Farzandingiz introvertligining ba'zi alomatlari:
🎨 O'yinlar.
Do'stlari bilan ko'chada o'ynashdan ko'ra ichkarida rasm chizish, kitob tomosha qilish, jim o'tirib, puzzle yasash yoki bog'chada tabiatni tomosha qilib o'tirish bilan shug'ullanadilar. Hattoki, pichirlab o'zlari yoki tasavvurdagi do'sti bilan gaplashishlari mumkin.
👀 Kuzatuvchanlik.
Ularga vazifa berib ko'rsangiz, avval siz qanday bajarishingizni sinchiklab kuzatadilar. Keyin o'zlari bajaradilar. Mehmonga borganda ham odamlar va ularning harakatlarini zimdan kuzatadilar.
✨ Talashmaydilar.
Boshqa bolalar talashayotgan narsalarni qo'shilib talashmaydilar. Ba'zi bolalar o'ziga qiziq bo'lmasa-da, hamma xohlayotgani uchun talashadi. Introvertlar esa, o'zlariga qiziq yoki qadriyatlariga bog'langan narsa bo'lsagina shaxsiy buyumlarini talashishi/qizg'onishi mumkin.
🌱 Xarakter.
O'zini tutishiga qarab birdaniga "bolamning xarakteri unday-bunday" deyolmayotgan bo'lsangiz ham, u introvert bo'lishi mumkin. Ya'ni ba'zi doiralarda u o'ta gapdon, ba'zan esa kirishimsiz bo'lishi mumkin.
🏡 "Uy".
Maktab yoki bog'chadan uyga qaytishni yaxshi ko'rsa, uyga kelib "ochilib" ketsa, katta ehtimol bilan farzandingiz introvert.