Anvarjon Shavqiyev | blog

Hindcha @uzbekchadasturlash by me : )
Ilk post va video darslar qachon chiqishini aniq bilmayman, boshlaganimda yana eslatarman, ana shunaqa gaplar.

Ayt meni qutqarsin ilohiy amr!

Hamma gap bo'lardi, issiq non bilan qaymoqda...

Menga sinmaydigan qalb zarur edi..!
Uzim ham qalblarni sindirgim kelmas,
Ko'z tikkan manzilim sirli nur edi,
Sirin uzimga ham bildirgim kelmas.

Qabrimga kelsangizu, agar kuldirolmasam, esda tuting demak men hali o'lmaganman!

Baxtga qarshi, hayot men yozgan ertak emas..

Aytishardi, har bir dardga davo sabrku,
Yurakka davo bo'ladimi, urishdan to'xtasa bir kun?

Itransitiondagi internship haqida(uzun post)

Mart-aprel oylarida Itransitionda hamma uchun ochiq internshipda qatnashdim.300 dan oshiq odam ichidan 6-7 ta front end dasturchi oxirgi etapgacha bora oldi.Kamina ham)
Ular mendan agar ishga olishsa qaysi xolatda ishlashim, qanday projectlarda qatnasha olishimni suray boshlashganda osmonda uchayotgandim, sababi bu haqiqiy ishga olish jarayoni edi.
1 hafta menga mos project izlashdi, topa olishmadi shekilli, dunyoning hozirgi xolati(Ukraine-Russian,Falastin-Isroil urushlari), iqtisodiyotini sabab qilib ko'rsatib ishga olisha olmasliklarini aytishdi.
O'shanda, nega ishga olmagani, internshipda qilgan xatolarim bulsa ular haqida feedback so'rab rosa to'palon qilgandim, aslida feedbacklarni avvalroq olib bo'lgandim bu shunchaki HR ni esida qolish uchun TAKTIKA edi.
Va bu ishladi..

Bir oy oldin, HR yana menga aloqaga chiqib 2-3 haftalik internshipda qatnashishimni, hammasi yaxshi o'tsa offer berishlari mumkinligini aytdi.
O'sha paytlar Turon Telecomga Middle Front end dasturchi lavozimi uchun ishga kirish jarayoni ketayotgandi, buni darrov to'xtatib Itransition taklifini qabul qildim, sababi kompaniyaning bozordagi o'rni va mavqiye katta va bu yerda olinadigan tajribalar qimmatliroq deb o'yladim.

Internship boshlanishi bilan menga notanish texnologiyalardan tasklar bera boshlashdi.
Nimalarni o'rgandim?

PostgreSql databazasi, NestJs(backend) frameworki va GitHub.
O'zim avvaldan bilgan ReactJs(frontend) va Typescript dasturlash tili bir necha bor takrorlandi va yangi narsalar o'rganildi.

Natija:
Polshadagi jamoa(miz)dagi team lead bilan bugun gaplashdim, u meni ishga olishlari uchun 100% tavsiya qilishini aytdi, sabablari:

- Deadlinega doim amal qildim.
2 haftalik vazifani 1 haftada tugatgandim.

- Ha deganda ularni bezovta qilib, tug'ri kelgan narsani suramadim, imkon boricha o'zim yechim topishga harakat qildim.
3 haftada 1 marta yordam so'rabman.

- Ular bergan feedbacklarni to'g'ri qabul qildim, kamchiliklarni tez tug'irladim, yangi narsalarni tezroq o'zlashtirishga harakat qildim.

Keyingi bosqich:
- Kutish.

Hafta oxirigacha Resource manager bilan men haqimda gaplashishini va yakuniy qarorni aytishini aytdi, ko'pi bilan keyingi hafta aytsa kerak.
Nima bo'lganda ham N81-guruhimni bitirtirib ketaman😅.
But who knows...

Bugun sinov muddati tugadi.
Ertaga yakuniy qaror va feedbacklar haqida gaplashsak kerak.
Kompaniya tamonidan berilgan barcha vazifalarni ham tugatdim.
Hamma vaqtimni shu olayotgan ekan, hozir bo'shman, nima qilishga ham hayronman, qiladigan ish yo'q.
Darsdan keyingi darsim boshlangancha oradagi bo'sh vaqt ko'p ekan bugun bildim.

