Type to search
Advanced channel search

Bybit Hack: Inside the $1.4B Theft

Incident. The method of hacking. Laundering scheme.
img
ad

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

Hilola Umarova

@hilola_umarova
Channel's geo and language: Uzbekistan, Uzbek
Category: Blogs

👩‍💼Umarova Xilola Uktamovna
🇺🇿Maktabgacha va maktab ta'limi vaziri
🇺🇿O‘zbekiston Respublikasi Prezidenti huzuridagi Davlat boshqaruvi Akademiyasi tadqiqotchisi

Related channels  |  Similar channels
Channel's geo and language
Uzbekistan, Uzbek
Category
Blogs
Statistics
Is this your channel? Confirm Канал в реестре блогеров РКН? Confirm Channel history
Posts filter

Hilola Umarova

3 Mar, 18:58

Open in Telegram Share Report
Oʻzbekiston Respublikasi Prezidenti “Zulfiya nomidagi Davlat mukofoti bilan taqdirlash toʻgʻrisida”gi Qarorni imzoladi.

Mukofot bilan taqdirlanganlar orasida maktabgacha va maktab taʼlimi vazirligi tizimi, Yangi Oʻzbekiston universiteti jamoasi aʼzolari ham bor:

Yoʻldosheva Ummatoy Toʻlqinovna — “Yangi Oʻzbekiston” universitetining sanoat boshqaruvi mutaxassisligi boʻyicha 1-bosqich magistranti (Navoiy viloyati);

Xamdamova Afroʻza Akbarovna — Samarqand viloyati, Samarqand shahridagi 42-umumiy oʻrta taʼlim maktabining 9-sinf oʻquvchisi;

Anvarova Naima Anvar qizi — Toshkent viloyati, Chinoz tumanidagi 7-umumiy oʻrta taʼlim maktabining ona tili va adabiyot fani oʻqituvchisi;

Kamalova Shaxzoda Kaxramon qizi — Xorazm viloyati, Urganch shahridagi 3-ixtisoslashtirilgan umumiy oʻrta taʼlim maktabining 11-sinf oʻquvchisi.

Barcha sovrindorlarni samimiy tabriklayman, yutuqlaringiz davomli boʻlsin!

@hilola_umarova
11.9k 6 57 67
Hilola Umarova

28 Feb, 19:19

Open in Telegram Share Report
Video is unavailable for watching
Show in Telegram
Yangi o‘qituvchilar avlodi – kelajak quruvchilari

“Yangi O‘zbekiston” universiteti Pedagogika (STEM fanlari bo'yicha) yo'nalishi talabalari Toshkent shahridagi Prezident maktabida amaliyot o'tashmoqda.

Talabalar egallagan bilimlarini yurtimizdagi eng nufuzli maktablardan birida sinab ko'rish imkoniga ega ekanliklari va o'qituvchilik kasbini tanlaganliklaridan faxrda ekanliklarini ko'rib juda quvondim.

➖ Kuchli liderlar va buyuk shaxslarning paydo bo'lishida ustozlarining o'rni beqiyos. Kelajak Al-Xorazmiylari va Ibn-Sinolarni yetishtiruvchi ustozlar, albatta, bizning talabalarimiz qatoridan chiqishiga ishonaman.

@hilola_umarova
49.8k 11 133 142
Hilola Umarova

27 Feb, 12:34

Open in Telegram Share Report
Endi taʼlim tili oʻzbek tili boʻlmagan sinf bitiruvchilari ham davlat tilidan imtihon topshiradi

Maktabgacha va maktab taʼlimi vazirining 2025-yil 20-fevraldagi 65-sonli buyrugʻi bilan umumiy oʻrta taʼlim muassasalarida yakuniy davlat attestatsiyasi oʻtkazish tartibi belgilandi. Mazkur hujjatga asosan umumiy oʻrta taʼlim muassasalarida yakuniy davlat attestatsiyasi oʻtkaziladigan fanlar roʻyxati va imtihon oʻtkazish shakllari, umumtaʼlim fanlari hamda xorijiy tillarni bilish darajasini baholovchi milliy va xalqaro tan olingan sertifikatlar roʻyxati tasdiqlandi.

