Jizzax shahrida 1-sektor rahbari, shahar hokimi Komil Xolmurodov va O‘zbekiston Respublikasi Prezidenti xalq qabulxonasi mudiri I.Xazratqulov boshchiligida shahar mahalla boʻlimi majlislar zalida shaharda sodir etilgan jinoyatchilik holatlarini muhokama qilishga bag‘ishlangan yig‘ilish bo‘lib o‘tdi.

Yig‘ilishda shahar huquqni muhofaza qilish organlari, mahalla faollari va boshqa tegishli tashkilotlar vakillari ishtirok etishdi. Tadbirning asosiy maqsadi jinoyatchilikning oldini olish, fuqarolar xavfsizligini ta’minlash va huquqbuzarliklarni kamaytirish bo‘yicha samarali chora-tadbirlarni ishlab chiqish edi.

Shahar hokimi Komil Xolmurodov jinoyatchilikning oshishiga sabab bo‘layotgan omillarni aniqlash va ularni bartaraf etish bo‘yicha aniq topshiriqlar berdi. Shuningdek, u mahalla faollari va huquqni muhofaza qilish organlari o‘rtasidagi hamkorlikni kuchaytirish, profilaktik tadbirlarni ko‘paytirish va fuqarolarni huquqiy madaniyatini oshirish zarurligini ta’kidladi.

✍🏻Jizzax shahar hokimligi Axborot xizmati

Hokimlik rasmiy sahifalariga a’zo bo‘ling👇🏻
jizzaxcity.uz | Telegram Live | Facebook

#20fevral #xabar #novosti #news #jizzax