IHMA Samarqand viloyati

@ihma_samarqandviloyati

Channel's geo and language: Uzbekistan, Uzbek

Category: Telegram

Similar channels

Channel's geo and language

Uzbekistan, Uzbek

IHMA Samarqand viloyati

19 Sep, 16:25

02:06

Video is unavailable for watching

Show in Telegram

Samarqand viloyatida “G’amxo‘rlik” guruhlari o’z faoliyatini boshladi

👫 “G‘amxo‘rlik” guruhlari faoliyati jismoniy, aqliy, sensor yoki ruhiy nuqsonlari bo‘lgan bolalar uchun qisqa muddatli (4 soatgacha) ta’lim va tarbiya berish hamda parvarishlash maqsadida tashkil etildi.

😮 “G‘amxo‘rlik” guruhlari ixtisoslashtirilgan ta’lim muassasalariga bormaydigan (qatnash imkoniyati cheklangan) bolalarning to‘laqonli kamol topishini ta’minlash, ularni tengdoshlari va kattalar davrasiga moslashtirish uchun mo‘ljallangan.

😮 Har bir “G’amxo’rlik” guruhi 6-8 nafar boladan iborat bo’ladi. Bu esa bolajonlar bilan individual shug’ullanish imkonini beradi. Ushbu guruhlar ehtiyojni inobatga olgan holda 2 ta smenada tashkil etiladi.

👥 Mazkur guruhlarning ochilishini ayniqsa ota-onalar katta mamnuniyat bilan qarshi oldilar. Onajonlardan biri farzandim "endi jamiyatga qo’shiladi" deya quvongan bo’lsa, ularning yana biri yaratilgan sharoitlar va zamonaviy jihozlarni ko’rib, xursandchilik ko’z yoshlarini yashirolmadi.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

827 0 24 12

IHMA Samarqand viloyati

19 Sep, 12:15

Forward from: Ijtimoiy himoya milliy agentligi

🔘 Raqamli dunyoda teng imkoniyatlar

🧠 💼O'zbekiston Respublikasi Prezidenti huzuridagi Ijtimoiy himoya milliy agentligi hamda Raqamli texnologiyalar "Raqamli dunyoda teng imkoniyatlar" mavzusidagi inklyuziya masalalariga bag‘ishlangan muhim tadbirga taklif etadi.

🤝Tadbir maqsadi — nogironligi bo‘lgan shaxslarning jamiyatga ijtimoiylashuvini oshirish, mavjud bo‘sh ish o‘rinlari bilan tanishtirish, raqamli ta‘limdagi imkoniyatlar, ish topishga yordam beruvchi foydali platformalar haqida ma‘lumot berishdan iborat.

📍Tadbir o‘tkaziladigan joy: "CAEx" (Central Asian Expo Uzbekistan), Milliy bog' ko‘chasi, 1, Toshkent, O‘zbekiston
2-forumlar zali

📆 O‘tkazish vaqti: 20-sentyabr, soat 10:00

Avtobuslar jo‘naydigan manzillar:

1. IT Park UZBEKISTAN (Ibrohim Muminov ko‘chasi, 4)
2. "O‘zbekiston" mehmonxonasi
3. "Do'stlik" metro bekati
4. "Buyuk ipak yo'li" metro bekati (Muhammad Yusuf kochasi, sobiq Dagestanskiy ko'cha)
5. Shimoliy vokzal bekati

📝Avtobuslar soat 9:00 dan boshlab har soatda 18:00 ga qadar qatnaydi.

Bog'lanish uchun: @NASP_press

📝 telegram    💻 instagram
📝 facebook   🐧 xcom
🎞 youtube     🎖 ihma.uz

692 0 3 2

IHMA Samarqand viloyati

18 Sep, 14:45

Volontyorlar e'tirof etildi

🧠 Bugun Samarqand shahar "Inson" ijtimoiy xizmatlar markazida 2024-yil 14-25-iyul kunlari O‘zbekiston Respublikasi Prezidenti huzuridagi Ijtimoiy himoya milliy agentligi tomonidan tashkil etilgan "Abituriyentlarga hamrohlik" xizmatida faol ishtirok etgan volontyorlarga tashakkurnoma va esdalik sovg‘alar topshirildi.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

942 0 4 14

IHMA Samarqand viloyati

18 Sep, 10:53

Forward from: Ijtimoiy himoya milliy agentligi

Imo-ishora tilining eng yaxshi tarjimonlari aniqlandi

Ijtimoiy himoya milliy agentligi, Maktabgacha va maktab ta’limi vazirligi, Kambag‘allikni qisqartirish va bandlik vazirligi hamda O‘zbekiston karlar jamiyati hamkorligida “Imo-ishora tili bo‘yicha eng yaxshi tarjimon” tanlovining Respublika bosqichi bo‘lib o‘tdi.