Unga koʻra, 9-sinf oʻquvchilarining yakuniy davlat attestatsiyasi:

➖Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
➖Davlat tili (taʼlim tili oʻzbek tili boʻlmagan sinflar uchun)dan – yozma;
➖Matematika fanidan – yozma;
➖Oʻzbekiston tarixi fanidan – yozma/ogʻzaki;
➖Jismoniy tarbiya fanidan – amaliy shaklda oʻtkaziladi.

11-sinf oʻquvchilarining yakuniy davlat attestatsiyasi:

➖Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
➖Davlat tili (taʼlim tili oʻzbek tili boʻlmagan sinflar uchun)dan – yozma;
➖Matematika (Asosiy) / Matematika (Chuqurlashtirilgan) fanidan – yozma;
➖Tarix fanidan – yozma;

Oʻquvchining tanlovi boʻyicha:

➖ Ona tili va adabiyoti (qoraqalpoq, rus, qozoq, turkman, tojik, qirgʻiz tilida taʼlim boʻlgan sinflar uchun), Biologiya, Fizika, Kimyo, Davlat huquq asoslari, Geografiya fanlaridan – yozma;
➖ Chet tili fanidan yozma/ogʻzaki shaklda oʻtkaziladi.

Ma’lumot uchun, 2025-yilidan boshlab taʼlim o‘zbek tilida olib borilmaydigan umumiy o‘rta ta’lim muassasalarining 11-sinf bitiruvchilari uchun ham Davlat tilidan yakuniy nazorat imtihonlarini topshirish majburiy bo‘lishi belgilanmoqda.

Oʻzgarishlar haqida batafsil maʼlumotlar vazirlikning ijtimoiy tarmoqlari orqali beriladi.

@hilola_umarova
193k 161 2.2k 348
Hilola Umarova

26 Feb, 21:03

Open in Telegram Share Report
#vazir_jamgʻarmasi
#100_foizlik_natija

Vazir jamgʻarmasidan ustama olishga nomzod pedagoglar uchun test sinovlaridan eng yuqori – 100 ballni qoʻlga kiritgan ustozlarimizning yana bir guruhini e'lon qilamiz.

Bu koʻrsatkichlar barchamizni birdek quvontirdi. Test sinovlarida maksimum ball jamgʻargan hamda keyingi bosqichga yoʻl olgan barcha ustozlarimizni samimiy tabriklayman.

@hilola_umarova
95.5k 22 524 443
Hilola Umarova

26 Feb, 19:36

Open in Telegram Share Report
Vazir jamgʻarmasidan ustama olishning yangi tartibi tasdiqlandi

Vazirlar Mahkamasining “Oʻzbekiston Respublikasi Hukumatining ayrim qarorlariga pedagoglarni attestatsiyadan oʻtkazish, kasbiy sertifikatlash va ragʻbatlantirish tizimini takomillashtirishga qaratilgan oʻzgartirish va qoʻshimchalar kiritish toʻgʻrisida” qarori qabul qilindi.

Qarorda pedagoglarimizga bir nechta xushxabar bor.

Vazir jamgʻarmasi:

endilikda vazir jamgʻarmasidan har oylik ustama olish uchun nomzodlar roʻyxati avvalgidek hududiy kengashlar tavsiyasi asosida shakllantirilmaydi. Sinovlarda barcha fan oʻqituvchilari ishtirok etishi mumkin. Avval MTT tarbiyachilari ustama olishga daʼvogarlik qila olmasdi, endi ular ham sinovlarda ishtirok etib ustama olishi mumkin.

