Linguabarno

Eh, ertaga tug’ilgan kunim. 😭

20 yoshdan oshganimdan buyon, qumli soat o’girilib, vaqtim yakuniga qarab sanalayotgandek tuyilyabti. Buncha nafasingiz sovuq dersiz.. Unday emas! Shunchaki o’tayotgan umrim qanchalik samarali ekanligi haqida o’zimga hisob berishni yaxshi ko’raman. Vaqtni qadrlash menga yaqinlarimga e’tiborliroq bo’lishga, ko’proq yaxshi amallar qilishimga va hayotimni mazmunli o’tkazishimga yordam beradi.
23 yilda nimalarga erishdim?

1- Ayollik baxtimni topdim. Yaxshi inson bilan umr yo’llarimni bog’lab, ajoyib farzandning onasi bo’ldim. Niyyat qilganimdek, farzandli bo’lgunimga qadar moliyaviy erkinlikni o’zim uchun ta’minlab, ham onalik ham biznesni birdek olib borayabman.

2- O’zim niyyat qilganimdek, ikki dunyo saodatini olib keladigan kasbni egalladim. O’z yo’nalishimni erta topganim uchun, katta maktabga asos soldim va minglab o’quvchilarga ingliz tilini shunday yosh bo’la turib, o’rgata oldim. Nafaqat O’zbekistonning har xil burchaklaridan balki butun dunyodan ham o’quvchilarim bor.

3- Moliyaviy maqsadlarimga ham erishdim. 21 yoshimda o’zimga malibu avtomashinasini hadya qildim. Sayohatlar, yaqinlarim uchun qimmatbaho sovg’alar - men uchun odatiy hayotim. Birinchi sayohatim uchun 2020 yilda 6 oy pul yiqqan bo’lsam, hozir sayohatga chiqish yoki chiqmaslik pulga emas, vaqtga taqaladigan bo’lgan.

4- Eng muhimi, sog’lig’imga e’tiborliman. Yegan ovqatim va muntazam sport bilan shug’illanishga alohida e’tibor berishga imkoniyatim va motivatsiyam yetarli.

Bularni maqtanish uchun emas, sizga qisman kuch berish uchun yozayabman. Chunki men bosib o’tgan yo’l baland pastliklarga, qorong’u tunlarga boy bo’lgan. Agar tunlari uxlamay, soatlab dars qilayotgan vaqtimda kelajagimni ko’ra olganimda, o’zgacha quvonch bilan o’qigan bo’lar edim.

Aytgancha, har yili tug’ilgan kunimni hammani chaqirib o’tkazar edim. Bu yil boshqa narsani o’yladim. Tahminlar bormi? birinchi topgan insonga 100 ming so’m tashlab beraman.😍

IELTS olgan odam, ustoz emas!

16 yoshimdan dars berishni boshlaganman. Ko’p o’tmay, ingliz tilini yaxshi bilish dars o’tish uchun yetarli emas ekanligini tushunib yetdim. Dars berish vaqtida - notiqlik san’ati, psixologiya, darsni rejalashtirish, murakkab tushunchalarni oson yetkazib berish qobiliyati talab qilinar ekan. Qiladigan ishimni yaxshi bajarish, men uchun eng muhimidir

Shunday qilib, yoshim 18 daligida hamkasblarimdan biri CELTA kursi haqida gapirib qoldi. CELTA - xalqaro o’qituvchilarni tayyorlash kursi, unda o’qishni darhol niyyat qilganman, ammo to’lov qilishim uchun 1800$ kerak edi. Dastur juda murakkab bo’lib, undagi imtihonlarni yaxshi topshira olmasangiz, sertifikat ham berilmas edi. O’quv markazida 4 ta guruh o’qitib, yana 8 nafar o’quvchiga individual dars o’tib, bir amallab kurs pulini ishlab topganman.

Bu kursda, xonada 10 ta har hil millat vakili bo’lsa, 10 kishiga ingliz tilini, INGLIZ TILIDA o’rgatishni o’rganganman. Darsni daqiqalargacha to’g’ri rejalashtirishdan tortib, doskaga mavzuni to’g’ri yozish va o’quvchilarga samarali feedback berishgacha, haqiqiy o’qituvchilik san’atini o’rganganman.

Bu sertifikat dunyoning istalgan davlatida, ingliz tilidan dars berish vakolatini beradi

Shuning uchun, kurslarimga keladigan eng katta izoh- «mavzularni CHAYNAB bergan ekansiz. Juda tushunarli va sifatli darslar» - deb, aytishadi online maktabimda o’qigan 10.000 ga yaqin o’quvchilarim😍

Men online kurslarda dinozavrman desam, aldamagan bo’laman 🦖 🦕

Birinchi marotaba 2021 yilda birinchi IELTS kursimni yo’lga qo’yganman. Shu vaqtdan buyon 10.000 dan ziyod o’quvchilarni o’qitdim. IELTS, Speaking, 0 dan ingliz tili va talaffuz bo’yicha kurslarni ishlab chiqdim.

