотларининг турларини аниқлаштирувчи ўзгартиришлар киритилмоқда.

Бундан ташқари, ҳомиладорлиги ёки фарзанди борлиги сабабли ходимни ишдан бўшатишга тақиқ жорий этилмоқда.

Киритилаётган ўзгартиришларга кўра, давлат органлари ва ташкилотлари ишга қабул қилиш чоғида ишга кираётган шахснинг паспортига ёки идентификацияловчи ID-картасига, меҳнат дафтарчасига оид маълумотларни мустақил равишда, шу жумладан ахборот тизимларидаги идоралараро интеграциялашув платформалари орқали сўраб олади.

Давлат фуқаролик хизматчиларининг меҳнатга оид муносабатларига нисбатан меҳнат тўғрисидаги қонунчиликнинг амал қилиши “Давлат фуқаролик хизмати тўғрисида”ги Қонун билан тартибга солинмаган қисми бўйича татбиқ этилиши белгиланди.

Қонун расмий эълон қилинган кундан эътиборан кучга киради.

@manifestcanal

Шу рақамлар ҳаққонийми?

Кечаги йиғилишда Президент Ш.Мирзиёев томонидан Ўзбекистон фуқароларининг 56 фоизида ортиқча вазн билан боғлиқ муаммо борлиги айтилди.
Ушбу маълумотни Президентга берган мансабдор бутун республика аҳолисини тиббий хатловдан ўтказдик, бўйи, вазнини ўлчаб чиқдик деб ишонтирганми шунда?
Агар ростдан ҳам шу тадбир бутун республика бўйича ўтган бўлиб, мен хабарсиз қолган бўлсам, узр сўрашга тайёрман.

Лекин хатлов ўтаётган бўлса, нега бу ҳақдаги эълонларга кўзимиз тушмади?
Нега мени, укаларим ва яқинларимнинг хонадонига кимдир келиб ёки чақириб, соғлиғи ҳолатини текширмади?
Қандай қилиб, маҳалламда шундай кенг қамровли тадбир ўтказилгану, мен хабарсиз қолиб кетдим?

Ёки сизнинг уйингизга кимдир келиб, бўй ва вазнингизни ўлчаб кетдими?

@manifestcanal

Самарқанд вилоят судида адолат бор!

Бир вилоят шифохонасини раҳбари ЖИБ Самарқанд шаҳар судининг ҳукми билан 420 миллион сўмни ўзлаштирганлиги учун ЖКнинг 167-моддаси учинчи қисмида кўзда тутилган жиноятни содир этганликда айбли деб топилиб, тегишли жазо тайинланган эди.

Бош врачнинг шикоятини кўриб чиққан вилоят суди унинг чин кўнгилдан пушаймонлиги ва оилада ягона боқувчи эканлигини инобатга олиб, барча жазолардан озод этибди.

Бошқа судлар ўрнак олса бўларкан!

1-майдан бошлаб қамоқдан озод этилган шахсларга БҲМнинг 6 баравари миқдоридаги бир марталик нафақа пули тўланади.

Бир марталик нафақа пули «Инсон» ижтимоий хизматлар марказлари орқали тўланади.


@manifestcanal

Бугун 13 феврал, бутун дунёда Энг яхши дўстлар куни нишонланади.

Садо

Волида-ю падарларга қуллуқ ва раҳмат!
Ташаккурлар бўлсин нурли инсон зотига.
Фикрингизни лекин бу ён буринг бир фурсат,
Зеҳн солинг гапнинг асл тафсилотига:
Икки дўстнинг садоқати, меҳри, ҳиммати
Коинотнинг қадридан ҳам тургайдир баланд.
Ҳеч не билан ўлчанмайди дўстлик қиммати,
Қулатгай у сарҳадларни қудрати билан.
Ҳикоятдан мурод шулким, улуғ, муҳтарам
Дўсти содиқ насиб этсин ҳар кимга ҳар он,
Жаннат ато қилажакман иккингизга ҳам!
Жаннат йўли мана, Сизга очиқ, чароғон.

©️Абдулла Ориповнинг "Жаннатга йўл" драматик достондан

Қадрдонларга юбориб қўйинг😉

@manifestcanal