Men intilgan dunyo shumidi, ona ?
Shumidi, go’zal deb ta’riflangan joy,
Odamlarichi?
O'tkinchi hislarga bo'lib parvona,
qachondir unutgan o’zin hoynahoy.

Navbatlab vijdonin sotganda narxlab,
Shaytonni yetaklab kelar xaridor.
Bir marom so'kuvlar qo'yilar taxlab,
Kimsa jini suymas, vijdon - nobakor.

Sen maqtagan inson shumi, onajon ?
Axir har koridan ko’zlasa foyda,
Lazzat deb farzidan kechgan notavon,
Qo’llar uzatilmas zarurat joyda.

Vaqt o’tib, tanimas jigarni jigar,
Qorni ochlarni hech mensimas to’qlar.
G’iybat singib ketgan jon-jonga qadar,
Baxtlarga begona hayosi yo’qlar.

Men oshiqqan hayot shumidi, ona?
Birovning yuragini g'ajib yer birov.
O'zlikdan bexabar qiladur ta'na,
Unutgan : bu dunyo aslida sinov.

Ko'ngillar bir-birin tutmagan mahal,
Me'yoridan oshib ketar gunohlar.
Birdan soya solar ochiqqan ajal,
Mozorlarni tepib o'tar oyoqlar.

Shumidi dunyosi, shumi onajon ?
Aytmagan eding-ku oq-u qorasin.
Kimdur so'nggi bora otadi xandon,
Kimdur yurar ichga yutib nolasin.

Men intilgan dunyo shumidi, ona ?
Shumidi, go'zal deb ta'riflangan joy...
Odamlarichi ?

(с)люфер.