Islombek's Blog

"Kelajak haqida qanday fikrdasiz?" - Anonim.

"Qaysi kelajak?" - Islombek.

"Shu kelayotgan kelajak, A.I larning poygasini ohiri menga juda yomon bo'ladigandek tuyilayabdi. Siz qanday fikrdasiz?" - Anonim.

"Hmm... Qiziq savol bo'ldi. Hozir A.I dan so'rab ko'raman" - Islombek.

"Ishonaman!" deydi. Oʻzini bagʻishlash u yoqda tursin, toʻliq amal qilishni ham boʻyniga olmaydi. Oʻziga yoqqan qismidan mahkam tutib olib, qolgan qismlariga qarshi argument qilib ishlatishini-ku aytmasa ham boʻladi.

"Ishonmayman!" deydi. Lekin har ikki gapining birida ishonmagan narsasiga nisbatan munosabat bildiradi.

"Vafodorman" deydi. Habardor boʻlmaguningizgacha siz ham shunday deb oʻylab yuraverasiz.

"Oʻzgardim" deydi. Koshki... Doimgidek, birinchi imkoniyat ikkinchisiga sabab boʻladi. Uchinchisi... Lekin har safar oʻzini oʻzgargan hisoblaydi.

Insonlarda ikkiyuzlamachilik odati bor. Hech kimga ikkiyuzlamachilik qilmagan boʻlsa ham, oʻziga qiladi.

Har qanday insonning ikkala yuzini ham koʻrmaguningizcha, u haqida xulosa chiqarmang.

Ikkiyuzlamachi boʻlmang! Maqsadga bir narsani mukammal qilganlar erishadi. Barchasiga osilgan insonlar bittasiga ham ega chiqolmaydi!

#insight

Bugun A.I.lardan tibbiy maqsadda foydalanib ko‘rdim.

Kardiogrammamni shifokor ko‘rib chiqdi, lekin deyarli aniq ma’lumot bermadi. Biroq: "Yaxshi, hozir bir nechta dori yozib beraman", dedi.

Menda skeptitsizm uyg‘ondi... Kompyuter qarshisiga o‘tirdim va kardiogramma natijalarim hamda dorilar tarkibidagi moddalar ta’sirini o‘rganishga kirishdim.

Avvaliga A.I. ning "Web search" funksiyasi orqali kerakli manbalarni ancha tezroq filtrlab oldim (bu menga juda ko‘p vaqt tejadi).

So‘ng, manbalardan asosiy "keynote" va birlamchi xulosalarni bir joyga yig‘dim. Keyin esa ularni yana A.I. yordamida tahlil qilib, batafsil tafsilotlarni o‘zlashtirdim.

A.I. shifokordan ancha ishonchliroq va aniqroq manbalarga asoslangan tashxis qo‘ydi (yoki biz qo‘ydik). Eng qiziq tomoni shundaki, dorilar ro‘yxatidagi eng qimmat dori aslida eng ahamiyatsizlaridan biri bo‘lib chiqdi.

Shunaqa ajoyib fikrlar keldi-ki... Mayli, postda yozmay qo‘ya qolaman. Har holda blogimda qizlar ham bor, ularning hurmatidan.

Lekin bir narsani aniq tushunib oldim: tibbiyot sohasi A.I. yordamida tezroq avtomatlashtirilsa yoki hech bo‘lmaganda qisman avtomatlashtirilsa, bundan faqat hursand bo‘laman.

"Bu dastur ma'lumotlarimni xavfsiz saqlaydimi?" degan savolni eshitsam kulgim keladi...

Yangi qurulmani ishga tushurayotganda "Terms & Privacy Policy" larni tanishib chiqib rozilik beramasangiz, qurulma yonmaydi. Shu vaqtgacha hech kimni bu shartlar bilan to'liq tanishib chiqganini ko'rmadim.

Yangi dastur o'rnatayotgan "Terms & Privacy Policy"ga rozilik bermasangiz dastur ishga tushmaydi. Tanishib chiqmay ruxsat bersangiz, sizni kiritgan va kiritmagan ma'lumotlaringizdan foydalanish huquqini o'zlashtirishi mumkin.

Ijtimoiy tarmoqlarda jonli efirlar, storylar, post, reelslar joylaysiz. Profilingizda ham rasmingiz turibdi. Demak allaqachon biometrik ma'lumotlaringizdan butun dunyo foydalanishi mumkin.

Siz joylamasangiz birga suratga tushgan biror tanishingiz joylaydi. Agar joylamasangiz ham ma'lumotlaringiz yo'qolmasligi uchun "cloud" hizmatlaridan foydalanasiz, foydalanadi. Demak baribir biometrik ma'lumotlaringiz, maxfiy emas.

