Huquqiy axborot | Lotin

#Qonunchilikdagi_yangiliklar

❗️Giyohvandlik vositalarini dorixonalar orqali realizatsiya qilish tartibi belgilandi

“Giyohvandlik vositalari, psixotrop moddalar va prekursorlarni saqlash, realizatsiya qilish, berish, taqsimlash va hisobga olish tartibi to'g'risidagi”gi nizom Adliya vazirligida davlat ro'yxatidan o'tkazildi (ro'yxat raqami 3604, 27.01.2025 y.)

⚡️ Nizom litsenziya asosida giyohvandlik vositalari, psixotrop moddalar va prekursorlar muomalasi bilan bog'liq faoliyat bilan shug'ullanuvchi yuridik shaxslarga nisbatan tatbiq etiladi.

📋 Dorixonalardan giyohvandlik vositalarini jismoniy shaxslarga shifokor retsepti asosida realizatsiya qilish (berish) quyidagi shaxslar tomonidan amalga oshiriladi:

▪️dorixona mudiri;
▪️farmatsevt (provizor);
▪️dorixona farmatsevti assistenti.

📜 Giyohvandlik vositalari maxsus pushti retsept blanka asosida beriladi.

🏢 Davolash-profilaktika muassasalariga giyohvandlik vositalari uchun zarur bo'lgan retsept blankalari Sog'liqni saqlash vazirligining hududiy boshqarmalari tomonidan beriladi.

📝 Bir dona retsept blankasida shifokor tomonidan faqat bitta nomdagi giyohvandlik vositasi miqdori yetti kunlik ehtiyojdan oshirilmagan holda yozilishi kerak.

🗓 Dorixonaning giyohvandlik vositalari saqlanadigan xonada giyohvandlik vositalari bo'yicha berilgan retseptlar besh yil davomida muhrlangan holda saqlanadi.

🌐 Davolash-profilaktika muassasasining dorixonasida giyohvandlik vositalari zaxirasi bir oylik ehtiyojdan oshmasligi, bo'limlarida esa uch kunlik ehtiyojdan oshmasligi kerak.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Xotin-qizlar pillachilik sohasida qisqa muddatli o'quv kurslarida o'qitiladi

“Xotin-qizlarning pillachilik sohasidagi bandligini bosqichma-bosqich ta'minlash chora-tadbirlari to'g'risida”gi Hukumat qarori (46-son, 29.01.2025 y.) qabul qilindi.

⚡️ Qarorga ko'ra, xotin-qizlarni pillachilik sohasida qisqa muddatli o'quv kurslarida o'qitish va ularni sohaga jalb qilishning asosiy parametrlari hamda uni bosqichma-bosqich ta'minlash tizimini tashkil etish bo'yicha “yo'l xaritasi” tasdiqlandi.

🔍 Asosiy parametrlarga muvofiq qisqa muddatli o'quv kurslarini tamomlagan xotin-qizlarning bandligi Prezidenti Farmoniga muvofiq ustuvor ravishda pillachilik klasterlari, ipak qurti urug'chiligi korxonalari, pillachilik va tutchilik yo'nalishidagi fermer xo'jaliklariga mavsumiy hamda doimiy ishlarga qabul qilish orqali ta'minlanadi.

🗓 Bir oy muddatda Xitoy, Vetnam, Hindiston va Yaponiya davlatlaridan ipakchilik sohasidagi mutaxassislarni xotin-qizlarning pillachilik sohasida qisqa muddatli o'quv kurslariga jalb qilish choralari ko'riladi.

🌐 Pillachilik sohasida band bo'lgan fuqarolarning ma'lumotlari “yangiish.mehnat.uz” platformasiga kiritib borilishi ta'minlanadi.

📝 Asosiy parametrlarga muvofiq pillachilik sohasida qisqa muddatli o'quv kurslarini tamomlagan xotin-qizlarning doimiy va mavsumiy ishlarga qabul qilinganligi hisobi yuritiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Etil spirti va alkogol mahsulotlarini ishlab chiqarish tartibi belgilandi

Hukumat qarori (45-son, 29.01.2025 y.) bilan “Iste'mol va texnik etil spirti, alkogol mahsulotlarini ishlab chiqarish, idishlarga quyish, saqlash va ulgurji sotishni hisobga olish hamda nazorat qilish tartibi to'g'risida”gi nizom tasdiqlandi.

🔰 Unga ko'ra, nizom quyidagilarni nazarda tutadi:

▪️ishlab chiqarilgan iste'mol va texnik etil spirti hamda alkogol mahsulotlarini hisobga olish;
▪️iste'mol va texnik etil spirti, alkogol mahsulotlarini saqlash, tashish va ulgurji sotish hisobini yuritish;
▪️iste'mol va texnik etil spirti, alkogol mahsulotlarini ishlab chiqarish, quyish, saqlash va ulgurji sotishni nazorat qilish.

