Jami1ov

Kursdan so‘ng ming dollar izlab...

Kecha postimni oxirida sizlarga "kutuvlaringiz pastroq bo‘lsin" deb maslahat bergandim. Nega bunday dedim? Chunki hozirda media va marketing olamida ko‘pchilik kurs bitirib yoki bitta loyiha qilganidan keyin darrov katta pul topishni kutadi. Lekin bu kutuvlar real voqelik bilan to‘qnashganda ko‘pchilik tushkunlikka tushib qoladi. Keling, aynan shu mavzuni to'liq ko'rib chiqamiz.

Kurs bitirib, tez pul ishlash mumkinmi?

Hamma biladi: istalgan sohada 1 000$ topish mumkin. Lekin nega hamma ham bu summani topa olmaydi? Sababi – tushuncha va strategiya yetishmasligi (fikrimcha).

Pul tajriba ortidan keladi. Kimdir sizga 1 000$ to‘lashi uchun siz unga shunga yarasha yoki undan ortiqroq qiymat bera olishingiz kerak. Sizdan xizmat olayotgan odam buning natijasini ko‘rishi shart.

Tajribasiz pul topish juda qiyin. Bu qaysi soha bo‘lishidan qat'i nazar shunday. Agar sohangizda yetarlicha tajribali bo'lsangiz, qo‘shimcha o‘z xizmatlaringizni sotish yoki mavjud mijozlar orqali yangi mijozlar jalb qilish muammo bo‘lmaydi.

Shaxsan men shu bosqichga chiqishim uchun 2 yildan ko‘proq vaqt sarflaganman. 3 oy tekinga ishlagan paytlarim bo‘lgan (bu alohida tarix, qiziq bo‘lsa keyin yozaman).

1 000$ daromad qilish uchun nima kerak?

Xizmatlarni baholay olish: Ko‘pchilik o‘z xizmatlari yoki ishining narxini past baholaydi. O‘zingizga ishoning va mehnatingizning qiymatini biling. Siz bir vazifani bajarish uchun umringizni sarflaysiz.

O‘z tajribasini to‘g‘ri ko'rsata olish: CV yoki portfolio oddiy bo‘lsa, mijozlar yoki ish beruvchilar sizni jiddiy qabul qilmaydi. Portfolioda katta ishlaringizni aniq natijalari bilan yozing. (Amalda rasm video va otziv videolar bo'lsin)

Shaxsiy brend ustida ishlash: Bugungi kunda odamlar shaxsiy brend orqali xizmat oladi. Agar sizni bozorga mos ko‘rinishda taqdim qila olsangiz, mijozlar va hamkorlar o‘zlari sizni qidirib topishadi. Shaxsiy brend esa faqatgina instagramda kontent qilish emas :))

Maqsad va motivatsiyani pul bilan bog‘lamaslik: Maqsad faqat pul bo‘lsa, u sizni uzoqqa olib chiqmaydi. Har kuni pul uchun emas, rivojlanish uchun ishlash kerak. Shu yerdan keyingi muhim savol tug‘iladi: qancha pul ishlash yetarli? P.s Bu esa individual savol (qancha pul sizni baxtli qilishi va qancha pul sizni qanoatlantirishini bilishingiz kerak)

Hamma narsa faqat puldan iborat emas

1 000$ ma’lum bir bosqich uchun yaxshi natija. Kim uchundir ko‘p, kim uchundir normal. Lekin pul asosiy motiv emas, balki vosita bo‘lishi kerak. Agar sizning harakatlaringiz faqat pul topishga qaratilgan bo‘lsa, natija kutganingizdek bo‘lmasligi tabiiy hol.

Menda 14 soatdan ortiq ishlashga to‘g‘ri kelgan kunlar bo‘lgan. Lekin biror marta "ufff, yana ishga borishim kerak" degan fikr bilan uyg‘onmaganman.

Soham orqali qo‘ygan maqsadimga erishishni, insonlarga, jamiyatga foydali mahsulot va xizmatlarni ommalashtirishga hissa qo‘shishni istayman. Aynan shu narsa motivatsiyam deya olaman.

Siz nima deb o‘ylaysiz?

Siz qaysi sohada ishlaysiz? O‘zingiz tanlagan sohada qancha daromad qilish mumkin deb o‘ylaysiz? Va eng muhimi, nima uchun aynan shu sohani tanlagansiz?

P/s: Qo‘limdagi soxta pul, fitna qilmang 😁

Menejer izlab...