Tanlovni o‘tkazishdan asosiy maqsad — kasbiy mahorati yuqori, ilg‘or, ijodkor, tashabbuskor, fidoyi tarjimonlarni aniqlash, samarali natijalarga erishayotgan tarjimonlarni ish tajribalarini ommalashtirish, ularni qo‘llab-quvvatlash va rag‘batlantirish, jamiyatda surdotarjimonlik kasbini nufuzini yanada oshirishdan iborat.

Tanlov yakunida g‘oliblar tashkilotchilar tomonidan diplom hamda pul mukofoti ko‘rinishidagi sertifikatlar bilan taqdirlandilar.

📝 telegram    💻 instagram
📝 facebook   🐧 xcom
🎞 youtube     🎖 ihma.uz

770 0 2 3

IHMA Samarqand viloyati

18 Sep, 08:53

Rasmiy munosabat

Ijtimoiy tarmoqlarda “KATTAQO‘RG‘ONDA INSON IJTIMOIY XIZMATLAR MARKAZI RAHBARI FAQAT MA’RUZA O‘QIYDIMI?” sarlavha ostida e’lon qilingan post yuzasidan Ijtimoiy himoya milliy agentligi Samarqand viloyat boshqarmasi tomonidan o‘rganish o‘tkazilib, quyidagilar aniqlandi.

Yuqoridagi holat bo‘yicha dastlab 2024 yil 31 iyul kuni voyaga yetmagan B.Q. tomonidan O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani)ga murojaat yo‘llab, unda mast holda otasi uni va aka-singillarini urib-kaltaklaganligi, onasini ham do‘pposlagani va bo‘yniga pichoq tiragani, buvisiga qarashga va ukol qilishga majburlanayotganligini, benzin quyib yoqib yuborishi bilan qo‘rqitayotganligi va boshqa holatlar bo‘yicha o‘zini huquqlarini himoya qilishni so‘ragan.

Ushbu holatlar Kattaqo‘rg‘on tumani Inson ijtimoiy xizmatlar markazi bolalarni ijtimoiy himoya qilish shu’basi va psixologlar tomonidan o‘rganib chiqilib, voyaga yetmagan B.Q. va uning aka-singillari hamda onasi S.E.ga nisbatan otasi Q.B. tomonidan zo‘rovonlik holati bo‘lganligi yoki urib-kaltaklash va shunga o‘xshash kuch ishlatish holatlari sodir etilmaganligi va shu bois ularga nisbatan himoya orderi va boshqa ta’sir choralari qo‘llash joiz deb topilmaganligi aniqlandi.

Biroq, Kattaqo‘rg‘on tumani Inson ijtimoiy xizmatlar markazi bolalarni ijtimoiy himoya qilish shu’basi mudiri U.Ernazarov tomonidan voyaga yetmagan B.Q.ga "Otangga oqpadar bo‘lma, qiz farzandsan. Bir umr pushaymon yeysan. Ota rozi, Xudo rozi" degan so‘zlar aytilmaganligi biroq S.E.ga “eringizni hurmat qiling, erini hurmat qilgan ayol jannatti bo‘ladi, bir oila buzilsa arshi a’lo titraydi” kabi gaplar aytilgani aniqlandi. U.Ernazarov o‘z tushuntirishida oilani va bolalarni taqdirini o‘ylab bu kabi gaplarni aytganligini bildirgan.

Mazkur holat tuman "Inson" ijtimoiy xizmatlar markazi nazorati ostida ekanligini ma'lum qilamiz.

983 0 8 7

IHMA Samarqand viloyati

18 Sep, 06:30

01:10

Video is unavailable for watching

Show in Telegram

#qaror_sharhi

Nogironlikni belgilash tartibi o‘zgarmoqda

🇺🇿 Xabaringiz bor, qaror bilan 1-sentabrdan boshlab, Toshkent shahri va Navoiy viloyatida eksperiment tariqasida fuqarolar uchun yagona interaktiv portal, “Inson” markazlari yoki ijtimoiy xodimlar orqali oilaviy shifokorlarga murojaat qilish imkoniyati yaratildi.

