Telegram channel "Jalilov. Qaydlar" — @jalilovqaydlar

Jalilov. Qaydlar

5 Feb, 21:18

O'zbekistonda bitta dissertatsiya yozib berish narxi $3000-5000 bo'lishi mumkin - tadqiqot

Higher Education Policy jurnalida e'lon qilingan tadqiqotga ko'ra, O'zbekistonda ilmiy daraja olish uchun himoyaga chiqishda g'ayriaxloqiy usullardan foydalanish keng tarqalgan: "qaroqchi" jurnallarda maqolalar chop qilish, maqola va / yoki dissertatsiyani birovga yozdirish. Bunday usullardan foydalanish ko'lami 2017-yildan beri oshgan ko'rinadi. "Ko'plar ilmiy darajalarni kuchli akademik kompetensiyalari uchun emas, tanish-bilishlari va moliyaviy imkoniyatlari borligi uchun oladi".

Tadqiqot mualliflariga ko'ra, oliy ta'lim muassasalarida doktorantlar va ularning ilmiy rahbarlarining chuqur (advanced) ilmiy tadqiqotlar metodologiyasi bo'yicha ko'nikmalarini rivojlantirish hamda ularga ilmiy ma'lumotlar bazalaridan foydalanishga imkon berish uchun resurslar yetishmaydi. Bu esa tadqiqotchilarning sifatli, ta'sirchan (impactful) tadqiqotlar olib borish va nufuzli, taqrizdan o'tadigan (reviewed) ilmiy jurnallarda maqolalar chop etish imkoniyatini cheklaydi.

Karimov davrida uning avtoritar boshqaruv uslubi ilmiy kadrlar tayyorlash tizimining jahon ilmiy hamjamiyatiga integratsiyalashuviga va akademik hamkorlikka to'sqinlik qilgan bo'lsa, hozirda resurs va salohiyat yetishmasligi bunga xalal bermoqda. O'zbekiston tadqiqotlarga ajratiladigan mablag'lar jihatidan sobiq SSSR davlatlari orasida eng past o'rinlarda qolmoqda: 2022-yilda buning uchun yalpi ichki mahsulotning 0,16%i ajratilgan.

O'zbekistondagi ilmiy kadrlar tayyorlashning "ilmiy rahbar - shogird" modeli bilim, ko'nikmalar va kompetensiyalarni yetkazish imkoniyatlarini cheklamoqda, doktorantlarga biriktiriladigan ilmiy rahbarlarining o'zlari ham o'z sohalaridagi ilmiy yangiliklardan va zamonaviy ilmiy tadqiqot metodlaridan xabardor emas.

Ilmiy darajalar berishning markazlashgan tizimi hamda OAKning maqolalar soni va ilmiy ishning joriy qilinganligi singari rasmiy talablari ilmiy ish sifatini ta'minlashni qiyinlashtiradi.

Tadqiqot mualliflari bilan suhbatlashganlarning fikriga ko'ra, nafaqat doktorantura, balki bakalavriat va magistratura ham islohotga muhtoj: ularda tanqidiy fikrlash va tadqiqotlar olib borish bo'yicha bazaviy ko'nikmalar o'rgatilmaydi,

Reforming Doctoral Education in Uzbekistan: Models, Rules and Norms of Behaviour

Higher Education Policy - Doctoral education (DE) plays a crucial role in nurturing the next generation of scholars and thought leaders and serves as a means for frontier knowledge creation and...

1.8k 8 110 3 30

Jalilov. Qaydlar

4 Feb, 17:20

"Mustaqil Oʻzbekiston asoschisi" deyiladigan shaxs aslida Mustaqillik deklaratsiyasining qabul qilinishiga qarshi boʻlgan, degan fikr Oʻzbekistondan chiqib ketgan yoki chiqib ketishga majbur boʻlgan siyosatchilar tomonidan oldin ham aytib kelinardi. Lekin bunday fikrning Oʻzbekistonda faoliyat olib boradigan olim tomonidan Oʻzbekistonda rasman OAVga maqomiga ega minbardan aytilishi, adashmasam, birinchi marta boʻlyapti. Umuman, eng yaqin oʻtmishimizni rasmiy mafkura mifologiyasidan xoli tarzda, obyektiv, faktlar va hujjatlarga asoslangan holda mustaqil Oʻzbekiston davlatchiligi uchun muhim va bunday mavzuda rasmiy OAVdan turib gapirgani uchun tarix fanlari doktori, professor Qahramon Rajabovga tashakkur.

Suhbatni koʻrishni tavsiya qilaman. Unda yaqin tarix bilan - masalan, Karimov davri qaragʻinlari haqidagi - fikrlardan tashqari, boshqa muhim mavzularda ham olim oʻz qarashlarini va jiddiy savollarni oʻrtaga tashlagan: vorisiylik masalasi, tarixga va tarixiy binolarga munosabat, Ukrainaga qarshi agressiyada aslida betaraf boʻlmagan pozitsiyamiz va boshqalar.

Siz olimning fikrlariga balki qoʻshilmasligingiz mumkin, lekin siyosiy millat boʻlishimiz uchun bunday diskurslar muhim deb oʻylayman.

