Huqıqıy málimleme QR ️️

#Нызамшылықтағы_жаңалықлар
️

❗️Диний шөлкемлер ҳәм мәмлекетлик уйымлар өз-ара бир-бириниң жумысына араласпайды

🔰Концепцияға муўапық, динниң мәмлекеттен ажыратылғанлығы принципи диний шөлкемлер ҳәм мәмлекетлик уйымлар өз-ара бир-бириниң искерлигине араласпаўы, мәмлекет диний шөлкемлерге мәмлекеттиң қандай да бир ўазыйпаларын жүклеўи, диний шөлкемлердиң мәмлекетлик функцияларын әмелге асырыўына жол қоймаўына байланыслы қағыйдаларды нәзерде тутады.

📣 Бул принцип диний көз-қараслардан ғәрезсиз, конституциялық ҳуқықый система (ҳуқық нормалары ҳәм оларды қолланыў), демократия, дүньялық, еркинлик, теңлик, инсаныйлық, социаллық әдиллик ҳәм аўызбиршилик, инсан ҳуқықлары идеяларына сүйенеди.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️Өзин-өзи бәнт еткен шахслар шуғылланыўы мүмкин болған искерлик түрлери кеңейтилди

🔰Қарарға көре, жеңил автотранспорт қуралларында жолаўшыларды қала, қала әтирапы ҳәм қалалараралық тасыў жумысы өзин-өзи бәнт еткен шахслар шуғылланыўы мүмкин болған жумыс (жумыслар, хызметлер) түрлери дизимине киргизиледи ҳәм олар усы жумыс пенен лицензия бети тийкарында шуғылланыўы белгиленеди.

🗓2025-жыл 1-апрельден салық уйымлары хызметкерлери тәрепинен оларға бириктирилген кәрханаларда ямаса мәҳәллелердеги исбилерменлик субъектлеринде белгиленген салыққа байланыслы ҳуқықбузарлықлар анықланғанда төмендеги тәртип енгизиледи:

🔹биринши мәрте ескертиў;

🔹 ескертиўден соң 3 күн мүддетте салыққа байланыслы ҳуқықбузарлық сапластырылмағаны ямаса тәкирар анықланғаны көшпели салық тексериўин өткериўге тийкар болыўы;

🔹көшпели салық тексериўин 24 саат ишинде "Бирден-бир мәмлекетлик қадағалаў" мәлимлеме системасында дизимге алыў арқалы Бизнес-омбудсманды хабардар етиў тәртибинде әмелге асырыўға руқсат бериў;

🔹 көшпели салық тексериўи нәтийжелери бойынша рәсмийлестирилген акт көшпели салық тексериўи бойынша қарар қабыл етиў ушын тийкар болып есапланыўы.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️Айырым транспорт қуралларына VIN номерин қәлиплестириў бойынша мәмлекетлик хызмет көрсетиледи

Ҳүкимет қарары (127-санлы, 27.02.2025 ж.) менен "Транспорт қуралын ислеп шығарыўшы юридикалық шахсларға транспорт қуралының идентификация номерин қәлиплестириў бойынша мәмлекетлик хызмет көрсетиўдиң ҳәкимшилик регламенти" тастыйықланды.

🔰Регламент транспорт қуралларын ислеп шығарыўшы юридикалық шахсларға транспорт қуралларының идентификация номерин қәлиплестириў бойынша мәмлекетлик хызметти көрсетиў тәртибин белгилейди.

📝 Усы Регламент Министрлер Кабинетиниң қарары менен айланысқа шығарылып атырған дөңгелекли транспорт қуралларының қәўипсизлиги ҳаққындағы улыўма техникалық регламент пенен тәртипке салынатуғын дөңгелекли транспорт қуралларына қолланылады.

🖥 Мәмлекетлик хызмет Мәмлекетлик хызметлер орайлары ямаса БМХП (my.gov.uz) арқалы көрсетиледи.