Agar "tosh davri qoidalari bo'yicha yashayman, umrimda kamerasi bor hech narsa ishlatmaganman" desangiz, o'quv markazlari, do'konlar va shu kabi ko'plab joylardagi kuzatuv kameralari orqali yig'ilgan ma'lumotlaringiz talaygina.

Aytgancha "Wi-Fi" yoki "Mobil trafik" orqali amalga oshiradigan internet so'rovlaringizning barchasini "bitta joydan" kuzatish, ruxsat berish, taqiqlash mumkin. "Incognito", "VPN" va "Ghost" modelar hech qanday foyda bermaydi.

Agar "Tarmoqda" xavfsizlikni ta'minlash imkoni bo'lganida "Maxsus hududlar" ichki simli tarmoqdan foydalanmagan bo'lardi. AQShdagi Pentagon, Rossiyadagi FAPSI, Xitoyning Huawei maxsus tarmoqlari tarmoqqa ulangan bo‘lmaydi.

Bu "Matrix" biz tasavvur qilgandan anchagina kuchliroq darajaga erishib bo'lgan va bu natijalar bosqichma-bosqich taqdim qilinayabdi, qilinadi. Nima demoqchi ekanligimni tushundingiz nazarimda, mayli bu mavzu haqida uzoq gaplashmaganimiz ma'qul...

@islamaliy_blog

Ish samaradorligini oshirish va muloqot tartibini yanada yaxshilash maqsadida, bugundan boshlab quyidagi yangi ish tartibi joriy etilganini ma’lum qilaman.

1) Ish yuzasidan muloqot vaqtlari (9:00 – 17:00)
• Ish bilan bog‘liq barcha masalalar bo‘yicha faqatgina soat 9:00 dan 17:00 gacha murojaat qilishingiz mumkin.

• Aloqa kanallari:
Email: islamaliy.work@gmail.com
Telegram bot: @islamaliy_bot

• Shaxsiy profilga oldindan ruxsat olmasdan yozish yoki qo‘ng‘iroq qilisangiz javob olamasligingiz mumkin.
• Ish vaqtida telefon raqamim o‘chirilgan bo‘ladi, barcha muloqotlar faqat yozma ravishda olib boriladi.
• 17:00 dan keyin ish yuzasidan kelgan murojaatlar ertasi kuni ish vaqti boshlanganda ko‘rib chiqiladi.

2) Shaxsiy yoki ishga aloqador bo‘lmagan muloqot (17:00 – 20:00)
• Ushbu vaqt oralig‘ida shaxsiy masalalar yoki ishga aloqador bo‘lmagan murojaatlar uchun muloqotga ochiq bo‘laman.
• Telefon raqamim yoniq bo‘ladi va Telegram orqali qo‘ng‘iroq qilish mumkin.
• Bu vaqt hordiq vaqti hisoblanadi, shuning uchun ish yuzasidan masalalar bo‘yicha faqat ish vaqtida yozing.

3) O‘z-o‘zini rivojlantirish va ta’lim (20:00 – 00:00)
• Ushbu vaqtni yangi bilimlar o‘rganish, networking va shaxsiy rivojlanishga bag‘ishlayman.
• Shu sababli, faqat shaxsiy rivojlanish, meeting yoki networking bilan bog‘liq murojaatlar uchun ochiq bo‘laman.
• Telefon raqamim o‘chirilgan bo‘ladi, lekin yozma ravishda murojaat qilish mumkin.

Muhim eslatma:
• Belgilangan vaqt doirasida murojaat qilishingizni so‘rayman!
• Ish vaqtidan tashqari yuborilgan ish yuzasidan murojaatlar keyingi ish kunida ko‘rib chiqiladi.
• Ushbu tartib ish samaradorligini oshirish va muloqot jarayonini qulaylashtirish uchun joriy etildi.

To‘g‘ri tushunganingiz va hurmat qilganingiz uchun oldindan tashakkur!

AI orqali introspeksiyani amalga oshirishing bir amaliy usuli bilan bo'lishib o'tsam:

AI javobi = Sizning soʻrovingiz + AI ning maʼlumotlar bazasi + Platformaning optimallashtirilgan algoritmlari

Agar ChatGPTning javoblarini to'g'ri ko'zdan kechiradigan bo'lsangiz, sizni ayni vaqtdagi fikrlash pozitsiyangiz aniqlashadi. Misol uchun A.I tupoy odamdek javob berayabdimi, demak sizning fikrlaringizda muammo mavjud.

