Ibrat maskani

Amal ham yo'q,
Agar qilsam riyodur...

Oxirgi marta ota-onang bilan qachon birga yurding, ovqatlanding,sevintirding, ehtiyojlarini qoplading,ularga bo'lgan muhabbatingni namoyon qilding ?!
Ulardagi bemorlik yoki sendagi safar xalal yetkazmasidan oldin xizmatlariga shoshil !
Ular bilan o‘tkazgan lahzalar takrorlanmasdir.Hayotliklarida bu imkoniyatlardan foydalanib qol.
Bizni ulardan tortib olayotgan ijtimoiy tarmoqlardan bir dam ko‘z uzaylik. Telefonlarning turli-tumani chiqaveradi,ilovalar yangilanaveradi, yangi xabarlar kelaveradi. Ammo ota-onamiz ketsa, qaytmaydi. Ularni topolmaymiz.
Ular yangilanmaydi...

Abdulqodir Samarqandiy
Qalblardan so‘rang

O'lim - hayotga kelgan har bir inson boshida bor. Bu dunyo imtihon maydonidan boshqa narsa emas. Toki nafas olar ekan, halol va harom orasini ayirmaydigan, baxtni dunyo matohidan izlaydigan insonlar uchun o'lim qo'rqinchli. Lekin Allohni tanigan, bu dunyoga kelishining asl mohiyati faqat Yaratganga qullik qilish ekanini anglab yashagan inson uchun o'lim qo'rqinchli bo'lishi mumkinmi?

Rauf Jilasun
Halol luqma

Yigirma yil onasi tayyorlagan ovqatni yedi.Biror marta yordam bermadi.Uylanishi bilan xotinchasiga ko‘mak berib:"Xotinga yordam berish sunnat",deydi. Nima, onaga yordam berish bid‘atmi ?!

Abdulqodir Samarqandiy
Qalblardan so‘rang

Sen yig’lagin,  yig’lama,
Vaqtning senga vaqti yo'q,
Toshga tegar peshonang,
Toshning esa ko’ngli to’q.
Bu kunlar ham o’tadi,
U kunlar ham o’tdi-ku.

©️Farida Afro’z

Ba‘zi solih salaflar :
Yodingda tut, jannatdan boshqa barcha ne‘matlar foniydir, o‘tib ketuvchidir...
Va do‘zaxdan boshqa barcha balolar ofiyatdir" deyishardi.

Majd Makkiy

Mendan nima qolar:
Ikki misra she'r,
Ikki sandiq kitob,
Bir uyum tuproq.
Odamlar ortimdan
Nima desa der,
Men seni o'ylayman
O'zimdan ko'proq-
Lola, lolajonim,
Lolaqizg'aloq!

Men ketsam, yomondan
Yiroq bo'l, oxu,
Chunki sen chiroyli,
Ko'rkli bir juvon.
Yomon kunlar bir kun
Yaxshi bo'lar-u,
Yomon odam yaxshi
Bo'lmas hech qachon...
Yasha chegarada
Turgandek ogoh,
Lola, lolajonim,
Lolaqizg'aldoq.

Uyda yotibman-u,
Sezib turibman,
Ko'kda ketayotir
Qushlar qaytishib.
Xayrlar yog'dirib
Qanotlaridan,
Xasta shoirga
Vido aytishib.
Bor, mening uchun ham
Ularga qo'l qoq-
Lola, lolajonim,
Lolaqizg'aldoq.

Ularni men yana
Ko'rarmanmi-a,
Ayvondan odamdek
Kuzatolmadim.
Kuz. To'ylar boshlandi.
Yuragim pora-
Bitta qizimni ham
Uzatolmadim...
Demak, taqdir ekan
To'y ko'rmay o'lmoq,
Lola, lolaginam,
Lolaqizg'aldoq.

Biroq ko'nglim sezar,
Mendan keyin ham,
Bir kun bu hovliga
Odam to'ladi.
Hali to'ylar qilib
Charchaysan, erkam,
Mening qizlarim
Eng baxtli bo'ladi!
Kelinlar ko'ylagi
Ruhimday oppoq-
Lola, lolajonim,
Lolaqizg'aldoq.

Gulim, yaqinroq kel,
Qara, ne savdo,
Bu ajib ishlarni
Dil lavhiga yoz:
Kimga qasr etmas
Kimga mol-dunyo,
Meng esa HAVO
Yetmaydi, xolos.
Tiriklar mudroqda,
O'liklar uyg'oq-
Lola, lolajonim,
Lolaqizg'aldoq.

Ko'ksim kuyib borar,
Ko'krak yonmoqda,
Ayting do'xtirlarga,
Yorishsa yorsin!
Jism o'z ulfati-
Jondan tonmoqda.
Bechora jon endi
Qayerga borsin.
Endi osmon yiroq,
Endi yer yumshoq-
Lola, lolajonim,
Lolaqizg'aldoq.