❗️Бунда Өзбекстан техникалық жақтан тәртипке салыў агентлигиниң Өзбекстан стандартлар институты транспорт қуралларының идентификация номерин қәлиплестириўди тәмийинлейди.

✔️ VIN код үш бөлимнен ибарат:

▪️ислеп шығарыўшының халықаралық идентификация коды (WMI коды);
▪️сыпатлаўшы бөлеги (VDS);
▪️көрсетиўши бөлими (VIS).

▶️ VIN коды транспорт қуралларын идентификациялаў мақсетинде берилетуғын белгилердиң қурамлық комбинациясы есапланады.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️Донорларға берилетуғын ақшалай сыйлық муғдары арттырылды

Нызам (ӨРН-1041-санлы, 28.02.2025 ж.) менен айырым нызам ҳүжжетлерине қосымшалар ҳәм өзгерислер киргизилди

🔰 Нызам менен "Қалалық жолаўшылар транспортынан бийпул пайдаланыўды тәртипке салыў ҳаққында"ғы ҳәм "Қан ҳәм оның қурамлы бөлеклери донорлығы ҳаққында"ғы Өзбекстан Республикасы нызамларына тийислисинше "Өзбекстан Республикасы ҳүрметли доноры" көкирек белгиси менен сыйлықланған шахслар ушын бир мәрте берилетуғын ақшалай сыйлық муғдарының арттырылыўын нәзерде тутыўшы қосымша ҳәм өзгерислер киргизилмекте.

✔️ Бунда усы көкирек белгиси менен сыйлықланыўшылар БЕМның 15 есеси (5 млн 625 мың сўм) муғдарында бир мәрте берилетуғын ақшалай сыйлықты алыўы белгиленди.

Алдын БЕМниң 5 есеси еди.

✔️ Сондай-ақ, оларға қалалық жолаўшылар транспортынан (буннан жөнелисли ҳәм жөнелиссиз таксилер тысқары) бийпул пайдаланыў, өзлери ушын қолайлы болған ўақытта ҳәр жылғы мийнет дем алысына шығыў ҳәм де санатория-курортларда емлениў ушын жолланбаларды нәўбесиз алыў ҳуқықы берилмекте.

📌Нызам рәсмий жәрияланған күннен баслап күшке киреди.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

️❗️Қатар Мәмлекети менен стратегиялық шериклик қатнасықлары орнатылады

⚡️️Президент тәрепинен қол қойылған Нызам (ӨРН-1040-санлы, 28.02.2024 ж.) менен Өзбекстан ҳәм Қатар Мәмлекети Ҳүкиметлери арасында еки тәреплеме стратегиялық шериклик қатнасықларын орнатыў ҳаққындағы Келисим (Ташкент, 2024-жыл 15-апрель) ратификацияланды.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

️❗️Улыўмажәҳән почта аўқамының баянламалары ратификацияланды

🔰Президент тәрепинен қол қойылған Нызам (ӨРН-1039-санлы, 28.02.2024 ж.) менен Улыўмажәҳән почта аўқамының Уставына Оныншы қосымша баянлама (Аддис-Абеба 2018-жыл 7-сентябрь) ҳәм Он биринши қосымша баянлама (Абиджан, 2021-жыл 26-август) ратификацияланды.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️Миллий статистика системасын трансформациялаў офиси шөлкемлестириледи

"Өзбекстан Республикасы Миллий статистика комитети жумысын шөлкемлестириў илажлары ҳаққында"ғы Президент қарары (ПҚ-75-санлы, 24.02.2025 ж.) қабыл етилди.

️Қарарға көре, Миллий статистика комитети структурасында "Миллий статистика системасын трансформациялаў" офисы шөлкемлестириледи.