Mustaqillik deklaratsiyasining matni Moskvada tasdiqlatilgan - ekspert

Ijtimoiy tarmoqlardagi sahifalarimiz: Telegram: https://t.me/Daryo Facebook: https://www.facebook.com/daryouz.rasmiy Instagram: https://www.instagram.com/daryo.rasmiy/ Twitter: https://twitter.com/daryo_uz TikTok: https://www.tiktok.com/daryorasmiy Jahon va O‘zbekiston yangiliklari https://daryo....

1.4k 1 28 17 38

Jalilov. Qaydlar

4 Feb, 12:23

Yangi baholash tizimi ... noqonuniy joriy qilinmoqdami?

Adliya vazirligining ma'lum qilishicha, Maktabgacha va maktab ta'limi vazirining 2024-yil 26-avgustdagi "2024-2025-oʻquv yilidan boshlab umumtaʼlim maktablarida bilimni baholashning yangi tartibini joriy etish toʻgʻrisida"gi 275-sonli buyrug'i Adliya vazirligi ro'yxatidan o'tmagan va idoralar normativ-huquqiy hujjatlari davlat reyestrida mavjud emas. Adliya vazirligi boshqarma boshlig'i F.Saliyev imzolagan xatda aytilishicha, vazirlik va idoralarning fuqarolarning qonuniy huquq, erkinlik va manfaatlairiga aloqador yoki umummajburiy tusdagi normativ aktlari Adliya vazirligida ro'yxatdan o'tkazilishi va rasman e'lon qilinishi kerak.

"Normativ-huquqiy hujjatlar to'g'risida"gi qonunning 37-moddasiga ko'ra. vazirliklar va idoralarning davlat ro‘yxatidan o‘tkazilmagan normativ-huquqiy hujjatlari tegishli ijtimoiy munosabatlarni huquqiy jihatdan tartibga solish uchun asos bo‘lib xizmat qilishi mumkin emas hamda huquqiy oqibatlarga olib kelmaydi. Vazirliklar va idoralarning mansabdor shaxslari davlat ro‘yxatidan o‘tkazilmagan normativ-huquqiy hujjatlarni amalga kiritganlik uchun qonunda belgilangan tartibda ma’muriy javobgarlikka tortiladi.

Xuddi shu qonunning 38-moddasiga ko'ra, normativ-huquqiy hujjatlar rasmiy nashrlarda e’lon qilinishi kerak. Maktabgacha va maktab ta'limi vazirining yangi baholash tizimi bo'yicha buyruqlari va bu tizimni tartibga soluvchi, unda ishtirokchilarning (o'quvchilar, o'qituvchilar, maktab, vazirlik, ota-onalar) huquq va majburiyatlarini belgilaydigan nizom yoki boshqa hujjat lex.uz da ham, vazirlik saytida ham, boshqa biron rasmiy manbada ham e'lon qilingan emas.

Qolaversa, yangi baholash tizimi amaldagi bir qator normativ-huquqiy hujatlarga zid:

- Vazirlar Mahkamasi qarori bilan "Umumiy o'rta ta'lim to'g'risida"gi Nizomning 33-bandi (e'tibor bering: "Normativ-huquqiy hujjatlar to'g'risida"gi qonunga ko'ra, normativ-hujjat o'zidan yuqori yuridik kuchga ega normativ-huquqiy hujjatga zid kelishi - masalan, Maktabgacha va maktab ta'limi vazirining buyrug'i Vazirlar Mahkamasi qaroriga zid kelishi mumkin emas);

- O‘zbekiston Respublikasi Xalq ta’limi vazirligi va Vazirlar Mahkamasi huzuridagi Davlat test markazining buyrug'i bilan tasdiqlangan hamda Adliya vazirligi ro'yxatidan o'tkazilgan "5 — 9-sinf o‘quvchilarining bilimlari sifatini nazorat qilishning reyting tizimi to‘g‘risida"gi Nizom.

Yangi baholash tizimining o'qituvchilar va o'quvchilarga ta'siri haqida bu maqolada batafsil yozilgan edi. Ota-onalarning xabar berishicha, bu bo'yicha yuqori davlat organlariga (Parlament, Prezident Administratsiya va hokazo) yuborilgan murojaatlar ko'rib chiqish uchun Maktabgacha va maktab ta'limi vazirligiga yuborilmoqda va vazir o'rinbosaridan "bizda hammasi zo'r" mazmunida javoblar kelmoqda.

Tizim, vazirlik aytgandek, "zo'r" bo'lishi ham mumkin, lekin qonunlarni nima qilamiz? Yoki ayrim vazirliklarga amaldagi qonunchilikni "ignor" qilish huquqi berilganmi?

2.5k 0 59 7 14

Jalilov. Qaydlar

3 Feb, 10:05

Forward from: Orif Tolib

Oliy taʼlim oʻqituvchilari va mutaxassislari diqqatiga!

“Talabalarda adabiy tahrir malakasini shakllantirish metodikasi” mavzusidagi ilmiy tadqiqot ishi uchun soʻrovnoma oʻtkazilyapti. Soʻrovnoma savollariga javob berish uzogʻi 2 daqiqa vaqtingizni olishi mumkin. Lekin siz bergan javoblar adabiy tahrir taʼlimining hozirgi holati, bu koʻnikmaning zarurati, mavjud muammolar haqida xulosa olishga imkon beradi.

