🇨🇳🇹🇯
Тожикистон Хитойга ҳудудининг бир қисмини берганми? 2011 йилда Тожикистон расмий равишда Хитойга 1,158 квадрат километр ҳудудини топширди. Бу қарор Тожикистон ва Хитой ўртасидаги узоқ йиллик чегара низоларига барҳам бериш мақсадида қабул қилинган. Аслида, Хитой 19 асрдан буён Тожикистоннинг шарқий ҳудудларига даъво қилиб келган. Мустақилликдан кейин Тожикистон бу масалани ҳал қилиш учун Хитой билан музокаралар олиб борди ва 2002 йилда чегараларни белгилаш бўйича шартнома имзоланди.
Ушбу келишув натижасида Тожикистон Хитойга Горно-Бадахшон мухтор вилоятининг шарқий қисмидаги тоғли ҳудудларни берди. Ҳукумат бу қарорни Хитой билан яхши муносабатларни сақлаш ва иқтисодий ёрдам олиш учун зарур деб ҳисоблаган. Чунки Хитой Тожикистонга энг йирик сармоядор давлатлардан бири бўлиб қолмоқда.
Бироқ бу қарор ички танқидларга сабаб бўлди. Айрим мухолиф кучлар буни миллий манфаатларга зид деб баҳолашди. Тожикистон Хитойга 1,158 квадрат километр ҳудуд берган бўлса-да, аслида Хитой 28 минг квадрат километр ерга даъво қилган ва музокаралар давомида Тожикистон ўзининг катта ҳудудини сақлаб қолишга муваффақ бўлган.
Шундай қилиб, Тожикистон ва Хитой ўртасидаги чегаравий масала расмий равишда ҳал бўлди. Лекин бу мавзу ҳанузгача баҳсли бўлиб қолмоқда.
Батафсил Gorizontда...