Hazrati Kursdosh | Ibtido

Ming so‘m bering, akajonlar…

demayapmiz | 1-qism

Internetdagi segmentimizning aksariyati bepul narsalarga o‘ch. Lekin bepul seminar, vebinar, dars… xullas, tekin desa yugurib borishni haliyam tashlaganimiz yo‘q. Shu bizga kerakmi yo kerakmasmi – farqi yo‘q. Ular beradigan bepul ma’lumotni ortig‘i bilan yutub yoki chiti-pitilardan topsa bo‘lishi esa boshqa masala.

Donat mutlaqo ixtiyoriy homiylik va bu dunyo tajribasida bor narsa. Ba’zida mualliflar shunga sal sha’ma qilsa, auditoriya unga xuddi gadoylik qilayotgandek reaksiya bildiradi.

Videoda tomoshabin ekraniga qarab ochiqchasiga choptirayotgan, shaloq gaplar aytib, avratshou ko‘rsatib batl qilayotganlarga ismini aytishi uchun to‘lashga og‘rinmaydiganlar boshqa kontent egalariga mutlaqo teskari reaksiya bildirishi achinarli. Juda.

Darvoqe, manfaatli postlar yozish degani nima? Manfaatlisi pul topish va hunar o‘rgatishni yoki tanqidiy post yozishdangina iboratmi?

Agar kimdir vaqti, intellekti va asabini sarflab boshqalar uchun beminnat nimadir qilishga harakat qilayotgan bo‘lsa, unga motivatsiya berish ziyon qilmaydi, menimcha.

Davomi bor...

Izohlarda “Tekin pishloq” deb yozib qoldiring va biz sizga postning 2-qismini yuboramiz😁

(c) Pistirmadagi admin

@hazratikursdosh

Qarz so'raydi. Xo'p, karta raqamingni yozib yubor deysan. U bo'lsa, plastigini rasmga tushirib jo'natadi...

@hazratikursdosh

BMW E39 M5 mashinasini internetdan qidirib ko‘rganlar bitta layk. 😂

P.s: Ko‘rdingizmi, asalimda meni u.

@hazratikursdosh

#Shokxabar #Tezkor #Muhim

Kanalimiz faoliyatini yanada gullab-yashnashini, muallifni qo‘llab-quvvatlashni ko‘ngliga tugib qo‘ygan jon jigarlarimiz uchun uyalmay-netmay donat rejimini "ishga tushirganimizni" mamnuniyat bilan ma'lum qilaman.

Donat — pul ko‘rinishidagi minnatdorchilik va qo‘llab-quvvatlash. O’zbekistonda donat qiluvchi auditoriya shakllanmoqda, ular o’z blogerlarini, mualliflarini yaxshigina qo’llab-quvvatlashmoqda. Siz ham rivojlanishimiz uchun ixtiyoriy summada donat qilish orqali o’z hissangizni shoshmasdan bitta-bitta qo‘shaversangiz bo‘ladi.

Eshitdim, qisman barchaga stipendiyalar tushib bo‘libdi. Borida donat qilib qolishga ulgurib qoling. Keyin essiz qilib qolmang. Barchasi kanalimiz, loyihalarimiz va albatta talabalar uchun!

Ot bilan tuya bo‘larmidi. Yoki menga sevimli mashinam — BMW E39 M5 olib berarmidingiz. Qo‘rqmang, uni o‘zim ishlab topgan pulga olaman. Bosdiq!

Donat qilmoqchi bo‘lganlar uchun: @hazrati_kursdosh

@hazratikursdosh

— Ishi yoʻq itini sugʻoribdi, degan ekan donolarimiz. Sen nima qilib yuribsan?
— Ma, suv ich...

@hazratikursdosh

Qazisan, qartasan..., debdi bir ot boshqa bir ot bilan urishib qolganda...

@hazratikursdosh

— Hayotga kontraktda oʻqiydigan pozitiv talabalar nigohi bilan boqing!
— Shunga biroz pul yetmayapti-da?! 😂

@hazratikursdosh

Hafsala yoʻq. Qoʻlim sira ishga bormayapti. Bunaqa paytda juda tajang boʻlib qoladi kishi. Ikkita soʻz yozgani, uch-toʻrtta hazil qilganiyam oʻzimda kuch topolmayapman. Buni ijodkorning oʻziga xos qaysarligi, deyish ham mumkin. Lekin bir kelsa, quyilib keladiki, boshqarolmay qolaman. Mana shuni ushlab qolish mahorat deyiladi. Ayni paytda bu hislat ham qayoqqa ketdi, yoʻq. Hazrat tanaffus oladi.

@hazratikursdosh

Yana bir proyektchani kalitini burab qo‘ydik, azizlar. Qo‘llab-quvvatlab turasizlar, degan umiddaman. Hamma narsa zerikarli bo‘lib qolganida, muammolardan charchab, yolg‘iz qolishni istaganda kanalga bir qur nazar solib chiqsangiz, ancha o‘zingizga kelib qolasiz.

