Farg'ona shahrida targ‘ibot tadbirlari o‘tkazib borilmoqda

Farg‘ona shahar iste'molchilar huquqlarini himoya qilish jamiyati tomonidan shahar hududidagi korxona, tashkilot, idora va muassasalarda "Iste'molchilar huquqlari - qonun himoyasida", "Barchamiz - iste'molchimiz" kabi mavzularda amaldagi qonunchilik targ‘ibotiga bag‘ishlangan seminar, davra suhbati, uchrashuvlar o‘tkazib borilmoqda. Shunday tadbirlardan biri 86-ixtisoslashtirilgan maktab internati mehnat jamoasi ishtirokida ham tashkil etildi.

Tadbir kun tartibida asosiy e'tibor mamlakatimizda iste'molchilik ijtimoiy harakatini yana-da ommalashtirish va ushbu jarayonlarda ta'lim muassasasi xodimlarining ham faol ishtirokini ta'minlash masalalariga qaratildi.

Tadbirda yurtimizda iste'molchilarning huquqlarini himoya qilish to‘g‘risidagi qonunchilik asoslari, qonunchilik ijrosini ta'minlashda davlat va nodavlat tashkilotlarining ishtiroki va tutgan o‘rni, mamlakatimiz iste'molchilik ijtimoiy harakatini yana-da rivojlantirish istiqbollari kabi masalalar atroflicha muhokama qilindi.

O‘tkazilgan tadbir doirasida ishtirokchilarni qiziqtirgan savollarga javoblar qaytarilib, uning yakunlariga ko‘ra ta'lim muassasasi hamda Federatsiyaning shahar jamiyati o‘rtasida aholining iste'molchilik huquqiy bilim saviyasi va iste'mol madaniyatini oshirish yo'lida yaqindan hamkorlik olib borishga kelishib olindi.

Federatsiyaning rasmiy sahifalari👇
Telegram | Facebook | YouTube | Istemol.uz