✔️ Трансформация офисы төмендеги тийкарғы бағдарларда жаңа механизмлерди енгизиўге жуўапкер етип белгиленди, атап айтқанда:

🔹 ишки ҳәм сыртқы пайдаланыўшылар ушын зәрүр болған статистикалық мағлыўматларды, соның ишинде, халықтың дәраматлары ҳәм олардың дереклерин баҳалаў методикасын жетилистириў;

🔹 микро дәрежеде бақлаўларды әмелге асырыў ҳәм статистикалық көрсеткишлерди қәлиплестириў методикасын ислеп шығыў;

🔹статистикалық мағлыўматлардан пайдаланыўшылар менен нәтийжели қайта байланысты (қарыйдарға бағдарланғанлықты) енгизиў.

📝 Сондай-ақ, Миллий статистика комитети ҳаққындағы реже ҳәм Республикалық статистика кеңеси ҳаққындағы реже тастыйықланды.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️Суў ресурсларын басқарыў раўажландырылады

"Азия раўажланыў банк қатнасыўында "Климат технологиялары арқалы суў ресурсларын басқарыўды раўажландырыў" жойбарын әмелге асырыў илажлары ҳаққында"ғы Президент қарары (ПҚ-81-санлы, 28.02.2025 ж.) қабыл етилди.

️⚡️ Қарарға көре, Азия раўажланыў банк қатнасыўындағы "Климат технологиялары арқалы суў ресурсларын басқарыўды раўажландырыў" жойбарының тийкарғы мақсетли көрсеткишлери етип төмендегилер белгиленди, атап айтқанда:

💧 ири суў имаратлары ҳәм магистраль қубырларға 4,8 мың есаплағышларды ҳәм 2,8 мың телеметрия системаларын орнатыў есабынан ислеп шығарылған ишимлик суўының анық есабын жүргизиў;

💧12,7 мың суў объектлери ҳәм де 80 мың километр ишимлик ҳәм ақаба суў тармақларының санлы картасын (GIS) енгизиў арқалы инфраструктураны жаңалаў жумысларының нәтийжелилигин арттырыў;

💧5,1 миллион тутыныўшыны қамтып алған биллинг системасын жетилистириў, суў тәмийнаты кәрханалары финанслық есабатының халықаралық стандартларына өтиў ҳәм консолидацияласқан есап-санағын жүргизиў;

💧республика ҳәм 14 аймақлық суў тәмийнаты кәрханаларында бирден-бир ситуациялық орай шөлкемлестириў арқалы аварияларды жедел сапластырыў системасын енгизиў.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️️Бир қатар хожалық жүргизиўши субъектлердиң эксклюзив ҳуқықлары бийкар етиледи

🔰Пәрманға көре, 2025-жыл 1-апрельден төмендеги хожалық жүргизиўши субъектлердиң жумыс бағдарлары бойынша эксклюзив ҳуқықлары бийкар етиледи:

➖"Өзбекекспертиза" АЖ ҳәм оның аймақлық бөлимлериниң сырт ел инвестициялары қатнасыўындағы кәрханалар тәрепинен өз өндирислик мүтәжликлери ушын алып келинип атырған мүлкке сертификат бериў бойынша;

➖"ӨзИнжиниринг" жойбарлаў институтының инвестициялық жойбарларының жойбаралды ҳәм жойбар ҳүжжетлерин ислеп шығыў бойынша;

➖"Миллий PR-орайы" МУКтың Өзбекстан туризм потенциалын үгит-нәсиятлаўға бағдарланған сырт ел компанияларының продюсерлик ҳәм реклама хызметлерин, сырт ел телерадиокомпаниялары ҳәм басқа да ғалаба хабар қуралларының рекламалары, репортажлары ҳәм басқа да роликлерин таярлаў ҳәм трансляциялаў бойынша;

➖"Sag agro МТП" ЖШЖның ғоза ислеп шығарыўшыларға агротехникалық илажларды әмелге асырыў бойынша механизация хызметлерин көрсетиў бойынша;

➖"Өзбекстан стандартлар институты" мәмлекетлик мәкемесиниң миллий стандартларды шәртнама тийкарында басқа тиллерге аўдарыў бойынша.