📚 Kitob mutolaasi inson ruhiyatida ajib hissiyot, oʻzgacha quvvat va ichki xotirjamlik beradi. Sahifamizdagi goʻzal satrlar esa sizni mutolaa zavqini his qilishga undashi shubhasiz.

📍Shu bilan birga, kitobxonlarni hamkorlikka chaqiraman. Buning uchun kanalga tashrif buyursangiz bizga nima kerakligini tezda anglaysiz.

Barchamizga xayrli va manfaatli bo‘lsin. Sizlarni @mutolaazavqida kutaman!

@hazratikursdosh

Tirikchilikka ijod qo‘ymaydi, ijodga tirikchilik. Shu tarzda o‘tmoqda umr.

@hazratikursdosh

Samarqandda 6 kilometrlik metro qurilar ekan. Avvalroq tramvayni bergandik, endi metro. Samarqandga qaytamanmi, deymanda. Zora shu ketishda poytaxt boʻlib ketsa.

#uygaqaytdikmi

@hazratikursdosh

Yillar davomida anglagan haqiqatim shu bo‘ldiki, qancha urinmang baribir o‘qishda ham, ishda ham tinch uxlagani qo‘yishmas ekan.

@hazratikursdosh

Yangi ibora

14-yanvarning — 8-marti ham bor!

@hazratikursdosh

Toʻxtanglar-toʻxtanglar, men hozir Toshkan bilan gaplashdim. Yuqoridan buyruq keldi. 14-yanvardan keyin stipendiyalar tushirib beriladi ekan, keyin bemalol sarflovrasilar. Ob-havoga ham qaranglarda)

@hazratikursdosh

Bazida miya g‘ovlab, chuqur o‘yga tushaman. Birovi kelib turtmagunicha pinagimni ham buzmayman. Mana hozir ham shunday bir vaziyatda edim: Pul o‘zi kelib tursa, pul topish haqida umuman o‘ylamasang, faqat ijod bilan yotvolib shug‘ullansang, katta-katta asarlar yozsang... Simirib-simirib chanqog‘ingni bossang!

Yoki o‘zbek xalqiga haykal qo‘ygan Tog‘ay Murod kabi, tinchlik istaganda, odamlardan xafa bo‘lganda, ko‘ngil ozganida yoxud ilhom kelib yurak yonganida uy yerto‘lasiga kirib ketsammikan?

Yo‘q, menda unday joy ham, tanti ko‘ngil ham, vaqt ham yo‘q. Yongan yurak bor edi, uniyam suv sepib o‘chirishdi. Faqat tosh kabi bag‘ir qoldi; hech nimaga ko‘nmaydigan, hech kimga ishonmaydigan. Sotsam pul bo‘larmikan? Yo‘g‘-a, o‘zingga ravo ko‘rmaganni o‘zgaga ham ilinma, deyishadi. Qo‘yag‘ay!

...Qodiriy nima degandi, ha "daholarni yetishtirguchi bosh omil buzuq sharoit." Shuncha buzuq sharoitdan o‘tib keldim, daholikdan baholik yo‘q-ku? Bo‘lsa, nechuk sezilmaydir. Yo kamlik qildimikan? Yoshim! Til suyaksiz-da... o‘ylab ham bo‘lmaydi axir. Afshuuu, shomolladim shekilli. Hamma sharoitlar yaxshi bo‘lsa, O‘ziga shukr, bizdan daholar chiqarmidi?.. Chiqsa chiqar, yo‘qsa ot bilan tuya bo‘larmidi. Menga nima!

...To‘xta-to‘xta, adabiyot ichida bolani yig‘lagan ovozi nima qilyapti? U haqida o‘ylayotganim yo‘q edi-ku?! Ax, shunday o‘ylar-a, bolani tagligini alishtir, jonliroq emizsangchi bunday! Bog‘cha puliyam bu oydan sal ko‘tarilibdimi?.. Mashinamni kaliti qani, ko‘p qolib ketdim. Ro‘zg‘orga nimalar kerakligini yozib yuborarsan. Kuzatma!..

@hazratikursdosh

#talimxabari
❌ Darsga kelmagan “akademik qarzdor talaba”ning kursdan qoldirilish tartibi

(kredit-modul tizimi boʻyicha)

✅ 1 ta fan uchun 6 kredit ajratilgan.
✅ 1 kredit 30 soatga teng.
✅ 1 ta fanning 6 krediti 180 soat
✅ 180 soatning 40 foizi (72 soat) auditoriya soatiga, qolgan 60 foizi (108 soat) esa mustaqil taʼlimga ajratilgan.

Talaba auditoriya uchun ajratilgan 72 soatning ¼ qismini (yaʼni 18 soatni) qoldirsa, yakuniy nazoratga kiritilmaydi.

Yakuniy nazoratga kiritilmagan talaba akademik qarzdor hisoblanadi. Akademik qarzdor talaba kursdan qoldiriladi. Mana shu tariqa bakalavriat yoʻnalishidagi talaba 8 yil oliy taʼlim muassasasida qolishi mumkin.

P/s: Zato, akademik bo‘larkan-ku)

@hazratikursdosh