✅ Mazkur nizom talablari quyidagilarga nisbatan tatbiq etiladi:

🔹iste'mol va texnik etil spirti, alkogol mahsulotlarini ishlab chiqarish bilan shug'ullanuvchi O'zbekiston rezidentlari hisoblangan yuridik shaxslarga;

🔹iste'mol va texnik etil spirti hamda alkogol mahsulotlari uchun texnik reglamentda nazarda tutilgan mahsulotlarga.

🚫 Alkogol mahsulotlarini chet elda ishlab chiqarilgan iste'mol etil spirti hamda texnik etil spirtidan foydalangan holda ishlab chiqarish taqiqlanadi.

📁 Alkogol mahsulotlarini ishlab chiqaruvchi subyektlar (korxonalar) ishlab chiqarishning barcha bosqichlarida texnik jihatdan tartibga solish sohasidagi normativ hujjatlarga muvofiq mikrobiologik, fizik-kimyoviy va texnologik nazoratni amalga oshirishlari shart.

📋 Iste'mol va texnik etil spirti, alkogol mahsulotlarini ishlab chiqarish hajmining hisobini yuritish mahsulot ishlab chiqarish uchun zarur bo'lgan asosiy xomashyolar kirimidan boshlab, tayyor mahsulotlarni saqlash omborlariga joylashtirish va realizatsiya qilish jarayonlarini qamrab olishi lozim.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Tergov faoliyatida shaxsning huquq va erkinliklarini ishonchli himoya qilish kafolatlari yanada kuchaytiriladi

Qonun (O'RQ-1022-son, 28.01.2025 y.) bilan ayrim qonun hujjatlariga o'zgartirish va qo'shimchalar kiritildi.

🔰 Unga ko'ra, tergov sudyalari tomonidan jinoyat ishlari bo'yicha sudga qadar ish yuritish bosqichida protsessual qarorlarga sanksiya berish va ma'muriy huquqbuzarliklar to'g'risidagi ishlarni ko'rib chiqish masalalarini qonunchilikda belgilash maqsadida tergov sudyalarining vakolatlari jumlasiga kiritilgan ishlarni ko'rib chiqish asoslari hamda tartibini nazarda tutuvchi o'zgartirish va qo'shimchalar kiritildi.

✔️ Jinoyat-protsessual kodeksiga kiritilgan o'zgartirish va qo'shimchalarga ko'ra, tergov sudyasining vakolatlari belgilanib, tergov sudyasi yakka o'zi ish tutib, Kodeksda nazarda tutilgan tartibda sudga qadar ish yuritish bosqichida shaxsning huquqlari, erkinliklari va qonuniy manfaatlariga rioya etilishi ustidan sud nazoratini amalga oshiradi.

📋 Shuningdek, tintuv o'tkazish to'g'risida iltimosnoma qo'zg'atish hamda uni ko'rib chiqish asoslari belgilandi.

❕ Bunda, tintuv o'tkazish uchun asoslar mavjud bo'lgan taqdirda prokuror, tergovchi yoki surishtiruvchi tintuv o'tkazish to'g'risida iltimosnoma qo'zg'atish haqida uni o'tkazish uchun asoslarni bayon etgan holda qaror chiqaradi.

📞 Telefonlar va boshqa telekommunikatsiya qurilmalari orqali olib boriladigan so'zlashuvlarni eshitib turishni, ular orqali uzatiladigan axborotni olishni amalga oshirish to'g'risidagi iltimosnomani ko'rib chiqish asoslari belgilandi.

✳️ Bundan tashqari, mol-mulkni xatlash to'g'risidagi iltimosnomani ko'rib chiqish tartibi belgilandi.

📜 Bunda, mol-mulkni xatlash to'g'risidagi iltimosnoma surishtiruv yoki dastlabki tergov yuritilayotgan joydagi jinoyat ishlari bo'yicha tuman (shahar) sudining tergov sudyasi tomonidan yakka tartibda ko'rib chiqiladi.

📌Qonun rasmiy e'lon qilingan kundan e'tiboran kuchga kiradi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Farg'ona viloyatidagi OTMlar faoliyati yanada takomillashtiriladi

“Farg'ona viloyatidagi oliy ta'lim tashkilotlari faoliyatini yanada takomillashtirish chora-tadbirlari to'g'risida”gi Prezident qarori (PQ-26-son, 24.01.2025 y.) qabul qilindi.