🖋 Bunda fuqarolarning tibbiy hujjatlarini yo‘llash oilaviy shifokorlar tomonidan elektron tarzda amalga oshiriladi.

😊 “Inson” markazlari xodimlari tomonidan JSS nogironlikni baholash shkalasining mahalliy xususiyatlar va shart-sharoitlarga moslashtirilgan mezonlari asosida 18 yosh va undan katta shaxslarning funksionalligini baholash tartibi joriy etiladi.

🔮 Natijalar o‘rtasida tafovut yuzaga kelganda nogironlikni belgilash yoki rad etish Qoraqalpog‘iston Respublikasi, viloyatlar va Toshkent shahri TIEKlari tomonidan amalga oshiriladi.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

4.3k 1 18 8

IHMA Samarqand viloyati

17 Sep, 17:10

Biz zo‘ravonlikka qarshimiz!

👫 Bugun Samarqand shahrida O'zbekiston Respublikasi Prezidenti huzuridagi Ijtimoiy himoya milliy agentligi Samarqand viloyati boshqarmasi va SOS O'zbekiston bolalar mahallalari uyushmasi Samarqand shahar filiali ijtimoiy xodimlari uchun "Bolalarga nisbatan zo‘ravonlikni oldini olish" mavzusida o‘quv seminari tashkil etildi.

💻 Tadbir davomida ishtirokchilarga malakali mutaxassislar tomonidan bolalarga nisbatan zo‘ravonlikning oldini olish va bunday holatlarga qarshi kurashish choralari to‘g‘risida tushuncha va ko‘nikmalar berildi.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

1.1k 0 7 11

IHMA Samarqand viloyati

17 Sep, 15:35

Urgutlik para dzyudochi Uljon Amriyeva davlat mukofoti bilan taqdirlandi

👍 Parij shahrida boʻlib oʻtgan XVII yozgi Paralimpiya oʻyinlari ishtirokchisi, urgutlik Uljon Amriyeva Prezident farmoniga koʻra, “Shuhrat” medali bilan taqdirlandi.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

1.1k 0 3 15

IHMA Samarqand viloyati

17 Sep, 15:23

#Ijtimoiy_imtiyoz

Hozirgi kunda O'zbekiston hududida:

😮 mehnatga haq to'lashning eng kam miqdori – 1 050 000 so'm;

😮 bazaviy hisoblash miqdori – 340 000 so'm;

😮 pensiyani hisoblashning bazaviy miqdori – 372 000 so'm;

😮 yoshga doir eng kam pensiya – 725 000 so'm;

😮 nogironlik pensiyalari, jumladan ish staji to'liq bo'lmagan chog'dagi nogironlik pensiyasining eng kam miqdori – 800 000 so'm;

😮 mehnatga layoqatsiz fuqarolarga beriladigan nogironlik nafaqasi va bolalikdan nogironligi bo'lgan shaxslarga beriladigan nafaqa – 800 000 so'm;

😮 belgilangan yoshga doir eng kam pensiya miqdoridan (725 000 so'mdan) 800 000 so'mgacha pensiya oluvchilarning yoshga doir pensiyalari – 800 000 so'm;

😮 zarur ish stajiga ega bo'lmagan keksa yoshdagi fuqarolarga beriladigan nafaqa – 608 000 so'm;

😮 ish staji to'liq bo'lmagan chog'dagi yoshga doir pensiyaning eng kam miqdori qo'shimcha to'lovni hisobga olgan holda – 608 000 so'm.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

2.8k 0 16 4

IHMA Samarqand viloyati

17 Sep, 07:59

09:14

Video is unavailable for watching

Show in Telegram

#Oav_biz_haqimizda
#O‘zbekiston24

"KAMBAG‘ALLIKDAN TADBIRKORLIKKA"

🎬 Batafsil videolavhada kuzating.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

1.5k 0 6 7

IHMA Samarqand viloyati

17 Sep, 07:47

#Oav_biz_haqimizda
#Zarafshon

🧠 Zarafshon gazetasining navbatdagi sonida O‘zbekiston Respublikasi Prezidenti huzuridagi ijtimoiy himoya milliy agentligi Samarqand viloyati boshqarmasi faoliyatiga oid xabarlar e'lon qilindi.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

1.3k 0 2 5

IHMA Samarqand viloyati

14 Sep, 06:53

Forward from: MTRK ǀ Rasmiy kanal

45:46

Video is unavailable for watching

Show in Telegram

1.6k 0 9 3

IHMA Samarqand viloyati

13 Sep, 16:42

Forward from: Ijtimoiy himoya milliy agentligi

Diqqat tanlov!

