Xushnudbek.uz

⚡️ Ehtiyojmand oilalarga joriy yilgi isitish mavsumida 1 million so’m moddiy yordam beriladi

2025/2026-yilgi isitish mavsumida aholining ehtiyojmand qatlamini qo‘shimcha moddiy jihatdan qo‘llab-quvvatlash maqsadida joriy yilning noyabr oyida quyidagi oilalarga 1 million so‘mdan bir martalik moddiy yordam ajratiladi:

➖ Reyestrlarga kiritilgan oilalarga;

➖ “mahalla yettiligi” xulosasi asosida Reyestrlarga kiritilmagan, biroq yordamga muhtoj oilalarga. Bunda:

• “mahalla yettiligi” tomonidan qo‘shimcha ro‘yxat shakllantirilishida birinchi navbatda, boquvchisini yo‘qotgan oilalar, a’zolari I yoki II guruh nogironi bo‘lgan shaxslardan iborat bo‘lgan oilalar, nogironligi bo‘lgan bolalarni parvarishlayotgan oilalar, uzoq muddatli davolanishni talab etadigan kasalliklar bilan kasallangan shaxslar yashovchi oilalar, o‘zgalar parvarishiga muhtoj bo‘lgan yolg‘iz yashovchi shaxslar hamda yolg‘iz yashovchi keksalar va nogironligi bo‘lgan shaxslar, uch va undan ortiq oila yashaydigan xonadonlarda hamda gaz ta’minoti bo‘lmagan va markazlashtirilgan tartibda isitilmaydigan ko‘p qavatli uylarda yashovchi oilalar inobatga olinadi;

• qo‘shimcha ravishda shakllantiriladigan ro‘yxatdagi oilalar soni Reyestrlarga kiritilgan oilalar sonining 40 foizidan oshmasligi lozim.


👉 @hushnudbekreklama 👈

❗️Ka’m ta’minlangan oilalarga elektr va gaz bo’yicha kompensatsiya beriladi

Prezident qaroriga ko’ra, 2025-yil 1-maydan 2027-yil 1-aprelga qadar “Ijtimoiy himoya yagona reyestri” axborot tizimi orqali bolalar nafaqasi va moddiy yordam oluvchi hamda Kambag‘al oilalar reyestriga kiritilgan, shuningdek, Reyestrlarga kiritilmagan, biroq moddiy ahvoli bo‘yicha kam ta’minlangan oilalar mezonlariga to‘g‘ri keluvchi, oiladagi jon boshiga daromadi minimal iste’mol xarajatlarining 1,5 barobaridan oshmaydigan oilalarga:

✅ elektr energiyasi iste’moli bo‘yicha – oyiga bazaviy me’yordan 150 kVt soatgacha;

✅ tabiiy gaz iste’moli bo‘yicha – isitish mavsumida oyiga bazaviy me’yordan 250 kub metrgacha, boshqa davrlarda oyiga bazaviy me’yordan 150 kub metrgacha ortiq foydalanilgan qismi uchun bazaviy me’yor doirasidagi hamda bazaviy me’yordan oshgan narxlar o‘rtasidagi farq kompensatsiya qilib beriladi.


👉 @hushnudbekreklama 👈

Markaziy bank xabari:

Kartadan kartaga pul o‘tkazish bo‘yicha 1-iyuldan kuchga kiradigan talablar mijozlarga qo‘shimcha qiyinchiliklarni keltirib chiqarmaydi, sababi ushbu talab to‘lov tashkilotlari va banklar o‘rtasida ma’lumot almashinuvi bo‘yicha majburiyatlarga taalluqli bo‘lib, mijoz tomonidan akkaunt ochilishida olingan bo‘ladi.

Ya’ni to‘lov tashkilotlari mavjud identifikatsion ma’lumotlarni bazaviy hisoblash miqdorining 30 barobariga teng yoki undan oshgan summadagi yuborilayotgan ichki elektron pul o‘tkazmalarida o‘tkazma bilan birga yuborilishini ta’minlashlari lozim bo‘ladi.



👉 @hushnudbekreklama 👈

💳 O‘zbekiston to‘lov tizimlaridagi pul o‘tkazmalari ustidan nazorat kuchaytiriladi

2025-yil 2-iyuldan boshlab to‘lov tizimlari, elektron pullar tizimlari va to‘lov tashkilotlari faoliyati ustidan nazorat kuchaytiriladi. Bu boradagi tartiblar Markaziy bank va Bosh prokuratura huzuridagi Iqtisodiy jinoyatlarga qarshi kurashish departamenti tomonidan tegishli qaror ishlab chiqilgan.

📌 Ushbu qarorga ko‘ra, to‘lov tashkilotlari quyidagi hollarda mijozlarni tekshirish bo‘yicha mustaqil choralar ko‘rishi shart:

➖ jismoniy shaxs to‘lov tashkiloti mobil ilovasi orqali akkaunt ochish uchun murojaat qilganda;
➖ Elektron terminaldan (E-POS) foydalanish uchun murojaat qilganda;
➖ BHMning 500 baravariga teng (187,5 million so‘m) yoki undan oshgan summada to‘lov tashkiloti mobil ilovasida akkaunt ochmasdan yoki mobil ilovasidagi akkauntdan foydalanmasdan operatsiyalarni amalga oshirishda;
➖ mijoz to‘g‘risida avval olingan ma’lumotlar to‘g‘riligiga yoki yetarli ekanligiga nisbatan gumonlar mavjud bo‘lganda.

💰 11,25 mln so‘mdan yuqori elektron pul o‘tkazmalarida jo‘natuvchi va oluvchi haqidagi to‘liq identifikatsion ma’lumotlar ilova qilinishi majburiy:

➖ Jismoniy shaxslar uchun: pasport yoki ID-karta raqami, tug‘ilgan sana va joy;
➖ Yuridik shaxslar uchun: tashkilot nomi, STIR.

Shuningdek, har bir operatsiya uchun tavakkalchilik darajasiga mos aniqlik darajasi belgilanadi va identifikatsiya ma’lumotlari alohida tartibda yuritiladi.

Mazkur choralar pul yuvish, terrorizm va ommaviy qirg‘in qurollarini moliyalashtirishga qarshi kurashish maqsadida joriy etilmoqda.


👉 @hushnudbekreklama 👈