Soʻrovnomada adabiy tahrirga bevosita aloqador va aloqador boʻlmagan yoʻnalish vakillari ishtirok etishi mumkin.

🟢 Muhim jihat: soʻrovnoma anonim, ism-familiya yoki boshqa shaxsiy maʼlumotlarni koʻrsatish talab etilmaydi. Nimadir yozish, kiritish ham shart emas. Berilgan javoblarni xolis tanlash yetarli.

Talabalarga dars beradigan yoki dars bergan mutaxassislar yordamlarini ayamaydi degan umiddaman:

👉 forms.gle/688GN1CNdSviio4m8

🌐 Sayt 🛜 Telegram ▶️ YouTube

1.1k 0 3 1 5

Jalilov. Qaydlar

2 Feb, 22:05

Yana propaganda haqida

Bugun bir guruhda ayrimlarning SSSR paytida taʼlim dunyodagi eng zoʻri boʻlgani, biz ham sovet darsliklariga qaytishimiz kerakligi haqidagi fikrga bir qiziq argument keltirilganini koʻrdim: emishki, shu kunlarda shov-shuvga sabab boʻlayotgan Deep Seek sunʼiy intellekti asosida sovet olimlarining 1985-yilda yaratgan kodi yotar ekan. Hayron boʻlgandim. Mana, bunday "argument"ning manbasi ham topildi.

Asosiy axborot manbasi Rossiyaning davlat kanallari boʻlgan qatlam Rossiyaning har qanday propagandasini fact-chechking qilishmasdan rost deb qabul qiladi. Yuqoridagi Deep Seek haqidagi misol-ku, nisbatan "beozor", lekin bundan battar yolgʻonlarni ham rost sifatida qabul qilishayotgani xavfli.

Darvoqe. Tanqidiy fikrlash va fact-chechking ahamiyati haqida ancha oldinroq maqola yozgan edim va qizigʻi, unda ham misol sifatida "sovet taʼlimining eng zoʻr boʻlgani" haqidagi argument olingan edi.

1.3k 0 10 6 15

Jalilov. Qaydlar

2 Feb, 19:42

Qiziq, soliq toʻlovchilarning pulini sarflashning boshqa tuzukroq, foydaliroq yoʻli topolmadimi?

Oʻzi yaqinda markaz CNNda allomalar haqida reklama maqolalari eʼlon qilib, davlatlararo tushunmovchilikka sabab boʻlgandi.

1.2k 0 4 3 9

Jalilov. Qaydlar

2 Feb, 17:10

Senzura tarafdori emasman, lekin bugun bir narsaga yana bir bor qatʼiy ishonch hosil qildim: Rossiya propagandaning Oʻzbekistonda cheklanmasligi - suverenitet uchun, kelajak uchun katta xavf. Bu borada Yuliy Yusupov haq. Va eng yomoni - bizning OAVlar bunday sifatli propagandaga (ha, Rossiya propaganda juda sifatli, shuning uchun ham ishontira oladi) qarshi hech narsa taklif qila olmaydi.

1.5k 0 10 6 19

Jalilov. Qaydlar

2 Feb, 06:22

Muammo nafaqat 5-6 sinflar bilan, yuqori sinflar darsliklari bilan ham shu ahvol, deyishmoqda ijtimoiy tarmoqlar foydalanuvchilari.

Taʼlim standartlari va oʻquv dasturlari "kasha", darsliklar yoki yoʻq, yoki vaqtida kelmaydi, baholash tizimi oʻquvchilarni oʻqishdan, oʻqituvchilarni ishdan bezdiradi. Ota-onalar qaysi idoraga shikoyat yoʻllamasin, oʻsha idora nomidan vazir oʻrinbosari "bizda hammasi zoʻr" deb javob xati yiboradi. Vazir esa "tepa"ga qandaydir "islohotlar" haqida taqdimotlar qilish bilan va tadbirlar bilan ovora.

Ishqilib oxiri baxayr boʻlsin derdim-u, taʼlimda oxiri baxayr boʻladigan hech narsa qolmadi. "Oʻz bolangni bir amallab oʻzing oʻqitib ol" bu yogʻi.

3.8k 0 27 10 12

Jalilov. Qaydlar

1 Feb, 14:58

Yopiq halqa? (Замкнутый круг?)

Eng qizigʻi, ota-onalarning aytishicha, Prezident Administratsiyasi, Oliy Majlis, Bolalar ombudsmani, Bosh Prokuratura va boshqa davlat idoralariga Maktabgacha va maktab taʼlimi vazirligi faoliyatidan norozi boʻlib yuborilgan shikoyatlarning hammasiga vazir oʻrinbosari yoki Toshkent shahar boshqarmasi boshligʻi javob berayotgan ekan. Administratsiya ham oʻzing, prokuratura ham oʻzing, deputatlar ham oʻzing boʻlgan sharoitda ishlash maza boʻlsa kerak: ustingdan shikoyat qilishsa, oʻzing koʻrib chiqasan-da, "menda hammasi zoʻr" degan javob yuboraverasan ...

Shunchaki maʼlumot oʻrnida. "Jismoniy va yuridik shaxslarning murojaatlari toʻgʻrisida"gi qonun murojaatni koʻrib chiqish uchun harakati (harakatsizligi) ustidan shikoyat qilinayotgan organga yuborishni taqiqlaydi. Lekin ayrim vazirlik(lar) bu qonundan istisno boʻlsa kerak...