Malaka toifa sinovlari:

pedagog kadrlarga tarif stavkalarining amaldagi miqdorlariga nisbatan 70 foiz miqdorida qoʻshimcha haq toʻlanishining tartibi tasdiqlandi. Unga koʻra malaka toifa test sinovlarida ishtirok etib (ikkala bosqichda), oliy va birinchi malaka toifasiga erishgan (yoki saqlagan) hamda 86 va undan yuqori ball toʻplagan pedagoglarga beriladi.

Yana bir yangilik! Endi Bilim va malakalarni baholash agentligi tomonidan beriladigan umumtaʼlim fanini bilish darajasi toʻgʻrisida sertifikatga ega boʻlgan pedagoglarga navbatdagi majburiy attestatsiyaning birinchi bosqichi (mutaxassislik fani va kasb standarti) boʻyicha malaka sinovidan ozod qilinadi.

@hilola_umarova
371.9k 175 12.2k 853
Hilola Umarova

25 Feb, 20:26

Open in Telegram Share Report
#vazir_jamgʻarmasi
#100_foizlik_natija

Bugun barcha hududlarimizda Maktabgacha va maktab taʼlimi vaziri jamgʻarmasidan ustama olishga nomzod pedagoglar uchun dastlabki sinov jarayonlari boʻlib oʻtdi.

Sinovlar 4 bosqichda tashkil etildi, fan oʻqituvchilari oʻz yoʻnalishlari boʻyicha belgilangan test (40 ta) savollariga javob berdi. Sinovlarda maksimal ballning 80 foizi yoki undan yuqori natija koʻrsatgan nomzodlar keyingi bosqichga yoʻl oldi.

Ahamiyatli jihati, bu yil imtihonlar ilk marotaba real vaqt rejimida onlayn tarzda tashkil etildi.

Ishtirokchi natijasini shu vaqtning oʻzida bila oladi (oldingi yillarda sinovlar anʼanaviy tarzda ya’ni qogʻozga yozilgan).

Rasmlardagi ustozlarimiz test sinovlarida eng yuqori 100 ballik natijani qo‘lga kiritdi.

Ushbu bilimdon ustozlarimiz va maktab jamoasini eng yuqori natija bilan samimiy tabriklayman.

@hilola_umarova
102.4k 28 787 430
Hilola Umarova

20 Feb, 10:15

Open in Telegram Share Report
Video is unavailable for watching
Show in Telegram
– Maktablarda huquqiy tanlov va sinflar tashkil etish;
– Yuqori sinf o‘quvchilariga “Tez yordam” yetib kelguniga qadar bemorga birinchi yordam ko‘rsatishni o‘rgatish;
– Rahbarlik tajribalarini lider ayollarimiz bilan bo‘lishish...

“Rahbar ayollar maktabi” o‘quv dasturi doirasida tashkil etilgan uchrashuvda lider ayollarimiz tomonidan mana shunday tashabbus va takliflar o‘rtaga tashlandi. Men jonli muloqot, samimiy uchrashuvimizdan juda xursand bo‘ldim.

Mehmonlarimiz bilan rasmiy formatda emas, imkon qadar do‘stona, samimiy va ayollarga xos quvnoq kayfiyatda suhbatlashishga harakat qildim. Ta’limga befarq bo‘lmagan, fikr va munosabatlarini ayamagan go‘zal xonimlardan juda minnatdorman.

Bu kabi uchrashuvlarni ko‘proq o‘tkazish tarafdoriman, chunki rahbar ayollarning safi kengayishi har bir soha rivojida muhim o‘rin tutadi. Qolaversa, bu Prezidentimiz siyosatining muhim yo‘nalishlaridan biri.

Uchrashuvning jonli “atmosfera”sini his qilishni istasangiz videoni ko‘ring.

#rahbar_ayollar #lider_qizlar

@hilola_umarova
60.6k 11 206 111
Hilola Umarova

19 Feb, 21:34

Open in Telegram Share Report
14.2k 0 36
8 last posts shown.