Nafs

Qur'on Karimda zikr qilingan nafs holatga qarab turli sifatlarga ega bo'ladi.

Gohida "Xotirjam nafs" bo'lishi mumkin.

"Ey xotirjam nafs! Robbingga sen Undan, U sendan rozi bo'ladigan holda qayt! Bas, bandalarim ichiga kirgin! Va jannatimga kirgin!"

Fajr surasi, 27-30-oyatlar.

Bunday nafs shahvatlar ila kurashda g'olib bo'lib, sokinlik kasb qilgan nafsdir. Shuning uchun u "mutma'inna" - "xotirjam nafs" deb ataladi.

Gohida "malomatchi nafs" bo'lishi mumkin.
"Va malomatchi nafs bilan qasa

m"

Qiyama surasi, 2-oyat.
"Malomatchi nafs"dan murod ta

qvodor mo'min kishining nafsidir. Chunki u o'z egasini doimo malomat qilib(tergab) turadi. Gunoh ish qilsa, "Nima uchun gunoh qilding? Allohdan qo'rqmaysanmi? Oxiratda nima deb javob berasan?" deb ma'lomat qiladi. Savob ish qilsa, "Bu oz-ku, ko'proq qilsang bo'lmaydimi? Qancha ko'p savob ish qilsang, o'zingga foyda-ku", deb malomat qiladi.

Gohida "an-nafsul ammoratul bissu'i" - "yomonlikka amr qiluvchi nafs" bo'lishi mumkin.
"O'zimni oqlamayman. Albatta, nafs, agar Robbim rahm qilmasa, yomonlikka undovchidir. Albatta, Robbim o'ta mag'firatlidir, o'ta rahmlidir"

Yusuf surasi, 53-oyat.

Ruhiy tarbiya kitobidan - (Shayx Muhammad Sodiq Muhammad Yusuf)

@javokhir_hikmatullayev