TIL - MILLAT KO'ZGUSI

📌Joylarning nomlanish tarixini bilasizmi?

🏔PANGAT – Qoʻshrabot tumanida tog‘, mahalla, qishloq, qabriston nomi. So‘g‘d tilida pangat – “tepalikdagi, balandlikdagi qoʻrgʻon”, degan ma’noni anglatadi. Bu yerning havosi toza, bahori seryogʻin, yozi salqin, oʻsimliklari shifobaxsh, suvi minerallarga boy boʻlib, koʻplab kasalliklarga davo boʻlganligi uchun mahalliy aholi nutqida “Bu dunyoda Pangat yaxshi - u dunyoda jannat yaxshi” degan maqol ham yuzaga kelgan.

✅T.Nafasov bu so‘zni sug‘d tiliga mansubligini ko‘rsatib, u ikki morfemadan, ya’ni pan+gat dan tuzilganligini qayd qiladi. Birinchi qismi pan-par-bar – “yuqori, baland”. So‘nggi qismi aslida kat – “qo‘rg‘on, hovli, qal’a, ovul, qishloq” boʻlgan, par so‘zi bilan birikib nom yasalgach, so‘nggi davrlarda fonetik oʻzgarishga uchragan: parkat > pargat > pangat. Pangat (parkat) – “yuqori qo‘rg‘on” (qishloq).

📝Manba: Samarqand viloyati joy nomlarining izohli lug‘ati

Qo‘shrabot tumani hokimligi axborot xizmati

Davlat tili talablariga barcha rioya qilishlari shart

Paxtachi tumani hokimligi ishchi guruhi tomonidan M-37 Xalqaro magistral avtomobil yo‘lida mavjud bo‘lgan tadbirkorlik subyektlaridagi reklamalar “Davlat tili haqida”gi va “Reklama to‘g‘risida”gi Qonunlarga rioya etilishi o‘rganilib, belgilanmagan joylarga o‘rnatilgan, davlat tilida bo‘lmagan va shaharsozlik qoidalariga to‘g‘ri kelmaydigan barcha tashqi reklama vositalari joyida bartaraf etildi.

Bugun Paxtachi tumani hokimligi ishchi guruhi tomonidan M-37 Xalqaro magistral avtomobil yo‘lidagi tadbirkorlik subyektlari, bozorlar va savdo obyektlarida noqonuniy o‘rnatilgan reklama bannerlarini tartibga solish bo‘yicha o‘rganishlar olib borildi.

O‘rganishlar davomida faoliyat yuritayotgan tadbirkorlik subyektlaridagi noqonuniy o‘natilgan, sifati talabga javob bermaydigan hamda davlat tilida yozilmagan reklama vositalari olib tashlanmoqda.

Biz👉 http://myurls.co/paxtachi

📌Reyd tadbirlari davom etadi

👉Shahar hokimligining ishchi guruhi 9-11-aprel kunlari navbatdagi o‘rganish ishlarini Dahbed ko‘chasida olib bordi.

⏺O‘rganish natijalariga ko‘ra 100 ga yaqin “Davlat tili haqida”gi Qonun va "Reklama to'g'risida"gi Qonun talablariga mos kelmagan hamda betartib, shaharsozlik normalariga amal qilmasdan, xorijiy tilda, noqonuniy o‘rnatib olgan tashqi reklama vositalari bartaraf etildi. Bir necha bor tushuntirishmizga qaramasdan noqonuniy reklamasini bartaraf qilmagan 3 nafar tadbirkorga qonuniy chora ko‘rish uchun Raqobat boshqarmasiga xat yuborildi.

⏺Tadbirkorlar qonun talablariga rioya etishlari to‘g‘risida ogohlantirildi.

Norbek Alqarov,
Samarqand shahar hokimining maslahatchisi.