😲 2024-yil 17-sentabr kuni O‘zbekiston Respublikasi Prezidenti huzuridagi Ijtimoiy himoya milliy agentligi “Imo-ishora tili bo‘yicha eng yaxshi tarjimon” respublika tanloviga start beradi.

❗️ Respublika tanlovining shartlari: Birinchi shart – Tanishtiruv. Istirokchi faoliyati to'g'risida imo-ishora tilida taqdimotda slayd, video va sahna ko‘rinishlari orqali ko‘rsatib berilishi mumkin. Ikkinchi shart -Tasvirlash. O‘zbek xalq ertaklaridagi qahramonlar tasvirlangan suratlarni imo-ishora tilida tushuntirib beriladi. Uchinchi shart- Tarjima. Mavzular O‘zbekiston tarixi, tarixiy obidalari va diqqatga sazovor joylari, yurtimiz madaniyati kabi yo‘nalishlardan iborat bo‘ladi.

📍Manzil: Alohida ta'lim ehtiyojlari bo'lgan bolalar (zaif eshituvchi) uchun ixtisoslashtirilgan 102-sonli maktab-internati.
Toshkent shahar, Olmazor tumani, Muxbir ko'chasi, 1

❗️ Ishtirokchilarni ro’yxatga olish 17-sentabr 9:30da to’xtatiladi.

Batafsil ma’lumot uchun:
📞+99897 033 03 10

#tanlov

📝 telegram    💻 instagram
📝 facebook   🐧 xcom
🎞 youtube     🎖 ihma.uz

1.7k 0 2 5

IHMA Samarqand viloyati

12 Sep, 17:55

Rasmiy munosabat

Ijtimoiy tarmoqlarda tarqalgan "КАТТАҚЎРҒОНДА "ИНСОН" ИЖТИМОИЙ ХИЗМАТЛАР МАРКАЗИ РАҲБАРИ ФАҚАТ МАЪРУЗА ЎҚИЙДИМИ?" sarlavhali xabar yuzasidan quyidagilar ma'lum qilinadi:

Ijtimoiy himoya milliy agentligi Samarqand viloyati boshqarmasi tomonidan mazkur holat to‘lig‘icha nazoratga olingan, shuningdek, holatni batafsil o‘rganish maqsadida ishchi guruh tuzilgan.

Dastlabki o‘rganish natijalariga ko‘ra, joriy yilning 5-sentyabr kuni Kattaqo‘rg‘on tuman "Inson" ijtimoiy xizmatlar markazi rahbari emas, balki Voyaga yetmaganlarni ijtimoiy himoya qilish shu'basi mudiri U.Ernazarov "Inson" ijtimoiy xizmatlar psixologlari hamrohligida oila yashayotgan uyga tashrif buyurgan. Tashrif chog‘ida U.Ernazarov tomonidan murojaatchiga ajrashib ketmaslik, oila qiyin vaziyatdan chiqib ketgunga qadar kompleks ijtimoiy xizmat va yordamlar ko‘rsatilishi taklifi bildirilgan.

Ishchi guruh tomonidan o‘rganish natijalari haqida qo‘shimcha axborot berilishini ma'lum qilamiz.

1.7k 0 25 9

IHMA Samarqand viloyati

11 Sep, 12:37

00:42

Video is unavailable for watching

Show in Telegram

Yolg‘iz nuroniylarga quvonch ulashishdan mamnunman!

☺️ Razzoqova Oydin bugungi kunda Samarqand viloyati Jomboy tumani "Inson" ijtimoiy xizmatlar markazida mahallada kompleks ijtimoiy xizmatlar ko‘rsatuvchi xodim assistenti lavozimida faoliyat yuritib kelmoqda.