Jalilov. Qaydlar

Darsliklar uchun ajratilgan 1, 3 trln soʻm qani? deyishmoqda ijtimoiy tarmoq foydalanuvchilari. 5-sinflar uchun Singapur - "Novda" matematikasining oʻquv yilining birinchi yarim moʻljallangan 1-qismi maktablarga endi tarqatilayotgani iddao qilinmoqda. Shunchaki maʼlumot oʻrnida: maktablarda oʻquv ...

1.9k 2 12 6 2

Jalilov. Qaydlar

1 Feb, 14:41

Darsliklar uchun ajratilgan 1, 3 trln soʻm qani? deyishmoqda ijtimoiy tarmoq foydalanuvchilari.

5-sinflar uchun Singapur - "Novda" matematikasining oʻquv yilining birinchi yarim moʻljallangan 1-qismi maktablarga endi tarqatilayotgani iddao qilinmoqda. Shunchaki maʼlumot oʻrnida: maktablarda oʻquv yilining ikkinchi yarmi boshlanganiga ikki hafta boʻldi).

4.1k 0 41 1

Jalilov. Qaydlar

30 Jan, 20:56

Yuqoridagi postga qoʻshimcha. BBC Oʻzbek xizmati yozadi:

Халқаро майдонда унинг қарийб 30 йиллик бошқарув даври авторитаризм, кенг миқёсли инсон ҳуқуқлари чеклови, матбуот устидан марказлашган назорат ва сиёсий мухолифатнинг бостирилиши билан эсланади.

Yaʼni, mohiyatan BBC Oʻzbek xizmatining yozganlari yuqoridagi "jilovlanmagan Leviafan" haqidagi fikrlarni tasdiqlaydi.

Endi Leviafanni kim jilovlashi masalasiga kelsak. Albatta, hech qaysi Leviafan oʻzini oʻzi jilovlashdan manfaatdor emas. Yuqorida tilga olingan "Tor yoʻlak" kitobida buning yechimi keltirilgan. Leviafanni kuchli jamiyat jilovlaydi: siyosiy partiyalar, fuqarolik jamiyati institutlari, ommaviy axborot vositalari va boshqa. Aynan kuchli fuqarolik jamiyati institutlari oʻzaro tiyib turish va nazorat mexanizmlari ishlashini, tarozining hech qaysi pallasi ogʻib ketmasligini nazorat qila oladi. Behbudiyning oʻsha mashhur gapini eslang.

Jalilov. Qaydlar

Leviafanni jilovlash O'rta asrlar ingliz faylasafi Tomas Hobbs o'z asarida davlatni majoziy ma'noda Leviafanga - Injildagi ko'p boshli va dahshatli dengiz maxluqiga qiyoslaydi. Tadqiqotlar shuni ko'rsatadiki, hokimiyatlarning bo'linishi (bir-biridan mustaqil qonun chiqaruvchi, ijro etuvchi va sud h...

1.5k 0 3 8 13

Jalilov. Qaydlar

30 Jan, 15:12

Leviafanni jilovlash

O'rta asrlar ingliz faylasafi Tomas Hobbs o'z asarida davlatni majoziy ma'noda Leviafanga - Injildagi ko'p boshli va dahshatli dengiz maxluqiga qiyoslaydi. Tadqiqotlar shuni ko'rsatadiki, hokimiyatlarning bo'linishi (bir-biridan mustaqil qonun chiqaruvchi, ijro etuvchi va sud hokimiyatining mavjudligi) hamda bir-birini nazorat qilib, tiyib tura olishi (checks and balances) tizimini yaratgan, "Leviafanni jilovlay" olgan jamiyatlar barqarorroq va iqtisodiy jihatdan farovoronroq bo'lishadi.

"Bizga qonunlar ijrosini ta'minlay oladigan, zo'ravonlikni nazorat qila oladigan, mojarolarni hal qila oladigan va ijtimoiy xizmatlarni taqdim qila oladigan hamda shu bilan birga, jilovlangan, o'z kuchiga ishongan jamiyatning nazoratidagi davlat kerak". Nobel mukofori sovrindorlari Ajemoglu va Robinsonning "Tor yo'lak: Davlatlar, jamiyatlar va ozodlik taqdiri" kitobidan

Jonatan Henson tadqiqotiga ko'ra, o'zaro nazorat va tiyib turish mexanizmi ta'minlangan davlatlar innovatsiyalar va va ilg'or sohalarga investititsiyalarni rag'batlantirish orqali barqaror rivojlanishni ta'minlay oladi.

Devid Stasavajga ko'ra, avtoritar tizimdan qonun chiqaruvchi va ijro etuvchi hokimiyatlar bir-birini nazorat qilib, tiyib tura oladigan tizimga o'tish xususiy investitsiyalarning 16% o'sishiga olib keladi.

Kennet Demga ko'ra, mustaqil va kuchli sud hokimiyati - "Leviafanni jilovlash"ning bir yo'li - va iqtisodiy o'sish o'rtasida korrelyatsiya mavjud.

