Tonglari yorishgan qiroat bilan,
Quyoshi porlagan salovat bilan,
Barini unutib halovat bilan,
Robbim, Madinaga borgim kelyapti..

Ko'ngilda iymonning sustlashgani rost,
Gunohlar birma - bir chiqarar ovoz,
Barcha barchasidan bo'lib bir xalos,
Robbim, Madinaga borgim kelyapti..

Qo'limga Qur'oni Karimni olib,
Dilimga ilimning nurini sochib,
Kabada qo'limni duoga ochib,
Robbim, Madinaga borgim kelyapti.

Ol qulim, desang-u borardim chopib,
Barcha yomonliklar eshigin yopib,
Haq yo'lda hidoyat yo'lini topib,
Robbim, Madinaga borgim kelyapti.

Masjidul Haramda qilib ko'p zikr,
Qalbimda qoldirmay zarracha kibr,
Yetkazgan kuningga aytib ming shukr,
Robbim, Madinaga borgim kelyapti.

Qalbimga solganing asli bir hikmat,
Bu ne muhabbatdir, bu ne muruvvat?
Chekka burchagida topsam ham xilvat,
Robbim, Madinaga borgim kelyapti.

🪶Munavvara Dilroz