Kosonsoy tuman maktabgacha va maktab ta'limi bo'limi rasmiy

Hurmatli maktabgacha va maktab ta’limi tizimida faoliyat yuritayotgan aziz opa-singillar, qadrli ustoz-muallimlar!

Bugun mana shunday dilbar, qutlug‘ bahor ayyomi - Xalqaro xotin - qizlar kuni bilan sizlarni chin qalbimdan muborakbod etaman.

Ona, ayol degan soʻz zamirida nozik taʼb, buyuk qalb, nafosatli koʻngil, betakror goʻzallik, fidoyilik, ulugʻvor bir maʼno mujassam.

Yurtboshimiz tomonidan xotin-qizlarga ko‘rsatilayotgan yuksak e’tibor, yaratib berilayotgan imtiyozlar va imkoniyatlar natijasida bugungi kunda barcha sohalarda ayollarimizning faolligi tobora ortib bormoqda.

Ta’lim tizimida ham ko‘plab  zahmatkash va fidoyi xotin-qizlar farzandlarimizning yorug‘ kelajagi uchun kamarbastalik bilan mehnat qilib kelishmoqda.

Ushbu bayram munosabati bilan sizlarni yana bir bor nafosat va go‘zallik ayyomi bilan tabriklayman. Sizlarga uzoq umr, sihat-salomatlik, oilaviy tinchlik, xotirjamlik, hayotiy farovonlik tilayman!

A'zamjon Isakov,
Viloyat maktabgacha va maktab ta'limi boshqarmasi boshlig‘i

Hurmatli maktabgacha va maktab ta’limi tizimida mehnat qilayotgan ayol-qizlarimiz,
aziz ustozlar!

Sizlarni bahor ayyomi — “8-mart — Xalqaro xotin-qizlar kuni” bayrami bilan samimiy qutlayman.

Bugungi kunda yurtimizda ayol-qizlarimiz uchun ko‘plab imkoniyatlar yaratib berilmoqda. Har bir sohada ularning o‘z maqsadi tomon dadil ildamlayotganini ko‘rish esa insonga behad quvonch bag’ishlaydi.

Shu o’rinda, yurtimizda qizlarimizning ilm olishi uchun ham alohida e'tibor qaratilayotganini ta’kidlash joiz. Shubhasiz, qiz bolaga ta’lim berish butun millatga ta‘lim berish demakdir.

Fursatdan foydalanib, barchangizni go‘zallik bayrami — 8-mart bilan yana bir bor samimiy tabriklayman. Sihat-salomatlik, baxt-u saodat, xonadoningizga fayz-u baraka yor bo‘lishini tilayman.

Zafar va muvaffaqiyatlar yo‘lingizda hamisha hamroh bo‘lsin!

Bayramingiz muborak bo‘lsin!

Hilola Umarova,
Maktabgacha va maktab ta’limi vaziri

@hilola_umarova

#8_mart_bayrami

✅ Kosonsoy tumanidagi umumiy o'rta ta'lim maktablarida “8-mart — Xalqaro xotin-qizlar kuni” bayrami ko'tarinki ruhda nishonlanmoqda.

Kosonsoy tumani 5-sonli umumiy o'rta ta'lim maktabida bo'lib o'tgan tadbirda maktabning musiqa va san’at to'garaklari a'zolari konsert dasturini namoyish etdilar. Maktab muallimalariga sovg'alar ulashilib, "Balli qizlar" tanlovlari o'tkazildi.

Kosonsoy tuman maktabgacha va maktab ta'limi bo'limining rasmiy axborot va matbuot xizmati

#8_mart_bayrami

✅ “8-mart — Xalqaro xotin-qizlar kuni” bayrami Kosonsoy tumanidagi maktabgacha ta’lim tashkilotlarida keng nishonlanmoqda.

Bayram tadbirlari Kosonsoy tumanidagi 7, 10, 14, 41-sonli davlat maktabgacha ta’lim tashkilotlarida ko’tarinki ruhda o’tkazildi.

Kosonsoy tuman maktabgacha va maktab ta'limi bo'limining rasmiy axborot va matbuot xizmati