🗓 "Туризм хызметлерин сертификатластырыў орайы" МУКтың туроператор, жайластырыў қураллары, таў-лыжасы трассалары ҳәм пляжлар хызметлерин сертификатластырыў, оларға категория бериў, сондай-ақ, сертификатластырылған хызметлериниң стандартластырыў бойынша норматив ҳүжжетлер талапларына муўапықлығы үстинен инспекциялық қадағалаўды өткериў ўазыйпасы Туризм комитетине өткериледи.

📱T/m 📱F/b 📱I/m 📱T/m 📱Y/T

#Нызамшылықтағы_жаңалықлар

❗️Педагогларды аттестациядан өткериў, кәсиплик сертификатлаў ҳәм хошаметлеў системасы жетилистириледи

Министрлер Кабинетиниң қарары (130-санлы, 28.02.2025 ж.) менен Ҳүкиметтиң айырым қарарларына өзгерислер ҳәм қосымшалар киргизилди.

⚡️️Қарарға көре, 2025-жыл 1-сентябрьге шекем:

1️⃣ Нәўбеттеги мәжбүрий аттестацияға тартылмаған, сондай-ақ, аттестациядан өткенлик мүддети тамамланған ҳәм әмелдеги маманлық категориясы сақланып қалған төмендеги педагоглар мәжбүрий аттестацияға тартылмайды ҳәм де оларға әмелдеги маманлық категориясы (лаўазымы) бойынша ҳақы төленеди:

▪️жоқары маманлық категориясына (бас оқытыўшы лаўазымына) ийе болғаннан соң усы категорияны (лаўазымды) 15 жыл даўамында сақлап келген ҳәм үзликсиз жумыс стажына ийе болған;
▪️педагогикалық жумыс бойынша 25 жыл ҳәм оннан көп жумыс стажына ийе болған;
▪️жасқа байланыслы пенсияға шығыўы ушын 5 жылдан көп болмаған ўақыт қалған;
▪️педагогикалық жумыс пенен шуғылланып атырған пенсия жасына толған педагоглар;

2️⃣ ️Төмендеги талаплардан бирине жуўап беретуғын педагогларға тиккелей маманлық категориясы (лаўазымы) бериледи:

▪️педагогикалық жумыс бойынша 25 жыл ҳәм оннан көп жумыс стажына ийе болған педагогларға - олардың әмелдеги маманлық категориясы (лаўазымы);
▪️жасқа байланыслы пенсияға шығыўы ушын 5 жылдан көп болмаған ўақыт қалған педагогларға - олардың әмелдеги маманлық категориясы (лаўазымы);
▪️жоқары маманлық категориясына (бас оқытыўшы лаўазымына) ийе болғанынан соң усы категорияны (лаўазымды) 15 жыл даўамында сақлап қалған ҳәм үзликсиз жумыс стажына ийе болған педагогларға - жоқары маманлық категориясы (бас оқытыўшы лаўазымы).

✔️ Сондай-ақ, төмендегилер нәзерде тутылмақта:

🔹билимлендириў шөлкемлеринде жумыс алып барып атырған музыка мәденияты ҳәм дене тәрбиясы пәни педагоглары, пенсия жасындағы педагоглар ҳәм жоқары мағлыўматқа ийе болмаған педагогларды аттестациядан өткериў;
🔹Мектепке шекемги ҳәм мектеп билимлендириўи министрлиги системасында жумыс алып барып атырған маман педагог кадрлар ҳәм алдыңғы хызметкерлерди хошаметлеў;
🔹Мектепке шекемги ҳәм мектеп билимлендириўи министри қорының жумысын жетилистириў.

📱T/m 📱F/b 📱I/m 📱T/m 📱Y/T