Rafael La Porta va boshqalarning tadqiqotiga ko'ra, sudlarning mustaqilligi va hokimiyatning boshqa tarmoqlarini tiyib tura olishi hamda qonun, qaror va farmonlarning konstitutsiyaga mosligini nazorat qilish siyosiy va iqtisodiy erkinlikka olib keladi hamda iqtisodiy rivojlanishga hissa qo'shadi.

Bularni nima uchun yozyapman? Twitter ijtimoiy tarmog'ida bugungi sana - mustaqil O'zbekistonning birinchi prezidenti Islom Karimov tug'ilgan kun munosabati bilan uning merosi va xatolari haqida bahs boshlandi. Kimdir turli valyuta kurslari o'rtasidagi katta farq va "qora bozor"ni uning eng katta xatosi sifatida tilga oldi, kimdir haligacha O'zbekiston xalqining "qonini ichayotgan" monopilyalarni, kimdir abgr ta'limni, kimdir "nollashtirish"larni.

Mening fikrimcha esa, uning eng katta va haligacha bizga ta'sir qilayotgan, iqtisodiy va ijtimoiy rivojlanishga katta zarba bergan "meros"i - barcha hokimiyatni bitta institut (shaxs) qo'lida konsolidatsiyalashgani, hokimiyatlarning real bo'linishi, o'zaro nazorati va tiyib turish mexanizmlarini amalda yo'q qilgani, majoziy ma'noda "jilovlanmagan Leviafan" yaratgani bo'ldi. Qolgan xatolar va muammolar - mana shuning hosilasidir. Zotan, Amerikani "sehrli dyor" qilgan ham mana shunday o'zaro nazorati va tiyib turish mexanizmlarining amalda ishlashidir. Bunga oddiy misol - sudyalarning prezident farmon va qarorlarining Konstitutsiyaga mosligini tekshirib, kerak bo'lsa to'xtatib tura olishi.

1.5k 0 19 1 23

Jalilov. Qaydlar

30 Jan, 11:37

Ўқитувчини Эъзозлаш Эмаса, Қийноққа Солишми?

Бугунги кунда таълим тизимидаги ислоҳотлар ва янги талаблар ўқувчидан кўра кўпроқ ўқитувчиларни синовга солмоқда. Педагогларнинг асосий вазифаси – болаларга мукаммал билим бериш, уларни тарбиялаш, дунёқарашини кенгайтириш. Аммо ҳозирги бюрократик талаблар, ортиқча юкламалар ва кераксиз сертификатлар ўқитувчининг вақти ва эътиборини асосий вазифасидан чалғитаётгани ҳақиқат.

“Серебро” Платформаси: Ҳақиқий Самара Беряптими?

Янги жорий этилган "Серебро" платформаси ўқитувчиларга моддий ва малакавий ривожланиш учун имконият сифатида тақдим этилган. Бироқ, аслида бу тизим кўпчилик ўқитувчилар учун яна бир ортиқча юк бўлиб қолмоқда. Кўплаб педагоглар бу платформанинг нафақат улар учун фойдасиз, балки уларнинг асосий вазифаси – дарс бериш жараёнига салбий таъсир ўтказаётганини таъкидлашмоқда.

Тизимга кириш, ҳисоботлар юклаш, кўрсаткичлар ошириш учун ўқитувчилар қимматли вақтини йўқотмоқда. Оқибатда, болаларнинг таълим сифати ошиш ўрнига, ўқитувчи компьютер олдида ҳужжатлар билан машғул бўлишга мажбур. Бу эса таълим жараёнидаги энг катта муаммолардан бирига айланди.

Бир Ойлик Ўқишлар: Янги “Бизнес”ми?

Ўқитувчилар учун ҳар йили турли малака ошириш курслари ташкил этилади. Кейинги пайтларда эса бир ойлик ўқишлар ва уларни тамомлаганлик ҳақидаги сертификатлар мажбурий тарзда талаб қилина бошлади. Бу ўқитувчиларнинг илмий салоҳиятини ошириш учун эмас, балки навбатдаги бюрократик талабни бажариш учун ўтказилаётгани аниқ.

Бу каби курслардаги билимлар амалиётда деярли ишлатилмайди, улар ўқитувчининг малакасини ҳақиқий ошириш ўрнига, қоғоздаги статистикани яхшилашга хизмат қилмоқда. Энг ачинарлиси, бу курсларнинг аксарияти бепул эмас – ўқитувчилардан катта маблағ талаб қилинади.

Ортган Юклама – Камайган Самарадорлик

Одатда, ўқитувчиларнинг асосий вазифаси ўқувчиларга дарс бериш, улар билан ишлаш, билим бериш жараёнини самарали ташкил этишдан иборат. Бироқ, кейинги йилларда қўшимча ҳисоботлар, тўлдирилиши керак бўлган платформалар, синфдан ташқари тадбирлар, ҳар хил мажбурий сертификатлар уларнинг асосий ишига тўсқинлик қилмоқда.

Натижада:

Ўқитувчи ҳаддан ташқари чарчайди.

Дарсга тайёргарликка кам вақт қолади.

Ўқувчига эътибор пасаяди.

Чиндан ҳам самарали ишлайдиган ўқитувчиларда руҳий чарчоқ юзага келади.

Хулоса: Ўқитувчини Ҳурмат Қилиш Керак!