Ko’chaga chiqsam, ‘siz Linguabarnosiza? Sizni shu kursingizda o’qiganman’ - deb kamida 5 ta odam aytadi. Xaydovchilar, stilistlar, kichkina bolajonlar, sotuvchilar va ota onalar…

Ikki dunyo saodatini keltiradigan kasb shu bo’lsa kerak deb o’ylanib qolaman. Ahir online kurslarim orqali ayollar dekretda IELTS olib, universitetlarga kirishadi, yoshi kattayu-kichiklar o’zlari uchun yangi olamni qo’rquvsiz egallay boshlashadi.

Mening har kungi duoyim: «Ya, Allah, mehribonim, faqat haloldan rizq ber. Berayotgan bilimlarimni oson va tushunarli qilgin, odamlar o’zlari bilmagan holatda, yengillik bilan bu murakkab yo’ldan o’tib olishsin! Bu bilimlar insoniyatga foyda olib kelsin, odamlar uchun yangi imkoniyatlar eshigini ochsin, amiyn»….

Men 8 yoshda edim, tug’ilgan kunim kuni kechki payt, uyimizga ingliz tili ustozi kelgan. Yoshgina, korrupsiya gullayotgan vaqtda, 4 urinishda byudjetga Jahon Tillari universitetiga kirgan qiz- Dilnoza opam. Ular ko’p yillar menga motivatsiya bo’lganlar.

Ingliz tili muhim ekanligini ota onam qayerdan bilishgan? Nega 8 yoshimdan o’qitishgan?

Chunki ota onam uchun bizni rivojlanishimiz birinchi o’rinda bo’lgan. Nafaqat ingliz tili, matematika, rassomchilik, tarix, badiiy gimnastika, suzish bilan doimiy ravshda shug’illanar edik.

3 farzandni oyoqqa ko’tarish uchun, otam kuniga 15-20 soatdan mehnat qilganlar, onam esa bir kechada 200 talab bemor keladigan shifoxona- 16 tez yordam shifoxonasida, tunga navbatda turardilar. Eng yosh, quvonchli vaqtlarini, ular bizni o’qitish uchun og’ir mehnatda o’tkazishgan.

Balki shuning uchun, men 16 yoshimda IELTS 8.0 olib, dars berishni boshlagandirman. Meni tezroq natija ko’rsatgim kelgan. Ota onam qarib qolishmasidan, mehnatlarini rohatini ko’rishlarini istaganman.

Onamga 80 yoshlarida, eng yaxshi rusumli Iphone sovg’a qilishim mumkin, ammo u yoshda ularga nima keragi bo’ladi?

Sayohatga 70 yoshlarida yuborishim
mumkin, lekin oyoqlari og’rib tatil yoqarmikan?

Ko’pchilik natijaga erishishni kechga suradi, buni hali ham ingliz tilini cho’zilib o’rganmay yurganlarda kuzataman. Vaqt ortga qaytmay, jaddalik bilan o’tadi. Naxot ota onangizga yaxshi hayot ta’minlab berishni istamaysiz? Nega hali ham shoshilmayabsiz?

Ushalgan orzu…

Bu yil onajonim 50 yoshni qarshi oldilar. Akam va kelinoyim ish bo’yicha Turkiyada bo’lishgani tufayli, onamga hech qanday bayram tatimadi. Meni rejam bor edi.

Onamlarga fotosessiyaga borasiz deb, eng yaxshi salonga ularni yozdirib qo’ydim. 60 kishilik joy gaplashib, eng yaqin insonlarimizni taklif qildim. Hammaga sir saqlashlarini iltimos qildim🥹 Katta banner buyurtma qildim, onam yaxshi ko’rgan honandani chaqirdim va hammani yarim soat ertaroq vaqtga taklif qildim. (o’zbeklarimiz kechga qolish ananaku)

Onam keladigan vaqtlari hamma bir qatorga turib oldi. Onam binoga kirib ham hech narsani tushunmadilar, tapochkalarini kablukli oyoq kiyimga zo’rg’a almashtirtirdik😂 Kirganlarida esa….

Xayratdan lol qolib, rossa yig’ladilar. Kecha, onamning ‘Bolaligim’ nomli sheri va bolalikdagi rasmlar bilan boshlandi. Va eng kutilmaganda- Akamni ofitsiant ko’rinishida zalga kirgizib yubordim (ular kelishlarini faqat men bilar edim)


Bu baxt hissini tariflab ham bo’lmaydi. Otam esa, Dubay yoki Evropaga sayohat uchun vaucher sovg’a qildilar. Hamma kelganlar, tinimsiz duoda va havasda bo’lishdi. Onam uchun tamoman syurpriz bo’lgan bu kecha, eng yoqimli xotiraga aylandi.

Shunaqangi xotiraki, onam hali hanuz: ‘Qizim, hech kim qilmagan ishni qilding. Boringa shukr, yaxshiyam borsan!’ - deb, qayta qayta rasmlarni ko’rib, katta faxr bilan dugonalariga va yaqinlarga mahtandilar.


Har bir farzandga bu gaplarni eshitish nasib qilsin. Amiyn🤲🏻