Gubkin.uz

#Халқаро_ҳамкорлик

⚡️Давлат хизматчиларининг компетенцияларини баҳолаш бўйича Корея тажрибаси ўрганилмоқда

Мазкур малака ошириш дастури Корея Республикаси Персонални бошқариш вазирлиги билан ҳамкорликда ташкил этилди.

Таъкидлаш жоизки, ўқув олий даражада эришилган келишувлар ижросини таъминлаш мақсадида ташкил этилди.

Мазкур малака ошириш курси Корея Республикаси Инсон ресурсларини ривожлантириш миллий институти (NHI) негизида бошқарув кадрларини комплекс баҳолаш соҳасида миллий эксперт-тренерларни тайёрлаш, шунингдек, миллий мутахассислар томонидан интервью ўтказиш, баҳолаш усулларини ишлаб чиқиш мақсадида ташкил қилинди.

Дастурда Раҳбар кадрларни баҳолаш марказига ассессорлар сифатида жалб қилинган идора ва ташкилотларнинг бошқарув ходимлари иштирок этмоқда.

Хизмат сафари якунлари бўйича раҳбар кадрларни баҳолаш тизимини такомиллаштириш мақсадида “Тренерлар учун тренинглар” (ТоТ) дастури ишлаб чиқилиши режалаштирилган.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

Joʻrabek Mirzamahmudov: Oʻz ustida ishlashdan charchamaydigan va intizomli mutaxassis har qanday tashkilotda qadrlanadi

Bugun, 18-dekabr kuni poytaxtimizdagi Yoshlar ijod saroyida Energetika vaziri Joʻrabek Mirzamahmudovning yoshlar bilan uchrashuvi boʻlib oʻtdi.

Tadbirda yoqilgʻi-energetika kompleksi korxonalarida mehnat qilayotgan yoshlar, xorijiy hamda qoʻshma korxonalar vakillari va talabalar qatnashdi. Shuningdek, Xalqaro yoshlar assambleyasining qoʻshni mamlakatlardagi vakillari ham anjumanda onlayn shaklda ishtirok etishdi.

Tadbirda J.Mirzamahmudov yoshlarga, avvalo, soʻnggi yillarda mamlakatimizda energetika sohasida amalga oshirilayotgan islohotlar mazmun-mohiyati haqida gapirib berdi. Shuningdek, oʻzining hayotiy tajribalari va qarashlari bilan ham oʻrtoqlashdi. Xususan, oʻzi qadrlaydigan besh jihat haqida berilgan savolga javob qaytararkan, oʻz ustida ishlashdan charchamaydigan, fidoyi, halol, intizomli va sabr-qanoatli xodim har qanday tashkilotda qadrlanishini aytib oʻtdi.

Qizgʻin savol-javoblar tarzida kechgan mazkur uchrashuvda yoqilgʻi-energetika kompleksi oldida turgan masalalar, rejalashtirilgan loyihalar xususida ham aytib oʻtildi.

Energetika vaziri anjuman davomida yoshlarga oʻqish va ishlarida asqotadigan muhim tavsiya hamda maslahatlarini berdi.

Telegram | Facebook | Instagram | YouTube | X | Veb-sayt

#xalqaro_aloqalar

Oʻzbekiston va Rossiya: neft-gaz taʼlimi sohasidagi hamkorlik istiqbollari

Oʻzbekiston Respublikasi Oliy taʼlim, fan va innovatsiyalar vazirining birinchi oʻrinbosari Shohrux Daliyev boshchiligidagi delegatsiya Moskvadagi I.M. Gubkin nomidagi Rossiya davlat neft va gaz universitetiga tashrif buyurdi. Tashrif doirasida delegatsiyani universitet rektori Viktor Martinov qabul qildi.

Uchrashuv davomida rektor delegatsiya aʼzolariga universitetning taʼlim va ilmiy faoliyati, shuningdek, amalga oshirilayotgan ilmiy tadqiqotlari va loyihalari haqida batafsil maʼlumot berdi. Delegatsiya universitetning zamonaviy laboratoriyalari va innovatsiyaga yoʻnaltirilgan loyihalari bilan yaqindan tanishdi. Shuningdek, universitetning neft va gaz sanoati uchun yuqori texnologik yechimlar, ekologik toza texnologiyalar va ilgʻor materiallar boʻyicha amalga oshirayotgan ishlariga alohida eʼtibor qaratildi.

Tashrif doirasida Toshkent shahridagi I.M. Gubkin nomidagi Rossiya davlat neft va gaz universiteti filiali faoliyati ham muhokama qilindi. Mazkur filial neft va gaz sohasi uchun yuqori malakali kadrlarni tayyorlash bilan bir qatorda taʼlimning zamonaviy talablarga mosligini taʼminlashda muhim oʻrin tutadi.

Tomonlar filialda kadrlar tayyorlash tizimini yanada takomillashtirish, oʻquv dasturlarini xalqaro standartlarga moslashtirish hamda amaliyotga yoʻnaltirilgan taʼlimni kengaytirish yuzasidan kelishuvlarga erishdilar.

Bizni kuzating

Facebook | Instagram | YouTube | Telegram