Таълимда ислоҳотлар керак, лекин бу ўзгаришлар ўқитувчиларни эъзозлашга, уларнинг меҳнатини енгиллаштиришга қаратилган бўлиши лозим. Бюрократик тизим, ортиқча ҳужжатбозлик ва кераксиз курслар таълим сифатига эмас, фақат ўқитувчиларни чарчатишга хизмат қилади.

Ҳақиқий ислоҳот – ўқитувчиларга ишониш, уларнинг малакасини ошириш учун амалий имкониятлар яратиш ва уларнинг вақтини ҳурмат қилиш орқали амалга ошади. Бу ҳақиқатни эса қарор қабул қилувчилар қачон англайди?

Ijtimoiy tarmoqlardan

7.5k 0 167 4 32

Jalilov. Qaydlar

29 Jan, 18:28

Sietl sudyasi Donald Trampning mamlakatda tug‘ilish orqali AQSh fuqaroligini olish huquqini cheklash haqidagi farmonini to‘xtatib qo‘ydi. U farmonni “konstitutsiyaga yaqqol zid” deb atadi.

Kolumbiya okrugi sudyasi AQSh prezidenti Donald Tramp ma’muriyatining federal grantlar va kreditlar, shuningdek, boshqa moliyaviy yordam dasturlari ajratilishini muzlatish haqidagi qarorini 3-fevralgacha to‘xtatib qo‘ydi.

Bu nimasi, qandaydir sudyalar muhtaram prezidentning farmon va qarorlariga qarshi chiqib, ularni toʻxtatib qoʻysa-ya?

AQSh okrug sudyasi Trampning mamlakatda tug‘ilish orqali fuqarolik olishni taqiqlash farmonini to‘xtatib qo‘ydi

Sietl sudyasi Donald Trampning mamlakatda tug‘ilish orqali AQSh fuqaroligini olish huquqini cheklash haqidagi farmonini to‘xtatib qo‘ydi. U farmonni “konstitutsiyaga yaqqol zid” deb atadi. Prezident qarorga qarshi chiqishini aytdi.

1.7k 2 9 2 39

Jalilov. Qaydlar

29 Jan, 18:13

Forward from: Gazeta.uz - O‘zbekiston yangiliklari

“Andijonga ko‘proq va kattaroq parklar kerak”

Andijon shahridagi Alisher Navoiy nomli istirohat bog‘ini zamonaviy uslubda rekonstruksiya qilish hamda uning salkam 11 gektar qismida Andijon city ishbilarmonlik markazi, ko‘p qavatli turar joy va xizmat ko‘rsatish majmualari barpo etish rejalari e’lon qilingan edi.

Ijtimoiy tarmoqlarda mazkur qurilish ishlari boshlanish arafasida ekanligi, shu maqsadda bog‘ning atrofi o‘rab qo‘yilgani haqida xabarlar tarqalmoqda. Jamoatchilik esa bunga e’tiroz bildirmoqda.

“Gazeta.uz” 2024-yil noyabr oyida andijonliklarning o‘zi bu masalada qanday fikrda ekaniga qiziqib, ularga mikrofon tutgandi. Mazkur so‘rovnomani e’tiboringizga qayta havola qilamiz:

https://youtu.be/1ntM9DuK9q4

Andijonliklar Navoiy bog‘idagi ehtimoliy qurilishlar haqida nima deydi?

Andijon shahridagi Alisher Navoiy nomli istirohat bog‘ini zamonaviy uslubda rekonstruksiya qilish hamda uning salkam 11 gektar qismida Andijon city ishbilarmonlik markazi, ko‘p qavatli turar-joy va xizmat ko‘rsatish majmualarini barpo etish rejalari e‘lon qilindi. Shahar markazidagi yashil hududda q...

1.6k 0 2

Jalilov. Qaydlar

29 Jan, 18:10

Forward from: Archemistry | Urban | yo‘llarda bolalar o‘lmoqda

🚨 SHOSHILINCH: Andijondagi Alisher Navoiy bog‘ini saqlab qolaylik! 🚨

Do‘stlar, Andijonning naq markazida, Alisher Navoiy nomidagi madaniyat va istirohat bog‘i o‘rniga "Andijon city" biznes markazini qurmoqchi ekanlar. Bu barcha shahar aholisiga tegishli bo‘lgan 10,7 gektar yashil hududdir. Daraxtlar o‘rnida 18 qavatli 19 ta baland bino va 28 qavatli 7 ta osmono‘par bino qurishmoqchi.

Atrofi allaqachon to‘silgan. Ular bizni jim turib, unutib yuboramiz deb o‘ylashyapti. Lekin biz unutmaymiz.

❗️ Shaharda shundoq ham istirohat bog‘lari yetishmaydi. Shahar aholisining roziligisiz bu hududni yo‘q qilish - Andijon aholisi manfaatlariga to‘g‘ridan-to‘g‘ri zid.

📢 Biz nimani talab qilamiz:

Qurilishni darhol to‘xtatishni.

Alisher Navoiy bog‘ini hozirgi holatida saqlab qolishni.
Ishbilarmonlik markazi qurilishini boshqa joyga ko‘chirishni.
Biz allaqachon petition.gov.uz saytida ariza topshirganmiz, ammo byurokratiya uni cho‘zib yuborishi mumkin. Shuning uchun Avaaz’dagi arizaga imzo qo‘yishingizni so‘raymiz - bu bizning ovozimiz eshitilishi uchun imkoniyat.

