O'zbekiston kasaba uyushmalari Federatsiyasining Farg'ona viloyat Kengashi | Rasmiy kanal

Kasaba uyushma faollari kutubxonaga a’zo bo‘ldi

Kitob tuganmas xazinadir. Insonning kitobdan yaqin hamrohi, do‘sti, maslahatchisi yo‘q. Negaki kitob tafakkur manbai bo‘lgani uchun ham xalqimiz uni nonday aziz, muqaddas deb e’zozlab, qadriga yetadi, sevib mutolaa qiladi.

Keyingi yillarda mamlakatimizda kitobxonlikni rivojlantirish borasida ko‘plab islohotlar amalga oshirilayotir. Zero adabiyot, ayniqsa badiiy asar avvalo insonga tarbiya vositasi sifatida ta’sir etadi, kitob tufayli dunyoqarashimiz boyib, tafakkurimiz yanada o‘sib boraveradi.

Bugungi tezkor va zamonaviy sharoitda salohiyati yuksak intellektual kadrlarni tayyorlashda yoshlarning kitobga munosabatini yanada yaxshilash, kutubxonalar fondini eng yangi badiiy, ilmiy, sohaga doir, shu jumladan davlat tilidagi kitoblar bilan muntazam ravishda boyitib borish dolzarb ahamiyat kasb etadi.

O‘zbekiston sog‘liqni saqlash xodimlari kasab uyushmasi Farg‘ona viloyat Kengashi ham kitobxonlikni targ‘ib etish, mehnat jamoalarida kitob mutolaasini shakllantirish, shu orqali yuksak ma’naviyatli kadrlarni ko‘paytirishga alohida e’tibor qaratadi.

Kengash tomonidan yana bir xayrli ishga qo‘l urildi. Yaqindagina zamonaviy qiyofa kasb etib, foydalanishga topshirilgan Ahmad Farg‘oniy nomidagi Axborot-kutubxona markaziga tizimdagi boshlang‘ich kasaba uyushma tashkilotlari raislari ishtirokida sayoxat tashkil etildi.

Unda kutubxona faoliyati, olib borilgan ulkan hajmdagi qurilish-bunyodkorlik ishlari, kitob fondi bilan yaqindan tanishildi. Shu kuni tadbir ishtirokchisi bo‘lgan 100 nafar kasaba uyushmasi faollari kutubxonaga a’zo bo‘ldilar. Ularga 3 yil davomida mazkur kutubxonadan bepul foydalanish huquqini beruvchi a’zolik guvohnomalari (ID karta) topshirildi.

O‘zbekiston kasaba uyushmalari Federatsiyasining Farg‘ona viloyati Kengashi.

Facebook | Telegram | Sayt

Farg‘ona viloyatida O‘zbekiston kasaba uyushmalari tashkil topganligining 120 yilligiga bag‘ishlangan ma’naviy-ma’rifiy tadbir o‘tkazildi

Ma’lumki, bu yil O‘zbekiston kasaba uyushmalari tashkil topganiga 120 yil to‘ladi. Shu munosabati bilan O‘zbekiston kasaba uyushmalari Federatsiyasining Farg‘ona viloyati Kengashi hamda Respublika tarmoq kasaba uyushmalarining viloyat Kengashlari bilan hamkorlikda turli ma’naviy-ma’rifiy tadbirlar tashkil etilmoqda.

O‘zbekiston sog‘liqni saqlash xodimlari kasab uyushmasi Farg‘ona viloyat Kengashining boshlang‘ich kasaba uyushma tashkilotlari raislari ishtirokida viloyat Axborot-kutubxona markazida bo‘lib o‘tgan tadbirda O‘zbekiston kasaba uyushmalari Federatsiyasining Farg‘ona viloyati Kengashi raisi o‘rinbosari Abror Otaboyev hamda O‘zbekiston sog‘liqni saqlash xodimlari kasab uyushmasi viloyat Kengashi raisi Shohidaxon Karimovalar tomonidan kasaba uyushmalarining tashkil etilishidan boshlab bugungi kunga qadar olib borilayotgan islohotlar haqida yig‘ilganlarga ma’lumotlar berildi.

Tarixiy ma’lumotlarga ko‘ra, o‘lkadagi ilk kasaba uyushmalari 1905 yilda temir yo‘l ishchilari va aloqa xodimlari tomonidan tashkil etilgan. O‘sha davrda ham ishchi-xizmatchilarning haq-huquqlarini himoya qilish masalalariga alohida e’tibor qaratilgan.

Aytish kerakki, bugungi kunda ham mamlakatimizdagi tub ijobiy o‘zgarishlar jarayonida eng yirik jamoat tashkiloti bo‘lgan kasaba uyushmalari faol ishtirok etmoqda. Xususan, ijtimoiy sheriklik va muloqot tamoyillari asosida mehnat ahlining ijtimoiy-iqtisodiy manfaatlari va mehnat huquqlarini himoyalash bilan birga, aholi turmush farovonligini oshirish, bandlikni ta’minlash, munosib mehnat sharoitlarini yaratish bo‘yicha ham tizimli ishlar amalga oshirilmoqda.

Bunga oxirgi 8 yil davomida davlat, kasaba uyushmalari va ish beruvchilar o‘rtasida tripartizm shaklidagi ijtimoiy sheriklikning yuqori bosqichga ko‘tarilgani ham yorqin dalildir. Buning natijasida “Kasaba uyushmalari to‘g‘risida”gi yangi qonun qabul qilindi. Prezidentimiz tashabbusi bilan “O‘zbekiston kasaba uyushmalari kunini belgilash to‘g‘risida”gi qonun qabul qilindi.

Federatsiya tizimida Mehnat va ijtimoiy munosabatlar Akademiyasi tashkil etildi. Shuningdek, Malaka oshirish instituti, O‘zbekiston kasaba uyushmalari tarixi muzeyi, Bolalarni sog‘lomlashtirish va aholi salomatligini tiklashga ko‘maklashish jamg‘armasi, Bolalarning dam olishi va sog‘lomlashtirilishini tashkil etish Departamenti tashkil qilindi.

Tizimda mavjud 18 ta bolalar sog‘lomlashtirish oromgohi soni 107 taga yetkazildi. 2016 yilda kasaba uyushmalari tizimida 17 ta sanatoriy faoliyat yuritgan bo‘lsa, bugun ularning soni 32 taga yetdi. Jahon standartlariga to‘la javob beruvchi “Kasaba uyushmalari suv sporti saroyi” foydalanishga topshirildi. Yana bir muhim jihat, oxirgi yillarda kasaba uyushma a’zolari soni 7 million nafardan oshdi.

Tadbirda shu kabi olib borilayotgan islohotlar xususida so‘z yuritildi. Bunday tadbirlar viloyatdagi mehnat jamoalarida davom etmoqda.

O‘zbekiston kasaba uyushmalari Federatsiyasining Farg‘ona viloyati Kengashi.

Facebook | Telegram | Sayt