⚡️Qarorga ko'ra, quyidagi universitetlar qayta tashkil etiladi:

▪️Farg'ona politexnika instituti va Toshkent axborot texnologiyalari universiteti Farg'ona filiali negizida Farg'ona davlat texnika universiteti;

▪️Qo'qon davlat pedagogika instituti, Toshkent davlat texnika universiteti Qo'qon filiali hamda O'zbekiston davlat san'at va madaniyat instituti Farg'ona mintaqaviy filiali negizida Qo'qon davlat universiteti;

▪️O'zbekiston davlat jismoniy tarbiya va sport universiteti Farg'ona filialini qo'shib yuborish yo'li bilan Farg'ona davlat universiteti.

🗓 2025/2026-o'quv yilidan:

🏷mazkur universitetlarning malaka talablari va o'quv dasturlari yuqori 300 talik ro'yxatga kirgan xorijiy oliy ta'lim tashkilotlarining dasturlari asosida ishlab chiqiladi;

🏷iqtidorli talabalar uchun darslar xorijiy tillarda o'qitiladigan alohida guruhlarda tashkil etiladi;

📋 Farg'ona davlat texnika universitetida Ilg'or muhandislik maktabi va “spin-off” korxonalari faoliyati tashkil etiladi hamda yirik ishlab chiqarish korxonalari va tashkilotlari sanoat hamkori sifatida biriktiriladi.

🎓Tugatilayotgan oliy ta'lim tashkilotlarida tahsil olayotgan barcha talabalar o'qishini yangidan tashkil etilgan tegishli universitetlarda davom ettiradi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Farmatsevtika sohasidagi startap loyihalarni moliyalashtiradigan venchur jamg'armasi tashkil etiladi

🔰 Farmonga muvofiq, farmatsevtika mahsulotlari eksporti hajmini oshirish maqsadida:

🔹mahalliy ishlab chiqarish korxonalarining dori vositalaridan bittasini AQSHning “Food and Drug Administration” (FDA) yoki Yevropa Ittifoqining “European Medicines Agency” (EMA) tashkilotlarida ro'yxatdan o'tkazish bilan bog'liq xarajatlarining 100 foizi ular ro'yxatdan o'tkazilgani to'g'risida tasdiqlovchi hujjatlar taqdim etilgandan so'ng qoplab beriladi;

🔹mahalliy ishlab chiqarish korxonalarining farmatsevtika mahsulotlarini xorijiy davlatlarda ro'yxatdan o'tkazish bilan bog'liq xarajatlarining 50 foizi ular ro'yxatdan o'tkazilgani to'g'risida tasdiqlovchi hujjatlar taqdim etilgandan so'ng qoplab beriladi.

✔️ Quyidagilar tashkil etiladi:

🔸Farmatsevtika sohasining biofarmatsevtika, hujayra texnologiyalari, onkologiya kabi yo'nalishlaridagi startap loyihalarni moliyalashtiradigan venchur jamg'armasi;

🔸Farmatsevtika tarmog'ining istiqbolli loyihalari investitsiya jamg'armasi.

🌐 2025-yil 1-iyulgacha 5 ta namunaviy dorivor o'simliklar plantatsiyalari tashkil etiladi va 2026-yil yakunigacha ushbu plantatsiyalarda yetishtirilgan dorivor o'simliklarni qayta ishlash loyihalari ishga tushiriladi.

📚 Farmatsevtika korxonalari faoliyatiga ilg'or standartlarni tatbiq etish bo'yicha marketing va konsalting xizmatlarini ko'rsatishga ixtisoslashgan “Pharm Service” davlat muassasasi tashkil etiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Farmatsevtika tarmog'i jadal rivojlantiriladi

“Farmatsevtika tarmog'ini jadal rivojlantirishga oid qo'shimcha chora-tadbirlar to'g'risida”gi Prezident Farmoni (PF-13-son, 28.01.2025 y.) qabul qilindi

✅ Farmonga ko'ra, Farmatsevtika tarmog'ini rivojlantirish agentligi zimmasiga quyidagi qo'shimcha vazifalar yuklatildi:

🔸biologik faol qo'shimchalar va kosmetika mahsulotlari sanoatini rivojlantirish, shu jumladan, bozor konyunkturasini o'rganish, tahlil qilish va ishlab chiqarishni mahalliylashtirish, ushbu yo'nalishdagi soha korxonalariga ilg'or xorijiy amaliyot va standartlarni tatbiq etishga ko'maklashish;

🔸mahalliy hokimliklar bilan birgalikda hududiy farmatsevtika korxonalarining investitsiya loyihalarini monitoring qilish va hisobini yuritish;

🔸farmatsevtika sohasini raqamlashtirish va axborot dasturlarini joriy etish.

📌 2025-yil yakunigacha Farmatsevtika mahsulotlari xavfsizligi markazining laboratoriyasi Jahon sog'liqni saqlash tashkilotining dastlabki kvalifikatsiya (prequalification) tartibidan o'tkaziladi.