Arizaga imzo qo‘ying va bog‘ni saqlab qolishga hissa qo‘shing! Bu xabarni do‘stlaringiz orasida tarqating, toki safimiz kengaysin. Kech bo‘lmasidan oldin tezkor harakat qilish nihoyatda muhim!

—

🚨 СРОЧНО: Спасём парк Алишера Навои в Андижане! 🚨

Друзья, в самом центре Андижана, на месте парка культуры и отдыха имени Алишера Навои, собираются построить бизнес-центр "Andijon city". Это 10,7 гектаров зелёной зоны, которая принадлежит всем жителям города. На месте деревьев и тропинок хотят возвести 19 высоток по 18 этажей и 7 небоскрёбов по 28 этажей.

Ограждение уже установлено. Они надеются, что мы промолчим и забудем. Но мы не забудем.

❗️ В городе и так катастрофически не хватает парков. Уничтожение этой территории без согласия горожан – это прямое нарушение интересов жителей Андижана.

📢 Что мы требуем:
- Немедленно приостановить строительство.
- Сохранить парк Алишера Навои в его нынешнем виде.
- Перенести строительство делового центра в другое место.

Мы уже подали петицию на сайте petition.gov.uz, но бюрократия может её затянуть. Поэтому просим подписать петицию на Avaaz – это наш шанс быть услышанными.

Подпишите петицию и помогите спасти парк! Распространите этот пост среди друзей, чтобы нас стало больше. Важно действовать быстро, пока не стало поздно!

#BogniSaqlabQolamiz #Andijon #Urbanizm #ShaharInsonlarUchun

АНДИЖОН ШАҲРИДА ЖОЙЛАШГАН АЛИШЕР НАВОИЙ НОМИДАГИ БОҒНИ САҚЛАБ ҚОЛИШ

Интернет тармоғида Андижон шаҳридаги Алишер Навоий номидаги маданият ва истироҳат боғи ўрнида "Andijon city" номли ишбилармонлик маркази қурилиши ҳақида маълумотлар тарқалмоқда, боғ ҳудуди эса ўраб олинган. Бу ҳақида маълумот 2024 йил 19 ноябрь куни Gazeta.uz ва бошқа нашрларда ҳам пайдо бўлган эди....

1.3k 0 7 19

Jalilov. Qaydlar

29 Jan, 09:13

Xorijiy mutaxassisning O'zbekistondagi sarguzashtlari

"Nufuzli rekruting kompaniyalari, ta’lim tashkilotlari bilan muzokaralar o‘tkazib, elchixonalar bilan yaqindan hamkorlik o‘rnatib" olib kelinayotgan "xalqaro sertifikatga va katta tajribaga ega" xorijiy mutaxassislardan biri O'zbekiston makatabgacha va maktab ta'limi vazirligidan "qochishni" (avoid) maslahat bermoqda.

Reddit ijtimoiy tarmog'icha joylangan post muallifi O'zbekistondagi sarguzashtlarini tasvirlar ekan, uning shartnomasida Yunusobod tumanidagi (Toshkent shahri) maktabga joylashtirish yozilgan bo'lsa-da, unga Denov tumanini (Surxondaryo viloyati) taklif qilinganini, u rad qilganidan keyin mehmonxonadan kvartiraga, kvartiradan boshqa mehmonxonaga ko'chib o'tishga majbur bo'lib, oxiri qilingan xarajatlari uchun kompensatsiya olishga muvaffaq bo'lib O'zbekistonni tark etgani haqida yozadi. U vazirlikda to'qnash kelgan mutaxasislarga"nokompetent" va "noprofessional" deb ta'rif beradi va ularning "yuziga qarash ko'nglimni aynitadi" deb yozadi. Post muallifi o'z sarguzashtlari bayonini shunday yakunlaydi: "O'zbekistonda ko'p yaxshi odamlarni uchratdim, ovqati ham yaxshi edi. Baxtga qarshi ularning hammasi kakistokratiyada yashashadi". (Izoh: "kakistokratiya" - "eng yomonlar, eng malakasi pastlar hokimiyati" ma'nosini beradi).

Mana sizga O'zbekistonning imijiga Maktabgacha va maktab ta'lim vazirligi qo'shayotgan hissa. Bundan oldin "yangi" O'zbekiston haqida The Economist nashri ham maqola chiqargan edi.

From the Uzbekistan community on Reddit

Explore this post and more from the Uzbekistan community

2.2k 1 56 9 37

Jalilov. Qaydlar

26 Jan, 07:12

Ijtimoiy tarmoqlar, xususan, taʼlim sohasi vakillari Maktabgacha va maktab taʼlimi vazirligiga oidligi iddao qilingan bir jadvalni muhokama qilayotgan bir paytda Statistika agentligi 2024 yil uchun nominal hisoblangan oʻrtacha oylik ish haqi boʻyicha hisobotni eʼlon qildi. Hisobotga koʻra, taʼlim (sogʻliqni saqlash bilan qatorda) eng oʻz past oylik toʻlanadigan sohalar boʻlib qolmoqda. Xususan, 2024-yilda respublika boʻyicha oʻrtacha ish haqi 5,3 mln soʻmni tashkil qilgan boʻlsa, taʼlim tizimida bu koʻrsatkich 3,6 mln soʻmni tashkil qilgan. Maktabgacha taʼlim tizimida bu koʻrsatkich yanada kamroq - 1,9 mln soʻmni tashkil qilgan. Eng achinarlisi, nominal oylik oʻsishiga qaramasdan, taʼlim sohasi vakillari respublikadagi oʻrtacha oylikka nisbatan kambagʻallashishda davom etgan - ularning oyligi 2022-yilda oʻrtacha oylikning 69,2%ini tashkil qilgan boʻlsa, 2024-yilda bu koʻrsatkich 67,9%ni tashkil qilgan.

