Shu kunlarda hayotimda va atrofimdagi odamlar hayotida turli xil yangi voqealar bo'lib o'tdi va o'zim uchun har xil xulosalar chiqardim. Bular o'qish va ish haqida emas.
Qizlar, umuman, ayollar sevilishi va qadrlanishi uchun bu narsaga loyiq bo'lishi yoki erishishi kerak emas. Men zo'r bo'lsam, uni qilsam, buni qilsam, ular meni yaxshi ko'rishadi deb o'ylash xato. Qanaqa bo'lishidan qat'iy nazar ayollar shundoq ham yaxshi ko'rilishi kerak. Ular shunchaki sevgiga arziydi va ular bunga to'liq loyiq.
Hurmatli qizlar, siz qayerda bo'lsangiz ham sizni kutib oladigan sevgiga, qanday bo'lsangiz ham sizga tabassum qiladigan insonga loyiqsiz. Sizni odamingiz sizni o'zingiz bo'lmagan odam bo'lishga majburlamaydi, balki sizni o'zingizning eng yaxshi versiyangiz bo'lishga undaydi, to'g'rmi?
Menimcha, otalar ham qizlariga ularni shunchaki yaxshi ko'rishlarini tez-tez eslatib turishi kerak. Uyga vazifasini bajargani, uy ishlarini qilgani, yaxshi o'qigani uchun emas, ularni shunchaki yaxshi ko'rishlarini his qildirishligi lozim. Shunda u qiz ham katta bo'lib, "meni qadrlashlari uchun bunga loyiq bo'lishim kerak" degan fikr bilan yashamaydi.
P.S. Ko'rganlarim bo'yicha yozdim, noto'g'ri hayollarga bormela🤓.