Ertaga team lead bilan gaplashsam, natijasini ham aytaman.

Assalamu alaykum.

Avval boshidan kanal, omma uchun biror foydali post yozish, tajriba ulashish va kundalik hayotimdan fikrlar, jamiyatdagi o'zgarishlarga munosabatimni bildirish uchun ochilgandi.

Kanal linkini, unga o'xshashga maksimal harakat qilaman deb @jr_Umar(kichik Umar) deb nomladim.O'shanda kanal linki og'irlik qilmasa bo'ldi deb xazillashgandim, shunday bo'ldi shekilli o'tgan vaqt ichi kumirimga 1 sm ham yaqinlasholmadim.

Oxirgi kunlarda, bu yerda kanalda maqsadiga mos emas balki, ichimdan o'tganlarni to'kib soldim.
Bu yerda omma uchun mos post yozilmas ekan, demak bu yer omma uchun emas.Siz uchun faqat ustoz bo'lsam bu yerdan keting, qolganlar meni injiqligim, ezmaligim va bachkanaligimga chidashga majbur.
Bu yer endi oddiy kundalik, bu yerda omma manfaatiga mos post yozilmaydi.
Bu yerda yaqinlarim va uziga yaqin deb bilganlar qolishi mumkin.

Ana shunday gaplar.

Izlardim tuyg'umni sengacha kuzlardan!

Qattiq shamollaganman, shu payt kimdir:
-Muzlatgichda qovun bor agar yesang.

Tutqunlik sari, bu jimlik!

Faqat qolganga o'xshaydi..
U damlardan, alam-g'amlar,
O'shal damlar...

Bugun metroda bir korealik menga "you are handsome"(sen kelishgansan) dedi.

Menimcha u yo meni semirganimni
sezmadi yoki boshqa gap bilmaydi ingliz tilida.

ChatGPT va boshqa sun'iy intelektlar sababli o'qitish, qiyin bo'layabdi.

O'qituvchi sifatida o'quvchining darajasi qanday ekanini bilasiz, bir kunda "geniy" bo'lish ham qiyin.
Shunchaki ketqizib yuborib ham bo'lmaydi, chunki imtihonlardan ilashib bo'lsa ham o'tishayabdi.
Bunaqa o'quvchilar qayerga ketayotganini bilmaydigan ongsiz insonlarga o'xshashadi.
Sun'iy intelekt bunaqalarni ishini bemalol olib qo'yadi demayman.
Ular bozordagi raqobatgacha ham yetib borisha olmaydi.

Ha bu demativatsiya bo'lishi mumkin, ammo o'zingiz uchun o'qimasangiz, sizga mativatsiyani nima keragi bor?
Umuman shunaqa gaplar bu mavzudan odam charchayabdi, tushunmagan joyimni so'radim deyishadiyu, unda ustoz nimaga kerak.
Ishonchim komilki bu turdagi o'quvchilar hatto sun'iy idrok yozib bergan izohni o'qishmaydi ham.
Hatto kodni ko'chirib yozish o'rniga, copy+paste qilishsa kerak.

Rosti charchayabman.
Maqsadsizlar orasida!

Hatto aftobusda ham markasi Mersedes bulgani uchun oynadan qulimni chiqarib ketadigan darajada oliftaman.

#joke

Dasturlashni o'rganish bu yo'l-yo'lakay hind tilini ham o'rganishdir.

#author_me

O'zimni izlayman, men yo'q joylardan,
Topolmay qaytaman hatto bir nishon,
Ichaman kuydirib(tamoq), achchiq choylardan,
Bu menmas, kimligin bilmayman ishon.

O'zgarib boryabman, yosh o'tgan sari,
Yana biroz ezma, jahldor, badbaxt,
20 yosh - asli qolyabman qarib...
Hammasi yaxshi lek, men nega karaxt.

Sen sura xolimni tundagi oydan,
Ko'p bora ko'rgan u yoshlangan ko'zim
Yaram yaralmagan kamonu yoydan..
Pichoq sanchgan, tirnagan, shilganlar - o'zim.

Toshkent | 12.07.2024 | 19:19

Odatda odamlar odatiy odatlarimdan olisga otlanishadi.