Buni hayot derlar,
Unutma aslo,
Bir kun ochilasan,
Bir kun so'lasan.
Qalbimda-ku faqat
Sen eding tanho,
Qabrim ustida ham
O'zing bo'lasan.
Sen bizning sevgidan
Xotira-bayroq,
Lola, lolajonim,
Lolaqizg'aldoq.

Ayol qalbing bilan
Suv kech, olov kech,
G'am kelsa boshingdan
Hushing uchmasin.
Xudodan so'radim:
Mendan keyin hech,
Nomard kimsalarga
Ishing tushmasin.
Ularning qo'lida
Hamisha tuzoq,
Lola, lolajonim,
Lolaqizg'aldoq.

Ishing tushsa, inim
Muhammadga bor,
Shoirlar ichida
Ishonganim shu.
Biroz ichishini
Aytmasa agar,
Ko'ksi tiniq bola,
Halol bola u.
Faqat sal soddaroq,
Faqat sal yoshroq,
Lola, lolajonim,
Lolaqizg'aldoq.

Jon so'nggi boshpana
Toparkan ongda,
U yurak ostida
Derdim men bo'lsam.
Ajablanma agar
Ertaga tongda
Seni o'pib, O'shni
Quchoqlab o'lsam!...
O'tinchim-tepamda
Yig'lama uzoq,
Lola, lolajonim,
Lolaqizg'aldoq

✍Muhammad Yusuf
O‘zbekiston xalq shoiri

«U zot tiriltirur va o'ldirur. Qachonki biror ishni xohlasa, «Bo‘l!» der va u bo‘lur »,

("G‘ofir" surasi 68-oyat).

Allohumma solli a'la sayyidina Muhammad.

Allohumma solli va sallim va barik alayh.

Sollollohu alayka ya Rosululloh.

Nafsning yuz xil tili bor.Har tilida yuz turli lug'at bo‘lib, uning hiyla va nayranglariga misol va ta‘rif ojizdir. Nafsning bir qo‘lida Qur‘oni Kariym, boshqa bir qo‘lida tasbeh bo‘lsa ham qo‘ynida hanjar yashirindir.
Hayhot, nafsdan ogoh bo‘lingiz!

Jaloliddin Rumiy

Qanday yashasak,
Shunday o‘lamiz...

Tark etish mumkin bo‘lmagan gunoh yo‘q. Agar tark etib bo‘lmaydigan gunoh bor desang, demak o‘zing bu gunohni tark etishni istamaysan.

Mojid Ayyub

Nigohingda yashar ilohiy belgi,
O‘qdek qarashlaring dardimga homiy,
Tabiat bahori uch oydir balki,
Sening ko‘zlaringda bahor davomiy.

Yaxshi odamlarni izlang dunyoda,
Shu maqsad yo‘lida dunyo kezingiz.
Topa olmasangiz uni mabodo,
O'sha yaxshi odam bo‘ling o‘zingiz !

Yoshing chegaraga tez kirgan kuning,
Hammasi kech bo'lar es kirgan kuning.
Dunyo bozorining qoidasi shul —
Yangisin topurlar eskirgan kuning.

Xayrulla Hamidov

Mahzunlik

Alloh tomonidan berilgan bir ne'matlarning turidir.Chunki inson mahzun bo‘lar ekan, Allohni eslaydi qilgan xatolariga afsuslanadi va o'zi qanday yashayotgani, nimalar uchun bu umr yillarini sarflayotganini tafakkur qiladi.Bu umr shu ishlarni qilishga arzimas ekanini his qiladi.O‘zi bilan yolg'iz qoladi va o‘zi bilan gaplasha boshlaydi.

Fikrlashing qanchalar go‘zal bo‘lmasin,Islomdan go‘zalroq bo‘la olmaydi.
Da‘voying qanchalar buyuk bo‘lmasin, Islomdan buyuk bo‘la olmaydi.
G‘aming qanchalar muhim bo‘lmasin, Islom g‘amidan muhim bo‘la olmaydi.
Islom go‘zal fikr,buyuk da‘vo va muhim g‘amdir.

Juma muborak ❤️

Allohumma solli a'la sayyidina Muhammad

Rasululloh sollallohu alayhi va sallam dedilar: "Namozlar ichida Allohning nazdida JUMA kuni jamoat bilan o'qilgan BOMDOD namozidan afzali yo'qdir. Sizlardan kim bunga shohid bo'lsa (ya'ni ado etsa),uning gunohlari mag'firat etiladi".

Imom Bazzor rivoyati

Do‘stlaringizga ham eslating !

@ibrat_maskan1