Darvoqe. Maktabgacha va maktab taʼlimi vazirligi oʻsha jadval yolgʻonligi haqida bayonot bilan chiqdi va yolgʻon maʼlumot tarqatganlik uchun javobgarlik bilan poʻpisa qildi. Nazarimda, modomiki vazirlik yolgʻon maʼlumotlar tarqalishini istamas ekan, oʻsha jadvaldagi raqamlar - eʼtibor berilsa, undagi eng kichik summa ham oʻqituvchining bir yillik oyligidan koʻproq - nimani anglatishini ham ochiqlashi zarur. Chunki gap davlat byudjeti, yaʼni soliq toʻlovchilarning pullari haqida ketmoqda.

2.1k 0 20 3 42

Jalilov. Qaydlar

26 Jan, 06:04

404lar mamlakati

Odatda yangiliklarni RSS-lenta orqali oʻqiyman: men kuzatib boradigan saytlardan xabarlar sarlavhalari RSSga yigʻiladi, agar sarlavha diqqatni tortsa, "veb-saytga oʻtish" tugmasi orqali xabarni toʻliq oʻqish mumkin. Qiziq tarafi: agar sayt xabarni oldin eʼlon qilib, keyin oʻchirgan boʻlsa ham sarlavha RSS-lentaga tushadi. Masalan, bank xodimasi haqida surishtiruv tayyorlagan MY5 telekanali jurnalisti IIVga chaqirtirilgani haqidagi xabar kun.uz da chiqqan, keyin oʻchirilgan.

Soʻz erkinligi? Jurnalistik birdamlik? Nima edi ular? Nonga surtib yeydigan narsalarmi?

2k 0 19 1 37

Jalilov. Qaydlar

25 Jan, 12:04

Arzirmidi?

"Noroziligini baland ovozda ifodalagan haydovchining taqdiri "yangi" Oʻzbekiston haqida shubhalarni paydo qiladi. Soʻz erkinligi umuman kafolatlanmagan koʻrinadi". "The Economist" nashri Gʻayrat Doʻstov keysi asosida eʼlon qilgan maqolaga shunday sarlavha qoʻyilgan.

Maqola muallifi gaz qazib olish boʻyicha dunyoda top 20talikka kiradigan Oʻzbekiston aholisi har qishda yonilgʻi muammosiga duch kelishi haqida yozar ekan, Gʻayrat Doʻstov bilan boʻlgan voqeani tasvirlaydi va oʻzgacha fikrlovchilarga munosabat odamlarning gʻazabiga unchalik sabab boʻlmaydigan Oʻzbekistonda nega aynan Doʻstovning qamalishi internetni "portlatdi", degan savolni qoʻyadi. Muallif fikricha, Doʻstov timsolida odamlar oddiy oʻzbekni, oʻzlarining har kungi muammolarini koʻrishdi.

"Koʻp oʻzbeklar ishonadiki, Doʻstovning jazolanishi sababi - davlat, prezident bergan vaʼdalarga qaramasdan, tanqidga toqat qila olmaydi. Unga (Doʻstovga) rasmiylar munosabatidan gʻazab shuni koʻrsatadiki, sakkiz yil "yangi" Oʻzbekiston haqida gapirib, lekin bu gaplarni ishonarli tarzda hayotga tadbiq qila olmagan prezident va uning islohotlar kun tartibi amalga oshmagan kutuvlarni koʻratib yubordi", deyiladi maqolada.

Doʻstovning apellyatsiya ishini koʻrgan sudya "arzirmidi?" degan savolni bergan edi. Xuddi shu savolni unga maʼmuriy qamoq jazosini berishga qaror qilgan rasmiylarga qaratish mumkin. Shu bitta odamning norozilik ovozini oʻchirishga urinish mana shunday maqolalarga, xalqaro jurnalistlarning "yangi" Oʻzbekistonga ("yangi" soʻzini jurnalist qoʻshtirnoq ichiga olgan) nisbatan istehzolariga arzirmidi? Obroʻ, ishonch ketsa uni qaytarish qiyin - CNNdagi ota-bobolarimiz haqidagi reklama materiallari ham yordam bera olmay qoladi.

The fate of a ranting driver raises doubts about the “new” Uzbekistan

It seems free speech is not so guaranteed after all

2.9k 3 56 2 63

Продам канал с доходом 138090

TGStat Bot

SearcheeBot

Jalilov. Qaydlar

Channel's geo and language

Category

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

Jalilov. Qaydlar

3 347

Popular in the channel

Site language

Продам канал с доходом 138090

TGStat Bot

SearcheeBot

Jalilov. Qaydlar

Channel's geo and language

Category

3 347

Popular in the channel