Xushnudbek.uz

Til sertifikati yo’q abituriyentlar bundan buyon 1-fani chet tili bo’lgan yo’nalishlarga topshira olmaydi

Bu haqda Oliy ta’lim vazirligi yana bir bor eslatmoqda.

Qonunchilikka ko‘ra (PF-81, 24.05.2024-y.) 2025/2026-o‘quv yili qabulidan boshlab fanlar majmuasida chet tili birinchi fan sifatida belgilangan ta’lim yo‘nalishlariga qabul xorijiy tilni bilish darajasini belgilovchi milliy yoki xalqaro sertifikat asosida amalga oshiriladi.

❗️Bunda fanlar majmuasida chet tili birinchi fan sifatida belgilangan ta’lim yo‘nalishlariga qabul qilishda ushbu fandan test sinovi o‘tkazilmaydi. Abituriyentlar belgilangan darajadagi sertifikatni taqdim etishlari lozim.

2025/2026-oʻquv yili uchun respublika oliy taʼlim muassasalarining taʼlim yoʻnalishlari roʻyxati va ularga mos test sinovi (kasbiy (ijodiy) imtihon) topshiriladigan fanlar majmuasiga koʻra chet tili birinchi fan sifatida belgilangan taʼlim yoʻnalishlari roʻyxati yuqoridagi rasmda berilgan.

❗️E’tibor bering: 1-fan sifatida aniq ko‘rsatilgan ingliz, nemis va fransuz tillaridan ayni shu fan bo‘yicha, 1-fan “Chet tili” ko‘rsatilgan ta’lim yo‘nalishlariga esa, bakalavriat ta’lim yo‘nalishlari uchun tasdiqlangan xorijiy tillarni bilish darajasini belgilovchi milliy va xalqaro sertifikatlardan birini taqdim etish talab etiladi.

❓Bu nima degani?

Masalan, 1-fan “ingliz tili” deb yozilgan bo’lsa, aynan ingliz tilidan sertifikat kerak bo’ladi. Nemis yoki turk tilidan sertifikati borlar bu yo’nalishga topshira olmaydi.

Lekin 1-fan “chet tili” deb ko’rsatilgan bo’lsa, unda qaysi tildan sertifikati borliginining qizig’i yo’q. Istalgan tildan olingan tasdiqlangan sertifikat o’taveradi.

ℹ️ Tasdiqlangan sertifikatlar ro‘yxati bu yerda:
https://lex.uz/docs/-6943986#-6946283


👉 @hushnudbekreklama 👈

16 ta tuman va shahar hokimlariga hayfsan e’lon qilindi:

🔹Beruniy, Qorao‘zak, Qo‘ng‘irot, Peshku, Yangiobod, Qamashi, Xonqa, Shovot tumanlari (investitsiya hajmi 15 million dollarga ham yetmagani uchun);

🔹Romitan, Dehqonobod, Mirishkor, Chiroqchi, Narpay, Nurobod va Guliston tumanlari va Ohangaron shahri (eksport kamaygani uchun).


👉@hushnudbekreklama👈

❗️“Tashabbusli byudjet” jarayoniga o‘zgartirish va qo‘shimchalar kiritildi 

Bu bo‘yicha Oliy Majlis Senati Kengashining qarori qabul qilindi. Unga ko‘ra:

❌ endilikda moliyaviy mustaqil bo‘lgan OTMlarning ushbu jarayonlarda ishtirok etishiga ruxsat berilmaydi;

❌ mablag‘lardan samarali foydalanish hamda ijtimoiy muammolarga ko‘proq e'tibor qaratish maqsadida tashkilotlar tomonidan bаrсhа turdagi avtomobillar, jamoat xavfsizligini ta'minlashga oid jihozlar (rаdаr, jamoat joylaridagi kuzatuv kаmеrаlаri, “svetofor”) rahbar xodimlar uchun mebel jihozlarini xarid qilish taqiqlanadi;

💰 Shuningdek, har yili tuman va shahar byudjetidan 10 tadan kam bo‘lmagan, ko‘pi bilan 30 ta loyiha uchun yetarli mablag‘ ajratilishi belgilandi.

Bunda, 10 tadan ortiq loyiha uchun mablag‘lar tuman yoki shahar aholisining tegishli hududdagi ulushidan kelib chiqib taqsimlanadi.

❗️Ma’lumot uchun: hozirgi kunda loyihalarning eng yuqori chegaraviy qiymati 1,5 mlrd so‘mni tashkil etadi. Shunga ko‘ra, tuman va shahar byudjetidan ajratiladigan mablag‘larning eng kam miqdori 15 mlrd so‘m, eng yuqori miqdori esa 45 mlrd so‘m etib belgilandi. 


