JM || Personal blog

Buni o'tgan yili 1-yanvarda tashlagan ekanman buni qarangki hech narsa o'zgarmagan 😢😢😢

Pulning qabohati va yaramasligi shundaki, u hatto yo'q talantni bor qiladi. Dunyo oxir bo'lguncha ham shunday qilaveradi...

F. Dostoyevskiy-Telba
➖➖➖➖➖➖➖➖➖➖
JM || Personal blog

Qanday qilib yomon odamlar shunday go'zal osmon ostida yashashi mumkin ?

Dostoevskiy
➖➖➖➖➖➖➖➖➖➖➖
JM || Personal blog

Meda osti bezi - Allohning mo‘jizasi

Bugungi darsda 🩺 insulin terapiya haqida gaplashdik. Inson organizmidagi insulin berish jarayoni bazis va bolus bo‘linmalariga bo‘linadi. Bu jarayonni to‘g‘ri boshqarish uchun insonning:
🧍‍♂️ Tana massasi
📏 Bo‘yi
🍴 Ovqatlanish odatlari
🏃‍♀️ Hayot tarzi hisobga olinadi.

Normadan ozgina ko‘p yoki kam insulin dozalari berilsa, bu turli muammolarga olib kelishi mumkin. ⚠️ Ammo buni qarangki, bizning meda osti bezimiz, Allohning mo‘jizasi sifatida, bu jarayonni mukammal va aniq boshqaradi. ✨

🌟 Alloh taolo bizga shunday mukammal tizimlarni berganki, biz ularning aniqligi va o‘zaro uyg‘unligidan hayratga tushamiz. Yillardan beri biz o‘z organizmimizdagi organlar qanday ishlashini, ulardagi jarayonlar qanday kechishini o‘rganib kelmoqdamiz, lekin hali ham ularning sir-sinoatlariga to‘liq yetib bormaganmiz.

Subhanalloh! 🙏 Hammasi shunchalik aniq va mukammal ishlaydiki, Allohning qudratiga va hikmatiga shubha qilishning o‘zi mumkin emas.

👉 Sog‘lig‘ingizga e'tiborli bo‘ling.
🫶 Shukr qilib yashash insonni yanada baxtli qiladi.

Baxt faqatgina moddiyatda emas do'stlarim.
➖➖➖➖➖➖➖➖➖➖➖
EndoMed Clinic
JM || Personal blog

Sizni xursand qiluvchi molekula miyangizda ishlayapti!

Anandamid – Baxt Molekulasi haqida bilasizmi?
O'zim ham bu haqida yaqingacha bilmagan edim, bu haqida bilib hayron qoldim. Unday bo'lsa postni boshladik.

Hayotingizda qachonlardir o'zingizni nihoyatda baxtli, erkin va tinch his qilganmisiz? Bu hissiyotlarning bir qismi tanangizda ishlab chiqariladigan maxsus moddalar bilan bog'liq. Shulardan biri – anandamid.

🔬 Anandamid nima?
Anandamid – bu tanamizda tabiiy ravishda hosil bo'ladigan endokannabinoid. Uning nomi sanskrit tilidagi "ananda" (baxt, zavq) so'zidan kelib chiqqan. Bu molekula miyamizda sintezlanib, kayfiyatni, xotirani va stressni boshqarishda muhim rol o'ynaydi.

🧠 Qanday ishlaydi?
Anandamid tanamizdagi maxsus retseptorlarga, masalan, CB1 va CB2 retseptorlariga bog'lanadi. Bu retseptorlar asosan miyamizda va asab tizimimizda joylashgan.

CB1: Kayfiyat, xotira va uyquni boshqaradi.

CB2: Immun tizimini va yallig'lanish jarayonlarini tartibga soladi.


👨🏻‍🔬 Tibbiy ahamiyati
Anandamid stressni kamaytiradi va baxt hissini kuchaytiradi. Uning faoliyati bilan bog‘liq ba’zi tadqiqotlar quyidagilarni aniqladi:

Depressiya va bezovtalik: Anandamid darajasi past bo‘lsa, odam o‘zini asabiy va tushkun his qilishi mumkin.

Og‘riqni kamaytirish: Bu molekula og‘riqni tabiiy ravishda pasaytirishga yordam beradi.

Epilepsiya va Parkinson kasalligi: Anandamid asab tizimining ba’zi kasalliklarida simptomlarni yengillashtirishi mumkin.


🍫 Anandamid qayerdan olinadi?
Qiziq tomoni shundaki, anandamidni nafaqat tanamiz ishlab chiqaradi, balki ba'zi oziq-ovqatlarda ham uchraydi! Masalan, shokoladda oz miqdorda anandamid bor, bu shokolad yeganda kayfiyatimizning ko'tarilishini tushuntiradi.

📖 Nima uchun bu muhim?
Anandamid baxt, zavq va stressni boshqaruvchi molekula sifatida inson salomatligi uchun muhimdir. Uning faoliyati haqida ko‘proq bilish ruhiy va jismoniy salomatlikni yaxshilash yo‘llarini kashf qilishga yordam beradi.
➖➖➖➖➖➖➖➖➖➖➖
EndoMed Clinic
JM || Personal blog

Bugun eng uzun tun ekanliginu bilarmidingiz? Ertadan boshlab esa yana kunlar uzayib, tunlar qisqaradi. Biz bahor tomon yaqinlashamiz…

Umr hamin qadar tez o’tyapti-ki, hatto o’zimizni tanishga ham ulgurmay qolyapmiz...

Fyodor Dostoevsky

Fyodor Dostoyevskiy kitoblari haqida fikrlarim. O‘qigan kitoblarim ichida, bu asarlar go‘yo bir necha qadam yuqoriroq darajada. Badiiy qahramonlarning ichki dunyosi, ularning o‘ziga xos tasviri va suxbatlaridagi har bir so‘z – barchasi mohirlik bilan tanlangan. Dostoyevskiy kitoblari inson ruhining eng chuqur qatlamlariga kirib boradi, bunga endi ishondim. Fikr-hayolni esa band qiladi.

Asarlarda o'sha davrdagi siyosiy muammolar, jamiyat madaniyati va hech qachon eskirmaydigan savollari bor. Bu savollarni o'qigan odam nafaqat hikoya, balki o'zini ham kashf etadi.

Endi tasavvur qiling: sizga o‘lim jazosi belgilangan. Qatlgoh zinasidan ko‘tarilyapsiz. 5 daqiqadan keyin jazoni bajarishadi. Shu 5 daqiqada siz nimalarni his qilasiz? Nimalar haqida o‘ylaysiz?

Darvoqe, bizning holatimizda afsuski bu 5 daqiqamiz borligi ham noaniq...

"Kimdir qalbingni tushunmaydi, deb g‘azablanma. Har kimning o‘z dunyosi bor."
(Fyodor Dostoyevskiy)


-MJ. 21.12.2024
➖➖➖➖➖➖➖➖➖➖➖➖
JM || Personal blog