👥 Qahramonimiz tumandagi o‘ziga biriktirilgan 9 nafar o‘zgalar parvarishiga muhtoj yolg'iz keksa, yolg'iz yashovchi va nogironligi bo'lgan fuqarolarga ijtimoiy-maishiy xizmatlar ko‘rsatadi.

Har safar uylariga kirib kelganimda, nuroniylarim meni ko‘taringki kayfiyatda kutib oladi. Ularga yaqin bo‘lib qolganimni ko‘rib, o‘zim ham xursand bo'laman.

— deydi qahramonimiz.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

1.9k 0 8 14

IHMA Samarqand viloyati

11 Sep, 10:21

01:10

Video is unavailable for watching

Show in Telegram

Manzilli ijtimoiy himoya

☺️ Yangi boshlangan o‘quv yili arafasida tuman va shaharlardagi "Inson" ijtimoiy xizmatlar markazlari tomonidan viloyatimizdagi 511 ta ijtimoiy himoyaga muhtoj oilalarga "Saxovat va ko‘mak" jamg‘armasi hisobidan mablag‘lar ajratildi.

👫 Buning natijasida ijtimoiy himoya yagona reyestrida turuvchi oilalar farzandlari maktab formalari va kerakli o‘quv qurollari bilan ta'minlandi.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

1.7k 0 10 10

IHMA Samarqand viloyati

11 Sep, 09:15

00:50

Video is unavailable for watching

Show in Telegram

💵 Bolalar nafaqasi va moddiy yordam kimlarga va qanday mezonlar asosida tayinlanadi?

Batafsil quyidagi videorolik orqali tanishing!

📌 Eslatib o'tamiz: Bolalar nafaqasi yoki moddiy yordam tayinlash bilan qo'shimcha savol va murojaatlaringizni Ijtimoiy himoya milliy agentligining 1140 qisqa raqamiga qo'ng'iroq qilgan holda yoki @IHMA_1140 manziliga yo'llashingiz mumkin.

📝 telegram | 🎖 ihma.uz

8.5k 0 47 5

IHMA Samarqand viloyati

10 Sep, 13:33

Forward from: Ijtimoiy himoya milliy agentligi

“Nogironligi bo'lgan shaxslarning huquqlari to'g'risida”gi Qonunga qo'shimcha va o'zgartirishlar kiritildi

Xabaringiz bor, joriy yilning iyun oyida, Oliy Majlis Senatining 53-yalpi majlisida ushbu qonun loyihasi senatorlar tomonidan muhokama etilib, ma'qullangan edi.

Prezident tomonidan imzolangan Qonun (O'RQ-955-son) bilan nogironligi bo‘lgan shaxslarga quyidagi huquq va erkinliklar berilmoqda:

✅ Davlat nogironligi bo'lgan shaxslar uchun boshqalar bilan teng ravishda odil sudlovdan foydalanish imkoniyatini ta'minlaydi, shu jumladan sud protsessining barcha bosqichlarida, shuningdek surishtiruv va dastlabki tergov bosqichlarida nogironligi bo'lgan shaxslarning qonunda belgilangan tartibda bevosita yoki bilvosita ishtirok etishini ta'minlashga qaratilgan choralarni ko'radi.

✅ Nogironligi bo'lgan shaxslarning mamlakat ijtimoiy-siyosiy hayotida bevosita yoki o'z vakillari orqali ishtirok etishi, shu jumladan qonunda belgilangan tartibda saylash va saylanish, referendumlarda ishtirok etish huquqi ta'minlanadi.

✅ Davlat saylov uchastkalarida (referendum uchastkalarida) nogironligi bo'lgan shaxslarning barcha toifalari, shu jumladan eshitish, ko'rish bo'yicha nogironligi bo'lgan, o'rindiqli aravachalardan foydalanuvchi shaxslar ovoz berishi uchun zarur shart-sharoitlar yaratilishini ta'minlaydi.

👥 Bundan tashqari, Qonun nogironligi bo'lgan shaxslar bilan muloqot qilish uchun qulay muloqot shakllarini, shuningdek ijtimoiy infratuzilma obyektlarini nogironligi bo'lgan shaxslarning ularga moneliksiz kirishi uchun moslashtirish asoslarini belgilovchi normalar bilan to'ldirilmoqda.

📝 telegram    💻 instagram
📝 facebook   🐧 xcom
🎞 youtube     🎖 ihma.uz