👉@hushnudbekreklama👈

Toshkent teleminorasi ishga tushirilganiga 40 yil bo‘ldi

1985-yilning 15-yanvar kuni o‘z davrining to‘rtinchi eng baland minorasi foydalanishga topshirilgandi, ushbu sanaga 40 yil to’ldi.

Toshkent teleminorasi haqidagi ayrim qiziqarli faktlar:

🔹 Teleminora avvaliga 🇮🇶Iroq poytaxti Bag‘dod shahrida qurilishi kerak edi. Biroq mamlakatda 1963-yil fevralda boshlangan harbiy to‘ntarish sababli loyiha amalga oshmay qoladi;

🔹Sharof Rashidov inshoot maketini Moskvadagi xalq xo‘jaligi yutuqlari ko‘rgazmasida ko‘rib qolib, Toshkent metropoliteni bilan birgalikda uning qurilishi uchun shaxsan Leonid Brejnevdan ruxsat oladi;

🔹Teleminora dastlab hozirgisidan pastroq qilib qurilishi rejalashtirilgan, ammo Qozog‘istonning Olmaota shahrida 371 metrli Ko‘ktepa teleminorasi qurilishi e'lon qilinganidan so‘ng, uni 375 metrga yetkazish uchun qayta ruxsat olingan;

🔹1986-yilda Pirimqul Qodirovning “Olmos kamar” romani asosida film suratga olish jarayonida teleminora trosiga urilib ketgan Mi-8 vertolyoti halokatga uchragan. Bortdagi 6 kishining barchasi halok bo‘lgan;

🔹Shamol vaqtida teleminora yuqorisi 6 metr radiusda silkinib turadi;

🔹Minorani zanglashdan asrash uchun har 7-8 yilda bir marta alohida tayyorgarlikdan o‘tgan machtachi-alpinistlar uni maxsus bo‘yoqlar bilan bo‘yashadi.

Foto: teleminoraning qurilish jarayoni (1981-yil)


👉@hushnudbekreklama👈

🚕 O‘zbekistonda taksi bozori hajmi qariyb 6 trln so‘mga yetdi

➖Taksi bozori legallashtirilishi natijasida 498 mingga yaqin haydovchi o‘zini o‘zi band qilgan. Ularning 90 foizdan ko‘prog‘ida taksichilik "yordamchi faoliyat" hisoblanadi, ya’ni beshtadan kam tashuvni amalga oshirgan;

➖ 155 ta taksi agregatori soliq organlari axborot tizimi bilan integratsiya qilingan;

➖haydovchilar tomonidan yil davomida 320 million marta yo‘lovchi tashuvlari amalga oshirilgan. Yo‘lovchi tashish aylanmasi 5,9 trillion so‘mga yetgan, o'rtacha bitta chek 18 456 so'mni tashkil etgan;

➖ayol haydovchilar soni ham yil boshidagi 1 ming 53 nafardan 4 ming 124 nafarga yetdi;

➖yil davomida taksi xizmatlarini ko‘rsatgan 4,7 mingga yaqin haydovchi 100 mln so‘mdan ortiq daromad olgan;

➖haydovchilarning 57 foizi 30 yoshdan 50 yoshgacha. Shuningdek, 50 yoshdan oshgan 35 mingdan ortiq taksichilar faoliyat yuritmoqda.

➖avtomobil rusumlari:
— Nexia (17,8%);
— Cobalt (16,9%);
— Lacetti (13,9%)

➖Taksi agregatorlari tomonidan 2024-yilda 156,8 milliard so‘m soliq, shundan 66,2 milliard so‘m QQS solig‘i to‘langan.


👉@hushnudbekreklama👈

❓Stipendiyalar to‘lovi qay holatda?

Oliy ta’lim muassasalarida moliyaviy tizimlarni to‘liq raqamlashtirish ishlari olib borilayotgani sababli talabalarning yanvar oyidagi stipendiya to‘lovlari kechikayotgani haqida xabar bergan edik.

Oliy ta’lim vazirligidan olgan ma’lumotlarimizga ko‘ra:

✅ hozirgacha 105 ta oliygohdan 37 tasida yanvar oyi stipendiya to‘lovlari to‘liq amalga oshirilgan;

☑️ 50 ta oliygohda hisoblash jarayonlari tugatilib, to‘lovlar bo‘yicha so‘rovnomalar g‘aznachilik organlariga yuborilgan va ertaga bank kuni ochilishi bilan to‘lovlar amalga oshirilishi ta’minlanadi;

🔄 qolgan 18 ta oliygohda stipendiyalarni hisoblash ishlari davom ettirilmoqda va texnik xato-kamchiliklar dasturchilar tomonidan to‘g‘rilanib, ushbu to‘lovlar ham ertaga amalga oshiriladi.


👉@hushnudbekreklama👈