P.s: Men avval introspeksiyani real hayotdagi muhitim bilan amalga oshirar edim. Kimlar bilan vaqt o'tkazish menga ko'proq yoqayotganiga qarab hozirgi ong osti holatimni tahlil qilardim. Misol uchun menga vaqtini asosan ko'ngil xushliklar va o'yin-kulgu uchun sarflaydigan insonlar bilan vaqt o'tkazish ko'proq yoqayabdimi, demak shunchaki tanamga biologik hordiq berishim kerak. Yokida ko'proq rivojlanish ustida ishlaydiganlar bilan vaqt o'tkazish menga maqul kelayabdimi, demak miyyaning faollik holatidan foydalanib, muhim bo'lgan ma'lumotlarni o'zlashitirib olish lozim.

@islamaliy_blog

#Eslatma

"Molxona" asardagi, molxona qonunlari uchun jonini berishga tayyor ot obrozi hammaning yodida boʻlsa kerak.

Bunday personani real hayotdagi juda koʻplab oʻrinlarda qoʻllash mumkin.

Bunday insonlarga biror(deistik, ateistik, rodikal va h.k.) falsafani uqtiring. Bu falsani yoyilishida sizdan ham koʻproq hissa qoʻshadi.

Bunday insonlardan bir necha dona mijoz orttiring. Sizning sarafan marketingizning siz oʻylagandan karrasiga koʻproq qismini egallashadi.

Bunday insonlardan bir nechta doʻst orttiring. Sizni har qanday davrada qadringizni yuqori koʻtarib turishadi.

Lekin bir narsani yoddan chiqarmang. Bunday insonlarning ishonchidan ehtiyojlar uchun foydalanish haqiqiy xudbinlik boʻladi. Lekin bunday insonlarni gaplariga soʻzsiz ishonish ham ahmoqlik. Negaki ularning intelektualligidan koʻra intuitligi kuchliroq.

@islamaliy_blog

Men shu kunga qadar "har qanday insonni o'zgartirsa, rivojlantirsa bo'ladi" deb o'ylardim. Lekin tushunishim bo'yicha fors-major holatlar men o'ylagandan karrasiga ko'proq.

So'ngi vaqtlarda o'rgangan tajribalarimdan keyin "ilm yuqmaydigan inson" tushunchasini nihoyat anglashni boshlayabman.

Farosat, saviya va ilm bu narsalar rostan ham oliy ne'mat ekan. Negaki istaganlarning barchasi ham bu narsalarga ega chiqa olmaydigan ko'rinadi.

Hozirgi vaqtga kelib, so'ngi xulosalarim quydagicha shaklda:

"Bu narsalarga loyiq ko'rilgan inson hali balog'atga yetmasidan avval ham o'zida bu narsalarni aks ettira boshlaydi."

"Bu narsalar yuqmaydigan inson qanchalik boy, aqli yoki qudratli ko'rinmasin, o'zida bu narsalar yetishmasligini baribir sezdirib qo'yadi."

@islamaliy_blog

Aytgancha bu postdan bir kun keyin "marketing boʻlimi" kanalida bu strategiya aniq raqamlar bilan post qilingan ekan.

"Kimgadir kitob oʻqishni tavsiya qilishdan avval, tavsiya qilish kerakmi yoki yoʻq – o‘ylab koʻring."

Sababi, agar inson hali kitob oʻqiy oladigan darajada boʻlmasa, "bu ishdan foyda chiqmadi" deb o‘ylaydi. Natijada, u kitob oʻqishi kerak boʻlgan vaqtda: "Buni oldin sinab koʻrganman, menga foyda bermaydi" deb, o‘zini aldab qo‘yishi mumkin.

"Agar siz "u rostan kitob oʻqishi kerak" deb hisoblasangiz, kitoblarni aniq va manzilli tavsiya qiling."

Yoqsa odamlar romantik, afsona yoki sarguzasht janridagi kitoblarni oʻqib kelib: "Shuncha kitob oʻqidim, oʻzgarganim yoʻq" deb malomat qiladi.

Men koʻp kitob oʻqimayman. Bir kitobni hayotimda qoʻllay boshlamagunimcha, yangisini ochmayman.

Kitob – bu fikr. Biznesni rivojlantirishda otarchidan maslahat soʻrash qanchalik notoʻgʻri boʻlsa, inson oʻzini rivojlantirishda dinamik ko‘rinishga ega bo‘lmagan kitoblarni oʻqishi shunchalik ahmoqlik.

Shunday ekan, hayotingizda qoʻllash mumkin boʻlmagan kitoblarni javoningizning eng past qismiga qoʻying. Agar yanada pastroqqa – javon tagiga, javonning muvozanatini saqlash uchun qoʻysangiz, yanada yaxshi bo‘ladi. Hech boʻlmaganda, o‘sha joyda foydasi tegadi.

Kamroq oʻqing, kamroq eshiting. Koʻproq amal qiling!

@islamaliy_blog

E'tirof uchun tashakkur :)