Yaqinda loyihalarimiz uchun SMM menejer kerak bo'ldi, natijalar esa o'ta rasvo. 60 dan ortiq CV larni ko'rib chiqqan inson sifatida aytishim mumkin, hali portfolio tayyorlashda muammo bor. Qilgan ishlari esa 80% shablon. Kontentlar uchun g'oya olish manbaasi tayin emas (ChatGPT dan boshqa) Aslida mutaxasis odam sun'iy intellektsiz kontent tayyorlay oladi bemalol. Loyiha briefini o'zidan istalgan loyiha uchun kamida 20ta kontetn 5ta target uchun offer tayyorlay olaman. Ha bu tajriba ortidan biroq mutaxasis odam bunaqa ishlay olishi uchun ko'p tajriba emas to'g'ri usullarni o'zi yetarli.

O'z xizmatlarini sotish bo'yicha tajriba yo'q, juda kichik muammolari bor. Kontentlar uchun ssenariy mutaxasislari hozir bozorda o'rtacha 1ta ssenariy narxini 15-25$ atrofida sotishadi. Bozor bo'sh talab esa yetarlicha. Bu uchun sohaviy bilim, qiziqish, doimo o'z ustida ishlash, ko'p kitob o'qish va media bozor holatini to'g'ri tahlil qila olish kifoya.

Marketing va media sohasi serqirra soha, ko'plab yo'nalishlar bor. Offline ishlashni istaganlar uchun ham online ishlashni istaganlar uchun ham yetarli yo'nalish bor. Faqat qisqa vaqtda katta natija bo'lmaydi. Kutuvlaringiz pastroq bo'lsin nega bunday neganim haqida esa ertaga gaplashamiz

Sun'iy intellektlar jangi, kim kuchliroq? DeepSeek yoki ChatGPT?

Ikkalasini ham o'z sohamda ishlatib ko'rgan mutaxasis sifatida shuni ayta olamanki DeepSeek biroz sekinroq ammo ma'lumotlari aniq, to'g'ri yondoshuv bera oladi, yechim masalasida ham shunday deya olaman va nisbatan format. Undan tashqari muhim jihati: Ishlatish tekin :))

ChatGPT esa ijodkorligi bilan ajralib turadi, tez tahlil qiladi (pullik versiyasi nazarda tutilgan) ba'zan sun'iy intellekt ekanligini esdan chiqarib qo'yasan kishi, javoblari ajoyib.

Sohamiz ijodkorlikka ham aniq yondoshuvga ham asoslaganini hisobga olib, baribir ChatGPT kuchliroq va men uchun afzalroq deyman) Chunki uni yondoshuvi baribir insonga nisbatan yaqinroq))

Siz qaysi birini ishlatasiz? Kimga ovoz berasiz va nima uchun?)

Tabiat istab...

Sohamiz strategiya bilan bog'liq, ha o'ylashingiz mumkin sen aytadigan biznesga yechimlarni biz ham bera olamiz deb. Ammo strategiya miyaga kelgan birgina fikr emas. U fikr kelishi uchun biz juda ko'p bosqichlardan o'tkazamiz

Avval auditoriya, keyin bozor, keyin mahsulot undan keyin raqobatchilarni va ehtijoyni tahlil qilib ular biznes uchun mijozlar bilan to'g'ri kommiyatsiya strategiyasi tuziladi. Ha bu oddiy fikr "hammani miyasida" bor. Ammo biz shu miyamizdagi "asli ushlab bo'lmaydigan havodagi" fikrni realizatsiya qilamiz

Ya'ni uni har bir bosqichini ishlab chiqamiz va nazorat qilamiz natijada esa o'sha strategiya amalga oshib yo natija beradi yoki kutilgandek bo'lmaydi. Keyin esa jarayon davom etadi. Agar reja ishlagan bo'lsa nega ishlagani tahlil qilinadi, o'xshamagan bo'lsa yana sabablari o'rganiladi. Xullas muammo ustida muammo izlaydigan soha bizni soha bo'ladi

Hayotda ikki muammo birda kelsa miyamiz qisib qoladi, biroz tin olib fikrlarni bir joyga qo'ygimiz keladi, menda ham shunday vaziyat loyihalarda ishlar avjida biroq miyaga ozroq dam berish kerak, shunga shu oyda kichik safar qilmoqchiman o'shasa nasib. Manzil esa Qirg'iziston. Kichik qisqa safar bo'ladi

Xo'sh safar qilsam jarayonlarni yoritib borsam bu sizga qiziq bo'larmidi? Fikrlaringiz qiziq yozib qoldiring gaplashamiz