Liverpool.asia

​​#statspack #review

"Ipsvich Taun"ga qarshi o'yindan keyin statistika va faktlarda qanday o'zgarishlar bo'ldi?

★ "Liverpul" 1963-1969-yillar oralig'ida bo'lgani kabi "Ipsvich Taun"ni ketma-ket 4 o'yinda mag'lubiyatga uchratdi.

★ "Liverpul" APLda 149-o'yinida ham tanaffusga hisobda ustunlik bilan chiqib ketdi va yakunda mag'lubiyatga uchramadi. Ushbu seriya davom etadi (136 g'alaba, 13 durang).

★ Dominik Soboslai 11-daqiqada gol kiritish orqali 2023-yil 3-sentyabrdan buyon "Liverpul"ning APL doirasida "Enfild"dagi eng tezkor goliga mualliflik qildi. O'sha sanadagi o'yinda ham aynan Soboslaining o'zi "Aston Villa" darvozasini 3-daqiqadayoq ishg'ol etgan edi.

★ Muhammad Salah APL to'purarlari orasida 176 gol bilan 7-o'ringa ko'tarildi. U Frenk Lemparddan 1 gol ortda qolmoqda.

★ Trent Aleksandr-Arnold APLdagi 64-assistini amalga oshirdi va bu borada TOP-20 talikka kirdi.

★ Kodi Gakpo Ruud van Nistelrooy (2003-yil avgust) va Robin van Persi (2012-yil mart – 2013-yil yanvar) dan keyin APLning ketma-ket 5 uy o'yinida gol kiritgan 3-niderlandiyalik futbolchiga aylandi.

★ Shuningdek, Kodi Gakpo Jorj Allan, Fred Pagnam, Gordon Hodjson, Billi Liddell (ikki marta), Rodjer Hant, Kevin Kigan, Ian Rash, Jon Oldridj, Stiven Jerrard, Fernando Torres (ikki marta), Luis Suares va Muhammad Salah (ikki marta) dan so'ng "Enfild"dagi ketma-ket 6 o'yinda gol kiritgan 13-futbolchiga aylandi.

★ Federiko Kyeza va Jeydan Danns o'zlari maydonga tushgan barcha 8 o'yinda zafar quchdilar. "Liverpul" tarixida bu futbolchilardan oldin faqatgina bir futbolchi – Jorj Let (1905/1906) o'zining klub libosidagi dastlabki 8 o'yinining barchasida g'alaba qozongan edi.

★ Virjil van Deyk klub libosida o'zining 300-o'yinini o'tkazdi.

👉 @liverpoolasia

​​#slot #pressconference

Arne Slotning "Ipsvich Taun"ga qarshi o'yindan keyingi matbuot anjumani (to'liq)

"Liverpul" bosh murabbiyi Arne Slot Angliya Premyer-ligasining 23-turidan o'rin olgan "Ipsvich Taun"ga qarshi o'yindan keyingi matbuot anjumanida qatnashdi.

O'yin haqida

"Birinchi o'rinda eng muhimi tezkor gol kiritishga muvaffaq bo'ldik. Oldingi uy o'yinlarida birinchi bo'lib to'p o'tkazib yuborar edik. Biz bugun agressiv o'yin ko'rsatdik, maydonda to'liq ustunlik qildik. 85-daqiqaga qadar raqib deyarli bizning tomonimizga o'ta olmadi. Ularda tezkor vingerlari va Delapning hisobiga xavfli qarshi hujumlari bor, biroq biz katta ko'lamli ish evaziga keskinlikning oldini oldik. Albatta, o'yinning so'nggi daqiqalarida mavsumda ilk marta burchak zarbasidan so'ng gol o'tkazganligimiz alam qildi. Biroq, 85 daqiqa davomida himoyaviy uslubga qarshi ideal o'ynaganligimiz quvontirdi."

Virjil van Deyk, Dominik Soboslai va Vataru Endo haqida

"Keyingi matbuot anjumanida Virjil jamoaga naf keltiradigan narsalarning ro'yxatini tuzishim kerak. U, albatta, yetakchi – nafaqat maydonda, balki mashg'ulot bazasida ham. U ajoyib mavsum o'tkazmoqda.

Soboslai har doim ham ushbu jamoa uchun qanchalik muhimligi uchun munosib e'tirofga sazovor bo'lmaydi. Uning mehnatkashligi aqlb ovar qilib bo'lmas darajada! U doimiy  ravishda maksimal intensivlikda ishlaydi va bu o'z oldiga maqsad qo'ygan jamoa uchun muhimdir.

Endoga nisbatan qoidabuzarlik yuz berganida xavotirda edim. Chunki vaziyat unchalik yaxshi ko'rinmadi va futbolchilar ham hammasi yaxshi emasligini aytishdi. Men uni almashtirish kerak deb o'yladim, lekin u darhol boshini chayqadi va o'yinni davom ettirdi. Uning mentaliteti shunchaki ajoyib."

👉 @liverpoolasia