🗓 2025-yil 1-apreldan:

➖cheklangan savdo ustamalari faqat retsept bilan beriladigan dori vositalari toifasiga nisbatan tatbiq etiladi;

➖bir ishlab chiqaruvchi tomonidan turli savdo nomlari ostida tarkibi bir xil bo'lgan dori vositalarini ishlab chiqarishda ushbu dori vositalarining barchasiga nisbatan eng past referent narx qo'llanadi;

➖“Farmatsevtika mahsulotlari xavfsizligi markazi” tomonidan xorijiy valyutada qayd etilgan referent narxlar belgilangan hollarda avtomatik ravishda (tadbirkor murojaatisiz) qayta ko'rib chiqiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Rishtonda kulolchilik tarixi muzeyi ochiladi

“Rishton an'anaviy kulolchiligi tarixi muzeyi faoliyatini yo'lga quyish to'g'risida”gi Hukumat qarori (41-son, 28.01.2025 y.) qabul qilindi

🔰 Qarorga ko'ra, Rishton an'anaviy kulolchiligi tarixi nodavlat muzeyi tashkil qilinadi.

📢 Quyidagilar muzeyning asosiy vazifalari etib belgilandi:

🔹muzey ashyolari va kolleksiyalarini aniqlash, to'plash va saqlash;

🔹madaniy, ma'rifiy, ilmiy va ta'lim faoliyatini amalga oshirish;

🔹yoshlarni “ustoz-shogird” an'analari asosida kulolchilik hunariga o'rgatish;

🔹kulolchilikning boy madaniy merosi, insoniyat tarixidagi rolini haqqoniy yoritish;

🔹ekspozitsiyalarni tashkil etishda zamonaviy axborot texnologiyalaridan keng foydalanish;

🔹chet el muzeylari bilan ko'rgazmalar tashkil etish borasida o'zaro manfaatli hamkorlik o'rnatish.

📚 Muzeyni tashkil etish bo'yicha ishchi guruh tasdiqlandi va uning asosiy vazifalaridan biri etib, muzey konsepsiyasini ishlab chiqish, tasdiqlash hamda muzey faoliyatini yo'lga qo'yish belgilandi.

🗓 2025-yil 1-aprelga kadar muzeyga ajratilgan binoning toifasi muzey faoliyatiga to'liq moslashtiriladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Axborotni kriptografik muhofaza qilish vositalarini ishlab chiqish tartib-taomillari takomillashtiriladi

Qaror (PQ-30-son, 27.01.2025 y.) bilan “O'zbekiston Respublikasida axborotni kriptografik muhofaza qilishni tashkil etish chora-tadbirlari to'g'risida”gi qaroriga o'zgartirish va qo'shimchalar kiritildi.

⚡️ Unga ko'ra, Prezident qaroriga quyidagilarni nazarda tutuvchi o'zgartirish va qo'shimchalar kiritildi:

▪️axborotni kriptografik muhofaza qilish vositalarini ishlab chiqish tartib-taomillarini takomillashtirish;
▪️davlat sirlarini himoyalashda axborotni kriptografik muhofaza qilish dasturiy vositalaridan foydalanish talablarini belgilash;
▪️axborotni kriptografik muhofaza qilish vositalarini sertifikatlash muddatini uzaytirish;
▪️xorijiy muvofiqlik sertifikatlarini tan olish tartibini takomillashtirish.

✅ Kiritilgan qo'shimchaga ko'ra, dasturiy axborotni kriptografik muhofaza qilish vositasi (AKMV)dan davlat sirlarini himoyalashda foydalanishga qonunchilik hujjatlari va milliy standartlar, shuningdek, Vakolatli organning idoraviy hujjatlari talablari doirasida ruxsat etiladi.

📌 Bunda dasturiy AKMVdan davlat sirlarini himoyalashda foydalanish to'g'risida ularning nusxalari soni va ulardan foydalanish maqsadini ko'rsatgan holda Vakolatli organni yozma ravishda xabardor qilish shart.

🗓 Axborotni kriptografik muhofaza qilish vositalarini sertifikatlash organi tomonidan berilgan muvofiqlik sertifikati besh yil muddatga beriladi.

📝 Xorijiy muvofiqlik sertifikatlarini tan olish to'g'risidagi arizaga O'zbekiston Milliy sertifikatlash tizimida nazarda tutilgan hujjatlardan tashqari AKMV texnik xususiyatlarining batafsil tavsifi, AKMVni ishlab chiqishda va ishlab chiqarishga qo'yishda xorijiy davlatlarning akkreditatsiyadan o'tgan sinov laboratoriyalarida o'tkazilgan sinov bayonnomalarining (hujjatlarining) tasdiqlangan nusxalari ilova qilinishi shartligi belgilandi.

Kanalga ulanish👇👇👇
https://t.me/huquqiyaxborot_lotin